Eblée 2:11 - MAWUXÓWÉMA

¹¹ Jezu e nɔ slá wǔ nú mɛ ɔ́ kpódó mɛ e é slá wǔ ná lɛ́ɛ kpó ɔ́, tɔ́ ɖokpó ɔ́ wɛ ɖó yě bǐ. Énɛ́ ɔ́ wú wɛ winnyá ma hu Jezu nú é ná ylɔ́ yě ɖɔ nɔví émítɔn lɛ́ɛ ǎ.

Eblée 2:11 Iomraidhean Croise

Matíe 25:40

Nyɛ axɔ́sú ɔ́ ná yí gbe nú yě ɖɔ: ‘Má ɖɔ nǔgbó nú mi: hweɖěbǔnu e mi bló nǔ énɛ́ lɛ́ɛ nú nɔví ce élɔ́ lɛ́ɛ ɔ́, é ná bo nyí mɛ e ma nyí mɛ ɖé ɖo gbɛtɔ́ lɛ́ɛ nukún mɛ ǎ wɛ ɔ́, nyɛ wɛ mi bló ná.’

Matíe 28:10

Hwenɛ́nu ɔ́, Jezu ɖɔ nú yě ɖɔ: “Mi ma ɖi xɛsi ó. Mi yi, bó ɖɔ nú nɔví ce lɛ́ɛ ɖɔ yě ní yi Galilée; fínɛ́ wɛ yě ná mɔ mì ɖe.”

Maki 3:34

Bɔ é nyi nukún kpɔ́n mɛ e ɖo ayǐjínjɔ́n lɛ́ lɛ̌ dó e lɛ́ɛ, bó ɖɔ: “Nɔ ce kpódó nɔví ce lɛ́ɛ kpán ɖíe.

Maki 8:38

Mɛ e nyɛ kpódó xó ce lɛ́ɛ kpó ná nyí winnyánú ná ɖo gbɛtɔ́ din tɔn gbejímánɔ-númawutɔ́ lɛ́ɛ nukɔn ɔ́, mɛ ɔ́ lɔmɔ̌ ná nyí winnyánú nú nyɛ Gbɛtɔ́ví ɔ́ hwenu e nyɛ kpódó wɛnsagun ce lɛ́ɛ kpó ná lɛ́ kɔ wá ɖo Tɔ́ ce sín susu mɛ é.”

Luki 9:26

Mɛ e nyɛ kpódó xó ce lɛ́ɛ kpó ná nyí winnyánú ná ɔ́, mɛ ɔ́ lɔmɔ̌ ná nyí winnyánú nú nyɛ Gbɛtɔ́ví ɔ́ hwenu e un ná lɛ́ kɔ wá ɖo susu ce mɛ, ɖo susu Tɔ́ ɔ́ tɔn mɛ, kpódó susu wɛnsagun Mawu tɔn lɛ́ɛ kpó tɔn mɛ é.

Jǎan 17:19

Un sɔ́ nyɛ ɖésú bǐ jǒ nú we ɖó yě wú, nú yě lɔmɔ̌ ná sixú nyí towe nǔgbó.

Jǎan 17:21

bónú yě bǐ ní nyí ɖokpó, lě e nyɛ kpódó hwi kpó nyí ɖokpó gbɔn é. Daá, a ɖo nyɛ mɛ, bɔ nyí lɔ ɖo hwi lɔ mɛ; yě ní nɔ bǔ ɖo mǐ mɛ, bónú gbɛtɔ́ lɛ́ɛ ná dó tunwun ɖɔ hwi wɛ sɛ́ mì dó nǔgbó.

Jǎan 20:17

Jezu ɖɔ n'i ɖɔ: “Ma hɛn mì ɖó te ó, ɖó un ko yi Tɔ́ ɔ́ gɔ́n ɖo sɛ́xwé ǎ; lo ɔ́, yi ɖɔ nú nɔví ce lɛ́ɛ ɖɔ un xwe Tɔ́ ce e nyí Tɔ́ mi lɔ tɔn é gɔ́n; un xwe Mawu ce e nyí Mawu mi lɔ tɔn é gɔ́n.”

Mɛsɛ́dó 17:26

Gbɛtɔ́ ɖokpó géé jí wɛ é ɖó togun lɛ́ɛ bǐ gbɔn, bó ma yě kpé ayǐkúngban ɔ́ bǐ sésé jí; é ɖó hwenu lɛ́ɛ, bó ka ɖó dogbó nú nɔtɛn togun lɛ́ɛ tɔn ɖokpó ɖokpó.

Mɛsɛ́dó 17:28

“Đó, é wɛ zɔ́n bɔ mǐ ɖo gbɛ; é wɛ zɔ́n bɔ mǐ ɖo wǔ dǎn wɛ; é wɛ zɔ́n bɔ mǐ tíin. Nǔnywɛ́tɔ́ mitɔn lɛ́ɛ ɖésú ko ɖɔ mɔ̌ ɖɔ jí: “Vǐ tɔn wɛ mǐ nyí.”

Hlɔ̌manu 8:29

Đó mɛ e Mawu ko tunwun sín do lɛ́ɛ ɔ́, é lɛ́ ɖɔ ɖ'ayǐ ɖɔ émí na bló bɔ yě ná cí Vǐ émítɔn ɖɔhun, bónú vǐ tɔn ná nyí nukɔn ví ɖo nɔví gěgé tɛ́ntin.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

Eblée 10:10

Đó Jezu Klísu bló nǔ e Mawu jló ɖɔ ní bló é wú ɔ́, è slá wǔ nú mǐ gbɔn agbaza é ɖésúnɔ tɔn e é sɔ́ dó sá vɔ̌ ná azɔn ɖokpó bɔ xó fó ɔ́ gbla mɛ.

Eblée 10:14

Đó, gbɔn vɔ̌ ɖokpó géé e Klísu sá ɔ́ gblá mɛ ɔ́, é bló bɔ mɛ e è slá wǔ ná lɛ́ɛ húzú mɛɖeɖóvo, bɔ nǔ bǐ vɔ ɖ'é wú káká sɔ́yi.

Eblée 11:16

To e nyɔ́ hú to e mɛ yě gosín ɔ́ ba wɛ yě ɖe; to ɔ́ wɛ nyí to yě ɖésúnɔ tɔn ɖo sɛ́xwé. Énɛ́ ɔ́ wú wɛ winnyá ma hu Mawu ɖɔ è nǐ ylɔ́ émí ɖɔ Mawu mɛ énɛ́ lɛ́ɛ tɔn ǎ; ɖó é bló toxo ɖaxó ɖokpó ɖó ɖ'ayǐ nú yě ɖo sɛ́xwé.

Eblée 13:12

Énɛ́ ɔ́ wútu wɛ Jezu lɔ kú ɖo toxo ɔ́ gúdo, bó ná sɔ́ hun é ɖésúnɔ tɔn dó slá wǔ nú togun ɔ́.

Eblée 2:14

Ée ényí ɖɔ vǐ énɛ́ lɛ́ɛ ɔ́, gbɛtɔ́ wɛ yě nyǐ, bó ɖó agbaza kpó hun kpó ɔ́, Jezu ɖésú húzú gbɛtɔ́, bó ɖó agbaza kpó hun kpó yě ɖɔhun. É húzú gbɛtɔ́, bɔ gbɔn kú tɔn gbla mɛ ɔ́, é hu acɛ nú awǒvi e ɖó acɛ e nɔ hu mɛ é;

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.