Eblée 13:7 - MAWUXÓWÉMA

⁷ Mi flín agunnukɔntɔ́ mitɔn xóxó e ɖɔ Mawuxó nú mi lɛ́ɛ é. Mi lin tamɛ dó lě e yě zán gbɛ yětɔn gbɔn ɔ́ kpó lě e yě kú gbɔn ɔ́ kpó wú, bó ɖó nǔɖiɖi yě ɖɔhun.

Eblée 13:7 Iomraidhean Croise

Hanvíví 1:8

Tɔ́nnúhwecí ce, a ma tunwun fí ɔ́ ǎ hǔn, bo dó gbɔ̌ lɛ́ɛ sín afɔ, kplá lɛ̌ngbɔ́ví towe lɛ́ɛ gbɔn fí e lɛ̌ngbɔ́nyitɔ́ lɛ́ɛ dó goxɔ gbɔn é.

Matíe 24:45

“Má ɖɔ mɛ e mɛsɛntɔ́ gbejínɔtɔ́, ayiɖotenánɔ ɖi ɔ́ nú mi: é ɖi mɛ e gǎn tɔn ɖo hwɛ ná zɛ wɛ, bó sɔ́ ɛ ɖó mɛ e ɖo xwé tɔn gbe lɛ́ɛ nu, bɔ é ná nɔ ná nǔɖuɖu yě dó hwe tɔn nu é.

Luki 12:42

Aklúnɔ ka yí gbe ɖɔ: “Mɛ̌ ká nyí mɛsɛntɔ́ gbejínɔtɔ́ nǔnywɛ́tɔ́? Mɛsɛntɔ́ gbejínɔtɔ́ nǔnywɛ́tɔ́ ɔ́ wɛ nyí mɛ e gǎn tɔn ɖo hwɛ ná zɛ wɛ, bó sɔ́ ɛ ɖó xwé tɔn nu, bɔ é ná nɔ́ ná nǔɖuɖu mɛsɛntɔ́ hǎtɔ́ tɔn ɖě lɛ́ɛ dó hwenu é wɛ.

Luki 5:1

Jezu ɖo te ɖo Jenɛzalɛ́ti tɔ tó gbe ɖokpó, bɔ mɛ gěgé nyɛ́sú i, bó ná se Mawuxó.

Luki 8:11

“Lǒ e un dó ɔ́, tínmɛ tɔn ɖíe: nǔkún ɔ́, Mawuxó ɔ́ wɛ.

Mɛsɛ́dó 13:46

Pɔ́lu kpódó Baanabási kpó ka ɖɔ xó kpódó jiɖiɖe kpó ɖɔ: “Midɛɛ lɛ́ɛ wɛ è ɖǒ ná ɖɔ Mawuxó ná hwɛ̌; ée mi ka gbɛ́, bó mɔ ɖɔ émí kún jɛ xá gbɛ mavɔ mavɔ ɔ́ ó ɔ́, din ɔ́, mǐ ná gbɔ bó yi mɛ e má nyí Jwifu ǎ lɛ́ɛ gɔ́n.

Mɛsɛ́dó 14:23

Pɔ́lu kpó Baanabási kpó sɔ́ agunnukɔntɔ́ ɖó yě nu, gbɔn agun ɖokpó ɖokpó mɛ. Yě blá nu, bó xo ɖɛ lobo sɔ́ yě dó alɔ mɛ nú Aklúnɔ e yě ɖi nǔ na é.

Mɛsɛ́dó 4:31

Ée yě xo ɖɛ fó ɔ́, fí e yě kplé ɖe ɔ́ dán wǔ. Yɛsinsɛn gɔ́ ayi mɛ nú yě, bɔ yě jɛ Mawuxó jlá jí, kpódó jiɖiɖe kpán.

Hlɔ̌manu 10:17

Énɛ́ ɔ́, nǔ e se wɛ è ɖe ɔ́ mɛ wɛ nǔɖiɖi nɔ tɔ́n sín, bɔ nǔ e se wɛ è ɖe ɔ́ ka nyí Klísu sín xó e jlá wɛ è ɖe é.

1 Kɔlɛ́ntinu 10:13

Mi mɔ tɛ́nkpɔ́n ɖěbǔ zɛ ée gbɛtɔ́ nɔ mɔ é wú ǎ. Mawu nɔ́ gɔn akpá e é dó lɛ́ɛ ɖe ǎ; é ná lɔn bɔ tɛ́nkpɔ́n ɖé ná wá nú mi bó hú gǎn hlɔ̌nhlɔ́n e mi ɖó é ǎ; amɔ̌ hwenu e tɛ́nkpɔ́n ná wá nú mi ɔ́, é ná ná hlɔ̌nhlɔ́n mi bɔ mi ná dɛ ɖ'é nu; énɛ́ ɔ́, é ná ɖe ali nú mi bɔ mi ná tɔ́n sín mɛ.

1 Kɔlɛ́ntinu 11:1

Mi wa nǔ nyɛ ɖɔhun, lě e nyi lɔ nɔ wa nǔ Klísu ɖɔhun gbɔn é.

1 Kɔlɛ́ntinu 4:16

Hǔn un ɖo byɔ̌byɔ́ mi wɛ ɖɔ mi ní wa nǔ ɖi nyɛ ɖɔhun.

Filípunu 3:17

Nɔví ce lɛ́ɛ mi, mi bǐ ní bló nyɛ ɖɔhun. Mǐ ko ná xlɛ́ tɔn: hǔn mi sɔ́ nukún mitɔn ɖó yě mɛ e gbɛzínzán yětɔn nɔ sɔgbe xá xlɛ́ mǐtɔn énɛ́ lɛ́ɛ é jí.

1 Tɛsalonikinu 1:6

Lě e mǐ wa nǔ gbɔn ɔ́ kpódó lě e Aklúnɔ wa nǔ gbɔn ɔ́ kpán wɛ mi xwedó, dó wa nǔ, ɖó mi mɔ wǔvɛ́ ɖésú, có mi ka yí Mawuxó ɔ́ kpódó xomɛhunhun e Yɛsinsɛn nɔ ná mɛ é kpó.

1 Tɛsalonikinu 2:13

Mǐ nɔ lɛ́ gɔn kú dó nú Mawu ɖó nǔ élɔ́ wú ǎ; é wɛ nyí ɖɔ hwenu e mǐ jlá Mawuxó ɔ́ mi ɔ́, mi se lobo yí dó ayi mɛ; mi ka yí dó yí gbɛtɔ́ xó ǎ; lo ɔ́ mi yí dó yí Mawuxó ná; Mawuxó ɔ́ wɛ é ka nyí nǔgbó; ée mi yí i mɔ̌ ɔ́, é ɖo azɔ̌ wa ɖo mi mɛ e ɖi nǔ lɛ́ɛ mɛ wɛ.

2 Tɛsalonikinu 3:7

Mi ɖésúnɔ ɔ́, lě e mi ɖó ná wa nǔ mǐdɛɛ lɛ́ɛ ɖɔhun gbɔn ɔ́, mi tunwun ganjí; ɖó hwenu e mǐ ɖo mi gɔ́n ɔ́, mǐ ɖi fɔnlín ǎ.

2 Tɛsalonikinu 3:9

É nyí mǐ gɔn acɛ e ná ɖu nǔ mitɔn bó gɔn axɔ́ sú ɔ́ ɖó wútu wɛ mǐ wa nǔ gbɔn mɔ̌ ǎ; lo ɔ́, mǐ wa nǔ gbɔn mɔ̌, bó ná dó ná xlɛ́ e mi ná xwedó ɔ́ mi.

1 Timɔtée 3:5

Đó mɛ e ma sixú kpé nukún dó xwé tɔn wú ǎ ɔ́, nɛ̌ é ka ná sixú kpé nukún dó agun Mawu tɔn wú gbɔn?

Eblée 13:17

Mi se tónú nú agunnukɔntɔ́ mitɔn lɛ́ɛ, bó hwíhwɛ́ miɖée ɖo glɔ́ yětɔn; yě nɔ ɖo nukún kpé dó mi wú wɛ hwebǐnu, ɖó yě ɖó ná ɖó azɔ̌ e yě wa ɔ́ sín gbe nú Mawu. Ényí mi se tónú nú yě ɔ́, yě ná wa azɔ̌ yětɔn kpódó xomɛhunhun kpó; ényí mi ma ka se tónú nú yě ǎ ɔ́, yě ná wa azɔ̌ yětɔn wǔɖéwúɖé; énɛ́ ɔ́, mi ka sɔ́ ná mɔ le ɖěbǔ ɖ'é mɛ ǎ.

Eblée 13:24

Mi dó gbe agunnukɔntɔ́ mitɔn lɛ́ɛ bǐ, bó dó gbe mɛɖeɖóvo Mawu tɔn lɛ́ɛ bǐ. Nɔví e ɖo Italíi lɛ́ɛ dó gbe sɛ́ dó mi.

Eblée 6:12

Mǐ jló ɖɔ mi ní húzú fɔnlínnɔ ǎ, lo ɔ́, mi ní xwedó xlɛ́ mɛ e ɖi nǔ bó ɖó sɔxwixwe, bó nɔ mɔ nǔ e sín akpá Mawu dó ɔ́ yí, ɖó énɛ́ wú lɛ́ɛ é tɔn.

1 Piyɛ́ɛ 4:11

Ényí mɛɖé ɖo Wɛn Ɖagbe jlá wɛ hǔn, ní nyí Mawuxó; ényí mɛɖé ɖo Mawuzɔ́ wa wɛ hǔn, ní wa kpó hlɔ̌nhlɔ́n e Mawu ná ɛ ɔ́ kpó, bónú è nǎ kpa susu nú Mawu ɖo nǔ bǐ mɛ, gbɔn Jezu Klísu e nyí susunɔ, bó nyí hlɔ̌nhlɔ́nnɔ káká sɔ́yi ɔ́ jí! Amǐ!

Nǔɖexlɛ́mɛ 1:9

Un nɔ nyí Jǎan; nɔví mitɔn wɛ un nyí; ɖo bǔ e mǐ ɖe xá Jezu é mɛ ɔ́, un ɖo ya ji xá mi wɛ, bó ɖo axɔ́súɖuɖu ɔ́ mɛ xá mi; un ɖo te kpódó suúlu kpó xá mi. Un ɖo tɔtɛ́ntin-yíkúngban e è nɔ ylɔ́ ɖɔ Patimɔ́si ɔ́ jí, ɖó un jlá Mawuxó ɔ́ bó ɖe kúnnu nú Jezu wútu.

Nǔɖexlɛ́mɛ 20:4

Un mɔ axɔ́súzinkpo lɛ́ɛ: è nǎ acɛ mɛ e jínjɔ́n jí lɛ́ɛ, bɔ yě ná ɖɔ hwɛ. Mɛ e è gbo ta, ɖó yě jlá Mawuxó ɔ́, bó ɖe kúnnu nú Jezu wútu lɛ́ɛ ɔ́, un lɛ́ mɔ lǐndɔ̌n yětɔn. Yě sɛn kanlin ɔ́ ǎ; yě sɛn akpajlɛ́ tɔn ǎ, kanlin ɔ́ sín wuntun ka ɖo nukɔn nú yě ǎ; é ka lɛ́ ɖo alɔ nú yě ǎ. Mɛ énɛ́ lɛ́ɛ lɛ́ wá gbɛ, bó ɖu axɔ́sú xá Klísu nú xwe afatɔ́n (1.000).

Nǔɖexlɛ́mɛ 6:9

Énɛ́ ɔ́ gúdo ɔ́, Lɛ̌ngbɔ́ví ɔ́ gba wuntun atɔ́ɔ́ngɔ́ ɔ́, bɔ un mɔ mɛ e è hu, ɖó yě jlá Mawuxó ɔ́, bó nɔ gbejí ɖo kúnnuɖiɖe yětɔn mɛ lɛ́ɛ é sín lǐndɔ̌n ɖo vɔ̌sákpe ɔ́ glɔ́.