Eblée 12:9 - MAWUXÓWÉMA

⁹ Mi nú mǐ ná kpɔ́n nǔ dó tɔ́ mǐtɔn e ɖo ayǐkúngban jí fí lɛ́ɛ wú; yě nɔ kplɔ́n mǐ bɔ mǐ nɔ sí yě. Étɛ́ ka sɔ́ nyí Tɔ́ mǐtɔn e ɖo sɛ́xwé ɔ́ tɔn lo? Mǐ ɖó ná hwíhwɛ́ mǐɖée ɖo glɔ́ tɔn, bó ná sixú nɔ gbɛ.

Eblée 12:9 Iomraidhean Croise

Jɔ̌bu 12:10

Mawu Mavɔmavɔ sín alɔ mɛ wɛ nǔ e ɖo gbɛ ɔ́ bǐ sín funfún ɖe; alɔ tɔn mɛ wɛ gbɛtɔ́ bǐ sín gbɛ ɖe.

Tíntɔ́n 20:12

Sí tɔ́ towe kpó nɔ towe kpó, énɛ́ ɔ́, a nǎ dɔ́ ji ɖo to e nyɛ Mawu Mavɔmavɔ, Mawu towe ná ná we ɔ́ mɛ.

Nǔnywɛ́xó 30:17

Mɛ e nɔ ko tɔ́ tɔn ɔ́, mɛ e ma nɔ se tónú nú nɔ tɔn ǎ ɔ́, avǔnsákɔwó tɔdo mɛ tɔn lɛ́ɛ ná tɔ́n nukún i, bɔ gangan lɛ́ɛ ná vún lan tɔn ɖu.

Nǔnywɛ́tɔ́xó 12:7

Flín i cóbónú agbaza towe ná húzú kɔ́gúdu, bó ná lɛ́ kɔ yi kɔ́gúdu mɛ fí e é gosín é, bɔ funfún ná tɔ́n sín agbaza towe mɛ bó ná lɛ́ kɔ yi Mawu e nɔ ná funfún ɔ́ gɔ́n.

Ezayíi 38:16

Aklúnɔ, nǔ e ɖo wiwa mì wɛ ɔ́, a tunwun. A fɔ́n mì sí te, bó lɛ́ ná hlɔ̌nhlɔ́n mì, bó hɛn mì ɖó gbɛ.

Ezayíi 42:5

Mawu Mavɔmavɔ ɖɔ xó nú mɛsɛntɔ́ tɔn; é mɛ e bló jǐxwé, bó vlɔ́n é, é mɛ e ɖó ayǐkúngban kpó nǔ e ɖ'é jí lɛ́ɛ bǐ kpó ɔ́, é mɛ e ná gbɛ gbɛtɔ́ lɛ́ɛ ɖo ayǐkúngban jí, bó ná funfún yě ɔ́, xó e é ɖɔ nú mɛsɛntɔ́ tɔn ɔ́ ɖíe:

Ezayíi 45:10

Heelú vǐ e ná ɖɔ nú tɔ́ tɔn ɖɔ: “Vǐ alɔkpa tɛ́ ká nyí énɛ́ bɔ a ji?” Heelú vǐ e ná ɖɔ nú nɔ tɔn ɖɔ: “Vǐ tɛ́ a ka ji nɛ́?”

Ezayíi 57:16

Đó un ná ɖo nǔ gbɛ́ nú mɛ wɛ magbokɔ ǎ; un ná ɖo xomɛsin jí hwebǐnu ǎ; é má nyí mɔ̌ ǎ ɔ́, mɛ e un bló lɛ́ɛ bǐ sín gbɔjɛ ná xwɛ.

Ezekiyɛ́li 22:7

È nɔ kpɔ́n nukún mɛ nú tɔ́ mɛtɔn kpó nɔ mɛtɔn kpó ɖo ayǐkúngban towe jí; è nɔ xo jǒnɔ lɛ́ɛ ɖu, è nɔ táfú tɔ́cyɔvǐ lɛ́ɛ kpó asúkúsi lɛ́ɛ kpó.

Levíi ví 19:3

“Mi ɖokpó ɖokpó ɖó ná nɔ́ sí tɔ́ mitɔn kpódó nɔ mitɔn kpó, bó ná nɔ́ nyi gbɔjɛzán ɔ́; nyɛ wɛ nyí Mawu Mavɔmavɔ, Mawu mitɔn.

Zakalíi 12:1

Mawu Mavɔmavɔ ɖɔ xó dó Izlayɛ́li wú. Mawu Mavɔmavɔ e bló jǐxwé, bó ɖó ayǐkúngban ɔ́ ayǐ, bó ná gbɛ gbɛtɔ́ ɔ́, xó e é ɖɔ ɔ́ ɖíe; é ɖɔ:

Malacíi 1:6

Mawu Mavɔmavɔ Nǔbǐwúkpétɔ́ ɔ́ ɖɔ nú vɔ̌sánú-xwlémawutɔ́ lɛ́ɛ ɖɔ: “Vǐ súnnu nɔ gbo gbě nú tɔ́ tɔn, bɔ mɛsɛntɔ́ nɔ gbo gbě nú gǎn tɔn. Nyɛ ɔ́, é ma ka nyí tɔ́ wɛ un nyí nú mi bo lɛ́ nyí gǎn nú mi ǎ cé? Bɔ étɛ́wú mi ma ka nɔ gbo gbě nú mì ǎ? Étɛ́wú wɛ mi ma ka nɔ sí mì ǎ? Mi nɔ ké ya nú mì ǎ, bó ká nɔ́ kanbyɔ́ mì ɖɔ: ‘Étɛ́ mɛ wɛ mǐ dó vɛ̌ nú we ɖe?’

Kɛ́nsísɔ́ 16:22

Ée Mawu Mavɔmavɔ ɖɔ mɔ̌ ɔ́, Mɔyízi kpó Aalɔ́ɔn kpó xwe agbɔ̌nnusú do, bó sú xó ɖɔ: “Yéége Mawu! Hwi mɛ e ná gbɛ nǔɖíɖó lɛ́ɛ bǐ ɔ́, a nǎ kpɔ́n dó hwɛ e mɛ ɖokpó géé hu ɔ́ wú, bó ná sin xomɛ dó togun ɔ́ bǐ sésé wɛ a?”

Kɛ́nsísɔ́ 27:16

“Mawu Mavɔmavɔ, hwi mɛ e ná gbɛ nǔɖíɖó lɛ́ɛ bǐ ɔ́, sɔ́ mɛ ɖokpó ɖó togun ɔ́ nu.

Luki 18:2

é ɖɔ: “Hwɛɖɔtɔ́ ɖé tíin ɖo to ɖé mɛ, bó nɔ sí Mawu ɖěbǔ ǎ, é ka nɔ ké ya nú gbɛtɔ́ ɖěbǔ ǎ.

Luki 18:4

Hwɛɖɔtɔ́ ɔ́ tó gbɛ́ káká hwɛ̌; lo ɔ́, é wá ɖɔ dó xomɛ ɖɔ: ‘Un na bó ma sí Mawu ǎ, bó ma ké ya nú gbɛtɔ́ ǎ ɔ́,

Jǎan 3:6

Vǐ e gbɛtɔ́ ji ɔ́, gbɛtɔ́ sin vǐ wɛ é nyí; mɛ e è ji gbɔn Yɛsinsɛn mɛ ɔ́, Yɛsinsɛn sin vǐ wɛ é nyí.

Mɛsɛ́dó 2:30

Lo ɔ́, gbeyíɖɔ Mawu tɔn wɛ é nyí, bó ka tunwun ɖɔ Mawu dó akpá, bó xwlé nǔ d'é jí nú émí ɖɔ émí ná wá sɔ́ vǐvú émítɔn ɖokpó ɖó axɔ́súzinkpo émítɔn jí.

Hlɔ̌manu 1:3

Wɛn Ɖagbe énɛ́ ɖɔ xó dó Vǐ tɔn Aklúnɔ mǐtɔn Jezu Klísu ɔ́ wú. Đo gbɛtɔ́ nyínyí tɔn mɛ ɔ́, Davídi kúnkan mɛ wɛ é jɔ ɖe;

Hlɔ̌manu 9:3

Nyɛ ɖésúnɔ ɔ́, un jló ɖɔ Mawu ní dó nu mì, bó ɖe mì ɖó zɔ nú Klísu, nú ɖagbe nɔví ce lɛ́ɛ tɔn; yě mɛ e nyí akɔta ce lɛ́ɛ é.

Hlɔ̌manu 9:5

Tɔ́gbó mitɔn lɛ́ɛ sín vǐ wɛ yě nyí , bɔ Klísu ɔ́, ɖo gbɛtɔ́ nyínyí tɔn sín alixo ɔ́, akɔta yětɔn mɛ wɛ é jɔ ɖe. Susu nú Mawu e ɖo axɔ́sú ɖu ɖo mǐ bǐ nu wɛ káká sɔ́yi é. Amǐ!

Sɛ́nflínmɛ 27:16

“Heelú mɛ e dó vɛ̌ nú tɔ́ tɔn kpó nɔ tɔn kpó é!” Bɔ togun ɔ́ bǐ ná yí gbe ɖɔ: “Amǐ.”

Jaki 4:10

Mi sɔ́ miɖée hwe ɖo Aklúnɔ nukɔn, énɛ́ ɔ́ é ná sɔ́ mi su.

Jaki 4:7

Hǔn, mi bo hwíhwɛ́ miɖée ɖó Mawu glɔ́; mi ló dǒ ɖo awǒvi nukɔn; énɛ́ ɔ́, é ná hɔn yi zɔ nú mi.

1 Piyɛ́ɛ 5:6

Hǔn mi bo hwíhwɛ́ miɖée dó Mawu sín alɔ hlɔ̌nhlɔ́nnɔ ɔ́ glɔ́, bónú é ná sɔ́ mi su hwenu e é ɖó dó é.

Nǔɖexlɛ́mɛ 22:6

Énɛ́ ɔ́ gúdo ɔ́, wɛnsagun ɔ́ ɖɔ nú mì ɖɔ: “Xó nǔgbó wɛ nyí xó élɔ́ lɛ́ɛ, bó nyí xó e wú è ná ɖeji dó lɛ́ɛ. Bɔ Aklúnɔ Mawu e nɔ sɔ́ xó e gbeyíɖɔ lɛ́ɛ ná ɖɔ ɔ́ dó ayi mɛ nú yě ɔ́ sɛ́ wɛnsagun tɔn dó, bɔ é ná xlɛ́ nǔ e ɖó ná jɛ ɖo malín málín mɛ din lɛ́ɛ mɛsɛntɔ́ tɔn lɛ́ɛ.”