Eblée 13:8 - MAWUXÓWÉMA

⁸ Jezu Klísu ɔ́, nǔ e é nyí sɔ ɔ́ jɛ́n é lɛ́ nyí égbé, bó ná lɛ́ nyí káká sɔ́yi.

Eblée 13:8 Iomraidhean Croise

Bǐbɛ́mɛ 21:33

Ablaxámu ka tun atín e è nɔ ylɔ́ ɖɔ tamalisi ɔ́ ɖó Bɛ̌-Ceva, bó nɔ xomlá Mawu Mavɔmavɔ, Mawu tɛgbɛ tɔn ɔ́ sín nyǐkɔ ɖo fínɛ́.

Ɖɛhan 103:17

Amɔ̌, xomɛnyínyɔ́ Mawu Mavɔmavɔ tɔn ɔ́, é ɖe nú mɛ e nɔ ɖó sísí n'i lɛ́ɛ tɛgbɛ, bɔ gbejíninɔ tɔn nɔ́ hun káká yi vǐ yětɔn ví lɛ́ɛ jí.

Ɖɛhan 90:2

Cóbónú só lɛ́ɛ ná jɔ ɔ́, cóbónú a nǎ ɖó ayǐkúngban ɔ́, bó ná ɖó gbɛ ɔ́, a ko nyí Mawu, bó ná nyí Mawu káká sɔ́yi.

Ɖɛhan 90:4

Mawu, xwe afatɔ́n (1.000) ɔ́, nǔ kléwún ɖé wɛ nyí ɖo nukɔn towe, bó nɔ́ wá yi sɔ yí e ko hɔ́n wá yi é ɖɔhun; é nɔ́ dín bléwún ayǐtéhɔ̌nnu ɖɔhun.

Tíntɔ́n 3:14

Énɛ́ ɔ́, Mawu ɖɔ nú Mɔyízi ɖɔ: “UN NYÍ MƐ E UN NYÍ É .” Hǔn nǔ e a nǎ ɖɔ nú Izlayɛ́li ví lɛ́ɛ ɔ́ ɖíe: mɛ e nyǐkɔ tɔn nyí “UN NYÍ” ɔ́ wɛ sɛ́ mì dó gɔ̌n mitɔn.

Ezayíi 41:4

Mɛ̌ wɛ zɔ́n nǔ énɛ́ lɛ́ɛ? Nyɛ Mawu Mavɔmavɔ wɛ; nyɛ wɛ nɔ zɔ́n nǔ e nɔ jɛ ɖo gbɛ ɔ́ mɛ lɛ́ɛ sín do. Có nú nǔ nukɔntɔn e jɛ ɔ́ ná bɛ́ ɔ́, un ɖo tɛn tɔn mɛ; nǔ gǔdo gúdo tɔn e ka ná wá jɛ ɔ́, un ná lɛ́ ɖo tɛn tɔn mɛ.

Ezayíi 44:6

Mawu Mavɔmavɔ, Izlayɛ́li xɔ́sú ɔ́, Mɛhwlɛ́ngántɔ́ Izlayɛ́li tɔn ɔ́, Mawu Mavɔmavɔ Nǔbǐwúkpétɔ́ ɔ́, xó e é ɖɔ ɔ́ ɖíe: “Nyi wɛ nyí bǐbɛ́mɛ, bó lɛ́ nyí vivɔnu nǔ bǐ tɔn. Nyɛ mɛvo ɔ́, Mawu ɖě sɔ́ tíin ǎ.

Malacíi 3:6

“Nyɛ Mawu Mavɔmavɔ ɔ́, un nɔ húzú ǎ, midɛɛ lɛ́ɛ ɔ́, mi ka gɔn Jakɔ́bu ví titewungbe lɛ́ɛ nyí ǎ.

2 Kɔlɛ́ntinu 1:19

Đó Klísu Jezu, Mawu ví e xó nyɛ kpó Silási kpó, kpódó Timɔtée kpó, ɖɔ nú mi ɔ́ wá, bó ná nyí “ɛɛn”, bó ná lɛ́ nyí “éeǒ” ǎ. É nyɔ́ wa ɔ́, “ɛɛn” Mawu tɔn wɛ é nyí.

2 Kɔlɛ́ntinu 1:20

Nǔgbó ɔ́, é wɛ nyí “ɛɛn” e yí gbe ɖɔ akpá e Mawu dó lɛ́ɛ bǐ nyí nǔgbó é. Hǔn Klísu Jezu jí wɛ mǐ nɔ́ ɖɔ “amǐ” mǐtɔn gbɔn, bó ná dó kpa susu nú Mawu.

Eblée 1:12

A nǎ mlá yě awu ɖaxó ɖɔhun, bɔ è nǎ ɖyɔ́ yě avɔ ɖɔhun. Amɔ̌ hwɛ ɔ́, nǔ ɖokpó ɔ́ wɛ a nyǐ tɛgbɛ, bɔ gbɛ towe ɖó vivɔ ǎ.”

Jaki 1:17

Nǔníná ɖagbe ɖagbe bǐ, kpó nǔnámɛ e nǔ vɔ ɖ'é wú ɔ́ bǐ kpó ɔ́, sɛ́xwé wɛ yě nɔ gosín; yě nɔ jɛ te sín Mawu e bló nǔ e ɖo jǐxwé bó nɔ ná wěziza lɛ́ɛ é gɔ́n; Mawu nɔ húzú ǎ; é ɖo ɖěbǔ ɔ́, é nɔ dó zǐnflú ǎ.

Nǔɖexlɛ́mɛ 1:11

bó nɔ́ ɖɔ: “Wlǎn nǔ e mɔ wɛ a ɖe lɛ́ɛ dó wěma mɛ, bó sɛ́ wěma ɔ́ dó agun Klísu tɔn tɛ́nwe élɔ́ lɛ́ɛ: agun Efɛ́zi tɔn, Simíini tɔn, Pɛɛgamu tɔn, Tiatíi tɔn, Saadu tɔn, Filadɛlufíi tɔn kpó Lawodisée tɔn kpó.”

Nǔɖexlɛ́mɛ 1:4

Nyɛ Jǎan wɛ sɛ́ wěma élɔ́ dó agun Klísu tɔn tɛ́nwe e ɖo tokpɔn Azíi tɔn mɛ lɛ́ɛ: Mawu e tíin din, bó ka kó tíin ɖ'ayǐ, bó ná wá ɔ́ ní ná fɛ́nú kpó fífá kpó mi; yɛ tɛ́nwe e ɖo axɔ́súzinkpo tɔn nukɔn lɛ́ɛ ní ná fɛ́nú kpó fífá kpó mi; Jezu Klísu e nyí kúnnuɖetɔ́ gbejínɔtɔ́, bó nyí mɛ nukɔntɔn e Mawu fɔ́n sín kú é, bó hú gǎn axɔ́sú e ɖo ayǐkúngban jí lɛ́ɛ é ní ná fɛ́nú kpódó fífá kpó mi. Jezu Klísu yí wǎn nú mǐ; é hwlɛ́n mǐ sín hwɛ e mǐ hu lɛ́ɛ mɛ, gbɔn kanjɔ tɔn gbla mɛ;

Nǔɖexlɛ́mɛ 1:8

Aklúnɔ Mawu Nǔbǐwúkpétɔ́ e tíin din, bó ka kó tíin ɖ'ayǐ, bó ná wá ɔ́ ɖɔ: “Un nyí Alufa, bó nyí Omɛga; un nyí bǐbɛ́, bó nyí vivɔ.”