Eblée 13:13 - MAWUXÓWÉMA

¹³ Hǔn, mi nú mǐ ná yi toxo ɔ́ gúdo, bó ná ɖu winnyá ɖokpó ɔ́ xá ɛ.

Eblée 13:13 Iomraidhean Croise

Matíe 16:24

Jezu ka ɖɔ nú ahwanvú tɔn lɛ́ɛ ɖɔ jí: “Ényí mɛɖé jló ná xwedó mì hǔn, ní jó tito é ɖésúnɔ tɔn lɛ́ɛ dó, bó ɖíɖá aklúzu tɔn, bó xwedó mì.

Matíe 27:32

Ée yě tɔ́n sín toxo ɔ́ mɛ ɔ́, yě kpé Silenɛ́ɛnu ɖokpó, bɔ è nɔ ylɔ́ ɛ ɖɔ Sinmɔ́ɔ. Sɔ́ja lɛ́ɛ hú gǎn ɛ, bó ɖíɖá ɛ aklúzu Jezu tɔn.

Matíe 5:11

“Nǔ nyɔ́ nú mi, hwenu e è wǎ ɖo mi zun wɛ, bó ɖo mi ɖe dó wɛ, bó ɖo nǔvú bǐ ɖó dó mi nu wɛ, ɖó nyɛ wútu é.

Luki 6:22

“Nǔ ná nyɔ́ nú mi hwenu e gbɛtɔ́ lɛ́ɛ ná gbɛ́ wǎn nú mi, bó ná gbɛ́ mi, bó ná nɔ́ ɖo mi zun wɛ, bó ná nɔ́ mɔ mi dó mɔ mɛ nyanya ná ɖó nyɛ Gbɛtɔ́ví ɔ́ wútu é.

Luki 9:23

Jezu lɛ́ ɖɔ nú yě bǐ ɖɔ: “Ényí mɛɖé jló ná xwedó mì hǔn, ní jó tito é ɖésúnɔ tɔn lɛ́ɛ dó, bó ɖíɖá aklúzu tɔn ayǐhɔ́ngbe ayǐhɔ́ngbe, bó xwedó mì.

Mɛsɛ́dó 5:41

Mɛsɛ́dó lɛ́ɛ ka gosín toxóɖɔgbɛ́ ɔ́ nukɔn, bɔ xomɛ hun yě tlala, ɖó yě mɔ ɖɔ Mawu mɔ émí dó mɔ mɛ e jɛ xá ya ji dó Jezu nyǐkɔ mɛ é.

2 Kɔlɛ́ntinu 12:10

Énɛ́ ɔ́ wútu ɔ́, gǎnmaɖó ce nɔ́ dó xomɛhunhun nú mì ɖó Klísu wú. È ɖo zunzun mì wɛ ɖó Klísu wú ɔ́, xomɛ nɔ hun mì; nǔ ɖo gbigbo mì wɛ ɖó Klísu wú ɔ́, xomɛ nɔ hun mì; ya e è nɔ dó mì ɖó Klísu wútu lɛ́ɛ kpódó xɛsi e è nɔ dó nú mì ɖó Klísu wútu lɛ́ɛ kpán nɔ hun xomɛ nú mì, ɖó hwenu e un ma ɖó gǎn ǎ ɔ́, hwenɛ́nu wɛ un nɔ mɔ hlɔ̌nhlɔ́n.

Eblée 11:26

É tunwun ɖɔ nú mɛ lɛ́ɛ gbɛ́ wǎn nú émí lě e yě gbɛ́ wǎn nú Klísu gbɔn ɔ́, é kpé akwɛ́ nú émí hú dɔkun Ejípu tɔn lɛ́ɛ; ɖó nukún tɔn ɖo ajɔ e jǎwe sɔ gúdo ɔ́ wú.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 12:3

Mi flín lě e é dɛ ɖo gǔ mɔ̌hunkɔtɔn e hwɛhutɔ́ lɛ́ɛ fɔ́n dó jǐ tɔn ɔ́ nu gbɔn é, bónú awakanmɛ ma kú mi, nú nǔ ci kɔ nú mi ó;

Eblée 12:4

ɖó ahwan e fun xá hwɛhuhu wɛ mi ɖe ɔ́, mi ko fun káká yi kú ǎ.

1 Piyɛ́ɛ 4:4

Din ɔ́, ée mɛ ma ɖi nǔ nú Mawu ǎ lɛ́ɛ mɔ ɖɔ mi kún sɔ́ nɔ ɖo nǔwazɛjlɛ̌wú sín gbɛ nyanya énɛ́ ɔ́ zán xá émí wɛ ó ɔ́, é kpácá yě, bɔ yě bɔ zun ɖó nú mi.