Eblée 13:6 - MAWUXÓWÉMA

⁶ Énɛ́ ɔ́ wú wɛ mǐ hɛn ɔ́, mǐ ná ɖɔ kpódó jiɖiɖe kpó ɖɔ Aklúnɔ wɛ nyí mɛ e nɔ d'alɔ mǐ é. Un ná ɖi xɛsi nú nǔɖé ǎ. Étɛ́ mɛɖé ka sixú wa nú mì.”

Eblée 13:6 Iomraidhean Croise

Bǐbɛ́mɛ 15:1

Ée nǔ énɛ́ lɛ́ɛ jɛ wá yi gúdo ɔ́, Ablámu mɔ nǔ. É mɔ Mawu Mavɔmavɔ bɔ é ɖɔ xó n'i; é ɖɔ n'i ɖɔ: “Ablámu! Ma ɖi xɛsi ó; nyɛ wɛ nyí gǎglónú towe; un ná ná we ajɔ bɔ é ná d'agba ɖésú.”

1 Axɔ́sú 17:8

Énɛ́ ɔ́, Mawu Mavɔmavɔ ɖɔ nú Elíi ɖɔ:

Ɖɛhan 124:8

Alɔdó ɔ́, Mawu Mavɔmavɔ ɖésú gɔ́n wɛ é nɔ́ gosín wá nú mǐ, Mawu Mavɔmavɔ e ɖó jǐxwé kpó ayǐkúngban kpó ɔ́.

Ɖɛhan 146:3

Mi ma gán jɛ gǎnhúnǔtɔ́ gbɛmɛ fí tɔn lɛ́ɛ wú ó. Gbɛtɔ́ wɛ yě nyí, yě kpé wú bó ná hwlɛ́n mɛ gán ǎ.

Ɖɛhan 27:9

Ma sɔ́ hwiɖée hwlá dó mì ó. Ma nya nyɛ mɛsɛntɔ́ towe kpó xomɛsin kpó ó; hwi wɛ nyí gbɛ nú mì. Ma jó mì dó ó; ma ɖe alɔ sín kan ce mɛ ó, Mawu Mɛhwlɛ́ngántɔ́ ce!

Ɖɛhan 33:20

Mǐdɛɛ lɛ́ɛ ɔ́, Mawu Mavɔmavɔ wú wɛ mǐ gán jɛ; é wɛ nyí alɔdó mǐtɔn, bó nyí gǎglónú mǐtɔn.

Ɖɛhan 40:17

Mawu Mavɔmavɔ, mɛ e ɖo biba we wɛ lɛ́ɛ bǐ ní hun xomɛ bó j'awǎ ɖo hwɛ Mawu Mavɔmavɔ ɔ́ mɛ. Mɛ e yí wǎn nú hwlɛngán towe lɛ́ɛ ní nɔ́ ɖɔ: “Jlɛjlɛ nú Mawu Mavɔmavɔ!”

Ɖɛhan 54:4

Mawu, se ɖɛ ce, ɖǒtó xó e ɖo nu ce mɛ tɔ́n sín wɛ é,

Ɖɛhan 56:4

Xɛsi ka jɛ jǐ ce gbeɖé ɔ́, hwi wú wɛ un nɔ gán jɛ.

Ɖɛhan 63:7

Nú un mlɔ́ adɔ̌zan ce jí ɔ́, un nɔ́ ɖo flínflín we wɛ; un nɔ ɖo tamɛ lin dó wǔ towe wɛ ɖo zǎn ɔ́ mɛ.

Ɖɛhan 94:17

Ényí Mawu Mavɔmavɔ ma ko nyí mɔ̌ nú mì ǎ ɔ́, lǐndɔ̌n ce ná ko yi maɖɔnǔxwɛ xóxó;

Tíntɔ́n 18:4

Mɛ wegɔ́ ɔ́ nɔ́ nyí Eliezɛ́ɛ, ɖó Mɔyízi ko ɖɔ Mawu tɔ́ émítɔn dó alɔ émí, bó hwlɛ́n émí ɖo ahwan e axɔ́sú Ejípu tɔn ɔ́ fun xá émí ɔ́ mɛ.

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 41:14

Mawu Mavɔmavɔ ɖɔ: “Izlayɛ́li, togun Jakɔ́bu tɔn, hwi mɛ e ma ɖó gǎn ɖé ǎ dohɔ́nví ɖɔhun é, ma ɖi xɛsi ó. Nyɛ Mawu Mavɔmavɔ ɔ́ ɖésú wɛ ja alɔ gɔ́ nú we gbé. Nyɛ Mɛ Mímɛ́ Izlayɛ́li tɔn wɛ ná hwlɛ́n we gán.

Matíe 10:28

Mi ma ɖi xɛsi nú yě mɛ e nɔ hu agbaza, bó ma ka sixú wa nǔɖé nú lǐndɔ̌n ǎ lɛ́ɛ ó; lo ɔ́, mi ɖi xɛsi nú Mawu e ɖó acɛ e sixú dɔn lǐndɔ̌n kpódó agbaza kpó bǐ dó zojimací mɛ é.

Hlɔ̌manu 8:31

Đo nǔ énɛ́ lɛ́ɛ bǐ mɛ ɔ́, étɛ́ mǐ ka na lɛ́ ɖɔ? Ényí Mawu ɖo mǐ jí ɔ́, mɛ ɖěbǔ sixú wa nǔ ɖěbǔ nú mǐ ǎ.

Efɛ́zinu 3:12

Bǔ e mǐ ɖe xá Klísu é kpó nǔɖiɖi e mǐ ɖó n'i é kpó zɔ́n bɔ mǐ glá bó sɛkpɔ́ ɛ kpó jiɖiɖe ɖaxó ɖé kpó.

Sɛ́nflínmɛ 33:26

Énɛ́ ɔ́ gúdo ɔ́, Mɔyízi ɖɔ: “Yeculunu ví lɛ́ɛ e mi! Nǔmɛsɛn ɖěbǔ cí Mawu ɖɔhun ǎ. É nɔ́ zɔn akpɔ́kpɔ́ jí kpó susu kpó, bó nɔ́ gosín jǐxwé bó nɔ́ wá d'alɔ mi.

Sɛ́nflínmɛ 33:29

Izlayɛ́li ví lɛ́ɛ e mi! Nǔ nyɔ́ nú mi. Mi ɖokpónɔ géé wɛ nyí togun e Mawu Mavɔmavɔ hwlɛ́n gán é. Mawu Mavɔmavɔ wɛ nyí gǎglónú mitɔn bó gló nǔ nú mi; é wɛ nyí hwǐ e ná ɖuɖéjí mi é. Hwenu e kɛntɔ́ mitɔn lɛ́ɛ ná ja mi klɔ́ gbé ɔ́, mi ná dó winnyá yě.”

Eblée 10:19

Énɛ́ hǔn nɔví ce lɛ́ɛ mi, mǐ ɖó jiɖiɖe kpíkpé ɖɔ mǐ ná yi Tɛn mímɛ́ bǐ ɔ́ mɛ gbɔn hun Jezu tɔn gbla mɛ.

Eblée 4:16

Hǔn, mi bo nú mǐ ná sɛkpɔ́ axɔ́súzinkpo Mawu tɔn, fí e fɛ́nú ɖe ɔ́, kpódó jiɖiɖe kpán; é ná sɔ́ hwɛ kɛ mǐ ɖo fínɛ́. Mǐ ná mɔ fɛ́nú ɖo fínɛ́, bónú é ná d'alɔ mǐ ɖo nǔ e hudó mǐ lɛ́ɛ mɛ, ɖo hwe tɔn nu.

1 Samuwɛ́li 23:17

É ɖɔ n'i ɖɔ: “Ma ɖi xɛsi nú nǔ ɖěbǔ ó, ɖó tɔ́ ce Sawúlu sixú wlí we ǎ. A nǎ ɖu axɔ́sú ɖo Izlayɛ́li, bɔ nyɛ ná bɔ dó wǔ we, bó ná nɔ glɔ́ towe. Tɔ́ ce ɖésú tunwun mɔ̌ ganjí.”