Eblée 13:21 - MAWUXÓWÉMA

²¹ ní bló bónú mi ná kpé nǔ ɖagbe bǐ wú bó wa, bó dó wa jlǒ tɔn; ní bló nǔ e nyɔ́ nukún tɔn mɛ lɛ́ɛ ɖo mǐ mɛ gbɔn Jezu Klísu jí. Susu nú Jezu Klísu káká sɔ́yi mavɔ mavɔ. Amǐ!

Eblée 13:21 Iomraidhean Croise

2 Tan 30:12

Mawu sɔ́ ayi ɖokpó ɔ́ dó xomɛ nú mɛ e ɖo Judáa lɛ́ɛ lɔmɔ̌ bónú gbeta e axɔ́sú ɔ́ kpó azaglɔ́gán tɔn lɛ́ɛ kpó ɖe tɔn ɔ́, yě ná bló ɖ'é jí lě e Mawu Mavɔmavɔ ɖɔ gbɔn é.

Ɖɛhan 138:8

Mawu Mavɔmavɔ, nǎ jɛ hun dó jǐ we. Mawu Mavɔmavɔ, xomɛnyínyɔ́ towe ɖo te káká sɔ́yi. Ma jó nǔ e a zě alɔ towe dó bló lɛ́ɛ dó ó.

Matíe 12:50

ɖó mɛ ɖěbǔ bló Tɔ́ ce e ɖo sɛ́xwé ɔ́ sín jlǒ ɔ́, mɛ énɛ́ wɛ nyí nɔví ce súnnu, bó nyí nɔví ce nyɔ̌nu, bó nyí nɔ ce.”

Matíe 21:31

Ɖo vǐ we énɛ́ lɛ́ɛ mɛ ɔ́, mɛ̌ ka wa tɔ́ tɔn sín jlǒ?” Bɔ yě yí gbe n'i ɖɔ: “Vǐ nukɔntɔn ɔ́ wɛ.” Jezu ka ɖɔ nú yě ɖɔ: “Má ɖɔ nǔgbó nú mi: tokwɛ́yítɔ́ lɛ́ɛ kpódó agalɛtɔ́ lɛ́ɛ kpó ná jɛ nukɔn nú mi ɖo axɔ́súɖuto Mawu tɔn mɛ.

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Matíe 6:13

Ma lɔn nú mǐ ní jɛ tɛ́nkpɔ́n mɛ ó, lo ɔ́, hwlɛ̌n mǐ gán ɖo awǒvi sí.’ [Ɖó towe wɛ nyí axɔ́súɖuɖu, hlɔ̌nhlɔ́n, kpódó susu kpó, káká sɔ́yi mavɔ mavɔ! Amǐ.]

Matíe 7:21

“Mɛ e nɔ ɖo ylɔ̌ylɔ́ mì wɛ ɖɔ: ‘Aklúnɔ, Aklúnɔ’ lɛ́ɛ ɔ́, yě bǐ ɖo axɔ́súɖuto sɛ́xwé tɔn mɛ na byɔ́ wɛ ǎ; lo ɔ́, mɛ e nɔ wa jlǒ Tɔ́ ce e ɖo sɛ́xwé ɔ́ tɔn lɛ́ɛ kɛ́ɖɛ́ wɛ na byɔ́ mɛ.

Jǎan 17:23

Nyɛ ɖo yě mɛ, bɔ hwɛ ɖo nyɛ mɛ, nú yě ní nɔ bǔ nǔgbó, bónú gbɛtɔ́ lɛ́ɛ ná dó tunwun ɖɔ a sɛ́ mì dó, bó yí wǎn nú yě, lě e a yí wǎn nú mì gbɔn é.

Jǎan 7:17

Mɛ e ɖó jlǒ, bó ná wa jlǒ Mawu tɔn ɔ́, ényí nǔkplɔ́nmɛ ce ɔ́, Mawu gɔ́n wɛ é gosín abǐ acɛ nyɛ ɖésúnɔ tɔn wɛ ɔ́, é ná mɔ do ná.

Hlɔ̌manu 11:36

Đó gɔ̌n tɔn wɛ nǔ bǐ gosín; é wɛ bló nǔ bǐ, bɔ nǔ bǐ nyí étɔn. Susu nú Mawu káká sɔ́yi. Amǐ!

Hlɔ̌manu 16:27

Mawu nǔnywɛ́tɔ́ ɖokpó géé e tíin ɔ́, susu n'i káká sɔ́yi gbɔn Jezu Klísu jí. Amǐ!

2 Kɔlɛ́ntinu 9:8

Mawu ɖó acɛ e ná ná nǔ ɖagbe ɖagbe tɛnmɛ tɛnmɛ lɛ́ɛ bǐ mi é, é ná ná mi, bɔ é ná túnflá, bónú mi ná ɖó nǔ e ɖo tají nú mi lɛ́ɛ bǐ hwebǐnu, bó ná zán, bɔ é ná lɛ́ kpo ɖo mi sí ganjí, nú azɔ̌ ɖagbe lɛ́ɛ bǐ.

Galatinu 1:5

Susu nú Mawu káká sɔ́yi! Amǐ.

Efɛ́zinu 2:10

Đó nǔwiwa tɔn wɛ mǐ nyí; ɖo bǔ e mǐ ɖe xá Klísu Jezu é mɛ ɔ́, é bló mǐ, bónú mǐ ná zán gbɛ e gɔ́ nú nǔ ɖagbe wiwa é. Nǔ ɖagbe wiwa énɛ́ lɛ́ɛ wɛ é ɖésúnɔ kó sɔ́ ɖ'ayǐ nú mǐ, bónú mǐ ná bló.

Efɛ́zinu 2:18

Đó Klísu jí wɛ mǐ bǐ ná gbɔn, Jwifu kpódó mɛ e ma nyí Jwifu ǎ é kpó, bó ná sixú yi Mawu Tɔ́ ɔ́ gɔ́n, kpódó Yɛsinsɛn ɖokpó énɛ́ sín alɔdó kpó.

Sɛ́nflínmɛ 32:4

É wɛ nyí só ɔ́; nǔwiwa tɔn lɛ́ɛ nyɔ́ bɔ nǔ vɔ ɖ'é wú. Đó ali tɔn lɛ́ɛ bǐ jlɔ́. Mawu gbejínɔtɔ́ wɛ. É nɔ́ wa nǔblíblí ǎ. É jlɔ́ bó ɖo xwi jí.

Filípunu 1:11

Jezu Klísu ná ná hlɔ̌nhlɔ́n mi, bɔ mi ná nɔ wa nǔ jlɔ́jlɔ́, bɔ mɛ lɛ́ɛ ná nɔ kpa susu nú Mawu, bó ná nɔ mlá ɛ.

Filípunu 2:11

bónú mɛ bǐ ná jlá ɖɔ Jezu Klísu wɛ nyí Aklúnɔ; énɛ́ ɔ́ wɛ ná sɔ́ Mawu Tɔ́ ɔ́ su.

Filípunu 2:13

Đó Mawu ɖo azɔ̌ wa ɖo mi wú wɛ tɛgbɛ, bónú mi ná sixú nɔ ɖó jló, bó ná nɔ wa nǔ e sɔgbe xá tito é ɖésúnɔ tɔn é.

Filípunu 4:13

Mɛ e nɔ ná hlɔ̌nhlɔ́n mì ɔ́ wɛ nɔ zɔ́n, bɔ un nɔ sixú kpé nǔ énɛ́ lɛ́ɛ bǐ wú.

Filípunu 4:18

Un mɔ nǔ e mi sɛ́ dó mì lɛ́ɛ bǐ, bɔ é kpé mì kpo; din e Epafloditi hɛn nǔ e mi ná mì lɛ́ɛ wá nú mì ɔ́, nǔ e ɖo tají nú mì lɛ́ɛ bǐ ɖo así ce; nǔ e mi ná mì lɛ́ɛ cí vɔ̌sánú wǎnɖagbenɔ ɖɔhun, bó cí vɔ̌sísá e nɔ nyɔ́ Mawu nukún mɛ, bɔ é nɔ yí gbe ná ɔ́ ɖɔhun.

Kolósinu 3:17

Mi nɔ wa nǔ e wa wɛ mi ɖe lɛ́ɛ bǐ ɖo Aklúnɔ Jezu sín nyǐkɔ mɛ; mi nɔ ɖɔ xó e ɖɔ wɛ mi lɛ́ɛ bǐ ɖo Aklúnɔ Jezu sín nyǐkɔ mɛ, bó nɔ dó kú nú Mawu Tɔ́ ɔ́ gbɔn jǐ tɔn.

Kolósinu 3:20

Vǐ lɛ́ɛ mi, mi se tónú nú mɛjitɔ́ mitɔn lɛ́ɛ ɖo nǔ bǐ mɛ, ɖó nǔ e nɔ nyɔ́ Aklúnɔ nukún mɛ é nɛ́.

Kolósinu 4:12

Epaflasi e nyí mɛ mitɔn ɔ́ lɔmɔ̌ dó gbe sɛ́ dó mi; mɛsɛntɔ́ Klísu Jezu tɔn énɛ́ ɔ́ nɔ gɔn ɖɛ xo, kpódó ayixa tɔn bǐ sésé kpán dó ta mitɔn mɛ ǎ, bónú mi ná dó sixú syɛ́nlǐn, bó ná zin ɖo nǔɖiɖi mɛ, bó ná sɔgbe titewungbe, bó ná wa nǔ e Mawu jló ɔ́ bǐ.

1 Tɛsalonikinu 3:13

Énɛ́ ɔ́, é ná dó wǔsyɛ́n lanmɛ nú mi, bɔ mi ná nyí mɛ mímɛ́, bó ná nyí mɛ ma ɖó blɔ̌ ɖo wǔ ɖo Mawu Tɔ́ mǐtɔn nukɔn, hwenu e Aklúnɔ mǐtɔn Jezu ná wá kpó mɛ e nyí étɔn lɛ́ɛ bǐ kpó é.

1 Tɛsalonikinu 4:3

Nǔ e Mawu jló nú mi ɔ́ wɛ nyí ɖɔ mi ní nyí mɛ mímɛ́, bó ma nɔ lɛ aga ó.

1 Tɛsalonikinu 5:23

Mawu e nɔ ná fífá mɛ ɔ́ ní bló bónú mi ní nyí étɔn bǐ dégbédégbé, ní cɔ́ mi ɖésúnɔ ɔ́ bǐ, ní cɔ́ yɛ mitɔn, bó cɔ́ lǐndɔ̌n mitɔn kpódó agbaza mitɔn kpó, bónú blɔ̌ ɖé ma nɔ mi wú ó, nú gbe e gbe Aklúnɔ mǐtɔn Jezu Klísu ná wá é.

1 Timɔtée 1:17

Axɔ́sú mavɔ mavɔ e ma nɔ kú gbeɖé ǎ ɔ́, axɔ́sú e è ma nɔ mɔ ǎ é, axɔ́sú e nyí Mawu ɖokpó géé ée tíin é; è nǐ wlí yɛ̌yi n'i, bó kpa susu n'i káká sɔ́yi mavɔ mavɔ. Amǐ.

1 Timɔtée 5:10

È ka ɖó ná tunwun i ɖó nǔ ɖagbe e é nɔ wa ɔ́ wú; é ná nyí mɛɖé, bó ko kplɔ́n vǐ kpɔ́n, é ná nyí mɛɖé, bó nɔ yí mɛ ganjí; é ná nyí mɛɖé, bó nɔ klɔ́ afɔ nú klísusɛntɔ́ lɛ́ɛ ; é ná nyí mɛɖé, bó nɔ gɔ́ alɔ nú gbɛ̌dónánɔ lɛ́ɛ, bó ná nɔ wa ɖagbe hwebǐnu.

1 Timɔtée 6:16

É ɖokpónɔ géé wɛ má nɔ kú ǎ, bó ɖo wěziza e mɛɖé ma sixú sɛkpɔ́ ǎ é mɛ; mɛɖé mɔ ɛ kpɔ́n gbeɖé ǎ; mɛɖé ka sixú mɔ ɛ lɔ bo gbɔ ǎ. Susu kpódó hlɔ̌nhlɔ́n mavɔ mavɔ kpó ní nyí étɔn; amǐ!

2 Timɔtée 3:17

bónú mɛ e nyí Mawu tɔn ɔ́ ná ɖo gbesisɔ mɛ titewungbe, bɔ nǔ e é ná dó wa nǔ ɖagbe bǐ na ɔ́ bǐ ná ɖo así tɔn.

2 Timɔtée 4:18

Aklúnɔ ná ɖe mì sín nǔ nyanya bǐ mɛ; é ná hwlɛ́n mì, bó ná kplá mì byɔ́ axɔ́súɖuɖu tɔn mɛ ɖo sɛ́xwé wǔyɛ́yɛ́ afɔyɛ́yɛ́. È ní kpa susu n'i káká sɔ́yi. Amǐ.

Eblée 10:36

Nǔ e hu dó mi ɔ́ wɛ nyí ɖɔ mi ná dɛ, bó ná wa jlǒ Mawu tɔn, bó ná mɔ akpá e é dó ɔ́ yí.

Eblée 12:23

Mi sɛkpɔ́ Mawu ví nukɔn tɔn e kplé bó ɖo xwe ɖu wɛ, bɔ è wlǎn nyǐkɔ yětɔn ɖó sɛ́xwé lɛ́ɛ é. Mi sɛkpɔ́ Mawu e nɔ ɖɔ hwɛ xá mɛ bǐ e, bó sɛkpɔ́ yɛ mɛ e nyí hwɛjijɔnɔ bɔ Mawu zé yě dó húzú mɛ mímɛ́ bɔ nǔ bǐ vɔ ɖ'é wú lɛ́ɛ tɔn.

Eblée 12:28

Hǔn, mi nú mǐ ná tunwun nǔ e Mawu wa nú mǐ ɔ́ n'i; ɖó é ɖo axɔ́súɖuto e ma sixú húnhún ǎ é ná mǐ wɛ. Mi nú mǐ ná sɛn ɛ lě e mǐ ná sɛn ɛ gbɔn, bɔ é ná nyɔ́ nukún tɔn mɛ é kpó sísí kpó, kpódó xɛsi kpó, bó ná dó ɖe xlɛ́ ɛ ɖɔ mǐ tunwun nǔ e é wa nú mǐ ɔ́ n'i.

Eblée 13:16

Mi ma wɔn bó gɔn ɖagbe wa ó; mi ma wɔn bó gɔn nǔ e ɖo mi sí lɛ́ɛ má xá miɖée ó, ɖó vɔ̌sísá mɔ̌hunkɔtɔn lɛ́ɛ wɛ nɔ́ nyɔ́ Mawu nukún mɛ.

1 Piyɛ́ɛ 2:5

bónú mi lɔmɔ̌ ɔ́, ɖi awǐnnya gbɛɖe ɖɔhun ɔ́, è nǎ zé mi dó gbá sinsɛnxɔ Yɛsinsɛn tɔn ɔ́ ná. Mi ná nyí vɔ̌sánú-xwlémawutɔ́ mímɛ́ sín gbɛ̌ta, bó ná nɔ xwlé vɔ̌sánú Yɛsinsɛn tɔn ɔ́ Mawu; vɔ̌sánú Yɛsinsɛn tɔn e nɔ nyɔ́ Mawu nukún mɛ, gbɔn Jezu Klísu jí é.

1 Piyɛ́ɛ 4:2

Hǔn, bɛ́ sín din ɔ́, gbɛ e kpo bɔ mi ná zán ɖo ayǐkúngban jí fí ɔ́, lě e Mawu jló gbɔn ɔ́ wɛ mi ɖó ná zán gbɔn; é nyí jlǒ gbɛtɔ́ tɔn wɛ mi ná xwedó ǎ.

2 Piyɛ́ɛ 3:18

Lo ɔ́, mi ní ɖo Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ tunwun d'é jí wɛ, bó ɖo fɛ́nú tɔn tunwun d'é jí wɛ. Susu n'i sín din káká sɔ́yi mavɔ mavɔ. Amǐ.

1 Jǎan 2:17

Gbɛ élɔ́ ɔ́, wǐwá yi wɛ é ɖe, bɔ mɛ e nɔ bló jlǒ gbɛ élɔ́ tɔn lɛ́ɛ lɔ ɖo wǐwá yi wɛ; mɛ e nɔ bló jlǒ Mawu tɔn ɔ́ ka nɔ́ nɔ gbɛ káká sɔ́yi.

1 Jǎan 3:22

Nǔ ɖěbǔ e mǐ byɔ́ ɔ́, mǐ nɔ mɔ yí ɖo así tɔn, ɖó mǐ nɔ nyi sɛ́n tɔn lɛ́ɛ, bó nɔ wa nǔ e nɔ nyɔ́ nukún tɔn mɛ lɛ́ɛ.

Nǔɖexlɛ́mɛ 4:6

Xu wěkpɛ́n ɖɔhun ɖé ɖo faɖaɖa ɖo axɔ́súzinkpo ɔ́ nukɔn, lobo cí awǐnnya e è nɔ ylɔ́ ɖɔ klísutalu ɔ́ ɖɔhun. Nǔɖogbɛ ɛnɛ ɖo tɛ́ntin, lɛ́ lɛ̌ dó axɔ́súzinkpo ɔ́. Nǔɖogbɛ énɛ́ lɛ́ɛ ɔ́, nukún kpé gǔdo kpó nukɔn kpó nú yě.

Nǔɖexlɛ́mɛ 5:13

Un lɛ́ se nǔɖíɖó e ɖo jǐxwé lɛ́ɛ bǐ, ée ɖo ayǐkúngban jí lɛ́ɛ bǐ, ée ɖo ayǐkúngban glɔ́ lɛ́ɛ bǐ, ée ɖo xu mɛ lɛ́ɛ bǐ; nǔɖíɖó e gbɔn wɛ̌kɛ́zo ɛnɛ lɛ́ɛ mɛ lɛ́ɛ bǐ ɖo ɖiɖɔ wɛ ɖɔ: “Kpikpa, yɛ̌yi, susu, kpódó hlɔ̌nhlɔ́n kpó ní nyí mɛ e ɖo ayǐjínjɔ́n ɖo axɔ́súzinkpo ɔ́ jí é kpódó Lɛ̌ngbɔ́ví ɔ́ kpó tɔn káká sɔ́yi!”

Nǔɖexlɛ́mɛ 5:9

Yě ɖo han yɔ̌yɔ́ ɖé ji wɛ ɖɔ: “A nyǐ mɛ e jɛ xá bó ná yí wěma ɔ́, bó gba wuntun lɛ́ɛ é; ɖó è hu we, bɔ gbɔn hun towe gbla mɛ ɔ́, a xɔ gbɛ nú gbɛtɔ́ lɛ́ɛ nú Mawu, ɖo gbe lɛ́ɛ bǐ mɛ, ɖo togun lɛ́ɛ bǐ mɛ, ɖo to lɛ́ɛ bǐ mɛ.