Eblée 13:22 - MAWUXÓWÉMA

²² Nɔví lɛ́ɛ mi, un ɖo byɔ̌byɔ́ mi wɛ ɖɔ mi ní ɖó sɔxwixwe, bó ɖótó akɔ́nkpinkpan sín xó e un ɖɔ sɛ́ dó mi lɛ́ɛ é; ɖó wěma élɔ́ e un wlán sɛ́ dó mi ɔ́ ɖi ga dín ǎ.

Eblée 13:22 Iomraidhean Croise

Mɛsɛ́dó 13:15

Hwenu e yě xa sɛ́n ɔ́, bó xa gbeyíɖɔ Mawu tɔn lɛ́ɛ sín wěma gúdo ɔ́, kplɔ́ngbaságán lɛ́ɛ ɖɔ sɛ́ dó yě ɖɔ: “Nɔví mǐtɔn lɛ́ɛ mi, ényí mi ɖó xó ɖé, bó ná ɖɔ nú togun ɔ́, bó dó ná ɛ akɔ́nkpinkpan hǔn, mi ɖɔ.”

2 Kɔlɛ́ntinu 10:1

Nyɛ Pɔ́lu e è nɔ ɖɔ, nú un ɖo kpɔ́ xá mi ɔ́, un nɔ fá, un ka ɖo zɔ ɔ́ un nɔ wa adǎn sɛ́ dó mi ɔ́, nyɛ ɖésú wɛ ɖo nǔ élɔ́ byɔ́ mi wɛ; gbɔn xomɛfífá kpó xomɛnyínyɔ́ Klísu tɔn kpó mɛ ɔ́, un ɖo vo sa nú mi wɛ ɖɔ:

2 Kɔlɛ́ntinu 5:20

Hǔn, Klísu nu ɖɔ xó dó wɛ mǐ ɖe, è ka ná ɖɔ nǔgbó ɔ́, Mawu ɖésú wɛ ɖo mi ylɔ́ wɛ gbɔn mǐ jí: mǐ ɖo vo sa nú mi wɛ, ɖo Klísu sín nyǐkɔ mɛ ɖɔ mi ní yí gbe bó dó hwɛ gbɔ xá Mawu.

2 Kɔlɛ́ntinu 6:1

Énɛ́ ɔ́, mǐ mɛ e ɖo azɔ̌ wa xá Mawu wɛ lɛ́ɛ ɔ́, mǐ ɖo byɔ̌byɔ́ mi wɛ ɖɔ mi ma jó fɛ́nú e mi yí ɖo Mawu sí ɔ́ dó, bónú é bú ó.

Galatinu 6:11

Din ɔ́, nyɛ ɖésú wɛ ɖo xó élɔ́ lɛ́ɛ wlán sɛ́ dó mi wɛ kpó alɔ ce kpó. Ényí mi ko mɔ lě e wěkwín lɛ́ɛ kló gbɔn ɔ́, mi ná tunwun ɖɔ nyɛ ɖésúnɔ wɛ wlán.

Efɛ́zinu 3:3

Mawu ɖe nǔɖé xlɛ́ mì, bónú ma mɔ nǔ jɛ nǔbúdo tɔn wú. Un ko ɖɔ xó kpɛɖé dó nǔbúdo énɛ́ ɔ́ wú dó wěma élɔ́ mɛ.

Eblée 12:5

Xó e Mawu ɖɔ nú mi bó dó dó wǔsyɛ́n lanmɛ nú mi vǐ ɖɔhun ɔ́, mi wɔn wɛ a? Mawu ɖɔ: “Vǐ ce, Aklúnɔ ɖo kplɔ́nkplɔ́n we wɛ hǔn, ma dó vɛ̌ ná ó. A wa nǔ nyi do bónú é ɖo gbǐgbɛ́ nú we wɛ hǔn, ma nú awakanmɛ kú we ó;

Eblée 13:19

Đo tají ɔ́, un ɖo byɔ̌byɔ́ mi wɛ ɖɔ mi ní xo ɖɛ nú mì, bónú Mawu ní bló bónú ma wá mi gɔn ɖó yǐyá jí.

Eblée 2:1

Énɛ́ ɔ́ wú wɛ mǐ ɖó ná hɛn nǔgbó e mǐ se lɛ́ɛ syɛ́nsyɛ́n hú ɖ'ayǐ tɔn, bónú è ma wá dɔn mǐ ɖó zɔ nú nǔgbó ɔ́ ó.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

Eblée 4:1

Ée akpá e Mawu dó nú mǐ ɖɔ mǐ ná byɔ́ fí e émí ná ná gbɔjɛ́ mǐ ɖe ɔ́ lɛ́ kpo ɖo te ɔ́, hǔn mǐ ní bó cɔ́ mǐɖée, bónú mi mɛ ɖěbǔ ní ma gɔn gbɔjɛ́ énɛ́ ɔ́ mɛ byɔ́ ó.

Eblée 4:11

Hǔn, mi bo nú mǐ ná dó gǎn, bó ná byɔ́ gbɔjɛ́ énɛ́ ɔ́ mɛ; mǐ ní bló gbɔn alɔkpa ɖé bónú mǐ mɛ ɖěbǔ ní ma vɛ́ tóli bó gɔn gbɔjɛ́ énɛ́ ɔ́ mɛ byɔ́ lě e mɛ e nɔ gbětótló mɛ lɛ́ɛ vɛ́ tóli gbɔn é ó.

1 Piyɛ́ɛ 5:12

Silási e un nɔ mɔ dó mɔ nɔví gbejínɔtɔ́ ɔ́ wɛ dó alɔ mì bɔ un wlán wěma kpɛví élɔ́ sɛ́ dó mi, bó dó ná akɔ́nkpinkpan mi, bó ná dó ná gǎnjɛwú mi ɖɔ fɛ́nú Mawu tɔn titewungbe ɔ́ nɛ́. Mi bo syɛ́nlǐn ɖ'é mɛ.