Eblée 13:14 - MAWUXÓWÉMA

¹⁴ Đó mǐ ɖó toxo e nɔ nɔ ayǐ káká sɔ́yi ɔ́ ɖo ayǐkúngban jí fí ǎ; amɔ̌ mǐ ɖo toxo Mawu tɔn e jǎwe ɔ́ ba wɛ.

Eblée 13:14 Iomraidhean Croise

Micée 2:10

Mi sí te bo yi, ɖó vivo sɔ́ tíin nú mi ɖo fí ǎ. Gbejímánɔ mitɔn lɛ́ɛ zɔ́n, bɔ wǔvɛ́ ɖaxó ɖo te kpɔ́n mi.”

1 Kɔlɛ́ntinu 7:29

Nɔví lɛ́ɛ mi, nǔ e ɖɔ wɛ un ɖe, bó ɖɔ mɔ̌ ɔ́ ɖíe: hwenu kpɛɖé wɛ kpo; bɛ́ sín din ɔ́, mɛ e da asi lɛ́ɛ ní zán gbɛ yě ma da asi ɖɔhun.

2 Kɔlɛ́ntinu 4:17

Wǔvɛ́ kpɛ e mɔ wɛ mǐ ɖe din nú hwenu ɖé ɔ́ nɔ́ bló susu mavɔ mavɔ ɖ'ayǐ nú mǐ, bɔ é nɔ́ túnflá; susu énɛ́ ɖo tají hú wǔvɛ́ e mɔ wɛ mǐ ɖe din é ɖaxó.

Efɛ́zinu 2:19

Énɛ́ ɔ́ wútu ɔ́, mi mɛ e ma nyí Jwifu ǎ lɛ́ɛ ɔ́, mi sɔ́ nyí jǒnɔ abǐ mɛ e gosín fí ɖěvo bó wá é ǎ; lo ɔ́, mi húzú to ɖokpó ɔ́ mɛ nu xá mɛɖeɖóvo Mawu tɔn lɛ́ɛ, bó ɖo hɛ̌nnu Mawu tɔn mɛ.

Filípunu 3:20

Mǐdɛɛ lɛ́ɛ ɔ́, sɛ́xwé tɔn wɛ mǐ nyí, bó ɖo te kpɔ́n Mɛhwlɛ́ngántɔ́ mǐtɔn e nyí Aklúnɔ Jezu Klísu ɔ́ vɛ́návɛ́ná.

Eblée 10:34

Nǔgbó ɔ́, mi kú nǔbláwǔ nú mɛ e è wlǐ dó gankpá mɛ lɛ́ɛ, bɔ hwenu e è wǎ bɛ́ nǔ mitɔn lɛ́ɛ ɔ́, mi yí gbe ná kpódó xomɛhunhun kpó, ɖó mi tunwun ɖɔ dɔkun e nyɔ́ hú dɔkun énɛ́ lɛ́ɛ, bó nɔ́ nɔ ayǐ káká sɔ́yi ɔ́ ɖo émí sí.

Eblée 12:22

Lo ɔ́, midɛɛ lɛ́ɛ ɔ́, mi sɛkpɔ́ Sinyɔ́ɔ só ɔ́; mi sɛkpɔ́ Jeluzalɛ́mu sɛ́xwé tɔn, ée nyí toxo Mawu gbɛɖe ɔ́ tɔn é, bó sɛkpɔ́ wɛnsagun wɔ̌buwɔ́bú lɛ́ɛ.

Eblée 12:27

Xógbe “un ná lɛ́ húnhún” ɔ́ ɖe xlɛ́ ɖɔ nǔ e Mawu bló lɛ́ɛ ná húnhún, bó ná bú, bónú nǔ e ma sixú húnhún ǎ é ná nɔ ayǐ.

Eblée 2:5

Nǔgbó ɔ́, ényí wɛnsagun lɛ́ɛ wɛ Mawu ná acɛ dó gbɛ́ e jǎwe, bɔ mǐ ɖo xó tɔn ɖɔ wɛ ɔ́ nu ǎ.

Eblée 4:9

Énɛ́ ɔ́, gbɔjɛ́ ɖé ɖo te nú togun Mawu tɔn, bó cí gbɔjɛ́ e Mawu gbɔjɛ́ azǎn tɛ́nwegɔ́ ɔ́ gbe ɔ́ ɖɔhun.

Eblée 9:11

Lo ɔ́, Klísu ɔ́ wá, bó nyí vɔ̌sánú-xwlémawutɔ́ ɖaxó nú nǔ ɖagbe e wá lɛ́ɛ, bɔ goxɔ e mɛ é nɔ wa azɔ̌ tɔn lɛ́ɛ ɖe ɔ́ ɖo tají bó sɔgbe, bɔ nǔ bǐ vɔ ɖ'é wú hú ée gbɛtɔ́ gbá ɔ́; é nyí gbɛmɛ fí sín nǔ ǎ.

1 Piyɛ́ɛ 4:7

Hwenu nǔ lɛ́ɛ bǐ ná vɔ dó ɔ́ ko yá; mi zán gbɛ e sɔgbe é; ayixa mitɔn ní nɔ te bónú mi ná nɔ sixú xo ɖɛ.

Nǔɖexlɛ́mɛ 3:12

“Mɛ e ná ɖu ɖ'é jí ɔ́, un ná sɔ́ ɛ dó bló dotín ná ɖo sinsɛnxɔ Mawu ce tɔn mɛ, bɔ é sɔ́ ná tɔ́n ǎ. Un ná wlán Mawu ce sín nyǐkɔ kpódó Mawu ce sín toxo sín nyǐkɔ kpán dó wǔ tɔn; Mawu ce sín toxo ɔ́ wɛ nyí Jeluzalɛ́mu yɔ̌yɔ́ e Mawu ce ná sɛ́ dó, bɔ é ná jɛ te sín sɛ́xwé wá é. Un ná wlán nyǐkɔ ce yɔ̌yɔ́ ɔ́ lɔ dó wǔ tɔn.