Eblée 13:10 - MAWUXÓWÉMA

¹⁰ Vɔ̌sánú-xwlémawutɔ́ e nɔ wa azɔ̌ ɖo goxɔ e mɛ Jwifu lɛ́ɛ nɔ sɛn Mawu ɖe lɛ́ɛ mɛ ɔ́ ɖó acɛ e ɖu nǔ e è sɔ́ dó sá vɔ̌ nú Mawu ɖo vɔ̌sákpe mǐtɔn jí é ǎ.

Eblée 13:10 Iomraidhean Croise

Kɛ́nsísɔ́ 7:5

“Yǐ nǔ e yě hɛn wá lɛ́ɛ. Kɛkɛ́ví énɛ́ lɛ́ɛ, kpódó nyibú énɛ́ lɛ́ɛ kpó ɔ́, è nǎ zán yě dó wa Goxɔ ɔ́ sín azɔ̌ ná. A nǎ kpɔ́n azɔ̌ e Levíi ví lɛ́ɛ ɖokpó ɖokpó nɔ́ wa ɔ́, bó ná ná nǔ énɛ́ lɛ́ɛ yě.”

1 Kɔlɛ́ntinu 10:20

Gbeɖé kpɔ́n! Lo ɔ́, nǔ e ɖɔ wɛ un ɖe ɔ́ wɛ nyí ɖɔ mɛ e ma nyí klísusɛntɔ́ ǎ lɛ́ɛ ɔ́, vɔ̌ e yě nɔ́ sá ɔ́, yɛ nyanya lɛ́ɛ wɛ yě nɔ́ sá ná; é nyí Mawu wɛ yě nɔ sá ná ǎ. Un ka jló ɖɔ mi ní ɖó kɔnɖókpɔ́ xá yɛ nyanya lɛ́ɛ ǎ.

1 Kɔlɛ́ntinu 9:13

Dandan mɛ ɔ́, mi tunwun ɖɔ mɛ e nɔ wa azɔ̌ ɖo sinsɛnxɔ mɛ lɛ́ɛ ɔ́, sinsɛnxɔ mɛ sín nǔɖuɖu wɛ yě nɔ́ ɖu; bɔ mɛ e nɔ xwlé vɔ̌sánú Mawu ɖo vɔ̌sákpe jí lɛ́ɛ nɔ mɔ yětɔn yí ɖo vɔ̌sánú énɛ́ lɛ́ɛ mɛ.

Eblée 8:5

Azɔ̌ e wa wɛ vɔ̌sánú-xwlémawutɔ́ énɛ́ lɛ́ɛ ɖe ɔ́ nyí xlɛ̌, bó nyí yɛ nǔ e ɖo sɛ́xwé ɔ́ tɔn. É sɔgbe xá nǔ e jɔ dó Mɔyízi ji ɔ́. Hwenu e é ɖo goxɔ ɔ́ na gbá wɛ ɔ́, Mawu ɖɔ n'i ɖɔ: “Ayi towe ní nɔ ée un xlɛ́ we ɖo só jí ɔ́ jí, bó bló bǐ nú é sɔgbe xá.”