Eblée 2:8 - MAWUXÓWÉMA

⁸ A sɔ́ nǔ bǐ dó afɔ tɔn glɔ́.” Ée è ɖɔ Mawu sɔ́ nǔ bǐ dó acɛ tɔn mɛ ɔ́, é xlɛ́ ɖɔ nǔ ɖěbǔ kún ɖe bɔ é gɔn acɛ tɔn mɛ sɔ́ ɖó ó. É ka ɖo mɔ̌ có, mǐ kó ɖo mimɔ wɛ din ɖɔ é ɖó acɛ ɖo nǔ lɛ́ɛ bǐ nu ǎ.

Eblée 2:8 Iomraidhean Croise

Ɖɛhan 2:6

É ɖɔ nú yě ɖɔ: “Nyɛ wɛ sɔ́ axɔ́sú ce ɖó zinkpo jí ɖo Sinyɔ́ɔ, só mímɛ́ ce jí.”

Ɖɛhan 8:6

A blǒ gbɛtɔ́, bɔ kpɛɖé jɛ́n hwi ɖésú hú gǎn ɛ. A sɔ́ ɛ su ɖésú; a wlǐ yɛ̌yi n'i tawun.

Daniyɛ́li 7:14

È ná ɛ acɛkpikpa kpó susu kpó, kpódó axɔ́súɖuɖu kpó, bónú togun lɛ́ɛ, akɔta lɛ́ɛ kpódó gbɛtɔ́ e nɔ dó gbe alɔkpa alɔkpa lɛ́ɛ kpó bǐ ná sɛn ɛ. Acɛkpikpa tɔn nyí acɛkpikpa ɖé, bó ná nɔ ayǐ káká sɔ́yi; é ná ɖó vivɔnu ǎ, mɛɖé ká ná sixú gba axɔ́súɖuto tɔn gbeɖé ǎ.

Matíe 28:18

Jezu ka sɛ yá yě, bó ɖɔ nú yě ɖɔ: “Mawu ná acɛ e ɖo jǐnukúnsin, kpódó ée ɖo ayǐkúngban jí ɔ́ kpó bǐ mì.

Jǎan 13:3

Ée Jezu ka tunwun ɖɔ Mawu ko sɔ́ nǔ bǐ dó alɔ mɛ nú émí, bɔ gɔ̌n tɔn wɛ e mi gosín, bó ka lɛ́ lɛ́ kɔ xwe gɔ̌n tɔn ɔ́,

Jǎan 3:35

Tɔ́ ɔ́ yí wǎn nú Vǐ ɔ́, bó sɔ́ nǔ lɛ́ɛ bǐ dó alɔ tɔn mɛ.

1 Kɔlɛ́ntinu 15:27

Nǔgbó ɔ́, Mawuxówéma ɔ́ ɖɔ: “Mawu bɛ̌ nǔ bǐ dó afɔ tɔn lɛ́ɛ glɔ́.” Lo ɔ́, è ɖǒ ná mɔ nukúnnú jɛ wú ɖɔ “nǔ bǐ” énɛ́ e è ɖɔ ɔ́, Mawu e sɔ́ nǔ bǐ dó Klísu glɔ́ ɔ́ kún ɖ'é mɛ ó.

Eblée 1:13

Mawu ɖɔ nú wɛnsagun tɔn lɛ́ɛ ɖě gbeɖé ɖɔ: “Jǐnjɔ́n ɖisí ce xwé fí káká nú ma sɔ́ kɛntɔ́ towe lɛ́ɛ dó húzú afɔɖótɛn nú we” ǎ.

Eblée 1:2

Amɔ̌, ɖo azǎn élɔ́ lɛ́ɛ, éé ɖo azǎn gǔdo gúdo tɔn nyí wɛ lɛ́ɛ mɛ ɔ́, é ɖɔ xó nú mǐ gbɔn vǐ tɔn jí; é jí wɛ Mawu ɖó gbɛ ɔ́ gbɔn; é wɛ Mawu sɔ́, bó zé nǔ lɛ́ɛ bǐ dó así ná.

Eblée 2:5

Nǔgbó ɔ́, ényí wɛnsagun lɛ́ɛ wɛ Mawu ná acɛ dó gbɛ́ e jǎwe, bɔ mǐ ɖo xó tɔn ɖɔ wɛ ɔ́ nu ǎ.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.

Nǔɖexlɛ́mɛ 1:18

Nyɛ wɛ nyí mɛ gbɛɖe ɔ́. Un ko kú ɖ'ayǐ; amɔ̌ din ɔ́, un ɖo gbɛ hwebǐnu; kú kpódó kútomɛ kpán sín cávi ɖo así ce.