Eblée 2:2 - MAWUXÓWÉMA

² Đó xó e wɛnsagun lɛ́ɛ ɖɔ ɔ́ lí dǒ sɔ mɔ̌ , bɔ mɛɖé ma ké ya ná ǎ, abǐ mɛɖé vɛ́ tóli ná ɔ́, è nɔ dɔn tó nú mɛ ɔ́, lě e é jɛ xá gbɔn é.

Eblée 2:2 Iomraidhean Croise

Ɖɛhan 68:17

Bɔ hwi só nuvínu gěgé nɔ, étɛ́wú a ɖo wǔ hwan só e Mawu sɔ́ bó ná nɔ jí é wɛ? Só e Mawu Mavɔmavɔ sɔ́ bɔ é ná nyí nɔtɛn tɔn káká sɔ́yi é wɛ.

Kɛ́nsísɔ́ 11:33

Izlayɛ́li ví lɛ́ɛ sɔ́ xɛ nɛ́ lɛ́ɛ sín lan dó nu mɛ ɔ́, yě kó tɛ aɖǔ jí cóbónú Mawu Mavɔmavɔ sin xomɛ ɖaxó ɖé dó yě, bó dɔn jɛmɛjí baɖabaɖa ɖé dó yě jǐ ǎ.

Kɛ́nsísɔ́ 21:6

Ée yě ɖɔ mɔ̌ ɔ́, Mawu Mavɔmavɔ sɛ́ dan aɖǐnɔ dó yě, bɔ dan ɖu Izlayɛ́li ví lɛ́ɛ bɔ gěgé kú.

Kɛ́nsísɔ́ 25:9

Nǔ nyanya énɛ́ e jɛ dó yě jí ɔ́, gbɛtɔ́ adɔ̌kpo ɖě děgba (24.000) wɛ kú ɖ'é mɛ.

Mɛsɛ́dó 7:53

Mi mɛ e yí sɛ́n ɔ́ gbɔn wɛnsagun Mawu tɔn lɛ́ɛ jí ɔ́, mi nyi sɛ́n énɛ́ ǎ.”

Galatinu 3:19

Étɛ́wú è dǒ sɛ́n ɔ́ lo? È dǒ sɛ́n ɔ́ bónú é ná ɖe zǐnzán e gbɔn vo nú jlǒ Mawu tɔn ɔ́ xlɛ́; é ná ɖo te káká jɛ hwenu e Ablaxámu ví e è dǒ akpá ɔ́ na ɔ́ na wá dó é. Wɛnsagun Mawu tɔn lɛ́ɛ wɛ hɛn sɛ́n ɔ́ wá gbɔn mɛ ɖokpó jí .

Sɛ́nflínmɛ 17:12

Vɔ̌sánú-xwlémawutɔ́ ɖo Mawu Mavɔmavɔ xwé gbe bó ɖo azɔ̌ tɔn wa wɛ; hwɛɖɔtɔ́ lɔ ɖo fínɛ́ bó ɖo azɔ̌ tɔn wa wɛ. Ényí mɛ ɖé syɛ́n ta bó má ké ya nú xó yětɔn ǎ ɔ́, è ɖǒ ná hu mɛ ɔ́. Lě e mi ná sú walɔ nyanya kún dó gbɔn ɖo tɛ́ntin mitɔn, ɖo Izlayɛ́li é nɛ́.

Sɛ́nflínmɛ 17:2

Ayǐ ɖokpó sixú wá hɔ́n ɖo toxo e Mawu Mavɔmavɔ, Mawu mitɔn ná ná mi lɛ́ɛ é ɖě mɛ, bɔ súnnu ɖé abǐ nyɔ̌nu ɖé sixú dó nǔ e Mavɔmavɔ gbɛ́ lɛ́ɛ ɖě sin bó gba akɔ e é jɛ xá mi é.

Sɛ́nflínmɛ 17:5

mi dɔn mɛ e hu hwɛ mɔ̌hunkɔtɔn ɔ́ jɛ toxo ɔ́ sín hɔntogbó jí, lobo nyi awǐnnyaglo dó e káká nú é kú. Mɛ ɔ́ sixú nyí súnnu, é sixú nyí nyɔ̌nu.

Sɛ́nflínmɛ 27:26

“Heelú mɛ e ma ná nyi sɛ́n e un xa nú mi lɛ́ɛ bǐ ǎ é!” Bɔ togun ɔ́ bǐ ná ɖɔ: “Amǐ.”

Sɛ́nflínmɛ 32:2

Kplɔ́n ce lɛ́ɛ ní ja jǐ ɖɔhun. Xó ce lɛ́ɛ ní ja ahǔn ɖɔhun. Ní gba, fo ɖo gbigba kɔn nyi gbě jí wɛ ɖɔhun. Ní ja kwín kloklo, jǐ ɖo jija wɛ katakata kɔn nyi gběhan jí wɛ ɖɔhun.

Eblée 1:1

Đ'ayǐ xóxó ɔ́, Mawu gbɔn gbeyíɖɔ lɛ́ɛ jí, bó ɖɔ xó nú tɔ́gbó mǐtɔn lɛ́ɛ azɔn mɔ̌kpán gbɔn alɔ gěgé mɛ.

Eblée 10:28

Mɛɖěbǔ gba Mɔyízisɛ́n ɔ́ bónú mɛ we abǐ mɛ atɔn ɖe kúnnu ná ɔ́, è nɔ kú nǔbláwǔ n'i ǎ, è nɔ hu i.

Eblée 10:35

Hǔn mi bo ma jó jiɖiɖe e mi ɖó dó Mawu wú ɔ́ dó ó; ɖó ajɔ ɖaxó ɖé ɖ'é mɛ.

Eblée 11:26

É tunwun ɖɔ nú mɛ lɛ́ɛ gbɛ́ wǎn nú émí lě e yě gbɛ́ wǎn nú Klísu gbɔn ɔ́, é kpé akwɛ́ nú émí hú dɔkun Ejípu tɔn lɛ́ɛ; ɖó nukún tɔn ɖo ajɔ e jǎwe sɔ gúdo ɔ́ wú.

Eblée 11:6

Nǔgbó ɔ́, nú mɛɖé ma ɖó nǔɖiɖi ǎ ɔ́, nǔ tɔn sixú nyɔ́ Mawu nukún mɛ ǎ; ɖó mɛ e sɛkpɔ́ Mawu ɔ́ ɖó ná ɖi nǔ ɖɔ Mawu tíin, bó nɔ ná ajɔ mɛ e ɖo biba ɛ wɛ lɛ́ɛ.

Eblée 12:25

Mi cɔ́ miɖée bó ma gbɛ́ tó ɖó mɛ e ɖo xó ɖɔ nú mi wɛ é ó. Yě mɛ e gbɛ́ tó ɖó mɛ e ɖo Mawuxó ɖɔ nú yě wɛ ɖo ayǐkúngban jí fí ɔ́, yě gló tódɔnnúmɛ Mawu tɔn ǎ. Étɛ́ ka sɔ́ nyí mǐtɔn lo? Ényí mǐ ɖe kɔ dó mɛ e ɖo xó ɖɔ nú mǐ wɛ sín jǐxwé aga ɔ́, mǐ sixú gló tódɔnnúmɛ Mawu tɔn ǎ.

2 Piyɛ́ɛ 1:19

Énɛ́ ɔ́ zɔ́n bɔ mǐ lɛ́ ɖó jiɖiɖe dó wɛn e gbeyíɖɔ Mawu tɔn lɛ́ɛ dó ɔ́ wú ganjí. Ényí mi wlí tó wú ganjí ɔ́, é ná nyɔ́, ɖó é cí zogbɛ́n e ɖo ɖɛ̌ ɖi wɛ ɖo zǐnflú mɛ káká bɔ ayǐ ná hɔ́n, bɔ sunví zǎnzǎn tɔn ná ná wěziza dó ayi mitɔn mɛ ɔ́ ɖɔhun.

Judi 1:5

Nǔ élɔ́ lɛ́ɛ e ɖɔ nú mi gbé wɛ un ja din ɔ́, mi ko tunwun ganjí có un ka jló ná lɛ́ flín mi ɖɔ ée Aklúnɔ hwlɛ́n togun Izlayɛ́li tɔn ɔ́ gán, bó ɖe e sín Ejípu gúdo ɔ́, é wá hu mɛ e gbɛ́ ɖɔ émí kún ná ɖi nǔ n'i ó lɛ́ɛ bǐ.