Eblée 12:5 - MAWUXÓWÉMA

⁵ Xó e Mawu ɖɔ nú mi bó dó dó wǔsyɛ́n lanmɛ nú mi vǐ ɖɔhun ɔ́, mi wɔn wɛ a? Mawu ɖɔ: “Vǐ ce, Aklúnɔ ɖo kplɔ́nkplɔ́n we wɛ hǔn, ma dó vɛ̌ ná ó. A wa nǔ nyi do bónú é ɖo gbǐgbɛ́ nú we wɛ hǔn, ma nú awakanmɛ kú we ó;

Eblée 12:5 Iomraidhean Croise

Jɔ̌bu 34:31

Nú mɛɖé ɖɔ nú Mawu ɖɔ: “Un kú hwɛ, un sɔ́ ná wa nǔ nyanya ɖě ǎ.

Ɖɛhan 118:18

Mawu Mavɔmavɔ dɔn tó nú mì, lo ɔ́, é jó mì dó nú kú ǎ.

Ɖɛhan 119:109

Gbɛ ce ɔ́, agbǎgbáɖá jɛ́n é ɖe tɛgbɛ, có un ka wɔn sɛ́n towe gbeɖé ǎ.

Ɖɛhan 119:16

Tito e a ɖǒ ayǐ lɛ́ɛ xwedó mɛ wɛ un ná mɔ gbɛ víví ɖe, un ná wɔn xó towe ǎ.

Ɖɛhan 119:67

Cóbónú è nǎ sɔ́ mì hwe ɔ́, ali bú wɛ un ko ɖe; amɔ̌, din ɔ́, nǔ e a ɖɔ lɛ́ɛ wa wɛ un ɖe.

Ɖɛhan 119:75

Mawu Mavɔmavɔ, un tunwun ɖɔ hwɛ e a nɔ ɖɔ lɛ́ɛ nɔ sɔgbe, nǔ e xó towe ɖɔ é wɛ a xwedó dó dɔn tó nú mì.

Ɖɛhan 119:83

Wǔtu ce bǐ wló anyǔglo e ɖo azɔ nu é ɖɔhun, có un wɔn tito towe lɛ́ɛ ǎ.

Ɖɛhan 94:12

Mawu Mavɔmavɔ, nǔ nyɔ́ nú mɛ e a nɔ dɔn tó ná é, nǔ nyɔ́ nú mɛ a nɔ sɔ́ sɛ́n towe dó kplɔ́n é;

Nǔnywɛ́xó 3:1

Vǐ ce, ma wɔn nǔ e un kplɔ́n we lɛ́ɛ ó; ayi towe ní nɔ nǔ e un ɖɔ hwi ní bló lɛ́ɛ jí.

Nǔnywɛ́xó 4:5

Yǐ nǔnywɛ́, ɖǒ nukúnnú mɔ jɛ nǔ mɛ. Ma wɔn xó e ɖɔ nú we wɛ un ɖe lɛ́ɛ ó. Ma dó vɛ̌ nú xó e nɔ́ gosín nu ce mɛ lɛ́ɛ ó.

Jelemíi 31:18

Togun ce Eflayímu ɖo alě ná wɛ bɔ un se céɖécéɖé; yě ɖo alě ná wɛ ɖɔ: ‘Mawu Mavɔmavɔ, a dɔn tó nú mǐ, nyibúsú e má se xwe ǎ é ɖɔhun. Lɛ̌ kɔ nú mǐ, bónú mǐ ná lɛ́ kɔ wá gɔ̌n towe nǔgbó, ɖó hwi wɛ nyí Mawu Mavɔmavɔ, Mawu mǐtɔn.

Gbɛvíhan 3:39

Mɛ e nɔ ɖo nǔ wa nyi do wɛ cóbó ká nɔ́ kpo ɖo gbɛ ɔ́, étɛ́ sín vo é ká ná lɛ́ sa?

Luki 24:6

É sɔ́ ɖo fí ǎ, è ko fɔ́n ɛ sín kú. Mi flín xó e é ɖɔ nú mi hwenu e é ɖo Galilée é;

Luki 24:8

Hwenɛ́nu wɛ yě wá flín xó énɛ́ lɛ́ɛ e Jezu ko ɖɔ nú yě ɖ'ayǐ é.

1 Kɔlɛ́ntinu 11:32

Amɔ̌, ényí Aklúnɔ ɖo hwɛ ɖɔ xá mǐ wɛ ɔ́, tó dɔn nú mǐ wɛ é ɖe, bónú Mawu ma wá ɖó kúhwɛ nú mǐ kpódó yě mɛ e nyí gbɛ ɔ́ tɔn lɛ́ɛ kpó ó.

Galatinu 6:9

Hǔn awakanmɛ ní má kú mǐ dó nǔ ɖagbe wiwa wú ó. Đó nú awakanmɛ ma kú mǐ ǎ, bónú hwe tɔn nu wá su ɔ́, mǐ ná mɔ ajɔ tɔn yí.

1 Timɔtée 1:20

Imɛnɛ́ɛ kpódó Alɛsándlu kpán ɖo mɛ énɛ́ lɛ́ɛ mɛ. Un jó yě dó nú Satáan , nú yě ná tunwun ɖɔ émí kún sɔ́ ná nylá nu dó Mawu wú ɖě ó.

Eblée 12:7

Mi dɛ ɖo ya e ji wɛ mi ɖe lɛ́ɛ nu, tɔ́ wɛ ɖo vǐ kplɔ́n wɛ ɖɔhun; nǔgbó ɔ́, ya énɛ́ lɛ́ɛ ɖe xlɛ́ ɖɔ Mawu ɖo mǐ hɛn wɛ vǐ ɖɔhun; ɖó vǐ tɛ́ wɛ tɔ́ tɔn ma nɔ kplɔ́n ǎ?

Eblée 13:22

Nɔví lɛ́ɛ mi, un ɖo byɔ̌byɔ́ mi wɛ ɖɔ mi ní ɖó sɔxwixwe, bó ɖótó akɔ́nkpinkpan sín xó e un ɖɔ sɛ́ dó mi lɛ́ɛ é; ɖó wěma élɔ́ e un wlán sɛ́ dó mi ɔ́ ɖi ga dín ǎ.

Jaki 1:12

Nǔ nyɔ́ nú mɛ e nɔ syɛ́nlǐn ɖo mɛdókpɔ́n hwenu é; ɖó nú é ɖe lǐnsyɛ́nsyɛ́n tɔn xlɛ́ gúdo ɔ́, é ná mɔ gbɛ jɔ gbɛ yí; gbɛ jɔ gbɛ énɛ́ wɛ nyí ajɔ e sín akpá Mawu dó nú mɛ e yí wǎn n'i lɛ́ɛ é.

Nǔɖexlɛ́mɛ 3:19

Mɛ e un yí wǎn ná lɛ́ɛ ɔ́, un nɔ gbɛ́ nǔ nú yě bǐ, bó nɔ kplɔ́n nǔ yě bǐ. Hǔn, bo ɖe bǐbí dó nǔ wú towe xlɛ́, bó lɛ́ kɔ sín hwɛ towe lɛ́ɛ gúdo.