Eblée 2:4 - MAWUXÓWÉMA

⁴ Azɔn ɖokpó ɔ́, Mawu ɖe wuntun tɛnmɛ tɛnmɛ lɛ́ɛ xlɛ́, bó jlɛ́ nǔ tɛnmɛ tɛnmɛ kpódó nǔdábaɖa tɛnmɛ tɛnmɛ kpó gbɔn yě jí, bó dó ɖe xlɛ́ ɖɔ émí yí gbe nú kúnnuɖiɖe yětɔn. É lɛ́ má Yɛsinsɛn sín nǔníná lɛ́ɛ lě e é jló e gbɔn é.

Eblée 2:4 Iomraidhean Croise

Maki 16:20

Ahwanvú tɔn lɛ́ɛ ka sɔ́nǔ, bó jɛ Mawuxó jlá jí gbɔn fí bǐ. Aklúnɔ nɔ́ dó alɔ yě ɖo azɔ̌ énɛ́ kɔn, bó nɔ́ ɖe xlɛ́ ɖɔ xó e ɖɔ wɛ yě ɖe ɔ́ nyí nǔgbó, gbɔn nǔdábaɖa e yě nɔ́ jlɛ́ lɛ́ɛ gbla mɛ.]

Maki 6:14

Axɔ́sú Elódu ka se nǔ e jlɛ́ wɛ Jezu ɖe lɛ́ɛ, ɖó nyǐkɔ tɔn gba kpé fí bǐ. Énɛ́ ɔ́, é ɖɔ: “Jǎan Yɛhwesinlɛnúmɛtɔ́ ɔ́ wɛ fɔ́n sín kú, nǔ e wútu wɛ é ɖó hlɔ̌nhlɔ́n, bó ɖo nǔ énɛ́ lɛ́ɛ jlɛ́ wɛ ɔ́ nɛ́.”

Jǎan 15:26

“Gbɔdónúmɛtɔ́ ɔ́ ná wá. Yɛ e nyí nǔgbó, bó gosín Tɔ́ ɔ́ gɔ́n ɔ́ wɛ. Un ná sɛ́ ɛ dó mi sín Tɔ́ ɔ́ gɔ́n. Hwenu e é ná wá ɔ́, é ná ɖe kúnnu nú mì;

Jǎan 4:48

Jezu ka ɖɔ n'i ɖɔ: “Ényí mi ma ko mɔ nǔjíjlɛ́ lɛ́ɛ kpódó nǔdábaɖa lɛ́ɛ kpó ǎ ɔ́, mi ná ɖi nǔ ǎ.”

Mɛsɛ́dó 14:3

Pɔ́lu kpódó Baanabási kpán nɔ fínɛ́ ɖésú. Yě nɔ ɖɔ xó kpódó jiɖiɖe kpó. Aklúnɔ ká ná acɛ yě, bɔ yě nɔ́ ɖo nǔ tɛnmɛ tɛnmɛ jlɛ́ wɛ, bó nɔ́ ɖo nǔdábaɖa lɛ́ɛ jlɛ́ wɛ, bó ná dó ɖe xlɛ́ ɖɔ nǔ e ɖɔ wɛ yě ɖe dó nyɔ̌ná Mawu tɔn wú ɔ́ nǔgbó wɛ é nyí.

Mɛsɛ́dó 4:10

Mi bǐ kpódó Izlayɛ́li togun ɔ́ lɔmɔ̌ kpó ní tunwun ɖɔ Jezu Klísu Nazalɛ́tinu e mi ká nyi aklúzu jí, bɔ Mawu ka fɔ́n ɛ sín kú ɔ́ sín nyǐkɔ mɛ wɛ nya énɛ́ ɖo ganjí ɖe, bó ɖo te nukɔn mitɔn din.

Mɛsɛ́dó 5:32

Mǐ nyí kúnnuɖetɔ́ nǔ énɛ́ lɛ́ɛ tɔn; mǐ kpódó Yɛsinsɛn e Mawu nɔ́ ná mɛ e nɔ se tónú n'i lɛ́ɛ é kpán.”

Efɛ́zinu 1:5

Mawu ko to ɖ'ayǐ ɖɔ émí ná sɔ́ mǐ dó ɖó vǐ gbɔn Jezu Klísu jí. É jló e mɔ̌ ɖó é nyɔ́ nukún tɔn mɛ.

Efɛ́zinu 1:9

Mawu ɖe nǔbúdo e é ko to, bó ɖɔ kpó jlǒ tɔn kpó ɖɔ émí ná bló gbɔn Klísu jí ɔ́ xlɛ́ mǐ.

Efɛ́zinu 4:7

Có nǔníná vovo wɛ mǐ mɛ ɖokpó ɖokpó mɔ yí, bɔ é sɔgbe xá ée Klísu ná é.

Eblée 6:4

Nǔgbó ɔ́, mɛ e lɛ́ jɛ gbɛ nyanya zán jí lɛ́ɛ ɔ́, nɛ̌ è ka sixú ɖɔ xó yětɔn gbɔn? È sɔ́ sixú dɔn yě wá hweɖévonu ɖɔ yě ní húzú gbɛ e zán wɛ yě ɖe ɔ́ ǎ, ɖó Mawu ví ɔ́ vɔ́ ká nyi aklúzu jí wɛ yě ɖe, bó ɖo hɛ̌n dó e wɛ agbawungba; ɖó yě ko mɔ wěziza Mawu tɔn yí kpɔ́n; yě ɖɔ̌ nǔníná Mawu tɔn ɔ́ kpɔ́n; yě lɔ mɔ Yɛsinsɛn yí. Yě ɖɔ̌ Mawuxó ɔ́ kpɔ́n, bó mɔ ɖɔ é nyɔ́, bó ɖɔ́ gbɛ e jǎwe ɔ́ sín hlɔ̌nhlɔ́n lɛ́ɛ kpɔ́n, có yě ka lɛ́ jɛ gbɛ nyanya zán jí.