Eblée 2:14 - MAWUXÓWÉMA

¹⁴ Ée ényí ɖɔ vǐ énɛ́ lɛ́ɛ ɔ́, gbɛtɔ́ wɛ yě nyǐ, bó ɖó agbaza kpó hun kpó ɔ́, Jezu ɖésú húzú gbɛtɔ́, bó ɖó agbaza kpó hun kpó yě ɖɔhun. É húzú gbɛtɔ́, bɔ gbɔn kú tɔn gbla mɛ ɔ́, é hu acɛ nú awǒvi e ɖó acɛ e nɔ hu mɛ é;

Eblée 2:14 Iomraidhean Croise

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

Ezayíi 25:8

Mawu Mavɔmavɔ ná sú kú sín kún dó káká sɔ́yi; Aklúnɔ Mavɔmavɔ ná súnsún ɖasin sín nukún mɛ nú mɛ bǐ. É ná ɖe winnyá nú togun tɔn gbɔn to ɔ́ bǐ mɛ. Xó e Mawu Mavɔmavɔ ɖɔ é nɛ́.

Ezayíi 53:12

Énɛ́ wɛ zɔ́n bɔ un sɔ́ ɛ ɖó mɛ klogǎnklogǎn lɛ́ɛ há jí, é kpó mɛ e syɛ́n lɛ́ɛ kpó wɛ ná má nǔ e è hɛn sín ahwangbénu wá lɛ́ɛ, ɖó é sɔ́ éɖée hwe káká bó kú; é sɔ́ éɖée ɖó nǔ nyanyawatɔ́ lɛ́ɛ mɛ. É ɖíɖá hwɛgban mɛ gěgé tɔn, é sa vo dó hwɛhutɔ́ lɛ́ɛ tamɛ.”

Ezayíi 7:14

Din ɔ́, Aklúnɔ ɖésú ɖo xlɛ̌ ɖokpó ná mi wɛ: Éɖíe, ɖyɔ̌vǐ ɔ́ ná mɔ xo, bó ná ji vǐ súnnu ɖokpó. É ná sun nyǐ vǐ ɔ́ ɖɔ Emanuwɛ́li, ‘Mawu ɖo kpɔ́ xá mǐ.’

Ozée 13:14

Bɔ nyɛ Mawu Mavɔmavɔ ɔ́, un ɖó ná yí mɛ énɛ́ lɛ́ɛ sín kú fɛn mɛ wɛ a? Un ná ɖe yě sín kútomɛ wɛ a? Kú e, fítɛ́ ahwanfunnú towe lɛ́ɛ ɖe? Kú e, ɖe acɛ towe e a nɔ dó hu mɛ ná ɔ́ xlɛ́. Un ɖo nǔbláwǔ ná kú nú mɛɖé wɛ ǎ.

Matíe 16:17

Bɔ Jezu yí xó bó ɖɔ n'i ɖɔ: “Nyɔ̌nánɔ wɛ nú we Sinmɔ́ɔ, Jonási ví, ɖó gbɛtɔ́ gɔ́n wɛ nǔnywɛ́ e a dǒ tunwun xó énɛ́ ná ɔ́ gosín ǎ; lo ɔ́, Tɔ́ ce e ɖo sɛ́xwé ɔ́ wɛ sɔ́ dó ayi mɛ nú we.

Matíe 25:41

“Énɛ́ ɔ́ gúdo ɔ́, un ná ɖɔ nú mɛ e ɖo amyɔ ce xwé lɛ́ɛ ɖɔ: ‘Mi sɛ yi zɔ nú mì, mi mɛ e Mawu ko ɖó hwɛ ná lɛ́ɛ é, mi yi jɛ zo e ma nɔ cí gbeɖé ǎ, bɔ Mawu kó bɔ ɖ'ayǐ nú awǒvi kpódó ahwan tɔn lɛ́ɛ kpó é mɛ.

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 12:24

Ma ɖɔ nǔgbó nú mi, ényí jinukún má yi do bó kú ǎ ɔ́, é nɔ ná nǔkún ǎ; kú wɛ é nɔ́ kú, cóbó nɔ gba kún.

Hlɔ̌manu 14:9

Đó Klísu kú, bó ka lɛ́ wá gbɛ, bó ná nyí Aklúnɔ nú mɛ e kú lɛ́ɛ kpó mɛ e ɖo gbɛ lɛ́ɛ é kpó.

Hlɔ̌manu 8:3

Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

1 Kɔlɛ́ntinu 1:28

Nǔ e gbɛtɔ́ lɛ́ɛ mɔ dó mɔ nǔ masɔatɛ́n, nǔ gbɛ́hɛn, nǔ yǎyá ɔ́, Mawu sɔ́ dó gba nǔ e yě sɔ́ dó mɔ nǔgɛ́n é.

1 Kɔlɛ́ntinu 15:50

Nɔví lɛ́ɛ mi, nǔ e ɖɔ gbé un ja ɔ́ ɖíe: nǔ e è sɔ́ agbaza kpódó hun kpó dó bló ɔ́ sixú ɖó mǐmá ɖo axɔ́súɖuɖu Mawu tɔn mɛ ǎ; nǔ e nɔ kú ɔ́ sixú nyí jɔmakú ǎ.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

Kolósinu 2:15

Klísu yí hlɔ̌nhlɔ́n sín gǎn lɛ́ɛ kpódó acɛkpikpa lɛ́ɛ kpó sí, gbɔn kú e é kú ɖo aklúzu jí ɔ́ gbla mɛ; é ɖu ɖo yě jí, bó bɛ́ yě kɔn nyi togun mɛ agbawungba, bɔ yě húzú nǔkpínkpɔ́n.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

2 Timɔtée 1:10

Amɔ̌ din ɔ́, é wá ɖe xlɛ́ mǐ gbɔn Mɛhwlɛ́ngántɔ́ mǐtɔn Klísu Jezu sín wǐwá jí. É wɛ nyí mɛ e hu acɛ nú kú, bó sɔ́ Wɛn Ɖagbe dó ɖe jɔmakúgbɛ xlɛ́ mǐ é.

Eblée 10:10

Đó Jezu Klísu bló nǔ e Mawu jló ɖɔ ní bló é wú ɔ́, è slá wǔ nú mǐ gbɔn agbaza é ɖésúnɔ tɔn e é sɔ́ dó sá vɔ̌ ná azɔn ɖokpó bɔ xó fó ɔ́ gbla mɛ.

Eblée 10:5

Énɛ́ ɔ́ wú wɛ hwenu e Klísu ɖo gbɛ ɔ́ mɛ ná byɔ́ wɛ ɔ́, é ɖɔ nú Mawu ɖɔ: “A ba vɔ̌sísá ǎ, a ka ba nǔníná ǎ; lo ɔ́, a nǎ agbaza ɖokpó mì.

Eblée 2:17

Énɛ́ ɔ́ wú wɛ é ɖó ná húzú, bó cí nɔví tɔn lɛ́ɛ ɖɔhun ɖo ali lɛ́ɛ bǐ nu, bó ná sixú nyí vɔ̌sánú-xwlémawutɔ́ ɖaxó, gbejínɔtɔ́, kpódó nǔbláwǔkúnúmɛtɔ́ kpó ɖo mawuzɔ́ e wa wɛ é ɖe ɔ́ mɛ, bónú Mawu ná sɔ́ hwɛ e togun ɔ́ hu lɛ́ɛ kɛ ɛ.

Eblée 2:18

Bɔ din ɔ́, é hɛn ɔ́, é ná dó alɔ mɛ e è tɛ́nkpɔ́n lɛ́ɛ, ɖó è ko tɛ́n é ɖésúnɔ kpɔ́n, bɔ é ko ji ya.

Eblée 4:15

Vɔ̌sánú-xwlémawutɔ́ ɖaxó e ma sixú kpé wú bó ji ya xá mǐ ɖo gǎnmaɖó mǐtɔn lɛ́ɛ mɛ ǎ ɔ́ wɛ mǐ ɖó ǎ. É nyɔ́ wa ɔ́, vɔ̌sánú-xwlémawutɔ́ ɖaxó mǐtɔn ɔ́, è tɛ́n ɛ kpɔ́n mǐ ɖɔhun ɖo nǔ bǐ mɛ; amɔ̌, é hu hwɛ ǎ.

Eblée 9:15

Énɛ́ ɔ́ wú wɛ Klísu nyí ɖɛ̌mɛnu nú akɔjijɛ yɔ̌yɔ́ ɔ́ bónú mɛ e Mawu ylɔ́ lɛ́ɛ ná sixú mɔ nyɔ̌ná mavɔ mavɔ e sín akpá é dó nú yě lɛ́ɛ yí. Yě ná mɔ nǔ e sín akpá Mawu dǒ nú yě ɔ́ yí, ɖó Klísu kú, bɔ kú tɔn hwlɛ́n gbɛtɔ́ lɛ́ɛ gán sín hwɛ e yě hu hwenu e yě ɖo akɔjijɛ nukɔntɔn ɔ́ glɔ́ lɛ́ɛ mɛ.

1 Piyɛ́ɛ 1:20

Mawu ko sɔ́ ɛ cóbó wá ɖó gbɛ ɔ́, bó ɖe e xlɛ́ ɖo azǎn e nyí azǎn gǔdo tɔn élɔ́ lɛ́ɛ é mɛ, ɖó ɖagbe mitɔn wú.

Nǔɖexlɛ́mɛ 1:18

Nyɛ wɛ nyí mɛ gbɛɖe ɔ́. Un ko kú ɖ'ayǐ; amɔ̌ din ɔ́, un ɖo gbɛ hwebǐnu; kú kpódó kútomɛ kpán sín cávi ɖo así ce.

Nǔɖexlɛ́mɛ 12:9

È zě Dlagɔ́ɔn ɖaxó ɔ́ nyi dó ayǐkúngban jí; é wɛ nyí dan xóxó e è nɔ ylɔ́ ɖɔ awǒvi abǐ Satáan é; é wɛ flú gbɛ ɔ́ bǐ. È zě e nyi dó ayǐkúngban jí, é kpódó wɛnsagun tɔn lɛ́ɛ kpó.

Nǔɖexlɛ́mɛ 2:10

Wǔvɛ́ e a nǎ mɔ ɔ́ ní ma dó xɛsi nú we ó. Đǒtó: Awǒvi ná bɛ́ mɛ gěgé ɖo mi mɛ dó gankpá mɛ, bó ná dó tɛ́n mi kpɔ́n; mi ná mɔ wǔvɛ́ xɔ azǎn wǒ. Nɔ gbejí káká yi kú; énɛ́ ɔ́, un ná ná we gbɛ bɔ é ná cí axɔ́súgbákún e nɔ́ ná gbɛ mɛ é ɖɔhun.

Nǔɖexlɛ́mɛ 20:2

É wlí Dlagɔ́ɔn ɔ́; dan xóxó e nyí awǒvi abǐ Satáan é; é zé wlɔ ɔ́ dó blá ɛ ná nú xwe afatɔ́n (1.000).