Eblée 3:10 - MAWUXÓWÉMA

¹⁰ Énɛ́ ɔ́ wú wɛ xomɛ sin mì dó mɛ énɛ́ lɛ́ɛ wú, bɔ un ɖɔ: ‘Ayi yětɔn nɔ ɖo ali bú wɛ hwebǐnu. Yě mɔ nukúnnú jɛ nǔ e ba nú yě wɛ un ɖe ɔ́ wú ǎ.’

Eblée 3:10 Iomraidhean Croise

Bǐbɛ́mɛ 6:6

Ée Mawu Mavɔmavɔ mɔ mɔ̌ ɔ́, gbɛtɔ́ e é bló ɔ́ wá vɛ́ n'i, bɔ akpɔ ɖó e.

Ɖɛhan 147:20

É bló mɔ̌ nú akɔta ɖěvo, akɔta ɖěvo sɔ́ tunwun nǔ e é zɔ́n lɛ́ɛ ǎ. Mi kpa Mawu Mavɔmavɔ!

Ɖɛhan 67:2

Mawu ce, ɖe xomɛnyínyɔ́ towe xlɛ́ mǐ, bó xo ɖɛ dó mǐ jí. Nukún towe mɛ ní hɔ́n dó mǐ jí; Agbɔ̌n

Ɖɛhan 78:40

Azɔn mɔ̌kpán wɛ yě fɔ́n gǔ dó jǐ tɔn ɖo gbětótló mɛ; azɔn mɔ̌kpán wɛ yě dó xomɛsin n'i ɖo axéko énɛ́ lɛ́ɛ jí.

Ɖɛhan 78:8

bó má wá cí tɔ́gbó yětɔn lɛ́ɛ ɖɔhun ó, bó má nyí gbɛtɔ́ tótlítɔ́, gǔfɔ́ntɔ́ ó, gbɛtɔ́ e ayi tɔn ma nɔ́ nɔ fí ɖokpó ǎ é, gbɛtɔ́ e má ɖo gbejí nú Mawu ǎ é ó.

Ɖɛhan 95:10

Yě mɛ énɛ́ lɛ́ɛ dó akpɔ nú mì xɔ xwe kanɖé (40), bɔ un ɖɔ togun élɔ́ sɔ́ ɖó ta ɖé ǎ. Yě mlɛ́ ali e un ɖe nú yě ɔ́ kpɛɖé ǎ.

Ezayíi 28:7

Gbeyíɖɔ Mawu tɔn lɛ́ɛ kpó vɔ̌sánú-xwlémawutɔ́ lɛ́ɛ kpó lɔ nu vɛ̌ɛn mú, bó nɔ́ ɖo gblǒ ɖɔ wɛ. Yě nɔ́ nu ahan mú bó nɔ́ ɖo sa fún wɛ. Vɔ̌sánú-xwlémawutɔ́ lɛ́ɛ kpó gbeyíɖɔ Mawu tɔn lɛ́ɛ kpó nɔ́ nu ahan mú, bó nɔ́ ɖo gblǒ ɖɔ wɛ. Yě nɔ́ nu vɛ̌ɛn mú, bɔ ayi yětɔn sɔ́ ɖo te ǎ. Yě nɔ́ nu ahan mú bó nɔ́ ɖo sa fún wɛ. Mawu ɖe nǔ xlɛ́ yě bónú yě ja ɖiɖɔ gbé ɔ́, gblǒ wɛ yě nɔ́ ɖɔ. Yě ɖo hwɛ ɖɔ wɛ ɔ́, xó yětɔn nɔ xwe ali ǎ.

Ezayíi 63:10

Lo ɔ́, yě fɔ́n gǔ dó jǐ tɔn, yě dó awakanmɛ kú nú yɛmímɛ́ tɔn. Bɛ́ sín hwenɛ́nu ɔ́, é húzú kɛntɔ́ yětɔn, bó fun ahwan xá yě.

Jelemíi 4:22

Mawu ɖɔ: “Dandan mɛ ɔ́, togun ce ɔ́, taɖu wɛ é hun; é tunwun mì ǎ. Vǐ ɖé lɛ́ɛ wɛ yě nyǐ bó ɖó tamɛ ǎ. Yě bǐ ǎ; nǔ nyanya kɔn wɛ yě nɔ́ yá alɔ ɖe. Yě nyɔ́ nǔ ɖagbe wa ǎ.”

Ozée 4:12

Togun ce yi kan nǔ ɖo atín vodún tɔn ɔ́ gɔ́n; é ɖɔ vodún ɔ́ ní ɖɔ xó nú émí. Aga jɔhɔn dɔn yě bú. Yě klán sín nyɛ Mawu yětɔn ɔ́ wú, yě dó afɔ gbě.

Matíe 20:24

Ée Jezu sín ahwanvú wǒ ɖě lɛ́ɛ se xó énɛ́ ɔ́, yě sin xomɛ dó nɔví nɔví we énɛ́ lɛ́ɛ.

Maki 3:5

Énɛ́ ɔ́, akpɔ ɖó e dó tótlítlí yětɔn wú, bɔ é kpɔ́n yě xaan lɛ́ dó kpódó xomɛsin kpó, bó ɖɔ nú nya ɔ́ ɖɔ: “Dlɛ̌n alɔ towe”, bɔ é dlɛ́n alɔ, bɔ alɔ tɔn jɛ tɛn tɔn mɛ.

Jǎan 8:45

Amɔ̌, nyɛ ɔ́, nǔgbó wɛ un nɔ ɖɔ; énɛ́ ɔ́ wú wɛ mi ma nɔ ɖi nǔ nú mì ǎ.

Hlɔ̌manu 1:28

Ée yě gbɛ̌ ɖɔ émí kún ná tunwun Mawu ó é ɔ́, Mawu jǒ yě dó bɔ yě nɔ wa nǔ e linlin masɔgbe yětɔn jló lɛ́ɛ é, bó nɔ́ ɖo nǔ e yě má ɖó ná wa ǎ é wa wɛ.

Hlɔ̌manu 3:7

Lo ɔ́, ényí adingban ce nɔ lɛ́ ɖe nǔgbó Mawu tɔn xlɛ́ d'é jí, bó nɔ́ sɔ́ ɛ su ɔ́, étɛ́ wú Mawu ka ná ɖó hwɛ nú mì hwɛhutɔ́ wɛ un nyí ɖɔhun?

Efɛ́zinu 4:30

Mi ma wa nǔ bónú wǔ kú Yɛsinsɛn Mawu tɔn ó; Yɛsinsɛn énɛ́ wɛ nyí wuntun Mawu tɔn e ɖo mi wú é. É wɛ nyí gǎnjɛwú mǐtɔn ɖɔ ayǐ ɖé ná wá hɔ́n, bɔ Mawu ná ɖe mǐ sín nǔ nyanya mɛ bǐ sésé.

Eblée 3:12

Nɔví lɛ́ɛ mi, mi cɔ́ miɖée, bónú mɛɖé má ɖo mi mɛ, bó ɖó ayi nyanya, ayi e ma nɔ ɖi nǔ ǎ é, bó lɛ́ kɔ sín Mawu gbɛɖe ɔ́ gúdo ó.

Hwɛɖɔtɔ́ 10:16

Énɛ́ ɔ́ gúdo ɔ́, yě bɛ̌ vodún lɛ́ɛ kɔn nyi gbě, bó lɛ́ jɛ Mawu Mavɔmavɔ sɛn jí. Bɔ ya e ji wɛ yě ɖe ɔ́ blá wǔ nú Mawu Mavɔmavɔ.