Eblée 3:18 - MAWUXÓWÉMA

¹⁸ Hwenu e Mawu xwlé nǔ bó ɖɔ: “Yě ná byɔ́ to e mɛ un ná ná gbɔjɛ́ yě ɖe ɔ́ mɛ gbeɖé ǎ” ɔ́, mɛ̌ e mɛ̌ e xó ɖɔ wɛ é ka ɖe? Mɛ e fɔ́n gǔ lɛ́ɛ xó ɖɔ wɛ é ɖe.

Eblée 3:18 Iomraidhean Croise

Ɖɛhan 78:22

É sin xomɛ dó yě, ɖó nǔ e yě má ɖi n'i ǎ é wú; é sin xomɛ dó yě, ɖó yě gán jɛ hwlɛngán tɔn wú ǎ.

Kɛ́nsísɔ́ 14:11

Bɔ Mawu Mavɔmavɔ ɖɔ nú Mɔyízi ɖɔ: “Káká hwetɛ́nu wɛ togun élɔ́ ká ná gbɛ́ wǎn nú mì yi jɛ? Nǔjíwǔ tobutóbú e un bló ɖo tɛ́ntin yětɔn ɔ́ nɛ́ có, yě ɖǒ jiɖiɖe dó wǔ ce ǎ. Káká hwetɛ́nu wɛ yě ká ná nɔ mɔ̌ yi jɛ?

Kɛ́nsísɔ́ 14:23

ɖokpó ná mɔ to e un dó akpá tɔn nú tɔ́gbó yětɔn lɛ́ɛ ɖɔ un ná ná yě ɔ́ ǎ. Yě mɛ e gbɛ́ wǎn nú mì lɛ́ɛ ɖě ná mɔ to ɔ́ ǎ.

Kɛ́nsísɔ́ 14:30

Mi sɔ́ ná yi to e sín akpá un dó nú mi ɖɔ mi ná nɔ mɛ ɔ́ mɛ ǎ. Kalɛ́bu Yefunnɛ́ɛ ví ɔ́, kpódó Jozuwée Nuni ví ɔ́ kpó ná yi to ɔ́ mɛ.

Kɛ́nsísɔ́ 14:37

yě kú; Mawu Mavɔmavɔ sín alɔ jɛ yě wǔ, ɖó yě ɖɔ xó nyanya dó to ɔ́ wú.

Kɛ́nsísɔ́ 20:12

Bɔ Mawu Mavɔmavɔ ɖɔ nú Mɔyízi kpó Aalɔ́ɔn kpó ɖɔ: “Mi ɖeji dó wǔ ce ǎ, mi ɖe mǐmɛ́ e un nyí ɔ́ xlɛ́ ɖo Izlayɛ́li ví lɛ́ɛ nukún mɛ ǎ; énɛ́ ɔ́ wú ɔ́, midɛɛ lɛ́ɛ sɔ́ ná kplá togun élɔ́ yi to e un ná yě ɔ́ mɛ ǎ.”

Jǎan 3:36

Mɛ e ɖi nǔ nú Vǐ ɔ́, mɔ gbɛ mavɔ mavɔ; mɛ e ma ka se tónú nú vǐ ɔ́ ǎ ɔ́, é ná mɔ gbɛ mavɔ mavɔ ǎ; lo ɔ́, xomɛsin Mawu tɔn ɖo jǐ tɔn.”

Hlɔ̌manu 11:30

Đ'ayǐ ɔ́, mi vɛ́ tóli nú Mawu; amɔ̌ din ɔ́, mi tunwun nǔbláwǔkúnúmɛ Mawu tɔn, ɖó Jwifu lɛ́ɛ vɛ́ tóli nú Mawu wútu.

Sɛ́nflínmɛ 9:23

Mɔ̌ jɛ́n hwenu e Mawu Mavɔmavɔ sɛ́ mi dó Kadɛ́ci-Baanɛ́ya, bó ɖɔ mi ní yi to e émí ná mi é mɛ ɔ́, mi ma se tónú nú Mawu Mavɔmavɔ, Mawu mitɔn ǎ é nɛ́; mi ɖeji dó wǔ tɔn ǎ; mi ké ya nú xó e ɖɔ wɛ é ɖe lɛ́ɛ é ǎ.

Eblée 3:11

Đo xomɛsin ce mɛ ɔ́, un xwlé nǔ bó ɖɔ: ‘Yě ná byɔ́ to e mɛ un ná ná gbɔjɛ́ yě ɖe ɔ́ mɛ gbeɖé ǎ.’ ”

Eblée 4:11

Hǔn, mi bo nú mǐ ná dó gǎn, bó ná byɔ́ gbɔjɛ́ énɛ́ ɔ́ mɛ; mǐ ní bló gbɔn alɔkpa ɖé bónú mǐ mɛ ɖěbǔ ní ma vɛ́ tóli bó gɔn gbɔjɛ́ énɛ́ ɔ́ mɛ byɔ́ lě e mɛ e nɔ gbětótló mɛ lɛ́ɛ vɛ́ tóli gbɔn é ó.

Eblée 4:2

Đó mǐ se Wɛn Ɖagbe ɔ́ lě e mɛ e ɖo gbětótló mɛ ɖ'ayǐ lɛ́ɛ se gbɔn é. Yě se wɛn énɛ́ ɔ́; é ka wa ɖagbe ɖé nú yě ǎ; ɖó hwenu e yě se ɔ́, yě yí kpó nǔɖiɖi kpó ǎ.

Eblée 4:6

Énɛ́ ɔ́ wú ɔ́, mɛ ɖěvo lɛ́ɛ hɛn ɔ́, yě ná byɔ́ mɛ, ɖó mɛ nukɔntɔn e se Wɛn Ɖagbe ɔ́ lɛ́ɛ byɔ́ gbɔjɛ́ énɛ́ mɛ ǎ, ɖó yě tlí tó.