Eblée 3:17 - MAWUXÓWÉMA

¹⁷ Mɛ̌ e mɛ̌ e Mawu ka sin xomɛ dó káká nú xwe kanɖé? Mɛ e hu hwɛ, bó j'ayǐ bó kú ɖo gbětótló mɛ lɛ́ɛ wɛ.

Eblée 3:17 Iomraidhean Croise

Ɖɛhan 95:10

Yě mɛ énɛ́ lɛ́ɛ dó akpɔ nú mì xɔ xwe kanɖé (40), bɔ un ɖɔ togun élɔ́ sɔ́ ɖó ta ɖé ǎ. Yě mlɛ́ ali e un ɖe nú yě ɔ́ kpɛɖé ǎ.

Jelemíi 9:22

Xó e Mawu Mavɔmavɔ ɖɔ ɔ́ ɖíe: “Mɛ e ɖó nǔnywɛ́ ɔ́ má sɔ́ nǔnywɛ́ tɔn dó yí go ná ó; mɛ e dó hlɔ̌nhlɔ́n ɔ́ má sɔ́ hlɔ̌nhlɔ́n tɔn dó yí go ná ó. Mɛ e jɛ dɔkun ɔ́ má sɔ́ dɔkun tɔn dó yí go ná ó.

Kɛ́nsísɔ́ 14:22

Yě mɛ e mɔ susu ce, bó mɔ nǔjíwǔ e un bló ɖo Ejípu, bó bló ɖo gbětótló mɛ lɛ́ɛ, yě mɛ énɛ́ lɛ́ɛ e tɛ́n mì kpɔ́n azɔn mɔ̌kpán, lobo ma ɖótó mì ǎ lɛ́ɛ ɔ́,

Kɛ́nsísɔ́ 14:28

Mi yi ɖɔ nú yě ɖɔ: ‘Nyɛ Mawu Mavɔmavɔ ɔ́, un ɖo gbɛ; xó e mi ɖɔ bɔ un se lɛ́ɛ wɛ un ná dó wa nǔ xá mi.

Kɛ́nsísɔ́ 14:29

Mi bǐ wɛ ná kú ɖo gbětótló mɛ fí. Mi mɛ e è ko yí nyǐkɔ mitɔn, bó kó sɔ́ kɛ́n mitɔn, bɛ́ sín mɛ e ɖó xwe ko lɛ́ɛ jí, sɔ́ yi mɛ e ɖó hú mɔ̌ lɛ́ɛ jí ɔ́, mi bǐ wɛ ná kú, ɖó mi hlún nǔ ɖɔ dó wǔ ce.

Kɛ́nsísɔ́ 14:37

yě kú; Mawu Mavɔmavɔ sín alɔ jɛ yě wǔ, ɖó yě ɖɔ xó nyanya dó to ɔ́ wú.

Judi 1:5

Nǔ élɔ́ lɛ́ɛ e ɖɔ nú mi gbé wɛ un ja din ɔ́, mi ko tunwun ganjí có un ka jló ná lɛ́ flín mi ɖɔ ée Aklúnɔ hwlɛ́n togun Izlayɛ́li tɔn ɔ́ gán, bó ɖe e sín Ejípu gúdo ɔ́, é wá hu mɛ e gbɛ́ ɖɔ émí kún ná ɖi nǔ n'i ó lɛ́ɛ bǐ.