Eblée 3:12 - MAWUXÓWÉMA

¹² Nɔví lɛ́ɛ mi, mi cɔ́ miɖée, bónú mɛɖé má ɖo mi mɛ, bó ɖó ayi nyanya, ayi e ma nɔ ɖi nǔ ǎ é, bó lɛ́ kɔ sín Mawu gbɛɖe ɔ́ gúdo ó.

Eblée 3:12 Iomraidhean Croise

Bǐbɛ́mɛ 8:21

Bɔ Mawu Mavɔmavɔ se vɔ̌ ɔ́ sín wǎn, bɔ é nyɔ́ se n'i, bɔ é ɖɔ nú éɖée ɖɔ: “Un sɔ́ ná dó nu ayǐkúngban ɔ́ ɖě gbeɖé, ɖó dǎka xixo gbɛtɔ́ lɛ́ɛ tɔn wú ǎ, ɖó sín do wɛ gbɛtɔ́ kó ɖó ayi nyanya sín. Un ka sɔ́ ná vɔ nǔ e ɖo gbɛ ɖo ayǐkúngban ɔ́ jí lɛ́ɛ bǐ ɖě lě e un bló gbɔn din é ǎ.

Jɔ̌bu 21:14

Mɛdídá lɛ́ɛ ká kó ɖɔ nú Mawu ɖɔ: “Nǎ agbɔ̌n mǐ, mǐ ba ná tunwun nǔ e jló we ɔ́ ǎ.

Jɔ̌bu 22:17

Yě nɔ́ ɖɔ xó dó Mawu wú ɖɔ é ní gbɔ nú émí; Nǔbǐwúkpétɔ́ wɛ é nyí nǔgbó, amɔ̌, étɛ́ wɛ é sixú wa nú émí a jí.

Ɖɛhan 18:21

Mawu Mavɔmavɔ nɔ wa mɔ̌ nú mì, ɖó un ɖo gbejí n'i. É ná ajɔ mì, bɔ é sɔgbe xá walɔ ɖagbe e un ɖó é.

Nǔnywɛ́xó 1:32

Đó xlonɔ ɔ́, tónú má se tɔn wɛ nɔ hu i; gɔgɔnɔ ɔ́, nǔɖé má sɔ́ ylɔ́ ɖɔ nǔ tɔn nɔ zɔ́n bɔ é nɔ́ yi dɔn.

Ezayíi 59:13

Mǐ se tónú nú we ǎ, mǐ nɔ gbejí nú we ǎ, mǐ gbɛ́ ɖɔ mǐ kún ná xwedó hwi Mawu mǐtɔn ɔ́ ó. Lě e mǐ ná wa gbɔn bó táfú mɛ, bó fɔ́n gǔ é kɛ́ɖɛ́ xó wɛ mǐ nɔ́ ɖɔ. Nǔ e ɖo xo mǐtɔn mɛ ɔ́, adingban wɛ. Nǔ e ɖo ayi mǐtɔn mɛ ɔ́, adingban wɛ.

Jelemíi 11:8

Yě ká se ǎ, yě ɖótó xó ce lɛ́ɛ ǎ. Nǔ e yě xwe ɔ́ wɛ yě wa; linlin nyanya yětɔn lɛ́ɛ wɛ yě xwedó. Énɛ́ ɔ́, tódɔnnúmɛ e ɖo alɛnunu énɛ́ ɔ́ mɛ bɔ è wlǎn ɔ́, un dɔn nú yě, ɖó xó e un ɖɔ bó dó nu alɛ énɛ́ ɔ́ xá yě, bó ɖɔ yě ní xwedó, bɔ yě ma xwedó ǎ ɔ́ wú.’ ”

Jelemíi 16:12

Amɔ̌, midɛɛ lɛ́ɛ ɔ́, nǔ e mi dó sin lɛ́ɛ hú ée tɔ́gbó mitɔn lɛ́ɛ dó sin é. Nǔ e mi xwe ɔ́ wɛ mi nɔ wa, mi jló ná ɖótó mì ǎ.

Jelemíi 17:5

Xó e Mawu Mavɔmavɔ ɖɔ ɔ́ ɖíe: “Mɛ e nɔ ɖeji dó gbɛtɔ́ wú ɔ́, mɛ e nɔ sɔ́ gbɛtɔ́ dó ɖó gǎnjɛwú ɔ́, mɛ e nɔ lɛ́ kɔ sín nyɛ Mawu Mavɔmavɔ gúdo ɔ́, un ná dó nu i.

Jelemíi 17:9

Gbɛtɔ́ sín ayixa hízí; ayixa tɔn dá hú nǔ bǐ. È sixú gbɔ azɔn n'i ǎ; è sixú mɔ nǔ jɛ ayi tɔn mɛ ǎ.

Jelemíi 18:12

Lo ɔ́, yě ná ɖɔ: “Xó ɖé kpowun wɛ nyí xó énɛ́; nǔ e mǐ xwe ɔ́ wɛ mǐ na wa. Mɛ ɖokpó ɖokpó ná bló nǔ nyanya e ayi tɔn ɖɔ n'i é.”

Jelemíi 2:13

Hwɛ hǒxo wɛ togun ce hu: yě jǒ nyɛ mɛ e nyí tɔjɔtɛn e mɛ sin e nɔ ná gbɛ mɛ ɔ́ nɔ sa sín ɔ́ dó, bó yi kun sitɛ́nu; sitɛ́nu lɛ́ɛ bǐ ká gba, ɖě nɔ́ hɛn sin ǎ.”

Jelemíi 3:17

Hwe nɛ́ nu ɔ́, è nǎ ylɔ́ Jeluzalɛ́mu ɖɔ axɔ́súzinkpo Mawu Mavɔmavɔ tɔn. Akɔta lɛ́ɛ bǐ ná kplé ɖo fínɛ́ ɖo gɔ̌n ce. Yě sɔ́ ná xwedó ayixa baɖabaɖa e ɖo xo yětɔn mɛ lɛ́ɛ ɖě dó wa nǔ ǎ.

Jelemíi 7:24

Yě ká se ǎ, yě ɖǒtó xó ce ǎ. Nǔ e yě xwe ɔ́ wɛ yě wa; linlin nyanya yětɔn lɛ́ɛ wɛ yě xwedó. Gǔdo wɛ yě yi, yě yi nukɔn ǎ.

Ezekiyɛ́li 14:5

Gbe e un ná yí n'i ɔ́ ná hɛn hǔn nú Izlayɛ́li ví e jó mì dó, bó ɖó kan dó vodún yětɔn lɛ́ɛ wú lɛ́ɛ bǐ.

Ozée 1:2

Azɔn nukɔn nukɔntɔn e Mawu Mavɔmavɔ ɖɔ xó nú Ozée ɔ́, é ɖɔ n'i ɖɔ: “Yi da agalɛtɔ́ ɖokpó . Vǐ e é ná ji nú we lɛ́ɛ ná nyí agaví, ɖó mɛ e ɖo to ɔ́ mɛ lɛ́ɛ bǐ ɖo aga lɛ wɛ, yě jó nyɛ Mawu Mavɔmavɔ ɔ́ dó!”

Matíe 16:16

Sinmɔ́ɔ Piyɛ́ɛ ka yí gbe n'i ɖɔ: “Hwi wɛ nyí Klísu Mawu gbɛɖe ɔ́ sín Vǐ.”

Matíe 24:4

Jezu ka yí gbe nú yě ɖɔ: “Mi hɛn ayi mitɔn, bónú mɛɖé má wá blɛ́ mi ó,

Maki 13:23

Midɛɛ lɛ́ɛ ɔ́, mi bo ɖó ayi te, nǔ lɛ́ɛ bǐ nɛ́ un ko ɖɔ nú mi nɛ́.

Maki 13:33

Mi cɔ́ miɖée, bó ɖo acéjí, ɖó mi tunwun hwe ɔ́ nu ǎ.

Maki 13:9

“Amɔ̌, midɛɛ lɛ́ɛ ɔ́, mi hɛn ayi mitɔn, bó nɔ acéjí, ɖó yě ná wá dó tagba nú mi, bó ná nɔ́ kplá mi yi hwɛ nukɔn; yě ná nɔ́ xo mi ɖo kplɔ́ngbasá lɛ́ɛ, yě ná nɔ́ kplá mi yi axɔ́sú lɛ́ɛ kpódó tokpɔngán lɛ́ɛ kpó nukɔn, ɖó nyɛ wú, bónú mi ná nɔ́ ɖe kúnnu nú mì ɖo nukɔn yětɔn.

Luki 21:8

Jezu ka yí gbe nú yě ɖɔ: “Mi hɛn ayi nú mɛɖé má wá flú mi ó. Đó mɛ gěgé ná sɔ́ nyǐkɔ ce, bó ná wá xwetɔ́n, bó ɖɔ: ‘Nyɛ wɛ nyí Klísu ɔ́;’ hwenu e gbɛ ná vɔ dó ɔ́ ko sɛ yá kɛ́nnɛ́kɛ́nnɛ́; mi ma xwedó yě ó.

Hlɔ̌manu 11:21

Đó ényí Mawu ma jó Jwifu e nyí ala e jɔ kpó atín ɔ́ kpó lɛ́ɛ nyi tɛn yětɔn mɛ ǎ ɔ́, é ná jó hwi lɔ dó ǎ.

1 Kɔlɛ́ntinu 10:12

Énɛ́ ɔ́ wú ɔ́, mɛ e lin ɖɔ émí ɖo te ɔ́ ɖó ná cɔ́ éɖée, bó ma wá jɛ ayǐ ó.

Kolósinu 2:8

Mi cɔ́ miɖée, bónú mɛɖé ma zé mɛblɛ́blɛ́xó, xómaɖixó, nǔnywɛ́ gbɛtɔ́ tɔn dó dó gɛdɛ mi ó; nǔnywɛ́ énɛ́ ɔ́, nǔkplɔ́nmɛ gbɛtɔ́ lɛ́ɛ tɔn jí wɛ é jínjɔ́n, bó jínjɔ́n nǔɖoyɛswímɛ e ɖo gbɛ ɔ́ mɛ lɛ́ɛ sín hlɔ̌nhlɔ́n jí; é jínjɔ́n Klísu jí ǎ. Mi ma ɖótó yě ó;

1 Tɛsalonikinu 1:9

Mɛ lɛ́ɛ bǐ wɛ nɔ́ ɖɔ lě e mi yí mǐ gbɔn hwenu e mǐ wá mi gɔ́n é; mɛ lɛ́ɛ bǐ wɛ nɔ́ ɖɔ lě e mi jó nǔmɛsɛn lɛ́ɛ dó gbɔn, bó húzú jɛ Mawu gbɛɖe, Mawu nǔgbó ɔ́ li jí, bó ná wa azɔ̌ n'i,

Eblée 10:31

É hu ado ɖésú ɖɔ è nǐ jɛ Mawu gbɛɖe ɔ́ sín alɔ mɛ.

Eblée 10:38

Nǔ ɖo mɔ̌ có, mɛ e un mɔ dó mɔ hwɛjijɔnɔ ɖó nǔɖiɖi tɔn wú ɔ́ ná nɔ gbɛ. Amɔ̌ mɛ ɔ́ lɛ́ kɔ ɔ́, nǔ tɔn sɔ́ ná nyɔ́ nukún ce mɛ ǎ.”

Eblée 12:15

Mi cɔ́ miɖée, bónú mɛɖé ma sú fɛ́nú Mawu tɔn sín ali dó éɖée ó. Mɛɖěbǔ ní ma cí atín aɖǐvɛ́nɔ e nɔ wú, bó nɔ gba kún kpé fí bǐ, lobɔ aɖǐvɛ́ tɔn nɔ dó azɔn gbɛtɔ́ gěgé ɔ́ ɖɔhun ó.

Eblée 12:22

Lo ɔ́, midɛɛ lɛ́ɛ ɔ́, mi sɛkpɔ́ Sinyɔ́ɔ só ɔ́; mi sɛkpɔ́ Jeluzalɛ́mu sɛ́xwé tɔn, ée nyí toxo Mawu gbɛɖe ɔ́ tɔn é, bó sɛkpɔ́ wɛnsagun wɔ̌buwɔ́bú lɛ́ɛ.

Eblée 12:25

Mi cɔ́ miɖée bó ma gbɛ́ tó ɖó mɛ e ɖo xó ɖɔ nú mi wɛ é ó. Yě mɛ e gbɛ́ tó ɖó mɛ e ɖo Mawuxó ɖɔ nú yě wɛ ɖo ayǐkúngban jí fí ɔ́, yě gló tódɔnnúmɛ Mawu tɔn ǎ. Étɛ́ ka sɔ́ nyí mǐtɔn lo? Ényí mǐ ɖe kɔ dó mɛ e ɖo xó ɖɔ nú mǐ wɛ sín jǐxwé aga ɔ́, mǐ sixú gló tódɔnnúmɛ Mawu tɔn ǎ.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

Eblée 3:10

Énɛ́ ɔ́ wú wɛ xomɛ sin mì dó mɛ énɛ́ lɛ́ɛ wú, bɔ un ɖɔ: ‘Ayi yětɔn nɔ ɖo ali bú wɛ hwebǐnu. Yě mɔ nukúnnú jɛ nǔ e ba nú yě wɛ un ɖe ɔ́ wú ǎ.’

Eblée 3:19

Nǔgbó ɔ́, mǐ mɔ ɖɔ yě kún kpé wú, bó byɔ́ gbɔjɛ́ énɛ́ ɔ́ mɛ ó, ɖó nǔ e yě ma ɖi ǎ é wútu.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.