Eblée 13:15 - MAWUXÓWÉMA

¹⁵ Mi nú mǐ ná kpa susu nú Mawu dó sá vɔ̌ n'i hwebǐnu gbɔn Jezu jí; é wɛ nyí ɖɔ mǐ ní nɔ sɔ́ nu mǐtɔn dó kpa susu nú nyǐkɔ tɔn ɖo togun mɛ agbawungba.

Eblée 13:15 Iomraidhean Croise

Ɖɛhan 50:14

Vɔ̌ e a nǎ sá nú nyɛ Mawu towe ɔ́ wɛ nyí ɖɔ a nǐ tunwun nǔ e bló nú we wɛ un ɖe ɔ́ nú mì. Đe akpá e a dǒ nú nyɛ Mawu Ajalɔ̌nlɔn lɛ́ɛ.

Hlɔ̌manu 12:1

Nɔví ce lɛ́ɛ mi, ée Mawu ɖe xomɛnyínyɔ́ tɔn xlɛ́ mi mɔ̌ é ɔ́, un ɖo vo sa nú mi wɛ ɖɔ mi ní sɔ́ mi ɖésúnɔ bǐ jǒ, vɔ̌sánú gbɛɖe e è sɔ́ ɖ'ayǐ nú Mawu, bɔ é nyɔ́ nukún tɔn mɛ é ɖɔhun. Lě e mi ná sɛn ɛ gbɔn, bɔ é ná nyí sinsɛn titewungbe ɔ́ é nɛ́.

1 Piyɛ́ɛ 2:5

bónú mi lɔmɔ̌ ɔ́, ɖi awǐnnya gbɛɖe ɖɔhun ɔ́, è nǎ zé mi dó gbá sinsɛnxɔ Yɛsinsɛn tɔn ɔ́ ná. Mi ná nyí vɔ̌sánú-xwlémawutɔ́ mímɛ́ sín gbɛ̌ta, bó ná nɔ xwlé vɔ̌sánú Yɛsinsɛn tɔn ɔ́ Mawu; vɔ̌sánú Yɛsinsɛn tɔn e nɔ nyɔ́ Mawu nukún mɛ, gbɔn Jezu Klísu jí é.

Ozée 14:2

Izlayɛ́linu lɛ́ɛ mi, mi lɛ́ kɔ wá Mawu Mavɔmavɔ, Mawu mitɔn gɔ́n, ɖó hwɛ e mi hu lɛ́ɛ zɔ́n bɔ mi jɛ ayǐ.

Ezayíi 57:19

Un ná sɔ́ awǎjijɛ han dó nu nú yě.” Mawu Mavɔmavɔ ɖɔ: “Fífá ní tíin nú mɛ e ɖo zɔ nú mì lɛ́ɛ, fífá ní tíin nú mɛ e sɛkpɔ́ mì lɛ́ɛ. Nǔgbó wɛ, un ná gbɔ azɔn nú togun ce.”

2 Tan 33:16

É lɛ́ vɔ́ vɔ̌sákpe Mawu Mavɔmavɔ tɔn ɔ́ mɛ, bó nɔ sá kɔnɖókpɔ́ vɔ́ lɛ́ɛ kpódó kú dó nú Mawu vɔ́ lɛ́ɛ kpó ɖ'é jí, lobo ɖɔ nú Judáanu lɛ́ɛ ɖɔ yě ní nɔ sɛn Mawu Mavɔmavɔ, Mawu Izlayɛ́li tɔn.

Ɖɛhan 50:23

Mɛ e sá vɔ̌ dó tunwun nǔ e un wa n'i ɔ́ nú mì ɔ́, mɛ e sɔ́ mì su é nɛ́; mɛ e nɔ zán gbɛ ɖagbe ɔ́, un ná ɖe xlɛ́ ɛ ɖɔ nyi wɛ nyí Mɛhwlɛ́ngántɔ́.”

Levíi ví 7:12

Nú mɛ ɖé ná sá kɔnɖókpɔ́ vɔ́, bó ná dó kpa susu nú Mawu Mavɔmavɔ ɔ́, mɛ ɔ́ ná hɛn wɔ̌xúxú e mɛ è ma dó tɔ́n ǎ, bɔ è zě ami dó nya é, acɔnmɔ e mɛ è ma dó tɔ́n ǎ, bɔ è sá ami dó é, kpódó wɔ̌xúxú e è sɔ́ ami dó nya linfín ná ganjí bó ɖa ɔ́ kpó gɔ́ nú kanlin e ná dó sá kɔnɖókpɔ́ vɔ́ ɔ́ ná wɛ è ɖe é.

Matíe 11:25

Hwenɛ́nu ɔ́, Jezu yí xó, bó ɖɔ: “Daá! Aklúnɔ jǐnukúnsin kpódó ayǐkúngban kpó tɔn, un dó kú nú we, ɖó a sɔ́ nǔ énɛ́ lɛ́ɛ hwlá dó nukúnnú-mɔjɛnǔmɛtɔ́ lɛ́ɛ kpódó nǔnywɛ́tɔ́ lɛ́ɛ kpó, lobo ka ɖe yě xlɛ́ vǐ ɖo anɔ̌nu lɛ́ɛ.

2 Tan 7:6

Vɔ̌sánú-xwlémawutɔ́ lɛ́ɛ ɖo azɔ̌ yětɔn jí. Levíi ví lɛ́ɛ ɖo nǔxonú e axɔ́sú Davídi bló nú Mawu lɛ́ɛ xo wɛ. Yě ɖo susu kpa nú Mawu Mavɔmavɔ wɛ ɖó wǎn yíyí tɔn ma ɖó dogbó ɔ́ wú, lě e Davídi kplɔ́n yě gbɔn é. Vɔ̌sánú-xwlémawutɔ́ ɖé lɛ́ɛ ɖo kpɛn kún wɛ ɖo nukɔn yětɔn, bɔ Izlayɛ́li togun ɔ́ bǐ ɖo te.

1 Piyɛ́ɛ 4:11

Ényí mɛɖé ɖo Wɛn Ɖagbe jlá wɛ hǔn, ní nyí Mawuxó; ényí mɛɖé ɖo Mawuzɔ́ wa wɛ hǔn, ní wa kpó hlɔ̌nhlɔ́n e Mawu ná ɛ ɔ́ kpó, bónú è nǎ kpa susu nú Mawu ɖo nǔ bǐ mɛ, gbɔn Jezu Klísu e nyí susunɔ, bó nyí hlɔ̌nhlɔ́nnɔ káká sɔ́yi ɔ́ jí! Amǐ!

Efɛ́zinu 2:18

Đó Klísu jí wɛ mǐ bǐ ná gbɔn, Jwifu kpódó mɛ e ma nyí Jwifu ǎ é kpó, bó ná sixú yi Mawu Tɔ́ ɔ́ gɔ́n, kpódó Yɛsinsɛn ɖokpó énɛ́ sín alɔdó kpó.

Ɖɛhan 118:19

Mi hun hwɛjijɔ sín hɔn lɛ́ɛ kɛ́ nú mì, nú ma byɔ́ mɛ, bó ná mlá Mawu Mavɔmavɔ.

Ɖɛhan 18:49

Mawu Mavɔmavɔ, a nɔ yí mì sín kɛntɔ́ ce lɛ́ɛ sí. Hú mɔ̌ ɔ́, a nɔ ná ɖuɖéjí mì ɖo mɛ e nɔ tɔ́n ahwan mì lɛ́ɛ jí, bó nɔ́ hwlɛ́n mì gán ɖo adǎkaxotɔ́ lɛ́ɛ sí.

Nɛɛmíi 12:43

Gbe énɛ́ ɔ́ gbe ɔ́, è sá vɔ̌ nú Mawu kpɔ́ gégé, bɔ mɛ bǐ ɖo awǎ jɛ wɛ, ɖó Mawu sɔ́ awǎjijɛnú ɖaxó ɖokpó dó así nú togun tɔn. Nyɔ̌nu lɛ́ɛ kpó yɔkpɔ́vú lɛ́ɛ kpó lɔmɔ̌ ɖo awǎ jɛ wɛ, bɔ awǎ e jɛ wɛ yě ɖe ɖo Jeluzalɛ́mu, bó ɖo xó sú wɛ ɔ́, è nɔ se ɖo zɔ.

Eblée 7:25

Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

Kolósinu 1:12

Mi dó kú nú Mawu Tɔ́ ɔ́ kpódó awǎjijɛ kpán, ɖó é bló bɔ mi lɔ ɖó mǐmá ɖo ɖagbe e é sɔ́ ɖ'ayǐ ɖo axɔ́súɖuto wězizanɔ ɔ́ mɛ, nú mɛ e nyí étɔn lɛ́ɛ é mɛ.

Hlɔ̌manu 6:19

Un ɖo xó ɖɔ nú mi wɛ lě e gbɛtɔ́ nɔ ɖɔ xó gbɔn é, ɖó nukúnnú e mi ma nɔ yá wǔ mɔ jɛ nǔ e kan Mawu lɛ́ɛ mɛ ǎ wútu. Ɖ'ayǐ xóxó ɔ́, mi jó miɖée bǐ dó kannumɔ ɖɔhun nú nǔblíblí wiwa kpódó gbɛ nyanya zínzán kpán; nǔ énɛ́ lɛ́ɛ wiwa nɔ zɔ́n bɔ mi nɔ vɛ́ tóli nú Mawu. Mɔ̌ ɖokpó ɔ́, din ɔ́, mi jó miɖée dó bǐ kannumɔ ɖɔhun nú nǔjlɔ́jlɔ́wiwa; énɛ́ ná zɔ́n bɔ mi ná nɔ sixú zán gbɛ mímɛ́.

Jǎan 10:9

Nyɛ wɛ nyí hɔn ɔ́. Mɛ e ná gbɔn jǐ ce ɔ́, è nǎ hwlɛ́n ɛ gán; é ná nɔ́ yi, bó ná nɔ́ wá, bó ná nɔ́ mɔ nǔ ɖu.

Nɛɛmíi 12:40

Hanjigbɛ́ we lɛ́ɛ nɔ te ɖo Mawu xwé, bɔ nyi lɔmɔ̌ nɔ te, nyi kpó tonukún e xwedó mì lɛ́ɛ kpó.

Ɛsidlási 3:11

Yě ɖo han ji dó ɖo susu kpa nú Mawu wɛ, bó ɖo mlǎmlá ɛ wɛ ɖɔ: “Mawu Mavɔmavɔ nyɔ́ bɔ wǎn yíyí e é ɖó nú Izlayɛ́li ví lɛ́ɛ ɖó vivɔnu ǎ!” Togun ɔ́ lɔ ɖo awǒbóbó kpa wɛ, bó ɖo asíkpɛ́ xo wɛ, bó dó ɖo susu kpa nú Mawu Mavɔmavɔ wɛ, ɖó è ɖo xwé tɔn dó do wɛ.

2 Tan 29:31

Énɛ́ ɔ́, Ezekiyási yí xó bó ɖɔ: “Din ɔ́, mi mɛ e dó agban wá nú Mawu Mavɔmavɔ lɛ́ɛ ɔ́, mi wá, mi fɔ kanlin mitɔn lɛ́ɛ kpó kú dó nú Mawu vɔ́ mitɔn lɛ́ɛ kpó wá Mawu Mavɔmavɔ xwé gbe.” Ée é ɖɔ mɔ̌ ɔ́, yě bɛ̌ kanlin yětɔn lɛ́ɛ kpó kú dó nú Mawu vɔ́ yětɔn lɛ́ɛ kpó wá. Mɛ e nɔ hun alɔ bo nɔ ná nǔ mɛ ɖo yě mɛ lɛ́ɛ hɛn kanlin bó ná sá vɔ̌ e è nɔ dó zo ɔ́ ná.

Jǎan 14:6

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Luki 10:21

Hwenɛ́nu tlóló ɔ́, Yɛsinsɛn dó xomɛ hunhun ɖaxó ɖé nú Jezu, bɔ é ɖɔ: “Daá! Aklúnɔ jǐnukúnsin kpódó ayǐkúngban kpó tɔn, un dó kú nú we, ɖó a sɔ́ nǔ énɛ́ lɛ́ɛ hwlá dó nukúnnú-mɔjɛ́nǔmɛtɔ́ lɛ́ɛ, kpódó nǔnywɛ́tɔ́ lɛ́ɛ kpó, lobo ka ɖe yě xlɛ́ vǐ ɖo anɔ̌nu lɛ́ɛ. Mɔ̌ wɛ Daá! Đó lě e a jlǒ gbɔn é nɛ́.

Ɖɛhan 119:108

Mawu Mavɔmavɔ, kɛnklɛ́n yí kú e dó nú we wɛ un ɖe gbɔn ɖɛ mɛ é; kplɔ́n gbeta towe lɛ́ɛ mì.

Jelemíi 33:11

Amɔ̌, din ɔ́, è nǎ lɛ̌ se bɔ è nǎ ɖo xwe ɖu wɛ bó ɖo awǎ jɛ wɛ, bó ná lɛ́ se mɛ e wlí alɔ yɔ̌yɔ́ lɛ́ɛ ɖo han ji wɛ. È nǎ lɛ́ se bɔ mɛ lɛ́ɛ ná ɖo han ji wɛ ɖɔ: ‘Mi kpa Mawu Mavɔmavɔ, Nǔbǐwúkpétɔ́ ɔ́, ɖó é nyɔ́. Wǎn yíyí tɔn ɖó dogbó ǎ.’ È nǎ lɛ́ se mɛ lɛ́ɛ ɖo han ji wɛ xwe vɔ̌ sá gbé ɖo Mawu Mavɔmavɔ xwé. Đó nyɛ Mawu Mavɔmavɔ ná lɛ́ sɔ́ to élɔ́ ɖó lě e é kó ɖe ɖ'ayǐ é.” Mawu Mavɔmavɔ wɛ ɖɔ mɔ̌.

Jelemíi 33:18

Mɔ̌ ɖokpó ɔ́, vɔ̌sánú-xwlémawutɔ́ Levíi ví ná hán gbeɖé ǎ; Levíi ví ɖě ná tíin dandan, bó ná ɖo gɔ̌n ce, bó ná xwlé vɔ̌sánú blěbǔ mì, bó ná nɔ́ xwlé vɔ̌ e è nɔ dó zo é mì, bɔ azɔ tɔn ná nɔ́ si wá gɔ̌n ce; é ná nɔ́ xwlé kɔnɖókpɔ́ vɔ́ mì.”

Eblée 12:28

Hǔn, mi nú mǐ ná tunwun nǔ e Mawu wa nú mǐ ɔ́ n'i; ɖó é ɖo axɔ́súɖuto e ma sixú húnhún ǎ é ná mǐ wɛ. Mi nú mǐ ná sɛn ɛ lě e mǐ ná sɛn ɛ gbɔn, bɔ é ná nyɔ́ nukún tɔn mɛ é kpó sísí kpó, kpódó xɛsi kpó, bó ná dó ɖe xlɛ́ ɛ ɖɔ mǐ tunwun nǔ e é wa nú mǐ ɔ́ n'i.

Kɛ́nsísɔ́ 7:62

É ná kɔ́fu e è sɔ́ siká dó bló ná ɔ́ ɖokpó, bɔ é da glǎmu kanwe ko (100), bɔ nǔhwɛ́nkún gɔ́.