Eblée 13:5 - MAWUXÓWÉMA

⁵ Mi ma jó miɖée dó nú wǎn yíyí nú akwɛ́ ɖu ɖo mi jí ó; nǔ e ɖo mi sí ɔ́ ní kpé mi, ɖó Mawu ɖɔ: “Un ná jó we dó gbeɖé ǎ; un ná ɖe alɔ sín kan towe mɛ gbeɖé ǎ.

Eblée 13:5 Iomraidhean Croise

Bǐbɛ́mɛ 28:15

Đǒtó ganjí. Nyi ɖésú ɖo kpɔ́ xá we; un ná kpé nukún wǔ we gbɔn fí e a nǎ gbɔn lɛ́ɛ bǐ, bó ná lɛ́ kplá we wá to élɔ́ mɛ. Un ná jó we dó ǎ; un ná ɖe akpá e un dó nú we ɔ́ bǐ.”

Bǐbɛ́mɛ 30:31

Labáan kanbyɔ́ Jakɔ́bu ɖɔ: “Étɛ́ wɛ un nǎ sú we?” Bɔ Jakɔ́bu yí gbe n'i ɖɔ: “A nǎ sú axɔ́ ɖěbǔ mì ǎ. Nú a yǐ gbe nú xó e ɖɔ nú we gbé un ja ɔ́, un ná lɛ́ nyi gbɔ̌ towe lɛ́ɛ, bó ná kpé nukún yě wú nú we.

Bǐbɛ́mɛ 31:5

Ée yě wá ɔ́, é ɖɔ nú yě ɖɔ: “Un mɔ ɖɔ tɔ́ mitɔn kún sɔ́ nɔ́ sɔ́ nukún ɖagbe dó kpɔ́n mì ná ó. Un mɔ ɖɔ é kún sɔ́ ɖó ninɔmɛ xóxó ɔ́ dó wǔ ce ó. Amɔ̌, Mawu tɔ́ ce tɔn ká ɖo kpɔ́ xá mì.

1 Axɔ́sú 6:13

Un ná nɔ Izlayɛ́li ví lɛ́ɛ tɛ́ntin ɖo goxɔ mɛ fí; un ná jó togun ce Izlayɛ́li ɔ́ dó gbeɖé ǎ.”

1 Axɔ́sú 8:57

Mawu Mavɔmavɔ, Mawu mǐtɔn ní nɔ kpɔ́ xá mǐ, lě e é nɔ kpɔ́ xá tɔ́gbó mǐtɔn lɛ́ɛ gbɔn é. Ní má ɖe alɔ tɔn sín mǐ wú ó, ní má ka jó mǐ dó ó.

1 Tan 28:20

Davídi ɖɔ nú vǐ tɔn Salomɔ́ɔ ɖɔ: “Vǐ ce, syɛ́nlǐn, kpan akɔ́n bó jɛ azɔ̌ jí. Ma ɖi xɛsi ó. Ado ní má hu we ó, Mawu Mavɔmavɔ, Mawu ce ná nɔ kpɔ́ xá we. É ná ɖe alɔ sín kan towe mɛ ǎ. É ná jó we dó ǎ káká bɔ azɔ̌ ɔ́ bǐ ná fó.

Ɖɛhan 10:3

Mɛdídá kpé nǔ e lin wɛ é ɖe ɔ́ wú bó wa, lobo kpa éɖée. Nǔwlóɖutɔ́ nɔ́ nyi nu do nú Mawu Mavɔmavɔ, bó nɔ́ ko e.

Ɖɛhan 119:36

Sɔ́ ayi ce ɖó sɛ́n towe lɛ́ɛ jí, ma sɔ́ ayi ce ɖó dɔkun jí ó.

Ɖɛhan 37:25

Un ko nɔ dɔ̌nkpɛ mɛ kpɔ́n có bó wá kpo din; un ka mɔ Mawu jó hwɛjijɔnɔ lɛ́ɛ dó kpɔ́n ǎ, un ka mɔ vǐ yětɔn lɛ́ɛ ɖě byɔ́ nǔ ɖu kpɔ́n ǎ.

Ɖɛhan 37:28

Đó Mawu Mavɔmavɔ yí wǎn nú nǔ wa ɖó sɛ́nxwi jí; é nɔ́ jó mɛ e nyí étɔn lɛ́ɛ dó ǎ. É nɔ́ ɖo nukún kpé dó yě wú wɛ tɛgbɛ. Lo ɔ́, Mawu Mavɔmavɔ ná sú mɛdídá lɛ́ɛ sín kún dó bǐ gbídígbídí.

Tíntɔ́n 2:21

Ée ɖyɔ̌vǐ lɛ́ɛ yi ylɔ́ Mɔyízi ɔ́, é yí gbe bó wá nɔ nya ɔ́ gɔ́n. Nya ɔ́ ká ná ɛ vǐ tɔn Sipɔ́la bɔ é da.

Tíntɔ́n 20:17

Nukún towe ma nɔ nɔzo towe sín xwé wú ó; nukún towe má nɔ asi tɔn wú ó; nukún towe má nɔ mɛsɛntɔ́ tɔn súnnu wú ó; nukún towe má nɔ mɛsɛntɔ́ tɔn nyɔ̌nu wú ó; nukún towe má nɔ nyibú tɔn wú ó; nukún towe má nɔ tócí tɔn wú ó; nukún towe má nɔ nǔ e nyí étɔn lɛ́ɛ ɖěbǔ wú ó.”

Nǔnywɛ́xó 23:4

Ma nɔ ɖo hlɔ̌nhlɔ́n dó wɛ ɖɔ dɔkun jɛ́n émí ná jɛ dandan ó; ma sɔ́ lin nǔ mɔ̌hun kpɔ́n lɔ ó.

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 41:17

Wamamɔnɔ lɛ́ɛ kpó lelenɔ lɛ́ɛ kpó ɖo sin ba wɛ; yě ká mɔ ǎ. Kɔ xú yě káká bɔ atán vɔ sín nu yětɔn mɛ; amɔ̌, nyɛ Mawu Mavɔmavɔ ɔ́, un ná yí gbe nú nǔ e byɔ́ mì wɛ yě ɖe é; nyɛ Mawu Izlayɛ́li tɔn ɔ́, un ná jó yě dó ǎ.

Ezayíi 42:16

Un ná kplá nukúntíntɔ́nnɔ lɛ́ɛ gbɔn ali ɖé jí, ali e yě ma gbɔn gbeɖé ǎ é jí. Yědɛɛ lɛ́ɛ ɔ́, un ná sɔ́ zǐnflú dó húzú wěziza nú yě, bó ná gbígbá nǔ e wú yě ná klɛ́n afɔ dó é. Nǔ e un lɛ́n bó ná wa lɛ́ɛ nɛ́. Un ná jó dó gbeɖé ǎ; un ná bló géé.

Jelemíi 6:13

Đó yě bǐ wɛ dɔkun gbo vɛ̌, bɛ́ sín yɔkpɔ́vú lɛ́ɛ jí, káká yi mɛxó lɛ́ɛ jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo.

Ezekiyɛ́li 33:31

Énɛ́ ɔ́, yě nɔ́ dó ahwan gbě kpɔ́ gégé bó ná ɖótó we; yě nɔ́ jínjɔ́n ayǐ bó nɔ́ ɖótó we ganjí; amɔ̌, yě nɔ́ xwédo xó towe dó wa nǔ ǎ. Nǔ e jló yě lɛ́ɛ kɛ́ɖɛ́ wɛ yě nɔ́ wa; yě nɔ́ bló nǔ e ná nyí ɖagbe nú yě ɖokpónɔ lɛ́ɛ kɛ́ɖɛ́.

Matíe 6:19

“Mi ma kplé dɔkun ɖó ayǐkúngban jí fí e nǔvínúví nɔ ɖu nǔ ɖe, bɔ nǔ nɔ jɛ ko ɖe, bɔ ajotɔ́ nɔ tɔ́n dǒ, bó nɔ́ fin nǔ ɖe ɔ́ ó.

Matíe 6:25

“Énɛ́ wú ɔ́, má ɖɔ nú mi: ado ní ma hu mi dó nǔ e mi na ɖu, bo na nɔ gbɛ é, kpódó nǔ e mi na dó é kpó wú ó; gbɛ ma xɔ akwɛ́ hú nǔɖuɖu, bɔ agbaza lɔ ma xɔ akwɛ́ hú nǔzínzán ǎ cé?

Matíe 6:34

Mi ma lin sɔ e ja ɔ́ kpɔ́n ó, ɖó sɔ e ja ɔ́ ná wá kpódó tagba é ɖésúnɔ tɔn lɛ́ɛ kpó. Tagba e ayǐhínhɔ́n ɖokpó ɖokpó ná hɛn wá ɔ́ ko kpé nú ayǐhínhɔ́n énɛ́ ɔ́.”

Maki 7:22

agalilɛ, nǔjlómɛzɛjlɛ̌wú, adǎnúwiwa, ayiɖónukɔnnúmɛ, nǔmajɛganwiwa, mɛnújlójló, mɛnúɖiɖɔ, goyíyí, yɛyinɔnúwiwa

Luki 3:14

Sɔ́ja ɖé lɛ́ɛ lɔmɔ̌ ka kanbyɔ́ ɛ ɖɔ: “Mǐdɛɛ lɛ́ɛ ká lo? Étɛ́ mǐ ka ɖó ná wa?” É yí gbe nú yě ɖɔ: “Mi ma fán asú mɛɖé bó yí akwɛ́ tɔn ó; mi ma ɖó adingban dó mɛɖé nu ó; azɔ̌kwɛ́ e mi nɔ yí ɔ́ ní kpé mi.”

Luki 8:14

Nǔkún e jɛ wundonu lɛ́ɛ ɔ́, mɛ e nɔ se Mawuxó ɔ́, bó nɔ́ ɖidó lɛ́ɛ é wɛ; yě nɔ́ jó yěɖée dó, bɔ nǔlinkpɔ́n, dɔkun, kpódó vǐví gbɛmɛ fí tɔn kpó nɔ vun blá xó ɔ́ ɖo ayi yětɔn mɛ, bɔ sínsɛ́n yětɔn nɔ zin ǎ.

Hlɔ̌manu 1:29

Nǔmasɔgbe tɛnmɛ tɛnmɛ wiwa bǐ kpó nǔ nyanya wiwa tɛnmɛ tɛnmɛ bǐ kpó wɛ gɔ́ ayi yětɔn mɛ; mɛnújlójló tɛnmɛ tɛnmɛ bǐ kpó adǎnúwiwa tɛnmɛ tɛnmɛ bǐ kpó wɛ gɔ́ ayi yětɔn mɛ. Wǔhwinhwan kpó mɛhuhu kpó, kpódó jlɛɖiɖɔ kpán wɛ gɔ́ ayi yětɔn mɛ; sísɛ́ kpódó bǐbí kpó wɛ gɔ́ ayi yětɔn mɛ; yě nɔ́ ɖo xó ɖɔ kpé wɛ,

1 Kɔlɛ́ntinu 5:11

Nǔ e ɖɔ nú mi wɛ un ɖe ɔ́ wɛ nyí ɖɔ mi ní ma kpé nǔ ɖěbǔ xá mɛ e ɖɔ émí nyí klísusɛntɔ́, bó ka nɔ ɖo aga lɛ wɛ, abǐ mɛ nú jló wɛ, abǐ vodún sɛn wɛ, abǐ nǔyá ɖɔ nú mɛ wɛ, ahan nu mú wɛ, abǐ ajo ja wɛ é ó. Mi ɖó ná ɖu nǔ xá mɛ mɔ̌hunkɔtɔn lɔ vɔ́vɔ́ ǎ.

1 Kɔlɛ́ntinu 6:10

ajotɔ́ lɛ́ɛ, mɛnújlótɔ́ lɛ́ɛ, ahannumúnɔ lɛ́ɛ, mɛnúɖɔtɔ́ abǐ ajotɔ́ axánsúnxó lɛ́ɛ ɔ́, yě ɖě ná mɔ tɛn ɖo axɔ́súɖuɖu Mawu tɔn mɛ ǎ.

2 Kɔlɛ́ntinu 4:9

È ɖo ya dó nú mǐ wɛ; lo ɔ́, Mawu jó mǐ dó ǎ; è nɔ ɖo mǐ zín dó ayǐ wɛ, mǐ ka dɔn ǎ.

Efɛ́zinu 5:3

È ma se agalilɛ xó, nǔblíblíwiwa, abǐ nukúnkɛndídó sín xó vɔ́vɔ́ ɖo tɛ́ntin mitɔn ó; ɖó mɛɖeɖóvo Mawu tɔn wɛ mi nyí.

Efɛ́zinu 5:5

Mi tunwun ganjí ɖɔ agalɛtɔ́, nǔblíblíwatɔ́ abǐ gwěnɔ ɖé kún xwe axɔ́súɖuɖu Klísu tɔn kpódó Mawu tɔn kpó mɛ gbeɖé ó; ɖó gwě ɔ́, vodúnsinsɛn ɖɔhun wɛ é ɖe.

Sɛ́nflínmɛ 31:6

Mi bo kpan akɔ́n, bó dó gǎn! Ado ma hu mi ó, mi ma ɖi xɛsi ɖo nukɔn yětɔn ó. Đó Mawu Mavɔmavɔ, Mawu mitɔn ɖésú ná zɔn xá mi; é ná jó mi dó ǎ, é ná ɖe alɔ sín kan mitɔn mɛ ǎ.”

Sɛ́nflínmɛ 31:8

Mawu Mavɔmavɔ ɖésú ná nɔ nukɔn nú we, é ɖésú ná nɔ kpɔ́ xá we, é ná jó we dó ǎ, é ná ɖe alɔ sín kan towe mɛ ǎ. Ma ɖi xɛsi ó, ado ma hu we ó.”

Sɛ́nflínmɛ 4:31

Nǔgbó ɔ́, Mawu Mavɔmavɔ, Mawu mitɔn ɔ́, Mawu nǔbláwǔkúnúmɛtɔ́ wɛ; é ná jó mi dó ǎ, é ná sú kún mitɔn dó ǎ, é ká ná wɔn akɔ e é jɛ xá tɔ́gbó mitɔn lɛ́ɛ é gbeɖé kpɔ́n ǎ.”

Kolósinu 3:5

Hǔn, mi bo sú nǔ e nyí ayǐkúngban jí tɔn ɖo ayi mitɔn mɛ lɛ́ɛ sín kún dó; nǔ énɛ́ lɛ́ɛ wɛ nyí: agalilɛ, nǔblíblíwiwa, jlǒ agbaza tɔn lɛ́ɛ, linlin nyanya lɛ́ɛ kpó nukúnkɛndídó kpó, ɖó nukúnkɛndídó ɔ́ cí bǒcyɔ sinsɛn ɖɔhun.

1 Timɔtée 3:3

É ɖó ná nyí ahannumúnɔ ǎ; é ka ná nyí tagbanɔ ǎ, é nyɔ́ wa ɔ́, é ná nyɔ́ xomɛ, bó ná nyí mɛfífá, bɔ akwɛ́ ná nɔ gbo vɛ̌ ɛ ǎ.

Jozuwée 1:5

Đo gbɛzán towe bǐ mɛ ɔ́, mɛ ɖěbǔ ná sixú nɔ te nukɔn towe ǎ, ɖó un ɖo kpɔ́ xá we lě e un nɔ kpɔ́ xá Mɔyízi gbɔn é. Un ná ɖe kɔ sín wǔtu towe gbeɖé ǎ, un ka ná jó we dó gbeɖé ǎ.

Jozuwée 7:21

Un mɔ awu ɖaxó ɖagbe ɖagbe e Mɛzopotamíinu lɛ́ɛ nɔ́ dó ɔ́ ɖokpó ɖo dɔkun lɛ́ɛ mɛ, bó mɔ kpatágan kilóo we jɛjí, bó mɔ sikágó ɖokpó, bɔ é ná yi kilóo vlɔ̌ bɔ kpɛɖé ɖ'é jí. Ée un mɔ nǔ énɛ́ lɛ́ɛ ɔ́, yě jló mì káká bɔ un bɛ́. Un kun do ɖó goxɔ ce tɛ́ntin bó bɛ́ hwlá d'é mɛ, kpatágan ɔ́ ɖo do.”

2 Piyɛ́ɛ 2:14

Aga nukún wɛ ɖo ta nú yě, bɔ hwɛhuhu nɔ ci kɔ nú yě gbeɖé ǎ. Yě nɔ ɖó mɔ nú mɛ e vɔ́ lɛ́ɛ, bɔ yě nɔ jɛ mɛ; nukúnkɛn wɛ yě nɔ dó; Mawu ko dó nu yě.

2 Piyɛ́ɛ 2:3

Nǔkplɔ́nmɛtɔ́-nyíjɛtɔ́ énɛ́ lɛ́ɛ ná nɔ ɖo akwɛ́ gbé mɛ, bó ná nɔ kpa xó ɖɔ nú mi, bó dó xo mi ɖu. Amɔ̌, mɛ e ná ɖó hwɛ nú yě ɔ́ ko ɖo te kpɔ́n yě sín tɛgbɛ, bó ná ɖó hwɛ nú yě, bɔ vivɔ yětɔn sixú gblá gbeɖé ǎ.

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.

1 Samuwɛ́li 10:7

Ényí nǔ énɛ́ lɛ́ɛ bǐ jɛ ɔ́, a nǎ tunwun ɖɔ Mawu ɖo kpɔ́ xá émí nǔgbó. Hwenɛ́nu ɔ́, a nǎ jɛ nǔ wa jí lě e é byɔ́ gbɔn é.

1 Samuwɛ́li 12:22

Mawu Mavɔmavɔ ná jó togun tɔn dó gbeɖé ǎ, bó ná dó hɛn nyǐkɔ tɔn e gba kpé ɔ́ ɖó te; ɖó Mawu Mavɔmavɔ wɛ zin alɔ dó akɔ́n ɖɔ émí ná sɔ́ mi dó bló togun émítɔn.