Eblée 12:23 - MAWUXÓWÉMA

²³ Mi sɛkpɔ́ Mawu ví nukɔn tɔn e kplé bó ɖo xwe ɖu wɛ, bɔ è wlǎn nyǐkɔ yětɔn ɖó sɛ́xwé lɛ́ɛ é. Mi sɛkpɔ́ Mawu e nɔ ɖɔ hwɛ xá mɛ bǐ e, bó sɛkpɔ́ yɛ mɛ e nyí hwɛjijɔnɔ bɔ Mawu zé yě dó húzú mɛ mímɛ́ bɔ nǔ bǐ vɔ ɖ'é wú lɛ́ɛ tɔn.

Eblée 12:23 Iomraidhean Croise

Bǐbɛ́mɛ 18:25

A nǎ hu mɛ ɖagbe kpó mɛ nyanya kpó. A nǎ bló mɔ̌ bɔ é ná nyí ɖɔ nǔ ɖokpó ɔ́ wɛ ɖo te kpɔ́n mɛ ɖagbe kpó mɛ nyanya kpó wɛ a? Ma wa nǔ gbɔn mɔ̌ ó; hwi mɛ e nyí hwɛɖɔtɔ́ gbɛ ɔ́ bǐ tɔn ɔ́ ná gɔn hwɛjijɔ xwedó dó wa nǔ wɛ a?”

Ɖɛhan 111:1

Mi kpa Mawu Mavɔmavɔ! Un ná nɔ kpa Mawu Mavɔmavɔ kpó ayi ce bǐ kpó, un ná nɔ́ kpa ɛ ɖo ayijlɔ́jlɔ́nɔ lɛ́ɛ tɛ́ntin, un ná nɔ́ kpa ɛ ɖo kplékplé mɛ e nɔ sɛn ɛ lɛ́ɛ tɔn mɛ.

Ɖɛhan 69:28

Sɔ́ hwɛ énɛ́ dó hwɛ e yě kó hu ɖ'ayǐ lɛ́ɛ jí, ma sɔ́ kɛ yě gbeɖé ó.

Ɖɛhan 89:27

Éyɛ́ ɔ́, é ná nɔ́ sú xó ylɔ́ mì ɖɔ: ‘Hwi wɛ nyí tɔ́ ce, hwi wɛ nyí Mawu ce, hwi wɛ nyí só e hwlɛ́n mì gán é.’

Ɖɛhan 89:7

Mɛ̌ è ka sixú jlɛ́ dó hwi Mawu Mavɔmavɔ wú ɖo jǐnukúnsin? Nǔmɛsɛn lɛ́ɛ ɖě tɛ́ ká yá ga we?

Ɖɛhan 94:2

Hwi mɛ e nɔ ɖɔ hwɛ xá gbɛtɔ́ lɛ́ɛ bǐ é, sí te! Kpɔ́n nǔ e goyítɔ́ lɛ́ɛ dó sin é, bó ɖó hwɛ tɔn nú yě.

Ɖɛhan 96:13

ɖo Mawu Mavɔmavɔ nukɔn, ɖó é jǎwe; é ja, bó ná ɖɔ hwɛ xá gbɛ ɔ́. É ná ɖɔ hwɛ xá gbɛ ɔ́ kpó hwɛjijɔ kpó. É ná xwedó nǔgbó dó ɖɔ hwɛ xá togun lɛ́ɛ.

Ɖɛhan 98:9

ɖo Mawu Mavɔmavɔ nukɔn, ɖó é jǎwe, bó ná wá ɖɔ hwɛ xá ayǐkúngban ɔ́; é ná ɖɔ hwɛ xá gbɛ ɔ́ ɖó sɛ́nxwi jí, bó ɖɔ hwɛ xá togun lɛ́ɛ lě e é sɔgbe gbɔn é.

Tíntɔ́n 13:2

“Sɔ́ nukɔngbéví bǐ ɖó vo nú mì ɖo Izlayɛ́li: Nukɔngbéví súnnu e nyɔ̌nu ji ɔ́, ce wɛ; nukɔngbéví asú e kanlin ji ɔ́, ce wɛ.”

Tíntɔ́n 32:32

Din ɔ́, kɛnklɛ́n sɔ́ hwɛ yětɔn kɛ yě, é má ká nyí mɔ̌ ǎ hǔn, bo súnsún nyǐkɔ ce e a wlǎn dó gbɛwéma mɛ ɔ́ síin.”

Tíntɔ́n 4:22

Énɛ́ ɔ́, a nǎ ɖɔ n'i ɖɔ: Xó e Mawu Mavɔmavɔ ɖɔ ɔ́ ɖíe; é ɖɔ: ‘Togun Izlayɛ́li tɔn ɔ́, vǐ súnnu ce wɛ é nyí; nukɔngbéví ce wɛ.

Nǔnywɛ́tɔ́xó 12:7

Flín i cóbónú agbaza towe ná húzú kɔ́gúdu, bó ná lɛ́ kɔ yi kɔ́gúdu mɛ fí e é gosín é, bɔ funfún ná tɔ́n sín agbaza towe mɛ bó ná lɛ́ kɔ yi Mawu e nɔ ná funfún ɔ́ gɔ́n.

Jelemíi 31:9

Yě ná wá kpó avǐ kpó, kpó vosisa kpó bɔ un ná kplá yě. Un ná kplá yě gbɔn ali e jí yě ma ná klɛ́n afɔ ɖe ǎ é, bɔ yě ná yi fí e tɔsisa ɖe é; ɖó tɔ́ wɛ un nyí nú Izlayɛ́li, bɔ Eflayímu nyí nukɔngbéví ce.”

Luki 10:20

É ɖo mɔ̌ có, yɛ nyanya lɛ́ɛ e jó ta nú mi é wú wɛ xomɛ ná hun mi ǎ; lo ɔ́, xomɛ ní hun mi ɖó nyǐkɔ mitɔn e è wlǎn ɖó sɛ́xwé é wú.”

Jǎan 5:27

Mawu ná acɛ ɛ, bɔ é ná ɖɔ hwɛ xá gbɛtɔ́ lɛ́ɛ, ɖó Gbɛtɔ́ví wɛ é nyí.

Mɛsɛ́dó 20:28

Mi hɛn ayi dó miɖée wú, bó hɛn ayi dó agun Mawu tɔn e nu Yɛsinsɛn sɔ́ mi ɖó é wú, bónú mi ná xlɛ́ ali agunví lɛ́ɛ; agunví énɛ́ lɛ́ɛ e Mawu xɔ gbɔn Vǐ é ɖésúnɔ tɔn sín kú gbla mɛ é.

1 Kɔlɛ́ntinu 13:12

Din ɔ́, nǔ e mɔ wɛ mǐ ɖe ɔ́ cí è ɖo nǔ mɔ wɛ vlivli ɖo nǔkpɛ́n e kú ɔ́ mɛ ɖɔhun. Amɔ̌, nú é wá yá ɔ́, mǐ ná mɔ nǔ lɛ́ɛ bǐ ɖó nukún wú gannaganna; din ɔ́, un ko tunwun nǔ yi kpé ǎ; amɔ̌, nú é wá yá ɔ́, un ná tunwun nǔ yi fó lě e Mawu tunwun mǐ bǐ dégbédégbé gbɔn é.

1 Kɔlɛ́ntinu 15:49

Lě e mǐ cí mɛ e è sɔ́ kɔ́ dó bló ná ɔ́ ɖɔhun ɔ́, mɔ̌ ɖokpó ɔ́ wɛ mǐ ná wá cí mɛ e gosín sɛ́xwé ɔ́ ɖɔhun.

1 Kɔlɛ́ntinu 15:54

Hwenu e agbaza e nɔ nyɔ́ ɔ́ ná sɔ́ ée ma nɔ́ nyɔ́ ǎ ɔ́ dó, bɔ agbaza e nɔ kú ɔ́ ná sɔ́ ée ma sixú kú ǎ ɔ́ dó ɔ́, hwe énɛ́ ɔ́ nu ɔ́, xó élɔ́ e Mawuxówéma ɔ́ ɖɔ ɔ́ ná jɛ: “È sú kú sín kún dó; è ɖu ɖo kú jí bǐ kpéte!”

2 Kɔlɛ́ntinu 5:8

Akɔ́nkpinkpan gɔ́ ayi mɛ nú mǐ, bɔ nǔ e jló mǐ tawun ɔ́ wɛ nyí ɖɔ mǐ ní gosín agbaza élɔ́ mɛ, bó ná yi nɔ xwé mǐtɔn gbe, ɖo Aklúnɔ gɔ́n.

Efɛ́zinu 1:22

Mawu sɔ́ nǔ lɛ́ɛ bǐ ɖó Klísu sín acɛ mɛ, bó sɔ́ ɛ ɖó agun ɔ́ nú, bɔ é wɛ nyí gǎn ɖaxó bǐ ɔ́.

Sɛ́nflínmɛ 21:17

É nyɔ́ wa ɔ́, é ná tunwun vǐ súnnu ɖaxó tɛnmɛ nú mɛ e é má yí wǎn ná ǎ sín vǐ, bó ná sɔ́ nǔ e nyí étɔn é bǐ sín donu we n'i. Đó é wɛ nyí vǐ súnnu tɔn nukɔntɔn ɔ́, bó ɖó vǐ súnnu ɖaxó sín acɛ.

Filípunu 4:3

Hwi mɛ e nyí azɔ̌gbɛ́ ce gbejínɔtɔ́ ɔ́, un ɖo byɔ̌byɔ́ hwi lɔmɔ̌ wɛ ɖɔ hwi ní dó alɔ nyɔ̌nu énɛ́ lɛ́ɛ; nǔgbó ɔ́, nyɛ kpódó yě kpó fun ahwan ɖó kpɔ́, bónú Wɛn Ɖagbe ɔ́ ná gba kpé: mǐ kpó Klemáa kpó, kpódó azɔ̌gbɛ́ ce lɛ́ɛ bǐ kpán wɛ fun ahwan énɛ́ ɔ́; mɛ énɛ́ lɛ́ɛ bǐ sín nyǐkɔ wɛ Mawu wlán dó gbɛwéma ɔ́ mɛ .

Kolósinu 1:12

Mi dó kú nú Mawu Tɔ́ ɔ́ kpódó awǎjijɛ kpán, ɖó é bló bɔ mi lɔ ɖó mǐmá ɖo ɖagbe e é sɔ́ ɖ'ayǐ ɖo axɔ́súɖuto wězizanɔ ɔ́ mɛ, nú mɛ e nyí étɔn lɛ́ɛ é mɛ.

Kolósinu 1:24

Din ɔ́, wǔvɛ́ e mɔ wɛ un ɖe ɖó mi wú ɔ́ nɔ ná xomɛhunhun mì. Đó, gbɔn wǔvɛ́ e mɔ wɛ un ɖe ɖo agbaza mɛ lɛ́ɛ gbla mɛ ɔ́, nǔ e hwe ɖo wǔvɛ́ e Klísu mɔ lɛ́ɛ mɛ ɔ́ bló kpé wɛ un ɖe nú agbaza tɔn e nyí klísusɛntɔ́ lɛ́ɛ sín agun é.

1 Timɔtée 3:5

Đó mɛ e ma sixú kpé nukún dó xwé tɔn wú ǎ ɔ́, nɛ̌ é ka ná sixú kpé nukún dó agun Mawu tɔn wú gbɔn?

Eblée 11:4

Nǔɖiɖi e Abɛ́li ɖó ɔ́ wɛ zɔ́n bɔ é sá vɔ̌ e nyɔ́ hú Kanyɛ́ɛ tɔn é nú Mawu. Nǔɖiɖi ɔ́ wɛ zɔ́n bɔ Mawu sɔ́ ɛ dó mɔ hwɛjijɔnɔ ná, ɖó Mawu ɖe kúnnu ɖagbe ɖɔ nǔ e é xwlé émí lɛ́ɛ nyɔ́. Abɛ́li ko kú cóbɔ nǔ e é wa ɔ́ ka kpo ɖo xó ɖɔ wɛ gbɔn nǔɖiɖi e é ɖó ɔ́ gbla mɛ.

Eblée 11:40

Nǔgbó ɔ́, ée Mawu ko sɔ́ nǔɖé ɖ'ayǐ nú mǐ bɔ é nyɔ́ hú mɔ̌ ɔ́, é jló ɖɔ mɛ énɛ́ lɛ́ɛ ní húzú mɛ mímɛ́ bɔ nǔ bǐ ná vɔ ɖ'é wú mǐdɛɛ lɛ́ɛ mɛ vo ǎ.

Eblée 2:12

Nǔgbó ɔ́, é ɖɔ nú Mawu ɖɔ: “Un ná jlá nǔ e a wa lɛ́ɛ nɔví ce lɛ́ɛ; un ná mlá we ɖo agun ɔ́ tɛ́ntin.”

Eblée 9:27

Gbɛtɔ́ ɖěbǔ ɔ́, azɔn ɖokpó géé wɛ é ɖó ná kú, bɔ énɛ́ ɔ́ gúdo ɔ́, Mawu ná ɖɔ hwɛ xá ɛ.

Jaki 1:18

Đo é ɖésúnɔ sín jlǒ mɛ ɔ́, é ná gbɛ jɔ gbɛ mǐ gbɔn xó tɔn e nyí nǔgbó ɔ́ gbla mɛ, bónú mǐ ná nyí mɛ nukɔn nukɔntɔn lɛ́ɛ ɖo nǔɖíɖó tɔn lɛ́ɛ bǐ mɛ.

1 Piyɛ́ɛ 2:23

Ée è zun i ɔ́, é zun mɛ ǎ; ée é ji ya ɔ́, é gblɔ́n adǎn nú mɛ ǎ; lo ɔ́, é sɔ́ éɖée dó alɔ mɛ nú Mawu e nɔ ɖɔ hwɛ kpó hwɛjijɔ kpó é.

Nǔɖexlɛ́mɛ 13:8

Mɛ e ɖo ayǐkúngban jí lɛ́ɛ bǐ ná nɔ sɛn ɛ: yě mɛ e sín nyǐkɔ è ma wlán dó Lɛ̌ngbɔ́ví e è hu ɔ́ sín wěma mɛ ǎ lɛ́ɛ ná sɛn ɛ. Wěma énɛ́ ɔ́, mɛ e ɖo gbɛ lɛ́ɛ tɔn wɛ, bɔ è ko wlán nyǐkɔ yětɔn lɛ́ɛ d'é mɛ sín bǐbɛ́mɛ gbɛ ɔ́ tɔn.

Nǔɖexlɛ́mɛ 14:4

Mɛ énɛ́ lɛ́ɛ hɛn yěɖée blí kpó nyɔ̌nu kpó ǎ; ɖó yě tunwun nyɔ̌nu kpɔ́n ǎ; yě hɛn yěɖée ɖó mǐmɛ́ jí; yě nɔ xwedó Lɛ̌ngbɔ́ví ɔ́ gbɔn fí e é xwe ɔ́ bǐ; é vɔ́ yě xɔ sín gbɛtɔ́ lɛ́ɛ mɛ, bónú yě ná nyí mɛ nukɔntɔn e è nǎ Mawu kpó Lɛ̌ngbɔ́ví ɔ́ kpó é.

Nǔɖexlɛ́mɛ 20:15

Mɛ ɖěbǔ e sín nyǐkɔ è ma ko wlán dó gbɛwéma ɔ́ mɛ ɖ'ayǐ ǎ ɔ́, è sɔ́ ɛ nyi myɔ togotogo ɔ́ mɛ.

Nǔɖexlɛ́mɛ 6:11

È nǎ awu gaga wěwé yě mɛ ɖokpó ɖokpó, bó ɖɔ nú yě ɖɔ yě ní lɛ́ gbɔjɛ́ nú hwenu kpɛɖé, káká jɛ hwenu e azɔ̌gbɛ́ yětɔn kpó nɔví yětɔn e è ɖǒ ná hu yě ɖɔhun lɛ́ɛ kpó ná sɔgbe dó é.

Nǔɖexlɛ́mɛ 6:9

Énɛ́ ɔ́ gúdo ɔ́, Lɛ̌ngbɔ́ví ɔ́ gba wuntun atɔ́ɔ́ngɔ́ ɔ́, bɔ un mɔ mɛ e è hu, ɖó yě jlá Mawuxó ɔ́, bó nɔ gbejí ɖo kúnnuɖiɖe yětɔn mɛ lɛ́ɛ é sín lǐndɔ̌n ɖo vɔ̌sákpe ɔ́ glɔ́.