Eblée 3:13 - MAWUXÓWÉMA

¹³ É nyɔ́ wa ɔ́, mi nɔ ná akɔ́nkpinkpan miɖée ayǐhɔ́ngbe ayǐhɔ́ngbe káká yi jɛ hwenu e “Égbé din” e xó è ɖɔ dó Mawuxówéma ɔ́ mɛ ɔ́ ná ɖo azɔ̌ wa dó mǐ jí wɛ yi jɛ é, bónú ɖokpó mitɔn ma jó éɖée dó nú hwɛhuhu flú i, bónú é wá húzú tótlítɔ́ ó.

Eblée 3:13 Iomraidhean Croise

Nǔnywɛ́xó 28:26

Mɛ e ɖeji dó nǔ e ɖo ayi tɔn mɛ é kɛ́ɖɛ́ wú ɔ́, xlonɔ wɛ; mɛ e ka nɔ wa nǔ kpó nǔnywɛ́ kpó ɔ́ ná gló nǔ nyanya.

Ezayíi 44:20

Linlin yětɔn nɔ́ nɔ nǔ e nyí afín kpowun é jí. Ayi yětɔn e kó flú ɔ́ nɔ́ zɔ́n, bɔ yě nɔ́ ɖɔ gblǒ; vodún yětɔn lɛ́ɛ nɔ́ hwlɛ́n yě gán ǎ; lo ɔ́, yě ɖésúnɔ nɔ́ mɔ ɖɔ nǔ e émí zunfán ɔ́, xɛblɛ́nú kpowun wɛ ǎ.

Abudiyási 1:3

Goyíyí towe dɔn we bú ali. A yi cí sókan mɛ, bó yi jínjɔ́n só ta aga ɖéé, bó nɔ́ ɖɔ: ‘Mɛ̌ ká sixú kpíkpé mì sín fí nyi dodomɛ?’

Mɛsɛ́dó 11:23

Ée é wá, bó mɔ lě e Mawu wa ɖagbe nú togun ɔ́ gbɔn ɔ́, é hun xomɛ n'i, bɔ é ná akɔ́nkpinkpan yě bǐ, ɖɔ yě ní nɔ gbejí nú Aklúnɔ kpó ayixa ɖokpó kpó.

Hlɔ̌manu 7:11

Đó hwɛhuhu ɔ́ xwedó ali e é mɔ ɔ́, bó flú mì gbɔn sɛ́n ɔ́ jí; é lɛ́ gbɔn sɛ́n ɖokpó énɛ́ jí, bó hu mì.

Efɛ́zinu 4:22

Hǔn mi ɖó ná ɖe mɛ e mi nyí ɖ'ayǐ xóxó ɔ́ nyi ayǐ. Mɛ e mi nyí ɖ'ayǐ xóxó ɔ́ wɛ nɔ sɔ́ lě e mi nɔ zán gbɛ mitɔn gbɔn ɖ'ayǐ ɔ́ dó ayi mɛ nú mi. É wɛ jlǒ tɔn e nɔ blɛ́ mɛ lɛ́ɛ nɔ hɛn bú.

1 Tɛsalonikinu 2:11

Mi lɛ́ tunwun ɖɔ lě e vǐtɔ́ nɔ hɛn vǐ tɔn gbɔn ɔ́, mɔ̌ wɛ mǐ hɛn ɖokpó ɖokpó mitɔn gbɔn.

1 Tɛsalonikinu 4:18

Hǔn mi bo zé xó énɛ́ lɛ́ɛ dó dó wǔsyɛ́n lanmɛ nú miɖée.

1 Tɛsalonikinu 5:11

Hǔn, mi ná akɔ́nkpinkpan miɖée, bó dó wǔsyɛ́n lanmɛ nú miɖée, lě e bló gbɔn wɛ mi ko ɖe é.

2 Timɔtée 4:2

Jlǎ Mawuxó; nɔ tɛ ɖɛ̌ jí, bó nɔ ɖɔ hwebǐnu; hwe ɔ́ nu nyɔ́ kpó é ma nyɔ́ kpó ɔ́, a nǎ nɔ́ jlá; a nǎ nɔ́ sɔ́ xomɛfífá dó kɛ nu dó nǔ wú nú mɛ, dó gbɛ́ nǔ nú mɛ, bó dó ná akɔ́nkpinkpan mɛ ɖo nǔkplɔ́nmɛ towe lɛ́ɛ mɛ.

Eblée 13:22

Nɔví lɛ́ɛ mi, un ɖo byɔ̌byɔ́ mi wɛ ɖɔ mi ní ɖó sɔxwixwe, bó ɖótó akɔ́nkpinkpan sín xó e un ɖɔ sɛ́ dó mi lɛ́ɛ é; ɖó wěma élɔ́ e un wlán sɛ́ dó mi ɔ́ ɖi ga dín ǎ.

Jaki 1:14

Lo ɔ́, è nɔ jɛ tɛ́nkpɔ́n mɛ hwenu e jlǒ nyanya mɛ ɖésúnɔ tɔn dɔn mɛ, bɔ è jɛ mɔ mɛ é.