Eblée 3:14 - MAWUXÓWÉMA

¹⁴ Nǔgbó ɔ́, ényí mǐ hɛn jiɖiɖe e mǐ ɖó sín bǐbɛ́mɛ ɔ́ syɛ́nsyɛ́n káká yi fó hǔn, mǐ nyí hǎgbɛ́ Klísu tɔn.

Eblée 3:14 Iomraidhean Croise

Hlɔ̌manu 11:17

Togun Izlayɛ́li tɔn ɔ́ cí olívutín e è tun bó kpé nukún d'é wú, bɔ è jlǎ ala tɔn ɖé lɛ́ɛ ɔ́ ɖɔhun. Hwi mɛ e ma nyí Jwifu ǎ ɔ́, a cí olívutín gbě tɔn sín ala e è sɔ́ cá dó ala e è jlǎ lɛ́ɛ nu é ɖɔhun. Din ɔ́, hwi lɔ ɖo nǔɖuɖu ɖagbe e nɔ tɔ́n sín olívutín e è tun ɔ́ sín ɖɔ mɛ ɔ́ ɖu xá ɛ wɛ.

Hlɔ̌manu 11:22

Kpɔ́n lě e Mawu ɖe xomɛnyínyɔ́ tɔn kpó hunnylánylá tɔn kpó xlɛ́ gbɔn é: é nɔ́ nylá hun dó mɛ e hu hwɛ lɛ́ɛ, bó ka nyɔ́ xomɛ dó wú we; lo ɔ́, a ɖǒ ná nɔ xomɛnyínyɔ́ tɔn mɛ; é ma nyí mɔ̌ ǎ ɔ́, é ná gbo hwi lɔ síin atínla ɖɔhun.

1 Kɔlɛ́ntinu 1:30

Lo ɔ́, Mawu dɔn mi kpó Klísu Jezu kpán ɖó bǔ, bó sɔ́ ɛ dó ɖó nǔnywɛ́ mǐtɔn. Gbɔn Klísu Jezu jí ɔ́, mǐ húzú hwɛjijɔnɔ ɖo Mawu nukɔn; Mawu ɖe mǐ ɖó vo gbɔn jǐ tɔn; é hwlɛ́n mǐ sín hwɛ mǐtɔn lɛ́ɛ mɛ gbɔn jǐ tɔn.

1 Kɔlɛ́ntinu 10:17

Wɔ̌xúxú ɖokpó géé wɛ ɖe; nú mǐ tlɛ sukpɔ́ gbɔn ɖěbǔ ɔ́, agbaza ɖokpó géé wɛ mǐ nyí, ɖó wɔ̌xúxú ɖokpó ɔ́ wɛ mǐ bǐ má ɖu.

1 Kɔlɛ́ntinu 9:23

Wɛn Ɖagbe ɔ́ wú wɛ un ɖo nǔ énɛ́ lɛ́ɛ bǐ wa wɛ, bó ná sixú ɖó mǐmá ɖo ɖagbe e ɖo Wɛn Ɖagbe ɔ́ mɛ é mɛ.

Efɛ́zinu 3:6

Nǔbúdo ɔ́ ɖíe: mɛ e ma nyí Jwifu ǎ lɛ́ɛ ná mɔ nǔ ɖagbe e Mawu sɔ́ ɖó ayǐ nú togun tɔn ɔ́ yí xá mɛ e nyí Jwifu lɛ́ɛ, gbɔn Wɛn Ɖagbe ɔ́ jí. Yě bǐ nyí wǔjɔnú agbaza ɖokpó ɔ́ tɔn, bɔ akpá e Mawu dó ɔ́, yě lɔmɔ̌ ná ɖó mǐmá ɖ'é mɛ gbɔn Klísu Jezu jí.

Sɛ́nflínmɛ 1:35

“Mi vǐ baɖabaɖa élɔ́ lɛ́ɛ ɔ́, mɛ ɖěbǔ ɖo mi mɛ, bó ná byɔ́ to ɖagbe e sín akpá un dó nú tɔ́gbó mitɔn lɛ́ɛ é mɛ ǎ. Un ɖɔ bó tɛ afɔ jí.

1 Timɔtée 6:2

Kannumɔ e sín gǎn nyí nǔɖitɔ́ lɛ́ɛ ɖó ná gɔn gǎn yětɔn lɛ́ɛ sí, ɖó yě ko nyí nɔví nɔví ɖo nǔɖiɖi mɛ wútu ǎ; é nyɔ́ wa ɔ́, yě ɖó ná lɛ́ sɛn yě bɔ é ná hú lě e sɛn gbɔn wɛ yě ko ɖe ɖ'ayǐ ɔ́, ɖó mɛ e ɖo nǔ e wa wɛ yě ɖe ɔ́ sín le ɖu wɛ lɛ́ɛ ɔ́, nǔɖitɔ́ e yě yí wǎn ná lɛ́ɛ wɛ. Nǔ e a ná kplɔ́n yě ɔ́ kpódó Mawuxó e a ná ɖɔ nú yě ɔ́ kpán ɖíe:

Eblée 11:1

Nǔɖiɖi ɖíɖó wɛ nyí è nǐ ɖeji dó nǔ e ɖó nukún wɛ è ɖe ɔ́ wú; è nǐ gán jɛ nǔ e è ma mɔ ǎ é wú ɖɔ é tíin.

Eblée 12:10

Tɔ́ mǐtɔn ayǐkúngban jí tɔn lɛ́ɛ nɔ kplɔ́n mǐ nú hwenu kpɛɖé, lě e yě mɔ ɖɔ é sɔgbe gbɔn é. Lo ɔ́, Mawu nɔ kplɔ́n mǐ ɖó ɖagbe mǐ ɖésúnɔ tɔn wú, bónú mǐ ná sixú ɖó ɖo mǐmá Mawu tɔn mɛ.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

Eblée 3:6

Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.

Eblée 6:11

Amɔ̌ mǐ jló ɖɔ ɖokpó ɖokpó mitɔn ní ɖe bǐbí dó nǔ wú énɛ́ xlɛ́ káká sɔ́yi vivɔnu, bónú nǔ e ɖó nukún wɛ mi ɖe ɔ́ ná jɛ.

Eblée 6:4

Nǔgbó ɔ́, mɛ e lɛ́ jɛ gbɛ nyanya zán jí lɛ́ɛ ɔ́, nɛ̌ è ka sixú ɖɔ xó yětɔn gbɔn? È sɔ́ sixú dɔn yě wá hweɖévonu ɖɔ yě ní húzú gbɛ e zán wɛ yě ɖe ɔ́ ǎ, ɖó Mawu ví ɔ́ vɔ́ ká nyi aklúzu jí wɛ yě ɖe, bó ɖo hɛ̌n dó e wɛ agbawungba; ɖó yě ko mɔ wěziza Mawu tɔn yí kpɔ́n; yě ɖɔ̌ nǔníná Mawu tɔn ɔ́ kpɔ́n; yě lɔ mɔ Yɛsinsɛn yí. Yě ɖɔ̌ Mawuxó ɔ́ kpɔ́n, bó mɔ ɖɔ é nyɔ́, bó ɖɔ́ gbɛ e jǎwe ɔ́ sín hlɔ̌nhlɔ́n lɛ́ɛ kpɔ́n, có yě ka lɛ́ jɛ gbɛ nyanya zán jí.

1 Piyɛ́ɛ 4:13

É nyɔ́ wa ɔ́, mi jɛ awǎ ɖó mǐmá e mi ɖó ɖo ya e Klísu jí lɛ́ɛ mɛ é wútu, bónú awǎjijɛ ná gɔ́ ayi mɛ nú mi hwenu e Mawu ná ɖe Klísu ɔ́ sín susu xlɛ́ é.

1 Piyɛ́ɛ 5:1

Din ɔ́, mɛ e nyí agunmɛxó ɖo mi mɛ lɛ́ɛ ɖɔ xó ná wɛ un ɖe. Nyɛ lɔ ɔ́, agunmɛxó wɛ un nyí; un nyí kúnnuɖetɔ́ wǔvɛ́ e Klísu mɔ lɛ́ɛ tɔn, bó ɖó mǐmá ɖo susu e è nǎ wá ɖe xlɛ́ ɔ́ mɛ. Nǔ e ɖɔ nú yě wɛ un ɖe ɔ́ ɖíe:

1 Jǎan 1:3

Nǔ e mǐ mɔ lobo se ɔ́, mǐ ɖo ɖiɖɔ nú mi lɔmɔ̌ wɛ, bónú mi ná nɔ bǔ xá mǐ ɖo kɔnɖókpɔ́ e mǐ ɖó xá Tɔ́ ɔ́ kpódó Vǐ tɔn Jezu Klísu ɔ́ kpó ɔ́ gbla mɛ.