Eblée 12:7 - MAWUXÓWÉMA

⁷ Mi dɛ ɖo ya e ji wɛ mi ɖe lɛ́ɛ nu, tɔ́ wɛ ɖo vǐ kplɔ́n wɛ ɖɔhun; nǔgbó ɔ́, ya énɛ́ lɛ́ɛ ɖe xlɛ́ ɖɔ Mawu ɖo mǐ hɛn wɛ vǐ ɖɔhun; ɖó vǐ tɛ́ wɛ tɔ́ tɔn ma nɔ kplɔ́n ǎ?

Eblée 12:7 Iomraidhean Croise

2 Samuwɛ́li 7:14

Un ná nyí tɔ́ n'i, bɔ é ná nyí vǐ nú mì. Nú é wa nǔ nyi do ɔ́, un ná dɔn tó n'i lě e tɔ́ nɔ kplɔ́n vǐ gbɔn é.

1 Axɔ́sú 1:6

Nǔ e wa wɛ é nɔ́ ɖe lɛ́ɛ ɔ́, tɔ́ ɔ́ nɔ́ kɛ nu dó ɖě wú n'i kpɔ́n gbeɖé ɖo gbɛ tɔn mɛ ǎ; é ká nɔ́ kan nǔ e wú é ɖo mɔ̌ wa wɛ ɔ́ byɔ́ ɛ ǎ. Adoniyasi ka nyí mɛɖé bó nyɔ́ ɖɛkpɛ tawun; é wɛ jɛ Abusalɔ́mu nɛgbé.

Nǔnywɛ́xó 13:24

Mɛ e ma nɔ xo vǐ ǎ ɔ́ yí wǎn nú vǐ tɔn ǎ; mɛ e ka nɔ xo vǐ ɔ́ yí wǎn nú vǐ.

Nǔnywɛ́xó 19:18

Nɔ dɔn tó nú vǐ towe din e a hɛn ɔ́, a nǎ kplɔ́n ɛ é; amɔ̌, ma ɖo xomɛsin jí bó xo ɖó nǎ hu do mɛ ó.

Nǔnywɛ́xó 22:15

Yɔkpɔ́vú ɔ́, xlonɔnú wɛ é nɔ́ wa; bǎ wɛ ká nɔ́ wlí ayi dó xomɛ n'i.

Nǔnywɛ́xó 29:15

Bǎ kpó nǔgbɛ́númɛ kpó nɔ́ wlí ayi dó xomɛ nú mɛ; amɔ̌, vǐ e è jǒ dó nyi gbawunjo mɛ ɔ́, winnyá wɛ é nɔ́ dó nɔ tɔn.

Nǔnywɛ́xó 29:17

Kplɔ́n vǐ towe ganjí, énɛ́ ɔ́, ayi towe ná jɛ ayǐ dó wǔ tɔn; xomɛ ná hun we dó wǔ tɔn.

Mɛsɛ́dó 14:22

Yě nɔ dó wǔsyɛ́n lanmɛ nú ahwanvú Jezu tɔn lɛ́ɛ, bó nɔ́ ná akɔ́nkpinkpan yě, nú yě ná lí dǒ ɖo nǔɖiɖi mɛ, bó nɔ́ ɖɔ nú yě ɖɔ: “Ya gěgé wɛ mǐ ɖó nǎ ji, bó ná dó byɔ́ axɔ́súɖuɖu Mawu tɔn mɛ.”

1 Kɔlɛ́ntinu 11:32

Amɔ̌, ényí Aklúnɔ ɖo hwɛ ɖɔ xá mǐ wɛ ɔ́, tó dɔn nú mǐ wɛ é ɖe, bónú Mawu ma wá ɖó kúhwɛ nú mǐ kpódó yě mɛ e nyí gbɛ ɔ́ tɔn lɛ́ɛ kpó ó.

Sɛ́nflínmɛ 8:5

Mi bo tunwun dó ayi mitɔn mɛ ɖɔ Mawu Mavɔmavɔ, Mawu mitɔn jló ná kplɔ́n mi lě e tɔ́ nɔ́ kplɔ́n vǐ é ɖɔhun.

1 Samuwɛ́li 2:29

Bɔ étɛ́wú mi ká nɔ sɔ́ vɔ̌ e un ná gbe bɔ è nɔ sá nú mì lɛ́ɛ kpó nǔ e è nɔ ná mì lɛ́ɛ kpó dó xo kɔ́? Nɛ̌ ká gbɔn bɔ a nɔ sɔ́ vǐ towe lɛ́ɛ su hú nyɛ? Nǔ e togun ce Izlayɛ́li ɔ́ nɔ hɛn wá nú mì ɔ́, mi wɛ nɔ sɔ́ ɖ'é mɛ dó nukɔn bo nɔ ɖu dó dó jǒ.

1 Samuwɛ́li 2:34

“Nǔ e ná jɛ dó vǐ súnnu towe Hofíni kpó Pínxási kpó jí ɔ́ wɛ ná nyí xlɛ̌ nú we: yě mɛ we lɛ́ɛ ná kú gbe ɖokpó ɔ́.

1 Samuwɛ́li 3:13

Un ɖɔ n'i ɖɔ un jló ná dɔn tó nú xwédo tɔn káká sɔ́yi, ɖó vǐ tɔn lɛ́ɛ ké ya nú mì ǎ; yě hu hwɛ dó mì bɔ é tunwun, bó ká gbɛ́ nú yě dó nǔjɔnǔ mɛ ǎ.