Eblée 3:11 - MAWUXÓWÉMA

¹¹ Đo xomɛsin ce mɛ ɔ́, un xwlé nǔ bó ɖɔ: ‘Yě ná byɔ́ to e mɛ un ná ná gbɔjɛ́ yě ɖe ɔ́ mɛ gbeɖé ǎ.’ ”

Eblée 3:11 Iomraidhean Croise

Ɖɛhan 106:26

Énɛ́ ɔ́ wú ɔ́, é wá sɔ́ alɔ dó jǐ, bó xwlé ɖɔ émí ná jó yě dó, bɔ yě bǐ ná kú ɖo gbětótló mɛ.

Ɖɛhan 95:11

Énɛ́ ɔ́, un sin xomɛ bó xwlé nǔ ɖɔ: Yě ná byɔ́ to e mɛ un ná ná gbɔjɛ́ yě ɖe ɔ́ mɛ ǎ.”

Kɛ́nsísɔ́ 14:25

Amalɛ́ki ví lɛ́ɛ kpódó Kanáanu lɛ́ɛ kpó ɔ́, tɔdo e ɖo gbě énɛ́ ɔ́ jí ɔ́ mɛ wɛ yě ɖe din. Sɔ su hǔn, mi lɛ́ kɔ gbɔn gbětótló mɛ, ɖo Xu Vɔvɔ ɔ́ sín awa jí.”

Kɛ́nsísɔ́ 14:35

Nyɛ Mawu Mavɔmavɔ wɛ ɖɔ mɔ̌! Lě e un ná wa togun baɖabaɖa élɔ́ e fɔ́n gǔ dó jǐ ce ɔ́ sín nǔ gbɔn ɔ́ nɛ́. Yě bǐ wɛ ná kú ɖo gbětótló mɛ fí. Mɛ ɖé ná kpo ǎ.’ ”

Sɛ́nflínmɛ 2:14

Cóbónú mǐ nǎ gosín Kadɛ́ci-Baanɛ́ya bó gbɔn Zelɛ́di tɔ ɔ́ mɛ dín ɔ́, xwe gbantɔ́n-nukún-atɔn (38) wɛ mǐ bló. Hwenɛ́nu ɔ́, mɛ e ɖó xwe e ná fun ahwan lɛ́ɛ bǐ kó kú, lě e Mawu Mavɔmavɔ ko ɖɔ gbɔn nú yě ɖ'ayǐ é.

Eblée 4:3

Mǐ mɛ e ɖi nǔ lɛ́ɛ ɔ́, mǐ ná byɔ́ gbɔjɛ́ énɛ́ ɔ́ mɛ; gbɔjɛ́ énɛ́ e wú Mawu ɖɔ xó dó bó ɖɔ: “Đo xomɛsin ce mɛ ɔ́, un xwlé nǔ bó ɖɔ: ‘Yě ná byɔ́ to e mɛ un ná ná gbɔjɛ́ yě ɖe ɔ́ mɛ gbeɖé ǎ.’ ” Xó e Mawu ɖɔ é nɛ́; é ká kó wa azɔ̌ tɔn fó sín hwenu e é ko ɖó gbɛ ɔ́ dó é ɖokpóó.

Eblée 4:5

É lɛ́ ɖɔ ɖo aga ɖɔ: “Yě ná byɔ́ to e mɛ un bló gbɔjɛtɛn ɖ'ayǐ nú yě ɖe ɔ́ mɛ gbeɖé ǎ.”

Eblée 4:9

Énɛ́ ɔ́, gbɔjɛ́ ɖé ɖo te nú togun Mawu tɔn, bó cí gbɔjɛ́ e Mawu gbɔjɛ́ azǎn tɛ́nwegɔ́ ɔ́ gbe ɔ́ ɖɔhun.