Eblée 13:11 - MAWUXÓWÉMA

¹¹ Vɔ̌sánú-xwlémawutɔ́ ɖaxó ɔ́ nɔ sɔ́ kanlin e è hu lɛ́ɛ sín hun yi Tɛn mímɛ́ bǐ ɔ́ mɛ, bó nɔ sá vɔ̌ nú Mawu dó hwɛ e togun ɔ́ hu lɛ́ɛ tamɛ. Lo ɔ́, kanlin énɛ́ lɛ́ɛ e è hu ɔ́, è nɔ bɛ yě yi goxɔ lɛ́ɛ gúdo, bó nɔ dó zo.

Eblée 13:11 Iomraidhean Croise

Tíntɔ́n 29:14

Amɔ̌, kanlin ɔ́ sín lan kpódó anyǔ tɔn kpó, kpódó mǐ tɔn kpó ɔ́, a nǎ ɖe sín fí e mi ɖó gɔnu ɖó ɔ́, bó dó zo. É ná nyí hwɛsɔ́kɛmɛvɔ́.

Ezekiyɛ́li 43:21

Énɛ́ ɔ́ gúdo ɔ́, a nǎ ɖɔ bɔ è nǎ ɖe nyibúsú e è dǒ sá vɔ̌ ná ɔ́ síin, bɔ è nǎ sɔ́ bó ná yi dó zo ɖo fí e è nɔ bló nǔ mɔ̌hunkɔ ɖe é. È ká ná dó zo ɖo fí e è sɔ́ ɖó vo nú mì é ǎ.

Levíi ví 16:27

Nyibúsú kpó gbǎgbá kpó e è dǒ sá hwɛsɔ́kɛmɛvɔ́ ɔ́ ná, bó zé hun yětɔn yi goxɔ ɔ́ mɛ, bó dó súnsún hwɛ sín kɔ nú togun ɔ́ lɛ́ɛ ɔ́, è ɖǒ ná bɛ́ yě sín fí e yě ɖǒ gɔnu ɖó ɔ́, bó ná fyɔ́ anyǔ yětɔn kpódó lan yětɔn kpó, kpódó mǐ yětɔn kpó.

Levíi ví 6:11

Aalɔ́ɔn ví súnnu lɛ́ɛ kɛ́ɖɛ́ wɛ ná ɖu, ɖó nǔníná énɛ́ ɔ́ e kpo ɔ́ wɛ nyí yětɔn káká sɔ́yi. Énɛ́ ɔ́ wú ɔ́, mɛ ɖěvo ɖěbǔ ɖ'alɔ wú ɔ́, mɛ ɔ́ ná húzú mɛ mímɛ́.”

Levíi ví 9:11

Lo ɔ́, é ɖe kanlin ɔ́ sín lan kpó anyǔ tɔn kpó sín fí e yě ɖǒ gɔnu ɖó ɔ́, bó dó zo.

Levíi ví 9:9

Vǐ tɔn súnnu lɛ́ɛ sɔ́ kanlin ɔ́ sín hun n'i, bɔ é sɔ́ alɔví tɔn dó hun ɔ́ mɛ, bó sá dó vɔ̌sákpe ɔ́ sín zo lɛ́ɛ wú, bó kɔn éé kpo ɔ́ kɔn nyi vɔ̌sákpe ɔ́ sín dodó wú.

Kɛ́nsísɔ́ 19:3

Mi ná zé nyibú ɔ́ nú vɔ̌sánú-xwlémawutɔ́ Eleazáa, bɔ é ná dɔn ɛ tɔ́n sín fí e mi ɖó gɔnu ɖó é, bɔ è nǎ gbo gbe e ɖo nukún tɔn mɛ.

Kɛ́nsísɔ́ 19:7

Énɛ́ ɔ́ gúdo ɔ́, vɔ̌sánú-xwlémawutɔ́ ɔ́ ná nya avɔ tɔn lɛ́ɛ, bó ná lɛ wǔ, cóbó ná byɔ́ fí e mi ɖó gɔnu ɖó ɔ́. É ná nyí mɛ blíblí káká jɛ gbadanu.