Eblée 3:19 - MAWUXÓWÉMA

¹⁹ Nǔgbó ɔ́, mǐ mɔ ɖɔ yě kún kpé wú, bó byɔ́ gbɔjɛ́ énɛ́ ɔ́ mɛ ó, ɖó nǔ e yě ma ɖi ǎ é wútu.

Eblée 3:19 Iomraidhean Croise

Ɖɛhan 106:24

Yě hu tɛ́ nú to e mɛ gbɛ ɖe é, ɖó yě ɖi nǔ nú xó e Mawu Mavɔmavɔ ɖɔ ɔ́ ǎ.

Maki 16:16

Mɛ e ná ɖi nǔ, bɔ è nǎ lɛ yɛhwesin n'i ɔ́ ná gán. Mɛ e ma ka na ɖi nǔ ǎ ɔ́, è nǎ ɖǒ hwɛ n'i.

Jǎan 3:18

Mɛ e ɖi nǔ nú vǐ ɔ́, Mawu ná ɖó hwɛ n'i ǎ; mɛ e ma ka ɖi nǔ n'i ǎ ɔ́, Mawu ko ɖó hwɛ nú mɛ énɛ́ xóxó, ɖó é ɖi nǔ nú Vǐɖokpónɔ Mawu tɔn ǎ wútu.

Jǎan 3:36

Mɛ e ɖi nǔ nú Vǐ ɔ́, mɔ gbɛ mavɔ mavɔ; mɛ e ma ka se tónú nú vǐ ɔ́ ǎ ɔ́, é ná mɔ gbɛ mavɔ mavɔ ǎ; lo ɔ́, xomɛsin Mawu tɔn ɖo jǐ tɔn.”

Hlɔ̌manu 11:23

Ényí Jwifu lɛ́ɛ lɛ́ kɔ sín nǔmaɖi yětɔn gúdo ɔ́, Mawu ná cá yě dó fí e yě ko ɖe ɖ'ayǐ é; ɖó é ɖó acɛ bó ná lɛ́ vɔ́ yě cá.

Sɛ́nflínmɛ 1:32

Mi ka ɖeji dó Mawu Mavɔmavɔ, Mawu mitɔn wú hwenɛ́nu ǎ.

2 Tɛsalonikinu 2:12

Énɛ́ ɔ́, mɛ e ma ɖi nǔ nú nǔgbó ɔ́ ǎ, bó ka nɔ yí wǎn nú nǔ agɔ wiwa lɛ́ɛ ɔ́, è nǎ ɖó hwɛ nú yě bǐ.

Eblée 3:12

Nɔví lɛ́ɛ mi, mi cɔ́ miɖée, bónú mɛɖé má ɖo mi mɛ, bó ɖó ayi nyanya, ayi e ma nɔ ɖi nǔ ǎ é, bó lɛ́ kɔ sín Mawu gbɛɖe ɔ́ gúdo ó.

1 Jǎan 5:10

Énɛ́ ɔ́, mɛ e ɖi nǔ nú Mawu ví ɔ́ é ɔ́, mɛ énɛ́ ɖó kúnnuɖiɖe énɛ́ ɔ́ ɖo ayi tɔn mɛ; mɛ e ma ka ɖi nǔ nú Mawu ǎ é sɔ́ Mawu dó ylɔ́ adingbannɔ; ɖó é ɖi nǔ nú kúnnu e Mawu ɖe nú vǐ tɔn é ǎ.

Judi 1:5

Nǔ élɔ́ lɛ́ɛ e ɖɔ nú mi gbé wɛ un ja din ɔ́, mi ko tunwun ganjí có un ka jló ná lɛ́ flín mi ɖɔ ée Aklúnɔ hwlɛ́n togun Izlayɛ́li tɔn ɔ́ gán, bó ɖe e sín Ejípu gúdo ɔ́, é wá hu mɛ e gbɛ́ ɖɔ émí kún ná ɖi nǔ n'i ó lɛ́ɛ bǐ.