Eblée 13:9 - MAWUXÓWÉMA

⁹ Mi ma jó miɖée dó bónú kplɔ́n baɖabaɖa tɛnmɛ tɛnmɛ lɛ́ɛ dɔn mi bú ó; é nyɔ́ nú fɛ́nú Mawu tɔn ní bló nú ayixa mǐtɔn ní lí dǒ. Ní ma nyí sɛ́n e è dǒ dó nǔɖuɖu tɛnmɛ tɛnmɛ lɛ́ɛ wú ɔ́ wɛ ná zɔ́n bɔ ayixa mǐtɔn ná lí dǒ ó; mɛ e nɔ nyi sɛ́n énɛ́ lɛ́ɛ nɔ mɔ le ɖé ɖ'é mɛ gbeɖé ǎ.

Eblée 13:9 Iomraidhean Croise

Ɖɛhan 112:8

É nɔ́ lí dǒ, é nɔ́ ɖi xɛsi ǎ, é ɖó gǎnjɛwú ɖɔ émí ná mɔ kɛntɔ́ sín ayǐjijɛ.

Matíe 24:24

ɖó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ tɛnmɛ tɛnmɛ lɛ́ɛ, bó ná nɔ́ dó nǔdábaɖa ɖaxó ɖaxó lɛ́ɛ sin, bɔ nú yě sixú kpé wú wɛ ɔ́, yě ná flú mɛ e Mawu cyán lɛ́ɛ lɔmɔ̌.

Matíe 24:4

Jezu ka yí gbe nú yě ɖɔ: “Mi hɛn ayi mitɔn, bónú mɛɖé má wá blɛ́ mi ó,

Luki 5:38

Lo ɔ́, vɛ̌ɛn yɔ̌yɔ́ ɔ́, anyǔglo yɔ̌yɔ́ mɛ wɛ è nɔ kɔn dó.

Mɛsɛ́dó 20:30

Đo mi ɖésúnɔ mɛ ɔ́, mɛɖé lɛ́ɛ na wá sí te, bó jɛ nǔ e ma sɔgbe xá Wɛn Ɖagbe ɔ́ ǎ lɛ́ɛ kplɔ́n mɛ jí, bɔ mɛ gěgé ná xwedó yě ɖo mɛ e ɖi nǔ nú Jezu lɛ́ɛ mɛ.

Mɛsɛ́dó 20:32

“Din ɔ́, un zé mi dó alɔ mɛ nú Mawu, bó jó mi nú fɛ́nú tɔn sín xó. Mawu ɖó acɛ, bó ná na hlɔ̌nhlɔ́n mi, bó ná lɛ́ na mi nǔ ɖagbe e é ko sɔ́ ɖ'ayǐ nú mɛ e nyí étɔn lɛ́ɛ bǐ é.

Hlɔ̌manu 14:17

Đó axɔ́súɖuɖu Mawu tɔn nyí nǔɖuɖu kpó ahan kpó sín xó ɖé ǎ; hwɛjijɔ kpódó fífá kpó, kpódó awǎjijɛ e Yɛsinsɛn nɔ ná mɛ ɔ́ kpó sín xó wɛ.

Hlɔ̌manu 14:2

Nǔ e wú mi na kpɔ́n dó ɔ́, mɛ ɖě ɖi nǔ ɖɔ émí hɛn ɔ́, émí ná ɖu nǔ bǐ; mɛ ɖe ɔ́ e ma ka ɖó gǎn ɖo nǔɖiɖi mɛ ǎ ɔ́, mǎ kɛ́ɖɛ́ jɛ́n éyɛ́ nɔ ɖu.

Hlɔ̌manu 14:6

Mɛ e nɔ sɔ́ azǎn ɖé lɛ́ɛ dó mɔ azǎn tají ná lɛ́ɛ nɔ́ bló mɔ̌, bó nɔ dó sɔ́ Aklúnɔ su; mɛ e nɔ ɖu nǔ bǐ ɔ́, nɔ bló mɔ̌, bó nɔ dó sɔ́ Aklúnɔ su; ɖó é nɔ dó kú nú Aklúnɔ dó nǔɖuɖu énɛ́ tamɛ. Mɛ e ma nɔ ɖu nǔ bǐ ǎ lɔ nɔ bló mɔ̌, bó nɔ dó sɔ́ Aklúnɔ su, bó nɔ dó kú nú Mawu.

1 Kɔlɛ́ntinu 6:13

Mi nɔ lɛ́ ɖɔ: “Nǔɖuɖu nyí adɔgo tɔn, bɔ adɔgo nyí nǔɖuɖu tɔn.” Nǔgbó wɛ! É ka ɖo mɔ̌ có Mawu ná gblé gbɛ dó nú yě mɛ we lɛ́ɛ bǐ. Amɔ̌ agbaza gbɛtɔ́ tɔn ɔ́, éyɛ́ ɖe nú agalilɛ ǎ: Aklúnɔ tɔn wɛ é nyí, bɔ Aklúnɔ nyí étɔn.

1 Kɔlɛ́ntinu 8:8

Có é ma ka nyí nǔɖuɖu wɛ nɔ zɔ́n bɔ mǐ nɔ́ sɛkpɔ́ Mawu nɛ́; ényí mǐ ma ɖu ǎ ɔ́, nǔɖé gú mǐ ǎ; ényí mǐ ka ɖu ɔ́, le ɖé ɖ'é mɛ nú mǐ ǎ.

2 Kɔlɛ́ntinu 1:21

Bɔ Mawu ɖésúnɔ wɛ nɔ ná lǐnsyɛ́nsyɛ́n mǐ kpó mi kpó ɖo gbɛ e mǐ nɔ́ zán ɖo Klísu mɛ é mɛ. Mawu ɖésúnɔ wɛ ɖe mǐ ɖó vo.

Galatinu 6:1

Nɔví lɛ́ɛ mi! Mi mɛ e ko ɖó nukɔn yiyi ɖo nǔɖiɖi mɛ lɛ́ɛ ɔ́, ényí mɛɖé ɖo nǔ ɖěbǔ wa nyi do wɛ, bónú è gbo e dó hǔn, mi ɖe e ɖó ali jí; mi ka bló kpódó xomɛfífá kpó. Un ka lɛ́ ɖo ɖiɖɔ nú mi wɛ ɖɔ mi cɔ́ miɖée, bónú mi ɖésúnɔ má wá jɛ tɛ́nkpɔ́n mɛ ó.

Efɛ́zinu 4:14

Énɛ́ ɔ́, mǐ sɔ́ ná cí yɔkpɔ́vú lɛ́ɛ ɖɔhun, bɔ mɛblɛ́ɖutɔ́ lɛ́ɛ ná sɔ́ nǔkplɔ́nmɛ yětɔn lɛ́ɛ dó gba ayi dó nú mǐ, bɔ mǐ ná nɔ xo yi aɖisí, bó ná nɔ́ xo yi amyɔ, lě e aslɔkɛ́ kpó jɔhɔn kpó nɔ́ dó ya nú tɔjíhún gbɔn ɖo tɔjí é ɖɔhun ǎ. Đó mɛblɛ́ɖutɔ́ lɛ́ɛ ɔ́, nǔ e yě sɔ́ sísɛ́ yětɔn dó wa é wɛ yě nɔ́ zé dó dɔn mɛ dó nǔ nyanya mɛ.

Efɛ́zinu 5:6

Mɛ ɖé ma sɔ́ xó gbló bó dó blɛ́ mi ná ó, ɖó nǔ énɛ́ lɛ́ɛ wútu wɛ Mawu nɔ sin xomɛ dó mɛ e ma nɔ se tónú n'i ǎ lɛ́ɛ.

Kolósinu 2:4

Un ɖɔ xó nú mi gbɔn mɔ̌, bónú mɛɖé ma ɖɔ xó víví dó blɛ́ mi ná ó.

1 Timɔtée 6:20

Timɔtée, hɛn nǔ e è sɔ́ dó así nú we ɔ́ syɛ́nsyɛ́n. Nɔ hɔn nú xógbló, xó e ma sɔgbe xá nǔɖiɖi ɔ́ ǎ lɛ́ɛ, bó hɔn nú nǔnywɛ́ ma nyí nǔnywɛ́ e mɛ lɛ́ɛ nɔ ylɔ́ ɖɔ nǔnywɛ́, bó nɔ ɖo nǔ dɔn ɖ'é kɔn wɛ é.

1 Jǎan 4:1

Mɛvívɛ́ná ce lɛ́ɛ mi, mi ma nɔ ɖi nǔ nú mɛ e ɖɔ émí ɖó Yɛ Mawu tɔn lɛ́ɛ é bǐ ó, mi nɔ to dó yě kpɔ́n hwɛ̌, bó ná kpɔ́n ɖɔ Yɛ Mawu tɔn ɔ́ jɛ́n ɖo yě mɛ nǔgbó ají; ɖó gbeyíɖɔmawutɔn-nyíjɛtɔ́ gěgé ko gba kpé gbɛ ɔ́ mɛ din.

Judi 1:12

Kpɔ́nɔxámɛ yětɔn ɔ́, afɔklɛ́nnú wɛ é nyí ɖo nɔví nɔví nǔɖuɖu mitɔn kɔn, fí e yě nɔ ɖu agɔ̌ ɖe ma ɖó winnyá é. Yě ɖésúnɔ kɛ́ɖɛ́ wú jɛ́n yě nɔ kpé nukún dó. Yě cí akpɔ́kpɔ́ e jɔhɔn nɔ zé, bɔ é ma nɔ ná jǐ ǎ é ɖɔhun. Yě cí atín e hwenu yě ná ná sínsɛ́n dó é ná bó su ɔ́, yě ma nɔ ná sínsɛ́n ǎ lɛ́ɛ ɖɔhun. Yě cí atín e è hɔn dó ɖɔ, bɔ yě kú bǐ é ɖɔhun.

Judi 1:3

Mɛvívɛ́ná ce lɛ́ɛ mi, un ko ɖo lě e un ná wa gbɔn, bó ná wlán wěma sɛ́ dó mi dó hwlɛngán ɖokpó ɔ́ e mǐ ɖó ɔ́ wú ɔ́ ba wɛ syɛ́nsyɛ́n; énɛ́ ɔ́ lin wɛ un ɖe bó wá mɔ ɖɔ é ɖo dandan mɛ nú mì ɖɔ ma wlán sɛ́ dó mi, bó ná dó ná akɔ́nkpinkpan mi, bónú mi ná fun ahwan nú nǔɖiɖi e Mawu ná mɛɖeɖóvo tɔn lɛ́ɛ bǐ azɔn ɖokpó géé bɔ xó fó é.