Eblée 2:3 - MAWUXÓWÉMA

³ Ényí nǔ nyí mɔ̌ ɔ́, nú mǐdɛɛ lɛ́ɛ dó vɛ̌ nú hwlɛngán ɖaxó énɛ́ ɔ́, nɛ̌ mǐ ka ná sixú gló tódɔnnúmɛ ɔ́ gbɔn? Aklúnɔ ɖésú ɖɔ hwlɛngán énɛ́ ɔ́ sín xó dó nukɔn, bɔ mɛ e se lɛ́ɛ ɖe kúnnu ná ɖɔ nǔgbó wɛ.

Eblée 2:3 Iomraidhean Croise

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 20:6

Gbe énɛ́ gbe ɔ́, mɛ e ɖo gbě e jí mǐ ɖe lɛ́ɛ sú xó bó ɖɔ: “Nǔ e gbo mɛ e ɖó nukún wɛ mǐ ɖe lɛ́ɛ é nɛ́! Mǐ tunwun ɖɔ mǐ nǎ hɔn yi su yě, bɔ yě ná hwlɛ́n mǐ bó yí mǐ sín axɔ́sú Asilíi tɔn sí... Din ɔ́, mɛ̌ mǐ ká ná mɔ bɔ é ná hwlɛ́n mǐ gán?”

Ezayíi 51:5

Zaanɖé din ɔ́, un ná hɛn hwlɛngán wá; mɛ bǐ ná mɔ hwlɛngán e un hɛn wá é; un ná kpa acɛ nú togun lɛ́ɛ bɔ é ná syɛ́n ɖésú. Togun e gbɔn zɔzɔ lɛ́ɛ ná ɖo nukún ɖó mì wɛ, yě ná ɖeji dó hlɔ̌nhlɔ́n e un nɔ dó hwlɛ́n mɛ ná é wú.

Ezayíi 51:8

Đó nǔ e gbo sɛ́davɔ e kɔ́súkɔ́sú ɖu ɔ́ wɛ ná gbo yě. Amɔ̌, hwlɛngán e un ná hɛn wá ɔ́ ná nɔ te káká sɔ́yi, hwlɛngán ce ná nɔ te káká yi gbɛ mavɔ mavɔ.”

Ezayíi 62:11

Mawu Mavɔmavɔ ná ɖɔ xó élɔ́ káká yi fí e gbɛ ɔ́ kponu ɖó é; é ná ɖɔ: “Mi ɖɔ nú Sinyɔ́ɔnu lɛ́ɛ ɖɔ: Éɖíe, Mɛhwlɛ́ngántɔ́ mitɔn jǎwe; é bɛ́ nǔ e é mɔ lɛ́ɛ jǎwe; azɔ̌ e é wa ɔ́, é bɛ́ nǔ e é mɔ ɖ'é mɛ lɛ́ɛ ja.”

Ezekiyɛ́li 17:15

Lo ɔ́, axɔ́sú yɔ̌yɔ́ ɔ́ fɔ́n gǔ dó Babilɔ́nu xɔ́sú ɔ́ jí, bó sɛ́ mɛ dó Ejípu ɖɔ è nǐ sɛ́ sɔ́ kpó sɔ́ja kpó dó émí ní sukpɔ́. É ká ná kpa ɛ a? Mɛ e wa nǔ gbɔn mɔ̌ ɔ́ ná mɔ nu tɔn a? É gba akɔ e é jɛ é; é sixú gán ɖ'é mɛ cé?

Ezekiyɛ́li 17:18

ɖó Judáa xɔ́sú ɔ́ nɔ gbejí nú nǔ e é zin alɔ dó akɔ́n bó ɖɔ é ǎ; é gba akɔ e é jɛ é, có é ɖésú wɛ yí gbe ná; nǔ énɛ́ e é wa ɔ́, ná kpa ɛ ǎ.

Matíe 23:33

Dan jɔmɔ e mi! Jakpata kúnkan e mi! Nɛ̌ mi ka sixú lin ɖɔ émí ná gló hwɛɖónúmɛ e nɔ dɔn mɛ yi zojimací mɛ ɔ́ gbɔn?

Matíe 4:17

Bɛ́ sín hwenɛ́nu ɔ́, Jezu jɛ Wɛn Ɖagbe ɔ́ jlá jí, bo nɔ ɖɔ: “Mi lɛ́ kɔ sín hwɛ mitɔn lɛ́ɛ gúdo, ɖó axɔ́súɖuɖu sɛ́xwé tɔn ko sɛ yá.”

Maki 1:14

Ée è wlǐ Jǎan gúdo ɔ́, Jezu yi Galilée, bó jɛ Wɛn Ɖagbe Mawu tɔn jlá mɛ lɛ́ɛ jí,

Luki 1:2

Yě ɖɔ nǔ lɛ́ɛ lě e mawuxójlátɔ́ e mɔ nǔ e jɛ lɛ́ɛ sín bǐbɛ́mɛ ɔ́ ɖɔ nú mǐ gbɔn é.

Luki 1:69

É sɛ́ Mɛhwlɛ́ngántɔ́ hlɔ̌nhlɔ́nnɔ ɖé dó mǐ. Mɛhwlɛ́ngántɔ́ énɛ́ jɔ ɖo mɛsɛntɔ́ tɔn axɔ́sú Davídi hɛ́nnu mɛ.

Luki 24:19

É ka yí gbe nú yě ɖɔ: “Étɛ́ ka jɛ?” Yě yí gbe n'i ɖɔ: “Nǔ e kpé Jezu Nazalɛ́ti tɔn é wɛ. Gbɔn nǔwiwa tɔn lɛ́ɛ kpódó xó tɔn lɛ́ɛ kpó gbla mɛ ɔ́, é ko ɖe xlɛ́ ɖo Mawu kpódó togun ɔ́ bǐ kpán nukɔn ɖɔ émí nyí gbeyíɖɔ Mawu tɔn, nǔwúkpétɔ́.

Jǎan 15:27

bɔ mi lɔmɔ̌ ná ɖe kúnnu nú mì, ɖó mi ko ɖo kpɔ́ xá mì sín bǐbɛ́mɛ.

Mɛsɛ́dó 2:22

“Izlayɛ́li ví e mi! Mi ɖótó te bó se xó élɔ́ lɛ́ɛ: Jezu Nazalɛ́tinu ɔ́, nya ɖé wɛ é nyí, bɔ Mawu ɖe hlɔ̌nhlɔ́n tɔn xlɛ́ mi, gbɔn nǔjíwǔ kpó nǔ ɖaxó ɖaxó kpó, kpódó wuntun e Mawu jlɛ́ gbɔn jǐ tɔn ɖo mǐ tɛ́ntin, bɔ mi ɖésú tunwun lɛ́ɛ kpó gbla mɛ.

Mɛsɛ́dó 4:12

É ɖokpónɔ géé jɛ́n sixú hwlɛ́n mɛ gán; ɖó, gbɔn gbɛ ɔ́ bǐ mɛ ɔ́, Mawu sɔ́ ná mɛ ɖěvo gbɛtɔ́ lɛ́ɛ ɖo fí ɖěbǔ, bɔ mi ná mɔ hwlɛngán gbɔn jǐ tɔn ǎ.”

Hlɔ̌manu 11:14

Afɔ nyɔ́ ɔ́, un sixú fɔ́n wǔhwinhwan dó jǐ nú mɛ e ɖo akɔta ce mɛ lɛ́ɛ; ényí un wa nǔ gbɔn mɔ̌ ɔ́, un sixú hwlɛ́n yě mɛ ɖěe gán.

Hlɔ̌manu 2:3

Nya ce, hwi mɛ e nɔ ɖo hwɛ dó yě mɛ e nɔ ɖo nǔ énɛ́ lɛ́ɛ wa wɛ, bó ka ɖo nǔ ɖokpó ɔ́ wa wɛ yě ɖɔhun ɔ́, a vɛdó ɖɔ émí ná gán ɖo hwɛɖɔxámɛ Mawu tɔn mɛ wɛ sín a?

1 Kɔlɛ́ntinu 1:21

Nǔgbó ɔ́, gbɔn nǔnywɛ́ e gbɛtɔ́ lɛ́ɛ ɖó ɔ́ gbla mɛ ɔ́, yě kpé wú bó tunwun Mawu ɖo fí e nǔnywɛ́ tɔn ɖo azɔ̌ wa ɖe wɛ ɔ́ ǎ. Énɛ́ ɔ́ wú wɛ é nyɔ́ Mawu nukún mɛ ɖɔ émí ná hwlɛ́n mɛ e ɖi nǔ lɛ́ɛ gán, gbɔn wɛn élɔ́ e dó wɛ mǐ ɖe, bɔ gbɛtɔ́ lɛ́ɛ nɔ mɔ dó mɔ xlonɔxó ná é gbla mɛ.

1 Tɛsalonikinu 5:3

Hwenu e gbɛtɔ́ lɛ́ɛ na ɖɔ: “Fífá tíin, bɔ ayi jɛ ayǐ” ɔ́, hwe énɛ́ ɔ́ nu wɛ nǔ e ná vívá kún yětɔn ɔ́ ná zɔn yě jǐ ajijimɛ lě e nyɔ̌nu e ɖo xo ɔ́ nɔ jɛ flú mɛ ajijimɛ é ɖɔhun; yě ná gán ɖ'é mɛ ǎ.

1 Timɔtée 1:15

Xó nǔgbó ɖokpó ɖíe, bɔ é jɛ xá ɖɔ mɛ bǐ ní yí; é wɛ nyí ɖɔ Klísu Jezu wá gbɛ ɔ́ mɛ, bó ná hwlɛ́n hwɛhutɔ́ lɛ́ɛ gán; nyɛ wɛ ka nyí hwɛhutɔ́ hú hwɛhutɔ́ lɛ́ɛ bǐ.

Titu 2:11

Đó Mawu ɖe fɛ́nú tɔn e jí hwlɛngán gbɛtɔ́ lɛ́ɛ bǐ tɔn jínjɔ́n ɔ́ xlɛ́.

Eblée 1:1

Đ'ayǐ xóxó ɔ́, Mawu gbɔn gbeyíɖɔ lɛ́ɛ jí, bó ɖɔ xó nú tɔ́gbó mǐtɔn lɛ́ɛ azɔn mɔ̌kpán gbɔn alɔ gěgé mɛ.

Eblée 1:14

Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

Eblée 1:2

Amɔ̌, ɖo azǎn élɔ́ lɛ́ɛ, éé ɖo azǎn gǔdo gúdo tɔn nyí wɛ lɛ́ɛ mɛ ɔ́, é ɖɔ xó nú mǐ gbɔn vǐ tɔn jí; é jí wɛ Mawu ɖó gbɛ ɔ́ gbɔn; é wɛ Mawu sɔ́, bó zé nǔ lɛ́ɛ bǐ dó así ná.

Eblée 12:25

Mi cɔ́ miɖée bó ma gbɛ́ tó ɖó mɛ e ɖo xó ɖɔ nú mi wɛ é ó. Yě mɛ e gbɛ́ tó ɖó mɛ e ɖo Mawuxó ɖɔ nú yě wɛ ɖo ayǐkúngban jí fí ɔ́, yě gló tódɔnnúmɛ Mawu tɔn ǎ. Étɛ́ ka sɔ́ nyí mǐtɔn lo? Ényí mǐ ɖe kɔ dó mɛ e ɖo xó ɖɔ nú mǐ wɛ sín jǐxwé aga ɔ́, mǐ sixú gló tódɔnnúmɛ Mawu tɔn ǎ.

Eblée 4:1

Ée akpá e Mawu dó nú mǐ ɖɔ mǐ ná byɔ́ fí e émí ná ná gbɔjɛ́ mǐ ɖe ɔ́ lɛ́ kpo ɖo te ɔ́, hǔn mǐ ní bó cɔ́ mǐɖée, bónú mi mɛ ɖěbǔ ní ma gɔn gbɔjɛ́ énɛ́ ɔ́ mɛ byɔ́ ó.

Eblée 4:11

Hǔn, mi bo nú mǐ ná dó gǎn, bó ná byɔ́ gbɔjɛ́ énɛ́ ɔ́ mɛ; mǐ ní bló gbɔn alɔkpa ɖé bónú mǐ mɛ ɖěbǔ ní ma vɛ́ tóli bó gɔn gbɔjɛ́ énɛ́ ɔ́ mɛ byɔ́ lě e mɛ e nɔ gbětótló mɛ lɛ́ɛ vɛ́ tóli gbɔn é ó.

Eblée 5:9

Ée Mawu sɔ́ ɛ dó ɖó mɛ mímɛ́ bɔ nǔ bǐ vɔ ɖ'é wú ɔ́, é húzú hwlɛngán mavɔ mavɔ sín jɔtɛn nú mɛ e nɔ se tónú n'i lɛ́ɛ é bǐ,

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.

1 Jǎan 1:1

Nǔ e kan xó e nɔ na gbɛ mɛ ɔ́ ɖɔ sɛ́ dó mi wɛ mǐ ɖe. Xó énɛ́ ko ɖe sín bǐbɛ́mɛ nǔ lɛ́ɛ bǐ tɔn; é ɖɔ xó bɔ mǐ se, bó mɔ ɖó nukún mǐtɔn lɛ́ɛ wú; mǐ kpɔ́n bó ɖ'alɔ wú.

Judi 1:17

Amɔ̌, mi mɛvívɛ́ná ce lɛ́ɛ mi, mi flín nǔ e mɛsɛ́dó Aklúnɔ mǐtɔn Jezu Klísu tɔn lɛ́ɛ ko ɖɔ nú mi ɖ'ayǐ é.

Nǔɖexlɛ́mɛ 7:10

Yě sú xó tlílí ɖɔ: “Hwlɛngán mǐtɔn gosín Mawu mǐtɔn e jínjɔ́n axɔ́súzinkpo jí ɔ́ gɔ́n, bó gosín Lɛ̌ngbɔ́ví ɔ́ gɔ́n!”