Eblée 2:9 - MAWUXÓWÉMA

⁹ Nǔ e mɔ wɛ mǐ ɖe ɔ́ ɖíe: Mawu sɔ́ Jezu hwe ɖo wɛnsagun lɛ́ɛ glɔ́ nú hwenu kpɛɖé, bónú é ní kú dó gbɛtɔ́ lɛ́ɛ bǐ tamɛ gbɔn fɛ́nú Mawu tɔn gbla mɛ, bɔ mǐ ka ɖo mimɔ ɛ wɛ din bɔ è sɔ́ susu kpódó yɛ̌yi kpán sín axɔ́súgbákún xwe n'i ɖó ya e é ji, bó kú ɔ́ wú.

Eblée 2:9 Iomraidhean Croise

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

Ezayíi 11:1

Atínta Jɛsée tɔn ná tɔ́n ama; ɖɔ tɔn ná tɔ́n kun.

Ezayíi 7:14

Din ɔ́, Aklúnɔ ɖésú ɖo xlɛ̌ ɖokpó ná mi wɛ: Éɖíe, ɖyɔ̌vǐ ɔ́ ná mɔ xo, bó ná ji vǐ súnnu ɖokpó. É ná sun nyǐ vǐ ɔ́ ɖɔ Emanuwɛ́li, ‘Mawu ɖo kpɔ́ xá mǐ.’

Matíe 16:28

Ma ɖɔ nǔgbó nú mi: mɛɖé lɛ́ɛ ɖo mi mɛ fí din, bó ná ko kú cóbó ná mɔ nyɛ Gbɛtɔ́ví ɔ́ wá ɖu axɔ́sú ɖo gbɛtɔ́ lɛ́ɛ nu ǎ.”

Matíe 6:28

“Étɛ́wútu mi ka nɔ ɖo tagba jɛ dó nǔ e mi ná dó ɔ́ wú wɛ? Mi kpɔ́n lě e folówa lɛ́ɛ nɔ su gbɔn ɖo gběhan lɛ́ɛ mɛ é; yě nɔ wa azɔ̌ ɖě ǎ, yě ká nɔ lɔn avɔ ǎ.

Maki 9:1

Jezu ka lɛ́ ɖɔ nú yě ɖɔ: “Má ɖɔ nǔgbó nú mi, mɛɖé lɛ́ɛ ɖo mi mɛ fí din, bó ná kó kú cóbó ná mɔ axɔ́súɖuɖu Mawu tɔn ná wá kpódó hlɔ̌nhlɔ́n kpó ǎ.”

Luki 9:27

Má ɖɔ nǔgbó nú mi: mɛ ɖé lɛ́ɛ ɖo mi mɛ fí din, bó ná kó kú cóbó ná mɔ axɔ́súɖuɖu Mawu tɔn ɔ́ ǎ.”

Jǎan 1:29

Ayǐhɔ́ngbe tɔn ɔ́, Jǎan mɔ Jezu jǎwe bó ɖɔ: “Mi kpɔ́n! Lɛ̌ngbɔ́ví Mawu tɔn e nɔ sɔ́ hwɛ kɛ gbɛtɔ́ lɛ́ɛ ɔ́ ɖíe.

Jǎan 10:17

“Tɔ́ ɔ́ yí wǎn nú mì, ɖó un sɔ́ gbɛ ce dó sá vɔ̌ ná, bó ná sixú lɛ́ vɔ́ yí.

Jǎan 12:32

Hwenu e è nǎ sɔ́ mì sín ayǐkúngban jí dó jǐ ɔ́, un ná dɔn gbɛtɔ́ lɛ́ɛ bǐ dó wǔ.”

Jǎan 3:16

Đó Mawu yí wǎn nú gbɛtɔ́ sɔ mɔ̌, bó sɔ́ Vǐɖokpónɔ tɔn jó, bónú mɛ e ná ɖi nǔ n'i lɛ́ɛ ɖěbǔ ma dɔn ó; lo ɔ́, yě bǐ ní mɔ gbɛ mavɔ mavɔ.

Jǎan 8:51

Má ɖɔ nǔgbó nú mi: ényí mɛɖé se xó ce, bó bló ɖ'é jí ɔ́, mɛ ɔ́ ná kú gbeɖé ǎ.”

Jǎan 8:52

Jwifu e gbɛ́ wǎn nú Jezu lɛ́ɛ yí gbe n'i ɖɔ: “Mǐ mɔ din ɖɔ yɛ nyanya wɛ ɖo jǐ towe nǔgbó; Ablaxámu ko kú wá yi, bɔ gbeyíɖɔ Mawu tɔn lɛ́ɛ bǐ ko kú, hwɛ ka wá ɖɔ din ɖɔ: ‘Ényí mɛɖé se xó ce bó bló ɖ'é jí ɔ́, mɛ ɔ́ ná kú gbeɖé ǎ.’

Mɛsɛ́dó 2:33

bɔ din e Mawu sɔ́ ɛ su, bó sɔ́ ɛ jínjɔ́n akpá, ɖo ɖisí tɔn xwé ɔ́, Mawu tɔ́ tɔn sɔ́ Yɛsinsɛn e sín akpá é dó nú mǐ ɔ́ jó n'i, bɔ é gba kɔn nyi mǐ jí; nǔ e mɔ wɛ mi ɖe, bó ɖo sise wɛ din ɔ́ nɛ́.

Mɛsɛ́dó 3:13

Mawu Ablaxámu tɔn, Izáki tɔn, Jakɔ́bu tɔn, Mawu tɔ́gbó mǐtɔn lɛ́ɛ tɔn wɛ sɔ́ mɛsɛntɔ́ tɔn Jezu sɔ́ su. Jezu e mi jó nú gǎn lɛ́ɛ, lobo gbɛ́ ɛ ɖo Pilátu nukɔn hwenu e éyɛ́ jló ná ɖe e nyi te é.

Hlɔ̌manu 5:18

Hǔn nǔ e gbɛtɔ́ ɖokpó géé wa nyi do ɔ́ dɔn hwɛɖónúmɛ wá nú gbɛtɔ́ bǐ, mɔ̌ ɖokpó ɔ́ jɛ́n azɔ̌ jlɔ́jlɔ́ e gbɛtɔ́ ɖokpó géé (Jezu Klísu) wa ɔ́ ɖe gbɛtɔ́ lɛ́ɛ bǐ sín hwɛɖónúmɛ mɛ, bó ná gbɛ yě.

Hlɔ̌manu 5:8

Amɔ̌, Mawu ɖe lě e é yí wǎn nú mǐ sɔ́ ɔ́ xlɛ́ mǐ, ɖó hwenu e mǐ kpo ɖo hwɛhutɔ́ nyí wɛ ɔ́ wɛ Klísu kú dó ta mǐtɔn mɛ.

Hlɔ̌manu 8:3

Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

Hlɔ̌manu 8:32

Éyɛ́ mɛ e ma hwlɛ́n Vǐ é ɖésúnɔ tɔn ǎ, bó sɔ́ ɛ jó dó mǐ bǐ tamɛ ɔ́, nɛ̌ é ma ka ná ná nǔ bǐ mǐ kpó Vǐ tɔn kpó ǎ gbɔn?

2 Kɔlɛ́ntinu 5:15

É kú dó mɛ bǐ tamɛ, bónú mɛ e ɖo gbɛ lɛ́ɛ ɔ́, yě ma sɔ́ nɔ gbɛ nú yě ɖésúnɔ ó; lo ɔ́, yě ní nɔ gbɛ nú mɛ e kú dó yě tamɛ, bɔ è lɛ́ fɔ́n ɛ wá gbɛ dó yě tamɛ é.

2 Kɔlɛ́ntinu 5:21

Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

1 Timɔtée 2:6

Klísu Jezu énɛ́ ɔ́ wɛ sɔ́ éɖée jó, bó dó xɔ gbɛ nú mɛ bǐ. Ée hwenu e Mawu ɖó ɔ́ wá su ɔ́, lě e é ɖe xlɛ́ ɖɔ Mawu jló ɖɔ gbɛtɔ́ lɛ́ɛ bǐ ní mɔ hwlɛngán gbɔn é nɛ́.

Eblée 1:9

A yǐ wǎn nú hwɛjijɔ, bó gbɛ́ wǎn nú nǔ nyanya; énɛ́ ɔ́ wú wɛ Mawu, Mawu towe kɔn awǎjijɛ sín ami dó ta nú we, bó dó sɔ́ we bɔ a hú gǎn hǎgbɛ́ towe lɛ́ɛ.”

Eblée 10:5

Énɛ́ ɔ́ wú wɛ hwenu e Klísu ɖo gbɛ ɔ́ mɛ ná byɔ́ wɛ ɔ́, é ɖɔ nú Mawu ɖɔ: “A ba vɔ̌sísá ǎ, a ka ba nǔníná ǎ; lo ɔ́, a nǎ agbaza ɖokpó mì.

Eblée 11:5

Nǔɖiɖi e Henɔci ɖó ɔ́ wɛ zɔ́n bɔ é ma kú ǎ. È sɔ́ ɛ yi jǐxwé, bɔ mɛɖé sɔ́ mɔ ɛ ǎ; ɖó Mawu wɛ sɔ́ ɛ yi. Mawuxówéma ɔ́ ɖɔ: cóbónú Mawu ná sɔ́ ɛ yi jǐxwé ɔ́, nǔ tɔn ko nyɔ́ nukún tɔn mɛ.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 2:7

A sɔ́ ɛ hwe ɖo wɛnsagun lɛ́ɛ glɔ́ nú hwenu kpɛɖé, bó ka sɔ́ susu kpódó yɛ̌yi kpán sín axɔ́súgbákún xwe n'i.

Eblée 7:25

Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

Eblée 8:3

Vɔ̌sánú-xwlémawutɔ́ ɖaxó ɖěbǔ ɔ́, è nɔ sɔ́ ɛ nú é ná xwlé nǔníná kpó vɔ̌sánú kpó Mawu. Hǔn é ɖo dandan mɛ ɖɔ vɔ̌sánú-xwlémawutɔ́ ɖaxó mǐ lɔ tɔn ní ɖó nǔɖé bó ná xwlé Mawu.

1 Piyɛ́ɛ 1:21

É jí wɛ mi gbɔn bó ɖi nǔ nú Mawu e fɔ́n ɛ sín kú, bó sɔ́ ɛ su é; énɛ́ ɔ́, nǔɖiɖi mitɔn kpó nukúnɖíɖó mitɔn kpó ɖo Mawu jǐ.

1 Jǎan 2:2

É wɛ sɔ́ éɖée dó sá vɔ̌ ná, bónú Mawu ná sɔ́ hwɛ mǐtɔn lɛ́ɛ kɛ mǐ. É ká nyí hwɛ mǐdɛɛ lɛ́ɛ tɔn kɛ́ɖɛ́ wɛ Mawu ná sɔ́ kɛ mǐ ǎ; é ná lɛ́ sɔ́ gbɛtɔ́ bǐ sín hwɛ kɛ yě.

Nǔɖexlɛ́mɛ 19:12

Nukún tɔn lɛ́ɛ nɔ kán zo myɔ ɖɔhun, bɔ axɔ́súgbákún gěgé ɖo ta tɔn. È wlǎn nyǐkɔ ɖé ɖó wǔ tɔn, bɔ mɛ ɖěbǔ tunwun nyǐkɔ ɔ́ zɛ é ɖésúnɔ wú ǎ.

Nǔɖexlɛ́mɛ 5:9

Yě ɖo han yɔ̌yɔ́ ɖé ji wɛ ɖɔ: “A nyǐ mɛ e jɛ xá bó ná yí wěma ɔ́, bó gba wuntun lɛ́ɛ é; ɖó è hu we, bɔ gbɔn hun towe gbla mɛ ɔ́, a xɔ gbɛ nú gbɛtɔ́ lɛ́ɛ nú Mawu, ɖo gbe lɛ́ɛ bǐ mɛ, ɖo togun lɛ́ɛ bǐ mɛ, ɖo to lɛ́ɛ bǐ mɛ.