Eblée 13:16 - MAWUXÓWÉMA

¹⁶ Mi ma wɔn bó gɔn ɖagbe wa ó; mi ma wɔn bó gɔn nǔ e ɖo mi sí lɛ́ɛ má xá miɖée ó, ɖó vɔ̌sísá mɔ̌hunkɔtɔn lɛ́ɛ wɛ nɔ́ nyɔ́ Mawu nukún mɛ.

Eblée 13:16 Iomraidhean Croise

Ɖɛhan 37:3

Đe ji dó Mawu Mavɔmavɔ wú, bó nɔ wa ɖagbe; nɔ to ɔ́ mɛ, bó ná mɔ fífá.

Ɖɛhan 51:19

Mawu ce, vɔ̌ e nɔ́ nyɔ́ nukún towe mɛ ɔ́ wɛ nyí ɖɔ hwɛ e è hu lɛ́ɛ ní vɛ́ nú mɛ ɖo ayixa mɛ. A nɔ gbɛ́ wǎn nú mɛ e hwɛ tɔn lɛ́ɛ vɛ́ n'i tlílí ɖo ayi mɛ bɔ wǔ kú ɔ́ ǎ.

Luki 18:22

Ée Jezu se mɔ̌ ɔ́, é ɖɔ n'i ɖɔ: “Nǔ ɖokpó géé wɛ kpo nú we: sa nǔ e a ɖǒ ɔ́ bǐ, bó má akwɛ́ tɔn nú wamamɔnɔ lɛ́ɛ; énɛ́ ɔ́, a nǎ ɖó dɔkun ɖo Mawu gɔ̌n; énɛ́ ɔ́ gúdo ɔ́, wǎ, bó xwedó mì.”

Mɛsɛ́dó 10:38

Mi tunwun lě e Mawu gba Yɛsinsɛn sín hlɔ̌nhlɔ́n dó Jezu Nazalɛ́tinu ɔ́ jí gbɔn é; mi lɛ́ tunwun lě e Jezu gbɔn to ɔ́ mɛ, bó wa ɖagbe nú mɛ lɛ́ɛ, bó gbɔ azɔn nú mɛ e ɖo awǒvi sín acɛ mɛ lɛ́ɛ bǐ gbɔn é, ɖó Mawu ɖo kpɔ́ xá ɛ.

Mɛsɛ́dó 9:36

Nyɔ̌nu ɖé ka ɖo ahwanvú Jezu tɔn lɛ́ɛ mɛ ɖo Jopée, bɔ è nɔ ylɔ́ ɛ ɖɔ Tabita; (nyǐkɔ énɛ́ sín tínmɛ wɛ nyí “Dɔ̌kási” ɖo Glɛ̌sigbe mɛ, bó nyí “Tɛ́” ɖo Fɔngbe mɛ.) Nyɔ̌nu ɖagbewatɔ́ ɖé wɛ, bó nɔ́ dó alɔ wamamɔnɔ lɛ́ɛ ɖésú.

Hlɔ̌manu 12:13

Mi nɔ dó alɔ nɔví mitɔn ɖo Klísu mɛ lɛ́ɛ ɖo nǔ e hudó yě lɛ́ɛ mɛ. Mi nɔ yí mɛ e nɔ wá gɔ̌n mitɔn lɛ́ɛ ganjí.

Galatinu 6:10

Ényí mɔ̌ hǔn nɔví lɛ́ɛ mi, ényí mǐ mɔ ɖagbewiwa sín ali hweɖěbǔnu hǔn, mǐ ní nɔ wa nú mɛ bǐ, ɖo tají ɔ́, nú nɔví ɖo nǔɖiɖi mɛ lɛ́ɛ.

Galatinu 6:6

Mɛ e kplɔ́n Mawuxó ɔ́ wɛ è ɖe ɔ́ ɖó ná má nǔ ɖagbe e ɖo así tɔn lɛ́ɛ bǐ xá mɛ e ɖo Mawuxó ɔ́ kplɔ́n ɛ wɛ é.

Efɛ́zinu 4:28

Mɛ e nɔ jɛ ajo ɖ'ayǐ ɔ́, ní jó ajo dó bó wa azɔ̌, bó nyí é ɖésúnɔ kpódó ayijlɔ́jlɔ́ kpó; énɛ́ ɔ́, é ná ɖó nǔ e é ná dó dó alɔ mɛ e nǔɖé hudó lɛ́ɛ é.

Filípunu 4:14

É ka ɖo mɔ̌ có, alɔ e mi dó mì ɖo nǔ e ɖo gbigbo mì wɛ lɛ́ɛ mɛ ɔ́, nǔ ɖagbe wɛ mi wa.

Filípunu 4:18

Un mɔ nǔ e mi sɛ́ dó mì lɛ́ɛ bǐ, bɔ é kpé mì kpo; din e Epafloditi hɛn nǔ e mi ná mì lɛ́ɛ wá nú mì ɔ́, nǔ e ɖo tají nú mì lɛ́ɛ bǐ ɖo así ce; nǔ e mi ná mì lɛ́ɛ cí vɔ̌sánú wǎnɖagbenɔ ɖɔhun, bó cí vɔ̌sísá e nɔ nyɔ́ Mawu nukún mɛ, bɔ é nɔ yí gbe ná ɔ́ ɖɔhun.

1 Tɛsalonikinu 5:15

Mi cɔ́ miɖée, bónú è wa nǔ nyanya nú mɛɖé hǔn, ní ma sɔ́ nyanya dó sú axɔ́ ná ó; lo ɔ́, mi dó gǎn bó nɔ wa ɖagbe nú miɖée hwebǐnu, bó nɔ wa nú gbɛtɔ́ lɛ́ɛ bǐ.

2 Tɛsalonikinu 3:13

Nɔví lɛ́ɛ mi, midɛɛ lɛ́ɛ ɔ́, ɖagbewiwa ní ma ci kɔ nú mi ó.

1 Timɔtée 6:18

Kplɔ́n nǔ yě ɖɔ yě ní nɔ wa ɖagbe, bó kplɔ́n yě ɖɔ yě ní nɔ wa nǔ ɖagbe gěgé. Yě ní nɔ hun alɔ bó ná nǔ mɛ, bó nɔ gbesisɔ mɛ, bó ná má nǔ e yě ɖó ɔ́ xá mɛ ɖě lɛ́ɛ.

Filemɔ́ɔ 1:6

Un nɔ byɔ́ Mawu ɖɔ kɔnɖókpɔ́ e a ɖǒ xá mǐ ɖo nǔɖiɖi mɛ ɔ́ ní bló bónú è nǎ tunwun ɖagbe e mǐ nɔ mɔ ɖo Klísu mɛ lɛ́ɛ bǐ céɖécéɖé.

Eblée 6:10

Mawu nɔ dó hwɛ agɔ ǎ; é ná wɔn azɔ̌ e mi wa é ǎ; wǎn yíyí e mi ɖe xlɛ́ ɛ gbɔn alɔ e mi dó nɔví klísusɛntɔ́ lɛ́ɛ é gbla mɛ, bó ka lɛ́ kpo ɖo dǐdó yě wɛ ɔ́, é ná wɔn ǎ.

3 Jǎan 1:11

Mɛvívɛ́ná ce, ma nɔ wa nǔ mɛ e nɔ wa nǔ nyanya é ɖɔhun ó; lo ɔ́, nɔ wa nǔ mɛ e nɔ wa nǔ ɖagbe é ɖɔhun. Mɛ e nɔ wa nǔ ɖagbe ɔ́, Mawu tɔn wɛ é nyí, bɔ mɛ e ka nɔ wa nǔ nyanya ɔ́ mɔ Mawu ǎ.