Eblée 13:2 - MAWUXÓWÉMA

² Mi flín ɖɔ mi ɖó ná nɔ yí yě mɛ e nɔ wá ba jǒnɔ mi lɛ́ɛ é ganjí, ɖó mɛɖé lɛ́ɛ tíin bó ɖo nǔ wa gbɔn mɔ̌ wɛ, bó yí wɛnsagun Mawu tɔn lɛ́ɛ dó xwé gbe cóbó dán ɛ.

Eblée 13:2 Iomraidhean Croise

Bǐbɛ́mɛ 18:1

Mawu Mavɔmavɔ tɔ́n dó Ablaxámu jí ɖo zun Mamulée tɔn mɛ gbe ɖokpó. Gbe nɛ́ gbe ɔ́, Ablaxámu ɖo ayǐjínjɔ́n ɖo goxɔ tɔn sín alihɛ́nnu hwemɛ cíɖíɖí.

Bǐbɛ́mɛ 19:1

Wɛnsagun Mawu tɔn we lɛ́ɛ wá Sodɔ́mu gbe nɛ́ gbe gbadanu. Lɔ̌ti ko ɖo ayǐjínjɔ́n ɖo hɔntogbó Sodɔ́mu tɔn ɔ́ jí hwenɛ́nu. Ée é mɔ wɛnsagun lɛ́ɛ ɔ́, é sí te bó yi kpé yě bó xwe agbɔ̌nnusú do.

2 Axɔ́sú 4:8

Gbe ɖokpó tíin, bɔ Elizée ɖo Cunɛ́mu gbɔn dín wɛ, bó mɔ nyɔ̌nu nukúnɖéjí ɖokpó. Nyɔ̌nu ɔ́ ɖɔ n'i ɖɔ ní wá ɖu nǔ ɖo xwé émítɔn gbe dandan. Énɛ́ ɔ́ wú ɔ́, sín gbe nɛ́ gbe ɔ́, é wá toxo ɔ́ mɛ hweɖěbǔnu ɔ́, é nɔ yi nyɔ̌nu ɔ́ xwé, bó nɔ yi ɖu nǔ.

Jɔ̌bu 31:19

Un mɔ lelenɔ ɖo mɛ̌ bó tɛ avɔ ɛ wɛ a? Un mɔ yatɔ́nɔ bó gɔn awu ná ɛ wɛ a?

Jɔ̌bu 31:32

Jǒnɔ nɔ dɔ́ kɔ́xo gbeɖé ɖo xwé ce gbe ǎ; hɔn ce ɖo nuvo hwebǐnu nú aligbɔntɔ́ bǐ.

Ezayíi 58:7

Nǎ nǔɖuɖu towe ɖě mɛ e ɖo xovɛ́ é, wamamɔnɔ e má ɖó xɔ ǎ ɔ́, yǐ i dó xwé gbe; nǎ avɔ mɛ e ɖo mɛ̌ é. Ma gɔn alɔ gɔ́ nú nɔzo towe ó.

Levíi ví 19:34

É nyɔ́ wa ɔ́, mi ní hɛn ɛ ɖi to mitɔn mɛ nu wɛ é nyí ɖɔhun; mi ɖó ná yí wǎn n'i mi ɖésúnɔ ɖɔhun; mi ní flín ɖɔ émí ɖésúnɔ kó nyí jǒnɔ ɖo Ejípu tomɛ kpɔ́n. Nyɛ wɛ nyí Mawu Mavɔmavɔ, Mawu mitɔn.

Matíe 25:35

Ɖó xovɛ́ sin mì, bɔ mi ná nǔɖuɖu mì. Kɔ xú mì, bɔ mi ná sin mì. Un nyí jǒnɔ, bɔ mi yí mì dó xwé mitɔn gbe.

Matíe 25:40

Nyɛ axɔ́sú ɔ́ ná yí gbe nú yě ɖɔ: ‘Má ɖɔ nǔgbó nú mi: hweɖěbǔnu e mi bló nǔ énɛ́ lɛ́ɛ nú nɔví ce élɔ́ lɛ́ɛ ɔ́, é ná bo nyí mɛ e ma nyí mɛ ɖé ɖo gbɛtɔ́ lɛ́ɛ nukún mɛ ǎ wɛ ɔ́, nyɛ wɛ mi bló ná.’

Matíe 25:43

Un nyí jǒnɔ, bɔ mi yí mì dó xwé mitɔn gbe ǎ. Un ɖo mɛ̌, bɔ mi ná avɔ mì ǎ. Un jɛ azɔn, bo lɛ́ nɔ ganxó, bɔ mi ka wá ba mì kpɔ́n ǎ.’

Mɛsɛ́dó 16:15

É kpódó mɛ tɔn lɛ́ɛ kpó lɛ yɛhwesin; énɛ́ ɔ́ gúdo ɔ́, é sa vo nú mǐ ɖɔ: “Ényí mi mɔ ɖɔ un ɖi nǔ nú Aklúnɔ nǔgbó hǔn, mi wá nɔ xwé ce gbe.” É zín mǐ jǐ bɔ mǐ gbɔ bó yí gbe, bó yi nɔ xwé tɔn gbe.

Hlɔ̌manu 12:13

Mi nɔ dó alɔ nɔví mitɔn ɖo Klísu mɛ lɛ́ɛ ɖo nǔ e hudó yě lɛ́ɛ mɛ. Mi nɔ yí mɛ e nɔ wá gɔ̌n mitɔn lɛ́ɛ ganjí.

Hlɔ̌manu 16:23

Gayiwúsi e yí nyɛ Pɔ́lu dó xwé tɔn gbe ɔ́, é mɛ e sín xwé gbe agun ɔ́ bǐ nɔ́ kplé ɖe ɔ́ dó gbe sɛ́ dó mi. Elasíti e nɔ hɛn akwɛ́gbá to ɔ́ tɔn ɔ́ kpódó nɔví mǐtɔn Kaatúsi kpán dó gbe sɛ́ dó mi. [

1 Timɔtée 3:2

Agunjíkpɔ́ntɔ́ ka ɖó ná nyí mɛɖé, bɔ è nǎ mɔ nǔɖé ɖɔ dó wú tɔn ǎ. Asi ɖokpó wɛ é ɖó ná ɖó; é ná nɔ wa nǔ ɖó jlɛ̌ jí; é ɖó ná nɔ ɖu ɖo éɖée jí; é ɖó ná ɖó walɔ ɖagbe; é ɖó ná nɔ yí mɛ ganjí; é ná nyí mɛɖé bó ná sixú kplɔ́n nǔ mɛ.

1 Timɔtée 5:10

È ka ɖó ná tunwun i ɖó nǔ ɖagbe e é nɔ wa ɔ́ wú; é ná nyí mɛɖé, bó ko kplɔ́n vǐ kpɔ́n, é ná nyí mɛɖé, bó nɔ yí mɛ ganjí; é ná nyí mɛɖé, bó nɔ klɔ́ afɔ nú klísusɛntɔ́ lɛ́ɛ ; é ná nyí mɛɖé, bó nɔ gɔ́ alɔ nú gbɛ̌dónánɔ lɛ́ɛ, bó ná nɔ wa ɖagbe hwebǐnu.

Titu 1:8

É ɖó ná nɔ yí mɛ e nɔ wá gɔ̌n tɔn lɛ́ɛ ganjí, bó ná yí wǎn nú ɖagbewiwa; é ɖó ná nɔ wa nǔ e sɔgbe é, é ɖó ná nɔ́ wa nǔ jlɔ́jlɔ́; é ɖó ná nyí mɛ mímɛ́; é ɖó ná nɔ wa nǔ ɖó jlɛ̌ jí.

1 Piyɛ́ɛ 4:9

Nú mi ba jǒnɔ miɖée hǔn, mi ma húnhún nǔ ɖɔ cóbó yí miɖée ó.

3 Jǎan 1:5

Mɛvívɛ́ná ce, a nɔ gbejí ɖo nǔ e a nɔ wa nú nɔví lɛ́ɛ é mɛ káká bó nɔ lɛ́ nɔ gbejí ɖo nǔ e a nɔ bló nú nɔví e nyí jǒnɔ lɛ́ɛ é lɔ mɛ.