Eblée 12:3 - MAWUXÓWÉMA

³ Mi flín lě e é dɛ ɖo gǔ mɔ̌hunkɔtɔn e hwɛhutɔ́ lɛ́ɛ fɔ́n dó jǐ tɔn ɔ́ nu gbɔn é, bónú awakanmɛ ma kú mi, nú nǔ ci kɔ nú mi ó;

Eblée 12:3 Iomraidhean Croise

Nǔnywɛ́xó 24:10

Ényí kanmɛ gbɔ́jɔ́ we adǎngbomɛzán gbe hǔn, hlɔ̌nhlɔ́n hwedó we tawun nɛ́.

Ezayíi 50:4

Aklúnɔ Mavɔmavɔ nɔ ɖɔ xó e un ná ɖɔ ɔ́ nú mì, é nɔ́ ɖɔ xó e un ná ɖɔ dó dó wǔsyɛ́n lanmɛ nú mɛ e ma sɔ́ ɖó hlɔ̌nhlɔ́n ǎ é nú mì. É su zǎnzǎn ɔ́, é nɔ́ fɔ́n mì, bónú má ɖótó e, ahwanvú ɖɔhun.

Matíe 11:19

Nyɛ Gbɛtɔ́ví ɔ́ ka wá bó nɔ́ ɖu nǔ, bó nɔ́ nu vɛ̌ɛn, bɔ è ɖɔ: ‘Nya élɔ́ ɔ́, adɔtɔ́nɔ wɛ; vɛ̌ɛnnutɔ́ wɛ; tokwɛ́yítɔ́ lɛ́ɛ kpódó hwɛhutɔ́ lɛ́ɛ kpó sín xɔ́ntɔn wɛ.’ Lo ɔ́, nǔnywɛ́ Mawu tɔn ɖe hwɛjijɔ é ɖésúnɔ tɔn xlɛ́ gbɔn nǔwiwa tɔn lɛ́ɛ mɛ.”

Matíe 12:24

Ée Falizyɛn lɛ́ɛ se xó énɛ́ ɔ́, yě ɖɔ jí: “Nya élɔ́ ɔ́, Bɛluzebúlu yɛ nyanya lɛ́ɛ xɔ́sú sín hlɔ̌nhlɔ́n wɛ é nɔ dó nya yɛ nyanya lɛ́ɛ ná.”

Matíe 15:2

“Aniwútu wɛ ahwanvú towe lɛ́ɛ ma ka nɔ́ xwedó mɛxó mitɔn lɛ́ɛ sín hwɛndo ǎ? Ɖó yě nɔ klɔ́ alɔ lě e sɛ́n ɔ́ zɔ́n gbɔn é cóbó nɔ ɖu nǔ ǎ.”

Matíe 21:23

Hwenu e Jezu byɔ́ sinsɛnxɔ mɛ, bó ɖo nǔ kplɔ́n mɛ lɛ́ɛ wɛ ɔ́, vɔ̌sánú-xwlémawutɔ́gán lɛ́ɛ kpódó tomɛxó lɛ́ɛ kpó sɛ yá ɛ, bó kanbyɔ́ ɛ ɖɔ: “Acɛ tɛ́ a ka ɖó, bó nɔ́ ɖo nǔ énɛ́ lɛ́ɛ wa wɛ? Mɛ̌ wɛ ka ná acɛ énɛ́ ɔ́ we?”

Matíe 21:46

bɔ yě ɖo biba ná wlí i wɛ; lo ɔ́, yě ɖi xɛsi nú togun ɔ́, ɖó togun ɔ́ sɔ́ Jezu dó ɖó gbeyíɖɔ Mawu tɔn ná.

Matíe 22:15

Hwenɛ́nu ɔ́, Falizyɛn lɛ́ɛ yi kpá dó Jezu wú, bó ɖe wě dó lě e yě ná sixú wa gbɔn, bó kan nǔ byɔ́ ɛ, dó ɖó mɔ n'i, bó ná dó wlí i ɖo xó ɖiɖɔ tɔn lɛ́ɛ mɛ ɔ́ wú,

Luki 14:1

Gbɔjɛzán gbe ɖé wá su, bɔ Jezu yi nǔ ɖu gbé ɖo Falizyɛn lɛ́ɛ sín gǎn ɖé xwé; mɛ e ɖo fínɛ́ lɛ́ɛ ka ɖo cicɔ ɛ wɛ.

Luki 15:2

bɔ Falizyɛn lɛ́ɛ kpódó sɛ́nkplɔ́nmɛtɔ́ lɛ́ɛ kpó jɛ nǔ hlún ɖɔ jí ɖɔ: “Nya élɔ́ nɔ́ yí gbɛnyanyazántɔ́ lɛ́ɛ ganjí, bó nɔ ɖu nǔ xá yě.”

Luki 16:14

Ée Falizyɛn lɛ́ɛ se xó énɛ́ ɔ́, yě jɛ slǎmɛ ɖɔ Jezu wú jí, ɖó yědɛɛ lɛ́ɛ yí wǎn nú akwɛ́.

Luki 2:34

Simɛ́nyɔ́ɔ xo ɖɛ dó yě jí, bó ká ɖɔ nú Mali vǐ ɔ́ sín nɔ ɖɔ: “Nywɛ̌ ɖɔ Mawu sɔ́ vǐ élɔ́, bɔ é ná nyí afɔklɛ́nnú nú Izlayɛ́li ví gěgé, bó ká ná lɛ́ sɔ́ yě mɛ gěgé sí te. É ná nyí wuntun Mawu tɔn e gbɛtɔ́ lɛ́ɛ ná gbɛ́ wǎn ná é,

Luki 5:21

Sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpán ka jɛ linlin jí ɖɔ: “Mɛ̌ ka nyí nya élɔ́, bó nɔ́ nylá nu dó Mawu wú mɔ̌? Mɛ̌ ká sixú sɔ́ hwɛ kɛ mɛ zɛ Mawu ɖokpónɔ wú?”

Jǎan 10:20

Bɔ mɛ gěgé ɖo yě mɛ, bó ɖɔ: “Yɛ nyanya wɛ ɖo jǐ tɔn; taɖunɔ wɛ; étɛ́wú mi ka ɖo tó ɖó e wɛ?”

Jǎan 18:22

Ée Jezu ɖɔ mɔ̌ ɔ́, sinsɛnxɔcɔ́tɔ́ ɖokpó ɖo fínɛ́, bó xo tó mɛ n'i, bó ɖɔ: “Mɔ̌ wɛ a nǎ yí gbe nú vɔ̌sánú-xwlémawutɔ́ ɖaxó ɔ́ gbɔn a?”

Jǎan 5:16

Nǔ e wú wɛ Jwifugán lɛ́ɛ jɛ Jezu gbé nya jí ɔ́ nɛ́, ɖó gbɔjɛzán gbe wɛ é wa nǔ énɛ́.

Jǎan 7:12

Mɛ gěgé ɖo mɛ lɛ́ɛ mɛ, bo zé gbe dó do, bo nɔ ɖo xó ɖɔ dó wútu tɔn wɛ, bó nɔ́ ɖɔ: “Gbɛtɔ́ ɖagbe wɛ nyí nya ɔ́ mɛ!” Mɛɖě ká nɔ ɖɔ: “Éeǒ; mɛblɛ́ɖutɔ́ ɖé kpowun wɛ.”

Jǎan 8:13

Falizyɛn lɛ́ɛ ka ɖɔ n'i ɖɔ: “A ɖo kúnnu ɖe nú hwiɖée wɛ; énɛ́ ɔ́ wú ɔ́, xó towe nyí nǔgbó ǎ.”

Jǎan 8:52

Jwifu e gbɛ́ wǎn nú Jezu lɛ́ɛ yí gbe n'i ɖɔ: “Mǐ mɔ din ɖɔ yɛ nyanya wɛ ɖo jǐ towe nǔgbó; Ablaxámu ko kú wá yi, bɔ gbeyíɖɔ Mawu tɔn lɛ́ɛ bǐ ko kú, hwɛ ka wá ɖɔ din ɖɔ: ‘Ényí mɛɖé se xó ce bó bló ɖ'é jí ɔ́, mɛ ɔ́ ná kú gbeɖé ǎ.’

Jǎan 8:59

Bɔ yě fɔ awǐnnyaglo, bó ná nyi dó e; Jezu ka bɛ, bó tɔ́n sín sinsɛnxɔ ɔ́ mɛ.

Jǎan 9:40

Falizyɛn ɖé lɛ́ɛ ka ɖo fínɛ́ xá Jezu, bó se xó énɛ́ ɔ́, bó kanbyɔ́ ɛ ɖɔ: “Mǐ lɔmɔ̌ nyí nukúntíntɔ́nnɔ wɛ a?”

1 Kɔlɛ́ntinu 15:58

Énɛ́ ɔ́, nɔví ce vívɛ́ná lɛ́ɛ mi, mi syɛ́nlǐn, bó lí dǒ, lobo nɔ ɖo bǐbí dó Aklúnɔ sín azɔ̌ ɔ́ wú d'é jí wɛ ayǐhɔ́ngbe ayǐhɔ́ngbe; ɖó mi tunwun ɖɔ azɔ̌ e wa wɛ mi ɖe ɖo bǔ e mi ɖe xá Aklúnɔ mɛ ɔ́ kún ná gú mi ó.

2 Kɔlɛ́ntinu 4:1

Mawu ɔ́, ɖo xomɛnyínyɔ́ tɔn mɛ ɔ́, é sɔ́ azɔ̌ énɛ́ dó así nú mǐ; énɛ́ ɔ́ wú wɛ awakanmɛ ma kú mǐ ǎ.

2 Kɔlɛ́ntinu 4:16

Nǔ e wútu awakanmɛ ma nɔ kú mǐ ǎ ɔ́ nɛ́. Nú nǔ e mǐ nyǐ ɖo agbaza mɛ ɔ́ ná bo ɖo gblěgblé wɛ ɔ́, nǔ e mǐ nyí ɖo Yɛsinsɛn li jí ɔ́ nɔ ɖo hlɔ̌nhlɔ́n mɔ wɛ ayǐhɔ́ngbe ayǐhɔ́ngbe.

Galatinu 6:9

Hǔn awakanmɛ ní má kú mǐ dó nǔ ɖagbe wiwa wú ó. Đó nú awakanmɛ ma kú mǐ ǎ, bónú hwe tɔn nu wá su ɔ́, mǐ ná mɔ ajɔ tɔn yí.

Sɛ́nflínmɛ 20:3

É ná ɖɔ: “Izlayɛ́li ví e mi, mi ɖótó mì! Mi ɖíe xwe ahwan fun xá kɛntɔ́ mitɔn lɛ́ɛ gbé égbé e, mi ma nú ado hu mi ó, mi ma ɖi xɛsi ó, mi ma dán jaja ó, mi ma sísɔ́ ɖo nukɔn yětɔn ó.

2 Tɛsalonikinu 3:13

Nɔví lɛ́ɛ mi, midɛɛ lɛ́ɛ ɔ́, ɖagbewiwa ní ma ci kɔ nú mi ó.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 12:5

Xó e Mawu ɖɔ nú mi bó dó dó wǔsyɛ́n lanmɛ nú mi vǐ ɖɔhun ɔ́, mi wɔn wɛ a? Mawu ɖɔ: “Vǐ ce, Aklúnɔ ɖo kplɔ́nkplɔ́n we wɛ hǔn, ma dó vɛ̌ ná ó. A wa nǔ nyi do bónú é ɖo gbǐgbɛ́ nú we wɛ hǔn, ma nú awakanmɛ kú we ó;

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

1 Piyɛ́ɛ 2:23

Ée è zun i ɔ́, é zun mɛ ǎ; ée é ji ya ɔ́, é gblɔ́n adǎn nú mɛ ǎ; lo ɔ́, é sɔ́ éɖée dó alɔ mɛ nú Mawu e nɔ ɖɔ hwɛ kpó hwɛjijɔ kpó é.

Nǔɖexlɛ́mɛ 2:3

A ɖǒ suúlu; a mɔ wǔvɛ́ ɖó nyɛ wútu, bɔ awakanmɛ ka kú we ǎ.

1 Samuwɛ́li 12:24

Mi vɛ́ kó ɖó sísí nú Mawu Mavɔmavɔ kpowun, bó sɛn ɛ ɖo nǔgbó mɛ kpódó ayi mitɔn bǐ kpó; mi kpɔ́n nǔ ɖaxó e é jlɛ́ ɖo nukún mitɔn mɛ é.