Eblée 13:3 - MAWUXÓWÉMA

³ Mi flín mɛ e ɖo ganxó lɛ́ɛ, mi ɖésúnɔ wɛ ɖo ganxó ɖɔhun. Mi flín mɛ e è ɖo ya dó ná wɛ lɛ́ɛ, ɖó mi ɖésú ɖó agbaza.

Eblée 13:3 Iomraidhean Croise

Bǐbɛ́mɛ 40:23

Nǔ nyí mɔ̌, có mɛ e nɔ hɛn sinnuká nú axɔ́sú ɔ́ lɛ́ɛ sín gǎn ɔ́ wɔn Jozɛ́fu bǐ sésé.

Matíe 25:36

Un ɖo mɛ̌, bɔ mi ná avɔ mì. Un ɖo azɔn jɛ wɛ, bɔ mi kpé nukún wǔ ce. Un ɖo ganxó, bɔ mi wá ba mì kpɔ́n.’

Matíe 25:43

Un nyí jǒnɔ, bɔ mi yí mì dó xwé mitɔn gbe ǎ. Un ɖo mɛ̌, bɔ mi ná avɔ mì ǎ. Un jɛ azɔn, bo lɛ́ nɔ ganxó, bɔ mi ka wá ba mì kpɔ́n ǎ.’

Mɛsɛ́dó 24:23

É ka ɖɔ nú sɔ́jagán ɔ́ ɖɔ é ní cɔ́ Pɔ́lu bó ka ná ɛ vivo, bó ná gbe xɔ́ntɔn tɔn lɛ́ɛ, nú yě ní nɔ wá gɔ́ alɔ n'i.

Mɛsɛ́dó 27:3

Ayǐhɔ́ngbe tɔn ɔ́, mǐ jɛ Sidɔ́ɔn; Juliwusi ka nyɔ́ xomɛ dó Pɔ́lu wú, bó ná ɛ gbe ɖɔ ní yi kpɔ́n xɔ́ntɔn tɔn lɛ́ɛ, bónú yě gɔ̌ alɔ n'i ɖo nǔ e hudó e lɛ́ɛ mɛ.

Hlɔ̌manu 12:15

Mi nɔ jɛ awǎ xá mɛ e ɖo awǎ jɛ wɛ lɛ́ɛ, bó nɔ́ ya avǐ xá mɛ e ɖo avǐ ya wɛ lɛ́ɛ.

1 Kɔlɛ́ntinu 12:26

Nú agbaza ɔ́ sín wǔjɔnú ɖé ɖo wǔvɛ́ mɔ wɛ ɔ́, wǔjɔnú ɖě lɛ́ɛ bǐ wɛ nɔ mɔ wǔvɛ́ xá ɛ; ényí è ka wlí yɛ̌yi nú ɖokpó ɔ́, ɖě lɛ́ɛ bǐ wɛ nɔ j'awǎ xá ɛ.

Efɛ́zinu 4:1

Đó nǔ énɛ́ lɛ́ɛ bǐ wú ɔ́, nyɛ mɛ e ɖo ganxó ɖó un ɖo Aklúnɔ sɛn wɛ wútu ɔ́, un ɖo byɔ̌byɔ́ mi wɛ ɖɔ mi ní zán gbɛ mitɔn ní sɔgbe xá lě e Mawu jló gbɔn hwenu e é ylɔ́ mi é.

Kolósinu 4:18

Nyɛ Pɔ́lu ɖésú wɛ sɔ́ alɔ ce dó wlán xó élɔ́ lɛ́ɛ ná: Un dó gbe sɛ́ dó mi; mi ma wɔn ɖɔ gankpá mɛ wɛ un ɖe ó. Fɛ́nú Mawu tɔn ní nɔ kpɔ́ xá mi.

Eblée 10:34

Nǔgbó ɔ́, mi kú nǔbláwǔ nú mɛ e è wlǐ dó gankpá mɛ lɛ́ɛ, bɔ hwenu e è wǎ bɛ́ nǔ mitɔn lɛ́ɛ ɔ́, mi yí gbe ná kpódó xomɛhunhun kpó, ɖó mi tunwun ɖɔ dɔkun e nyɔ́ hú dɔkun énɛ́ lɛ́ɛ, bó nɔ́ nɔ ayǐ káká sɔ́yi ɔ́ ɖo émí sí.

Eblée 11:37

È nyi awǐnnyaglo dó mɛɖé lɛ́ɛ káká bɔ yě kú; è sɔ́ sá dó sɛ́n mɛɖé lɛ́ɛ ɖó we; è sɔ́ hwǐ dó hu mɛɖé lɛ́ɛ ná. Yě ɖó nǔɖé ǎ; gbɔ̌nyú wɛ yě nɔ dó, bó nɔ ɖo flúflú kpé wɛ, bɔ è nɔ ɖo ya dó nú yě wɛ, bó nɔ ɖo tagba dó nú yě wɛ.

1 Piyɛ́ɛ 3:8

Bó ná dó fó ɔ́, mi bǐ ní ɖó linlin ɖokpó ɔ́, bó ɖó ayixa ɖokpó ɔ́; mi yí wǎn nú miɖée nɔví nɔví ɖɔhun; mi nɔ nyɔ́ xomɛ dó miɖée wú, bó nɔ sɔ́ miɖée hwe.