Eblée 13:1 - MAWUXÓWÉMA

¹ Wǎn e yí nú miɖée wɛ mi ɖe nɔví nɔví ɖɔhun ɔ́, mi ma jó dó ó.

Eblée 13:1 Iomraidhean Croise

Ɖɛhan 133:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́, Davídi sín han wɛ. Nɔví nɔví lɛ́ɛ ɖó gbe kpɔ́ ɔ́, é nɔ́ nyɔ́, é nɔ́ víví mɛ nya!

Jǎan 15:17

Nǔ e zɔ́n mi wɛ un ɖe ɔ́ wɛ nyí ɖɔ mi ní ɖó wǎn yíyí nú miɖée.”

Mɛsɛ́dó 2:1

Pantekótu sín xwezán gbe ka wá su, bɔ nǔɖitɔ́ lɛ́ɛ bǐ kplé ɖo fí ɖokpó ɔ́.

Mɛsɛ́dó 4:32

Nǔɖitɔ́ lɛ́ɛ bǐ sésé ɖó jlǒ ɖokpó ɔ́, bó ɖó linlin ɖokpó ɔ́, bɔ mɛ ɖěbǔ sɔ́ nɔ sɔ́ nǔ e nyí étɔn ɔ́ sɔ́ ylɔ́ étɔn ǎ; lo ɔ́, nǔ e ɖo mɛ ɖokpó ɖokpó sí ɔ́ húzú mɛ bǐ tɔn.

Galatinu 5:13

Nɔví lɛ́ɛ mi, midɛɛ lɛ́ɛ ɔ́, mi ná nɔ mi ɖésúnɔ sí wú wɛ Mawu ylɔ́ mi; amɔ̌ mi ma kpɔ́n ɖɔ émí ko ɖo émí ɖésúnɔ sí, bó wa nǔ e jló mi ɔ́ ó. Lo ɔ́, mi xwedó wǎn yíyí Mawu tɔn, bó húzú mɛsɛntɔ́ nú miɖée.

Galatinu 5:22

Lo ɔ́, nǔ e Yɛsinsɛn nɔ ná mɛ ɔ́ wɛ nyí wǎn yíyí, xomɛhunhun, vivo mimɔ, suúluɖíɖó, xomɛnyínyɔ́, ɖagbewiwa, gbejíninɔ,

Galatinu 5:6

ɖó ényí mǐ ɖo kpɔ́ xá Klísu Jezu ɔ́, adagbigbo nyí nǔɖé ǎ; adamagbo lɔ ka nyí nǔɖé ǎ. Nǔ e ɖo tají ɔ́ wɛ nyí nǔɖiɖi e nɔ wa nǔ kpódó wǎn yíyí kpó é.

Efɛ́zinu 4:3

Mi dó gǎn, bó sɔ́ fífá e dɔn mi cá, bɔ mi nyí ɖokpó ɔ́ dó hɛn bǔteninɔ e Yɛsinsɛn ná mi ɔ́ ɖó te.

Efɛ́zinu 5:2

Mi wa azɔ̌ kpódó wǎn yíyí kpó Klísu ɖɔhun. Klísu e yí wǎn nú mǐ bó sɔ́ éɖée jó dó ta mitɔn mɛ vɔ̌sánú ɖɔhun, vɔ̌sísá wǎn ɖagbenɔ e nɔ nyɔ́ Mawu nukún mɛ é ɖɔhun.

2 Tɛsalonikinu 1:3

Nɔví lɛ́ɛ mi, mǐ ɖó ná ɖo kú dó nú Mawu wɛ hwebǐnu ɖó ta mitɔn mɛ. É sɔgbe ɖɔ mǐ ní bló gbɔn mɔ̌, ɖó nǔɖiɖi e mi ɖó ɔ́ ɖo nukɔn yi wɛ ɖésú, bɔ wǎn yíyí e ɖokpó ɖokpó mitɔn ɖó nú mɛ ɖě lɛ́ɛ ɔ́ nɔ ɖo jijɛ jí wɛ.

Eblée 10:24

Mi nú mǐ ná kpé nukún dó mǐɖée wú, bó ná flɔ́ wǎn yíyí sín zo dó lanmɛ nú mǐɖée, bó ná ɖó wǎn yíyí, bó ná nɔ flɔ́ ɖagbewiwa sín zo dó lanmɛ nú mǐɖée, bó ná wa ɖagbe.

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

1 Piyɛ́ɛ 2:17

Mi sí gbɛtɔ́ lɛ́ɛ bǐ; mi yí wǎn nú nɔví mitɔn ɖo nǔɖiɖi mɛ lɛ́ɛ; mi ɖi xɛsi nú Mawu; mi sí Dadá ɔ́.

1 Piyɛ́ɛ 3:8

Bó ná dó fó ɔ́, mi bǐ ní ɖó linlin ɖokpó ɔ́, bó ɖó ayixa ɖokpó ɔ́; mi yí wǎn nú miɖée nɔví nɔví ɖɔhun; mi nɔ nyɔ́ xomɛ dó miɖée wú, bó nɔ sɔ́ miɖée hwe.

1 Piyɛ́ɛ 4:8

Nǔ e mi ná wa jɛ nukɔn nú nǔ lɛ́ɛ bǐ ɔ́ wɛ nyí ɖɔ mi ní ɖó wǎn yíyí ɖaxó nú miɖée; ɖó wǎn yíyí ɔ́ nɔ súnsún hwɛ wɔ̌buwɔ́bú e è hu ɔ́ sín kɔ nú mɛ.

2 Piyɛ́ɛ 1:7

Bó ná dó fó ɔ́, mi ɖó wǎn yí nú nɔví gɔ́ nú sísí ɖó nú Mawu, bó ɖó wǎn yíyí ɖó nú mɛ bǐ gɔ́ nú wǎn yí nú nɔví.

1 Jǎan 3:23

Nǔ e zɔ́n mǐ wɛ Mawu ɖe ɔ́ wɛ nyí ɖɔ mǐ ní ɖi nǔ nú vǐ tɔn Jezu Klísu ɔ́ sín nyǐkɔ, bó ka yí wǎn nú mǐɖée lě e Klísu zɔ́n mǐ gbɔn é.

1 Jǎan 4:20

Ényí mɛɖé ka ɖɔ émí yí wǎn nú Mawu, bó ka gbɛ́ wǎn nú nɔví tɔn hǔn, adingbannɔ wɛ é nyí; ɖó mɛ e ma yí wǎn nú nɔví tɔn e mɔ wɛ é ɖe ɔ́ ǎ ɔ́, nɛ̌ é ka na sixú yí wǎn nú Mawu e mɔ wɛ é ma ɖe ǎ é gbɔn?

Nǔɖexlɛ́mɛ 2:4

Lo ɔ́, nǔ towe e vɛ́ wǔ ce ɔ́ ɖíe: a sɔ́ ɖó wǎn yíyí lě e a ɖǒ gbɔn ɖo bǐbɛ́mɛ é ǎ.