Eblée 3:16 - MAWUXÓWÉMA

¹⁶ Mɛ̌ e mɛ̌ e ka se Mawu sín gbe bó fɔ́n gǔ dó jǐ tɔn? Yě mɛ e Mɔyízi ɖe tɔ́n sín Ejípu lɛ́ɛ bǐ wɛ.

Eblée 3:16 Iomraidhean Croise

Ɖɛhan 78:17

É wa mɔ̌ có, yě lɛ́ fɔ́n bó ɖo hwɛ hu dó e wɛ. Yě fɔ́n, bó ɖo gǔ fɔ́n dó éyɛ́ Mawu Ajalɔ̌nlɔn ɔ́ jí wɛ ɖo akúgbéjí.

Ɖɛhan 78:40

Azɔn mɔ̌kpán wɛ yě fɔ́n gǔ dó jǐ tɔn ɖo gbětótló mɛ; azɔn mɔ̌kpán wɛ yě dó xomɛsin n'i ɖo axéko énɛ́ lɛ́ɛ jí.

Jelemíi 32:29

Babilɔ́nunu e ɖo ahwan tɔ́n ɛ wɛ lɛ́ɛ ná byɔ́ toxo ɔ́ mɛ, bó ná dó toxo ɔ́ zo; ɖo tají ɔ́, xwé e gbe è nɔ dó zǎlínkpɔ́n zo nú vodún Baalu ɖe, bó nɔ ba ahan nú nǔmɛsɛn lɛ́ɛ ɖe, bó ná dó dó xomɛsin nú mì ɖe lɛ́ɛ ɔ́, Babilɔ́nunu lɛ́ɛ na dó bǐ zo.

Jelemíi 44:3

Nǔ nyanya e mɛ e ɖo toxo énɛ́ mɛ lɛ́ɛ wa bó dó xomɛsin nú mì é wɛ zɔ́n. Yě nɔ́ xwlé zǎlínkpɔ́n vodún, bó nɔ́ sɛn yě. Lo ɔ́, yě ká kpé nǔɖé xá vodún énɛ́ lɛ́ɛ ɖ'ayǐ ǎ, mi kpó tɔ́gbó mitɔn lɛ́ɛ kpó tunwun yě ɖ'ayǐ ǎ.

Jelemíi 44:8

Étɛ́wú mi nɔ wa nǔ dó dó xomɛsin nú mì mɔ̌? Mi nɔ xwlé zǎlínkpɔ́n vodún ɖo Ejípu fí e mi hɔn wá cí é. Mi jló ná sú miɖée sín kún dó, lobo ná húzú awě kpó hɛ̌n kpó sín kpɔ́ndéwú, ɖo akɔta e ɖo gbɛ ɔ́ mɛ lɛ́ɛ tɛ́ntin wɛ a?

Kɛ́nsísɔ́ 14:11

Bɔ Mawu Mavɔmavɔ ɖɔ nú Mɔyízi ɖɔ: “Káká hwetɛ́nu wɛ togun élɔ́ ká ná gbɛ́ wǎn nú mì yi jɛ? Nǔjíwǔ tobutóbú e un bló ɖo tɛ́ntin yětɔn ɔ́ nɛ́ có, yě ɖǒ jiɖiɖe dó wǔ ce ǎ. Káká hwetɛ́nu wɛ yě ká ná nɔ mɔ̌ yi jɛ?

Kɛ́nsísɔ́ 14:2

Yě bǐ ɖó gbe kpɔ́, bó jɛ nǔ hlún ɖɔ dó Mɔyízi kpó Aalɔ́ɔn kpó wú jí, bó nɔ́ ɖɔ nú yě ɖɔ: “Ényí mǐ kó kú ɖo Ejípu ɔ́, é nyɔ́ hú; abǐ ényí mǐ gbɔ bó kú ɖo gbětótló ɔ́ mɛ fí ɔ́, é nyɔ́ hú!

Kɛ́nsísɔ́ 14:24

Amɔ̌, mɛsɛntɔ́ ce Kalɛ́bu ɔ́, ayi ɖo xomɛ nú éyɛ́, bɔ é nɔ gbejí nú mì. Énɛ́ ɔ́ wú ɔ́, un ná kplá ɛ yi to e é yi ba do ná ɔ́ mɛ, bó ná ná to ɔ́ vǐ tɔn lɛ́ɛ.

Kɛ́nsísɔ́ 14:30

Mi sɔ́ ná yi to e sín akpá un dó nú mi ɖɔ mi ná nɔ mɛ ɔ́ mɛ ǎ. Kalɛ́bu Yefunnɛ́ɛ ví ɔ́, kpódó Jozuwée Nuni ví ɔ́ kpó ná yi to ɔ́ mɛ.

Kɛ́nsísɔ́ 14:38

Jozuwée kpó Kalɛ́bu kpó kɛ́ɖɛ́ wɛ nyí mɛ e gán ɖo mɛ e Mɔyízi sɛ́ dó lɛ́ɛ mɛ é.

Kɛ́nsísɔ́ 14:4

Énɛ́ ɔ́, yě jɛ ɖiɖɔ nú yěɖée jí ɖɔ: “Mǐ ní sɔ́ gǎn ɖokpó ɖó mǐ nu, bó lɛ́ kɔ yi Ejípu.”

Kɛ́nsísɔ́ 26:65

É sɔ́ kpo yě ɖě ǎ, ɖó Mawu Mavɔmavɔ ko ɖɔ nú yě ɖ'ayǐ ɖɔ yě bǐ ná kú ɖo gbětótló mɛ, bɔ é kún sɔ́ ná kpo mɛ ɖé zɛ Kalɛ́bu Yefunnɛ́ɛ ví ɔ́ kpó Jozuwée Nuni ví ɔ́ kpó wú ó.

Sɛ́nflínmɛ 1:38

Amɔ̌, mɛsɛntɔ́ towe Jozuwée Nuni ví ɔ́ ná byɔ́ to ɔ́ mɛ. Nǎ ɛ akɔ́nkpinkpan, ɖó é wɛ ná kplá Izlayɛ́li ví lɛ́ɛ bɔ yě ná yí to ɔ́.”

Judi 1:5

Nǔ élɔ́ lɛ́ɛ e ɖɔ nú mi gbé wɛ un ja din ɔ́, mi ko tunwun ganjí có un ka jló ná lɛ́ flín mi ɖɔ ée Aklúnɔ hwlɛ́n togun Izlayɛ́li tɔn ɔ́ gán, bó ɖe e sín Ejípu gúdo ɔ́, é wá hu mɛ e gbɛ́ ɖɔ émí kún ná ɖi nǔ n'i ó lɛ́ɛ bǐ.