Eblée 2:17 - MAWUXÓWÉMA

¹⁷ Énɛ́ ɔ́ wú wɛ é ɖó ná húzú, bó cí nɔví tɔn lɛ́ɛ ɖɔhun ɖo ali lɛ́ɛ bǐ nu, bó ná sixú nyí vɔ̌sánú-xwlémawutɔ́ ɖaxó, gbejínɔtɔ́, kpódó nǔbláwǔkúnúmɛtɔ́ kpó ɖo mawuzɔ́ e wa wɛ é ɖe ɔ́ mɛ, bónú Mawu ná sɔ́ hwɛ e togun ɔ́ hu lɛ́ɛ kɛ ɛ.

Eblée 2:17 Iomraidhean Croise

2 Tan 29:24

Vɔ̌sánú-xwlémawutɔ́ lɛ́ɛ ká gbo gbe gbǎgbá lɛ́ɛ bó kɔn hun yětɔn dó vɔ̌sákpe ɔ́ jí dó sá hwɛsɔ́kɛmɛvɔ́ ná dó hwɛ e Izlayɛ́li togun ɔ́ bǐ hu lɛ́ɛ tamɛ. Đó togun Izlayɛ́li tɔn ɔ́ bǐ tamɛ wɛ axɔ́sú ɔ́ ná gbe ɖɔ è nǐ sá vɔ̌ e è nɔ dó zo ɔ́ kpó hwɛsɔ́kɛmɛvɔ́ ɔ́ kpó dó.

Ezayíi 11:5

Hwɛjijɔ kpó gbejíninɔ kpó ná cí gǒjíblánú ɖɔhun n'i, gǒjíblánú e nɔ́ ɖo alinkan nú mɛ hwebǐnu ɔ́ ɖɔhun n'i.

Ezekiyɛ́li 45:15

Ɖo Izlayɛ́li to ɔ́ mɛ ɔ́, nú gbɔ̌nyitɔ́ ɖé ɖó lɛ̌ngbɔ́ afɔɖé (200) abǐ gbɔ̌ afɔɖé (200) ɔ́, é ná ná ɖokpó. Nǔ énɛ́ lɛ́ɛ e mi ná jɔ ɔ́, mi ná nɔ́ dó sá jinukún vɔ́, vɔ̌ e è nɔ dó zo é kpó kɔnɖókpɔ́ vɔ́ kpó, bó ná dó mɔ hwɛsɔ́kɛ yí. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 45:17

Ɖó gǎn ɔ́ wɛ ná nɔ́ ná nǔ e è nǎ nɔ́ dó sá vɔ̌ e è nɔ dó zo lɛ́ɛ, bó ná nɔ́ ná nǔníná jinukún tɔn kpó vɛ̌ɛn e è nǎ nɔ ba xwe hwenu lɛ́ɛ kpó; ɖo tají ɔ́, sunwájǐxwe lɛ́ɛ, gbɔjɛzán gbe lɛ́ɛ, kpó nǔwiwa ɖěvo e ná dɔn Izlayɛ́li ví lɛ́ɛ kplé lɛ́ɛ kpó sín hwenu é. Gǎn ɔ́ wɛ ná nɔ́ sá hwɛsɔ́kɛmɛvɔ́, é wɛ ná nɔ́ xwlé nǔníná jinukún tɔn lɛ́ɛ Mawu, bó ná nɔ́ sá vɔ̌ e è nɔ dó zo lɛ́ɛ kpó kɔnɖókpɔ́ sín vɔ̌ lɛ́ɛ kpó, bónú nyɛ Mawu Mavɔmavɔ ná sɔ́ hwɛ kɛ togun Izlayɛ́li tɔn ɔ́.”

Ezekiyɛ́li 45:20

Mɔ̌ ɖokpó ɔ́ wɛ è nǎ nɔ́ bló azǎn tɛ́nwegɔ́ ɔ́ e ɖo sun ɔ́ mɛ ɔ́ gbe, ɖó mɛ e ma jló ǎ abǐ mɛ e ma tunwun ǎ, bó hu hwɛ lɛ́ɛ ta mɛ. È blǒ mɔ̌ ɔ́, è nǎ slá wǔ nú xwé ce.

Daniyɛ́li 9:24

Mawu zé xwe tɛ́nwe tɛ́nwe donu kanɖé gban (70) ɖó te nú togun towe, kpó to mímɛ́ e mɛ a ɖe ɔ́ kpó. Hwenu tají ɖé wɛ bɔ tónúmase bǐ ná fó, bɔ nǔwanyido bǐ ná nɔ te, bɔ è nǎ zé hwɛ bǐ kɛ mɛ, lobɔ hwɛjijɔ mavɔ mavɔ ɔ́ ná bɛ́ azɔ̌, bɔ nǔmimɔ lɛ́ɛ kpó xóɖɔɖ'ayǐ lɛ́ɛ kpó ná jɛ, bɔ è nǎ lɛ́ ylɔ́ Mawu nyíkɔ dó goxɔ mímɛ́ bǐ ɔ́ jí.

Levíi ví 14:18

É ná húzú ami e kpo ɖo alɔ tɔn mɛ ɔ́ dó ta nú mɛ ɔ́; énɛ́ ɔ́, é ná súnsún hwɛ tɔn ɖo Mawu Mavɔmavɔ nukɔn.

Levíi ví 16:16

Mɔ̌ wɛ é ná bló lě e è nɔ bló gbɔn ɔ́ dó slá wǔ nú tɛn mímɛ́ bǐ ɔ́, ɖó nǔblíblí e Izlayɛ́li ví lɛ́ɛ wa é kpó sɛ́n e yě gba lɛ́ɛ kpó wú káká jɛ hwɛ e yě hu lɛ́ɛ bǐ jí. É ná slá wǔ nú fí e kpo ɖo goxɔ ɔ́ mɛ ɔ́ lɔ, ɖó mɛ blíblí lɛ́ɛ tɛ́ntin wɛ goxɔ ɔ́ ɖe.

Levíi ví 8:15

Mɔyízi gbo gbe nyibúsú ɔ́, bó yí hun tɔn bó sɔ́ alɔví tɔn d'é mɛ, bó sá dó vɔ̌sákpe ɔ́ sín zo lɛ́ɛ wú lɛ́ lɛ̌ dó, bó dó slá wǔ nú vɔ̌sákpe ɔ́. É kɔn hun e kpo ɔ́ nyi vɔ̌sákpe ɔ́ sín dodó wú; lě e é slá wǔ nú vɔ̌sákpe ɔ́, bó ɖe ɖó vo bɔ è nǎ nɔ́ sá vɔ̌ e nɔ súnsún hwɛ sín kɔ nú mɛ ɔ́ ɖ'é jí gbɔn ɔ́ nɛ́.

Kɛ́nsísɔ́ 15:25

Vɔ̌sánú-xwlémawutɔ́ ɔ́ ná sá hwɛxɔ́súsú vɔ́ dó Izlayɛ́li ví lɛ́ɛ bǐ tamɛ, bɔ nyɛ Mawu Mavɔmavɔ ná sɔ́ hwɛ kɛ yě; ɖó yě tunwun ǎ, bó hu hwɛ, bo ká hɛn vɔ̌sánú yětɔn wá nú vɔ̌ e è nɔ dó zo nú nyɛ Mawu Mavɔmavɔ ɔ́, bó hɛn kanlin e è nɔ dó sá hwɛxɔ́súsú vɔ́ ná ɖo nukɔn ce ɔ́ wá, ɖó hwɛ e yě má tunwun ǎ bó hu ɔ́ wú.

Hlɔ̌manu 15:17

Hǔn, ɖo bǔ e un ɖe xá Klísu Jezu ɔ́ mɛ ɔ́, un hɛn ɔ́, un ná gó, ɖó azɔ̌ e wa nú Mawu wɛ un ɖe ɔ́ wú.

Hlɔ̌manu 5:10

Kɛntɔ́ Mawu tɔn wɛ mǐ kó nyí ɖ'ayǐ; lo ɔ́, Mawu dó hwɛ gbɔ xá mǐ gbɔn kú e Vǐ tɔn kú ɔ́ gbla mɛ. Din e Mawu dó hwɛ gbɔ xá mǐ ɔ́, é ɖo gannaganna ɖɔ é ná hwlɛ́n mǐ gán gbɔn vǐ tɔn sín gbɛ gbla mɛ.

Efɛ́zinu 2:16

Klísu sú kɛn kún dó, gbɔn kú e é kú ɖo aklúzu jí é gbla mɛ; é dɔn akɔta we lɛ́ɛ bǐ kplé, bɔ yě húzú agbaza ɖokpó, bó gbɔ kɛn e yě ɖe xá Mawu é, gbɔn kú e é kú ɖo aklúzu jí é gbla mɛ.

Kolósinu 1:21

Đ'ayǐ ɔ́, mi lɔmɔ̌ mi lín dó Mawu; kɛntɔ́ tɔn wɛ mi nyí ɖ'ayǐ, ɖó nǔ nyanya e mi nɔ lin, bó nɔ wa lɛ́ɛ bǐ wú.

Eblée 10:21

Mǐ ɖó vɔ̌sánú-xwlémawutɔ́ ɖaxó ɖokpó bɔ é kpa acɛ dó Mawu xwé ɔ́ nu.

Eblée 2:11

Jezu e nɔ slá wǔ nú mɛ ɔ́ kpódó mɛ e é slá wǔ ná lɛ́ɛ kpó ɔ́, tɔ́ ɖokpó ɔ́ wɛ ɖó yě bǐ. Énɛ́ ɔ́ wú wɛ winnyá ma hu Jezu nú é ná ylɔ́ yě ɖɔ nɔví émítɔn lɛ́ɛ ǎ.

Eblée 2:14

Ée ényí ɖɔ vǐ énɛ́ lɛ́ɛ ɔ́, gbɛtɔ́ wɛ yě nyǐ, bó ɖó agbaza kpó hun kpó ɔ́, Jezu ɖésú húzú gbɛtɔ́, bó ɖó agbaza kpó hun kpó yě ɖɔhun. É húzú gbɛtɔ́, bɔ gbɔn kú tɔn gbla mɛ ɔ́, é hu acɛ nú awǒvi e ɖó acɛ e nɔ hu mɛ é;

Eblée 2:16

Đó é ɖo gaan ɖɔ é kún nyí wɛnsagun Mawu tɔn lɛ́ɛ wɛ é d'alɔ ó; lo ɔ́, Ablaxámu ví lɛ́ɛ wɛ é d'alɔ.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

Eblée 3:2

Nǔgbó ɔ́, é nɔ gbejí nú Mawu e sɔ́ ɛ nú azɔ̌ énɛ́ ɔ́, Mɔyízi e wú è ɖɔ xó élɔ́ dó ɔ́ ɖɔhun: “É nɔ gbejí ɖo Mawu sín xwédo ɔ́ bǐ mɛ.”

Eblée 3:5

Mɔyízi éyɛ́ ɔ́, mɛsɛntɔ́ ɖɔhun ɔ́, é nɔ gbejí ɖo Mawu sín xwédo ɔ́ bǐ mɛ, bó ná nyí kúnnuɖetɔ́ nú nǔ e è ɖǒ ná ɖɔ é.

Eblée 4:14

Hǔn, mi bo nú mǐ ná hɛn nǔɖiɖixó e ɖɔ wɛ mǐ ɖe ɔ́ syɛ́nsyɛ́n. Nǔgbó ɔ́, mǐ ɖó vɔ̌sánú-xwlémawutɔ́gán ɖaxó ɖokpó; Jezu Mawu ví ɔ́ wɛ; é hun káká yi Mawu ɖésú nukɔn.

Eblée 4:15

Vɔ̌sánú-xwlémawutɔ́ ɖaxó e ma sixú kpé wú bó ji ya xá mǐ ɖo gǎnmaɖó mǐtɔn lɛ́ɛ mɛ ǎ ɔ́ wɛ mǐ ɖó ǎ. É nyɔ́ wa ɔ́, vɔ̌sánú-xwlémawutɔ́ ɖaxó mǐtɔn ɔ́, è tɛ́n ɛ kpɔ́n mǐ ɖɔhun ɖo nǔ bǐ mɛ; amɔ̌, é hu hwɛ ǎ.

Eblée 5:1

Vɔ̌sánú-xwlémawutɔ́ ɖaxó ɖěbǔ ɔ́, gbɛtɔ́ lɛ́ɛ mɛ wɛ è nɔ sɔ́ ɖe; è ɖe e nú é ná wa azɔ̌ nú Mawu nú ɖagbe yětɔn. É nɔ sɔ́ nǔníná lɛ́ɛ kpó vɔ̌sánú lɛ́ɛ kpó xwlé Mawu ɖó hwɛ e gbɛtɔ́ lɛ́ɛ hu lɛ́ɛ tamɛ.

Eblée 5:10

bɔ Mawu sɔ́ ɛ vɔ̌sánú-xwlémawutɔ́ ɖaxó Mɛlukisedɛ́ki ɖɔhun.

Eblée 5:2

Ée é ɖésúnɔ lɔ nyí mɛ, bó ma ɖó gǎn ǎ gbɔn alɔkpa gěgé mɛ é ɔ́, é sixú kpɔ́n bó ɖɔ xá mɛ e ma tunwun nǔɖé ǎ lɛ́ɛ, kpó mɛ e nɔ wa nǔ nyi do lɛ́ɛ kpán.

Eblée 5:5

Mɔ̌ ɖokpó ɔ́, Klísu ná susu e ɖo vɔ̌sánú-xwlémawutɔ́ ɖaxó nyínyí mɛ ɔ́ éɖée ǎ; é nyɔ́ wa ɔ́, Mawu wɛ ɖɔ n'i ɖɔ: “Vǐ ce wɛ a nyǐ, bɔ égbé ɔ́, un ji we.”

Eblée 6:20

Fínɛ́ wɛ Jezu jɛ nukɔn nú mǐ, bó yi dó ta mǐtɔn mɛ. É húzú vɔ̌sánú-xwlémawutɔ́ ɖaxó káká sɔ́yi, Mɛlukisedɛ́ki ɖɔhun.

Eblée 7:26

Hǔn, Jezu wɛ nyí vɔ̌sánú-xwlémawutɔ́ ɖaxó e jɛ xá mǐ é, ɖó é nyí mɛ mímɛ́; é wa nǔ nyanya ɖěbǔ ǎ; hwɛ ɖěbǔ ɖo kɔ n'i ǎ. È sɔ́ ɛ ɖó vo nú hwɛhutɔ́ lɛ́ɛ, bó sɔ́ ɛ dó jǐ aga ɖo sɛ́xwé.

Eblée 7:28

Mɔyízisɛ́n ɔ́, gbɛtɔ́ wɛ é nɔ sɔ́ vɔ̌sánú-xwlémawutɔ́ ɖaxó; gbɛtɔ́ ka ɖó gǎn ɖé ǎ; lo ɔ́, xó e Mawu ɖɔ bó xwlé nǔ d'é jí ɖo sɛ́n ɔ́ gúdo ɔ́, Mawu ví ɔ́ wɛ é sɔ́ vɔ̌sánú-xwlémawutɔ́ ɖaxó; é ɖó blɔ̌ ǎ káká sɔ́yi.

Eblée 8:1

Nǔ e ɖo tají hú ɖě lɛ́ɛ bǐ ɖo nǔ e ɖɔ wɛ mǐ ɖe ɔ́ mɛ ɔ́ ɖíe: Vɔ̌sánú-xwlémawutɔ́ ɖaxó mɔ̌hun wɛ mǐ ɖó, bɔ é jínjɔ́n ɖisíxwé nú axɔ́súzinkpo Mawu susu bǐ nɔ ɔ́ tɔn ɖo sɛ́xwé.

Eblée 8:3

Vɔ̌sánú-xwlémawutɔ́ ɖaxó ɖěbǔ ɔ́, è nɔ sɔ́ ɛ nú é ná xwlé nǔníná kpó vɔ̌sánú kpó Mawu. Hǔn é ɖo dandan mɛ ɖɔ vɔ̌sánú-xwlémawutɔ́ ɖaxó mǐ lɔ tɔn ní ɖó nǔɖé bó ná xwlé Mawu.

Eblée 9:11

Lo ɔ́, Klísu ɔ́ wá, bó nyí vɔ̌sánú-xwlémawutɔ́ ɖaxó nú nǔ ɖagbe e wá lɛ́ɛ, bɔ goxɔ e mɛ é nɔ wa azɔ̌ tɔn lɛ́ɛ ɖe ɔ́ ɖo tají bó sɔgbe, bɔ nǔ bǐ vɔ ɖ'é wú hú ée gbɛtɔ́ gbá ɔ́; é nyí gbɛmɛ fí sín nǔ ǎ.