Eblée 2:10 - MAWUXÓWÉMA

¹⁰ Nǔgbó ɔ́, é jɛ xá hwenɛ́nu ɖɔ Mawu e bló nǔ bǐ, bó hɛn nǔ bǐ ɖó tɛn yětɔn yětɔn mɛ ɔ́, ní bló nú Jezu ní mɛ́ yí fó, gbɔn wǔvɛ́mimɔ gbla mɛ. Mawu blǒ mɔ̌, bó ná dɔn vǐ gěgé wá susu tɔn mɛ gbɔn Jezu jí. Đó Jezu wɛ nyí gǎn e nɔ xlɛ́ hwlɛngánli ɔ́ yě ɔ́.

Eblée 2:10 Iomraidhean Croise

Bǐbɛ́mɛ 18:25

A nǎ hu mɛ ɖagbe kpó mɛ nyanya kpó. A nǎ bló mɔ̌ bɔ é ná nyí ɖɔ nǔ ɖokpó ɔ́ wɛ ɖo te kpɔ́n mɛ ɖagbe kpó mɛ nyanya kpó wɛ a? Ma wa nǔ gbɔn mɔ̌ ó; hwi mɛ e nyí hwɛɖɔtɔ́ gbɛ ɔ́ bǐ tɔn ɔ́ ná gɔn hwɛjijɔ xwedó dó wa nǔ wɛ a?”

Nǔnywɛ́xó 16:4

Mawu Mavɔmavɔ tunwun nǔ e wú é bló nǔ ɖokpó ɖokpó é; azǎn e gbe é nǎ dɔn tó nú mɛ é wú wɛ é tlɛ bló mɛdídá.

Ezayíi 43:21

togun énɛ́ e un bló nú nyiɖée é ná kpá susu nú mì.”

Ezayíi 55:4

Đó Davídi wɛ un sɔ́, bɔ é nyí acɛkpikpa ce sín kpɔ́ndéwú nú togun lɛ́ɛ; é wɛ un sɔ́ bɔ é nyí gǎn, bó kpa acɛ nú togun lɛ́ɛ.

Ozée 8:10

Yě ná nǔ akɔta lɛ́ɛ bó ná dó nyɔ́ ɖo yě sí có, un ná kplé yě lo, bɔ zaanɖé din ɔ́, yě ná ji ya ɖo agban kpinkpɛn e axɔ́sú Asilíi tɔn ɔ́ ná ɖíɖá yě ɔ́ glɔ́.

Micée 2:13

Mɛ e nɔ hun ali nú mɛ ɔ́ wɛ ɖo nukɔn mitɔn; mi jɛ miɖée sí. Mi ná gba to e mɛ mi ɖe ɔ́ sín hɔntogbó bó tɔ́n; Mawu Mavɔmavɔ axɔ́sú mitɔn ɔ́ wɛ ɖo nukɔn nú mi.”

Kɛ́nsísɔ́ 7:15

nyibúsú wínnyáwínnyá ɖokpó, agbo ɖokpó, lɛ̌ngbɔ́ví e ɖó xwe ɖokpó ɔ́ ɖokpó. È nǎ bɛ̌ kanlin énɛ́ lɛ́ɛ dó sá vɔ̌ e è nɔ dó zo ɔ́ ná.

Luki 13:32

Jezu ka yí gbe nú yě ɖɔ: “Mi yi ɖɔ nú nya nǔhɛngblétɔ́ ayǐsájɛ ɖɔhun énɛ́ ɔ́ ɖɔ égbé kpódó sɔ́ kpán ɔ́, un ná ɖo yɛ nyanya lɛ́ɛ nya sín mɛ lɛ́ɛ jí wɛ, bó ná ɖo azɔn gbɔ nú mɛ lɛ́ɛ wɛ, bɔ azǎn atɔngɔ́ ɔ́ gbe ɔ́, un ná wa azɔ̌ ce fó.

Luki 2:14

“Susu nú Mawu ɖo jǐxwé, fífá ní tíin ɖo ayǐkúngban jí nú gbɛtɔ́ e sín nǔ nyɔ́ Mawu nukún mɛ lɛ́ɛ!”

Luki 24:26

Klísu ɔ́ má kó ɖó ná ji ya énɛ́ lɛ́ɛ hwɛ̌, cóbó ná dó sixú byɔ́ susu tɔn mɛ ǎ cé?”

Luki 24:46

É ɖɔ nú yě ɖɔ: “È ko wlán ɖ'ayǐ ɖɔ: Klísu ɔ́ ɖó ná ji ya, káká bó kú, bɔ Mawu ka na lɛ́ fɔ́n ɛ sín kú azǎn tɔn atɔngɔ́ ɔ́ gbe,

Jǎan 11:52

É ka nyí ɖɔ togun énɛ́ ɔ́ kɛ́ɖɛ́ tamɛ wɛ é ná kú dó ǎ; é ná lɛ́ kplé Mawu ví e gbadó lɛ́ɛ bǐ ɖó bǔ.

Jǎan 19:30

Ée Jezu nu vɛ̌ɛn sinvɛ́sinvɛ́ ɔ́, é ɖɔ: “Nǔ bǐ fó!” Bó dó kɔ do, bó bɔnu.

Mɛsɛ́dó 3:15

Mi zɔ́n bɔ è hu mɛ e nyí gbɛnámɛtɔ́ ɔ́. Mawu ka fɔ́n ɛ sín kú, bɔ mǐ ɖo kúnnu ɖe ná wɛ.

Mɛsɛ́dó 5:31

Mawu sɔ́ ɛ ɖó ɖisí tɔn xwé, bó sɔ́ ɛ su, lobo sɔ́ ɛ axɔ́sú Mɛhwlɛ́ngántɔ́, nú é ná xlɛ́ ali Izlayɛ́li togun ɔ́, bónú Izlayɛ́li togun ɔ́ ná lɛ́ kɔ sín hwɛ tɔn lɛ́ɛ gúdo, bɔ Mawu ná sɔ́ hwɛ e é hu lɛ́ɛ kɛ ɛ.

Hlɔ̌manu 11:36

Đó gɔ̌n tɔn wɛ nǔ bǐ gosín; é wɛ bló nǔ bǐ, bɔ nǔ bǐ nyí étɔn. Susu nú Mawu káká sɔ́yi. Amǐ!

Hlɔ̌manu 9:23

É jló ná ɖe lě e susu tɔn ma ɖó dogbó ǎ gbɔn ɔ́ xlɛ́ mǐ mɛ e cí zɛ̌n e è nɔ zán nú nǔjɔnǔ lɛ́ɛ ɖɔhun bɔ é kú nǔbláwǔ ná lɛ́ɛ é; mǐ mɛ e é kó blóɖó ɖ'ayǐ, bɔ mǐ ná mɔ susu tɔn yí lɛ́ɛ.

1 Kɔlɛ́ntinu 2:7

Éeǒ! Nǔnywɛ́ énɛ́ jlá wɛ un ɖe ǎ. Nǔnywɛ́ Mawu tɔn e nyí nǔbúdo bɔ Mawu zé hwlá dó gbɛtɔ́ lɛ́ɛ é jlá wɛ un ɖe; nǔnywɛ́ énɛ́ wɛ Mawu ko sɔ́ ɖ'ayǐ xóxó nú susu mǐtɔn, cóbɔ gbɛ ɔ́ wá tíin.

1 Kɔlɛ́ntinu 8:6

Lo ɔ́, Mawu ɖokpó géé wɛ tíin nú mǐdɛɛ lɛ́ɛ: é wɛ nyí Tɔ́ e ɖó nǔ bǐ é; é wɛ mǐ ɖo gbɛ ná; mɔ̌ ɖokpó ɔ́, Aklúnɔ ɖokpó géé wɛ tíin; é wɛ nyí Jezu Klísu e jí nǔ lɛ́ɛ bǐ tíin gbɔn é; é jí wɛ mǐ ɖo gbɛ gbɔn.

2 Kɔlɛ́ntinu 3:18

Mǐ bǐ ɔ́, è ɖe avɔ sín nukún mɛ nú mǐ, bɔ susu Aklúnɔ tɔn ɔ́, è nɔ mɔ ɖo mǐ mɛ wěkpɛ́n mɛ ɖɔhun; énɛ́ ɔ́, è húzú mǐ nú mǐ ná cí Aklúnɔ ɖɔhun, bɔ mǐ gosín susu ɖé mɛ yi byɔ́ susu e lɛ́ hú gǎn mɔ̌ é mɛ. Azɔ̌ e Yɛ Aklúnɔ tɔn wa ɔ́ nɛ́.

2 Kɔlɛ́ntinu 4:17

Wǔvɛ́ kpɛ e mɔ wɛ mǐ ɖe din nú hwenu ɖé ɔ́ nɔ́ bló susu mavɔ mavɔ ɖ'ayǐ nú mǐ, bɔ é nɔ́ túnflá; susu énɛ́ ɖo tají hú wǔvɛ́ e mɔ wɛ mǐ ɖe din é ɖaxó.

2 Kɔlɛ́ntinu 5:18

Mawu e dó hwɛ gbɔ xá mǐ gbɔn Klísu jí ɔ́ sín azɔ̌ wɛ nyí nǔ énɛ́ lɛ́ɛ bǐ; é wɛ zé azɔ̌ dó así nú mǐ, bɔ mǐ ná dɔn mɛɖěvo lɛ́ɛ wá, bɔ é ná dó hwɛ gbɔ xá yě.

2 Kɔlɛ́ntinu 6:18

Un ná nyí tɔ́ nú mi, bɔ mi ná nyí vǐ súnnu kpó vǐ nyɔ̌nu kpó nú mì; nǔ e Aklúnɔ Nǔbǐwúkpétɔ́ ɔ́ ɖɔ ɔ́ nɛ́.”

Galatinu 3:26

ɖó mi bǐ nyí Mawu ví, ɖo Klísu Jezu mɛ, gbɔn nǔɖiɖi gbla mɛ.

Efɛ́zinu 2:7

É bló mɔ̌, bónú ayǐ e ná wá hɔ́n ɖo sɔ gúdo lɛ́ɛ ɔ́, é ná ɖe dɔkun maɖókpodó e ɖo fɛ́nú tɔn mɛ ɔ́ xlɛ́ mǐ, gbɔn xomɛnyínyɔ́ e é ɖó dó mǐ wú gbɔn Klísu Jezu jí é mɛ.

Efɛ́zinu 3:10

bónú din ɔ́, gǎn lɛ́ɛ kpódó hlɔ̌nhlɔ́n e ɖo gbɛ e mǐ ma ɖo mimɔ wɛ ǎ mɛ lɛ́ɛ kpó ní mɔ nukúnnú jɛ nǔnywɛ́ Mawu tɔn wú gbɔn alɔ bǐ mɛ gbɔn agun ɔ́ gbla mɛ.

Kolósinu 3:4

Gbɛ jɔ gbɛ mitɔn ɔ́, Klísu wɛ, bɔ hwenu e é ná wá tɔ́n ɔ́, mi lɔmɔ̌ kpó é kpó ná tɔ́n ɖo susu tɔn mɛ.

2 Timɔtée 2:10

Énɛ́ wú wɛ un nɔ dɛ ɖo nǔ bǐ nu, ɖó mɛ e Mawu cyán lɛ́ɛ wú, bónú yě lɔ ná sixú mɔ hwlɛngán e ɖo Klísu Jezu mɛ ɔ́ kpódó susu maɖókpodó kpó yí.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 6:20

Fínɛ́ wɛ Jezu jɛ nukɔn nú mǐ, bó yi dó ta mǐtɔn mɛ. É húzú vɔ̌sánú-xwlémawutɔ́ ɖaxó káká sɔ́yi, Mɛlukisedɛ́ki ɖɔhun.

Eblée 7:26

Hǔn, Jezu wɛ nyí vɔ̌sánú-xwlémawutɔ́ ɖaxó e jɛ xá mǐ é, ɖó é nyí mɛ mímɛ́; é wa nǔ nyanya ɖěbǔ ǎ; hwɛ ɖěbǔ ɖo kɔ n'i ǎ. È sɔ́ ɛ ɖó vo nú hwɛhutɔ́ lɛ́ɛ, bó sɔ́ ɛ dó jǐ aga ɖo sɛ́xwé.

Eblée 7:28

Mɔyízisɛ́n ɔ́, gbɛtɔ́ wɛ é nɔ sɔ́ vɔ̌sánú-xwlémawutɔ́ ɖaxó; gbɛtɔ́ ka ɖó gǎn ɖé ǎ; lo ɔ́, xó e Mawu ɖɔ bó xwlé nǔ d'é jí ɖo sɛ́n ɔ́ gúdo ɔ́, Mawu ví ɔ́ wɛ é sɔ́ vɔ̌sánú-xwlémawutɔ́ ɖaxó; é ɖó blɔ̌ ǎ káká sɔ́yi.

1 Piyɛ́ɛ 1:12

Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.

1 Piyɛ́ɛ 5:1

Din ɔ́, mɛ e nyí agunmɛxó ɖo mi mɛ lɛ́ɛ ɖɔ xó ná wɛ un ɖe. Nyɛ lɔ ɔ́, agunmɛxó wɛ un nyí; un nyí kúnnuɖetɔ́ wǔvɛ́ e Klísu mɔ lɛ́ɛ tɔn, bó ɖó mǐmá ɖo susu e è nǎ wá ɖe xlɛ́ ɔ́ mɛ. Nǔ e ɖɔ nú yě wɛ un ɖe ɔ́ ɖíe:

1 Piyɛ́ɛ 5:10

Lo ɔ́, ényí mi ji ya nú hwenu kpɛɖé gúdo ɔ́, Mawu fɛ́nú bǐ nɔ e ylɔ́ mi nú mi ná ɖó mǐmá ɖo susu tɔn mavɔ mavɔ ɔ́ mɛ, ɖo bǔ e mi ɖe xá Klísu ɔ́ mɛ ɔ́, é ɖésúnɔ ná wa azɔ̌ ɖo mi wú, bɔ mi ná nyɔ́ yí fó; é ná bló bɔ mi ná syɛ́nlǐn; é ná ná hlɔ̌nhlɔ́n mi; é ná dó mi do nyi dodó syɛ́nsyɛ́n lɛ́ɛ jí.

Nǔɖexlɛ́mɛ 4:11

“Aklúnɔ mǐtɔn, Mawu mǐtɔn, susu, yɛ̌yi kpó hlɔ̌nhlɔ́n kpó jɛ xá we, ɖó a blǒ nǔ bǐ; hwi wɛ jló bɔ yě tíin; hwi wɛ jló bɔ yě ɖo gbɛ.”

Nǔɖexlɛ́mɛ 7:9

Énɛ́ ɔ́ gúdo ɔ́, un lɛ́ kpɔ́n bó mɔ mɛ wɔ̌buwɔ́bú ɖé: mɛ ɖěbǔ sixú xa mɛ e ɖo ahwan ɔ́ mɛ lɛ́ɛ bǐ ǎ. Yě gosín to lɛ́ɛ bǐ mɛ, bó gosín akɔta lɛ́ɛ bǐ mɛ, bó gosín togun lɛ́ɛ bǐ mɛ, bó gosín gbe e è nɔ dó lɛ́ɛ bǐ mɛ; yě ɖo te ɖo axɔ́súzinkpo ɔ́ kpó Lɛ̌ngbɔ́ví ɔ́ kpán nukɔn; yě dó awu gaga wěwé, bó hɛn děma alɔ mɛ.