Eblée 12:2 - MAWUXÓWÉMA

² Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 12:2 Iomraidhean Croise

Ɖɛhan 110:1

Davídi sín han. Mawu Mavɔmavɔ ɖɔ nú axɔ́sú sɛ́mɛɖó ce ɖɔ: “Jǐnjɔ́n aɖisí ce xwé fí káká jɛ hwenu e un ná sɔ́ kɛntɔ́ towe lɛ́ɛ dó húzú nǔ e jí a nǎ nɔ́ bɛ́ afɔ ɖó é.”

Ɖɛhan 138:8

Mawu Mavɔmavɔ, nǎ jɛ hun dó jǐ we. Mawu Mavɔmavɔ, xomɛnyínyɔ́ towe ɖo te káká sɔ́yi. Ma jó nǔ e a zě alɔ towe dó bló lɛ́ɛ dó ó.

Ezayíi 31:1

Heelú mɛ e nɔ ɖo alɔgɔ́ ba wɛ bó nɔ́ yi Ejípu lɛ́ɛ! Yě nɔ́ ɖeji dó sɔ́ e ɖo Ejípu lɛ́ɛ wú, bó nɔ́ gán jɛ ahwankɛkɛ́ví e ɖo dɔ̌n lɛ́ɛ wú, ɖó nǔ énɛ́ lɛ́ɛ sukpɔ́ ɖésú ɖo Ejípu. Sɔ́xátɔ́ yětɔn lɛ́ɛ lɔmɔ̌ syɛ́n ɖésú. Lo ɔ́, yě sɔ́ nɔ́ kpɔ́n Mɛ Mímɛ́ Izlayɛ́li tɔn ɔ́ sɛ́ dó ǎ; yě nɔ́ hɔn yi su Mawu Mavɔmavɔ ǎ.

Ezayíi 45:22

Mi mɛ e ɖo wɛ̌kɛ́ ɔ́ mɛ lɛ́ɛ bǐ ní wá gɔ̌n ce; énɛ́ ɔ́, un ná hwlɛ́n mi gán. Đó nyi wɛ nyí Mawu; é sɔ́ kpo mɛɖé ǎ.

Ezayíi 53:3

Mɛ bǐ nɔ́ hu tɛ́ n'i bó jó e dó. É nyí mɛ ɖé bó mɔ wǔvɛ́ bó ji ya bɔ é kó dó étɔn; é cí mɛ e sín jɛ jí mɛɖé má nɔ́ ba ná kpɔ́n ǎ é ɖɔhun. Mǐ nɔ́ hu tɛ́ n'i, mǐ sɔ́ ɛ dó mɔ nǔɖé ǎ.

Ezayíi 8:17

Un ɖo te kpɔ́n Mawu Mavɔmavɔ; amɔ̌, din ɔ́, é tó dó gǔdo Jakɔ́bu ví lɛ́ɛ hwɛ̌; lo ɔ́, un ɖo nukún ɖó e wɛ ɖésú.

Micée 7:7

Amɔ̌, nyɛ ɔ́, un ná nɔ te kpɔ́n Mawu Mavɔmavɔ ce; un ɖeji dó Mawu wǔ, ɖó é nɔ hwlɛ́n mì gán. Mawu ce ná se ɖɛ ce.

Zakalíi 12:10

Énɛ́ ɔ́, un ná gba wǔjɔmɛ kpó vosisa kpó sín yɛ kɔn nyi Davídi xwé ɔ́ kpó Jeluzalɛ́munu lɛ́ɛ kpó jí, bɔ yě ná sɔ́ nukún yětɔn ɖó nyɛ mɛ e yě sɔ́ hwǎn é wú. Yě ná ví mì, lě e è nɔ ví vǐɖokpónɔ e kú nú mɛ é ɖɔhun. Yě ná ví mì, bó só hehe, lě e è nɔ ví nukɔngbéví e kú nú mɛ é ɖɔhun.

Kɛ́nsísɔ́ 21:9

Ée Mawu Mavɔmavɔ ɖɔ mɔ̌ ɔ́, Mɔyízi zé ganvɔ dó tun dan ɖokpó ná, bó sɔ́ ɖó kpo nu; énɛ́ ɔ́, nú dan ɖu mɛ ɖěbǔ, bónú mɛ ɔ́ kpɔ́n dan e Mɔyízi zé ganvɔ dó tun ná ɔ́, mɛ ɔ́ nɔ́ gán.

Matíe 16:21

Sín hwenɛ́nu ɔ́, Jezu jɛ ɖiɖe xlɛ́ ahwanvú tɔn lɛ́ɛ jí ɖɔ émí ɖó ná yi Jeluzalɛ́mu, bɔ tomɛxó lɛ́ɛ kpódó vɔ̌sánú-xwlémawutɔ́gán lɛ́ɛ kpó, kpódó sɛ́nkplɔ́nmɛtɔ́ lɛ́ɛ kpó ná dó ya nú émí ɖésú; è nǎ hu émí, amɔ̌, azǎn tɔn atɔngɔ́ ɔ́ gbe ɔ́, Mawu ná fɔ́n émí sín kú.

Matíe 20:28

Mɔ̌ wɛ ɖe gbɔn nú nyɛ Gbɛtɔ́ví ɔ́; è nǎ sɛn mì wú wɛ un wá ǎ; lo ɔ́, mɛ sɛn gbé wɛ un tɔ́n bó wá, bó ná sɔ́ gbɛ ce jó dó xɔ gbɛ nú mɛ gěgé.”

Maki 14:36

Bó nɔ́ ɖɔ: “Tɔ́ ce vívɛ́ná, nǔ ɖěbǔ gló we ǎ; sɛ wǔvɛ́ kɔ́fu élɔ́ dó zɔ nú mì; amɔ̌ ní má nyí jlǒ ce ó, lo ɔ́, ní nyí jlǒ towe.”

Maki 15:28

Lě e nǔ e è ko wlán dó Mawuxówéma mɛ ɖ'ayǐ ɔ́ jɛ gbɔn ɔ́ nɛ́; é wɛ nyí ɖɔ: “È lɛ̌n ɛ dó dǎkaxotɔ́ lɛ́ɛ sín ahwan mɛ.”]

Maki 16:19

Ée Aklúnɔ ɖɔ xó énɛ́ lɛ́ɛ nú yě gúdo ɔ́, è sɔ́ ɛ yi jǐnukúnsin, bɔ é jínjɔ́n ɖisíxwé nú Mawu.

Maki 9:12

É ka yí gbe nú yě ɖɔ: “Nǔgbó wɛ, Elíi ɖó ná wá hwɛ̌, bó ná sɔ́ nǔ lɛ́ɛ ɖó tɛn yětɔn yětɔn mɛ. Lo ɔ́, nɛ̌ ka gbɔn bɔ è wlǎn ɖ'ayǐ ɖɔ Gbɛtɔ́ví ɔ́ ɖó ná ji ya ɖésú, bɔ yě ná sɔ́ ɛ dó ylɔ́ nǔɖé ná ǎ?

Maki 9:24

Tlóló ɔ́, vǐtɔ́ ɔ́ sú xó, bó ɖɔ: “Un ɖi nǔ, ka bló bónú má lɛ́ ɖi nǔ hú mɔ̌.”

Luki 17:5

Mɛsɛ́dó lɛ́ɛ ɖɔ nú Aklúnɔ ɖɔ: “Dǒ nǔɖiɖi nǔɖiɖi jí nú mǐ.”

Luki 23:11

Elódu kpódó sɔ́ja tɔn lɛ́ɛ kpán ká wa wǎngbɛ́númɛ sín nǔ xá Jezu; yě ko e, lobo sɔ́ awu ɖagbe ɖagbe ɖé dó n'i, bó nyi i sɛ́ dó Pilátu gɔ́n.

Luki 24:26

Klísu ɔ́ má kó ɖó ná ji ya énɛ́ lɛ́ɛ hwɛ̌, cóbó ná dó sixú byɔ́ susu tɔn mɛ ǎ cé?”

Jǎan 1:29

Ayǐhɔ́ngbe tɔn ɔ́, Jǎan mɔ Jezu jǎwe bó ɖɔ: “Mi kpɔ́n! Lɛ̌ngbɔ́ví Mawu tɔn e nɔ sɔ́ hwɛ kɛ gbɛtɔ́ lɛ́ɛ ɔ́ ɖíe.

Jǎan 12:24

Ma ɖɔ nǔgbó nú mi, ényí jinukún má yi do bó kú ǎ ɔ́, é nɔ ná nǔkún ǎ; kú wɛ é nɔ́ kú, cóbó nɔ gba kún.

Jǎan 12:32

Hwenu e è nǎ sɔ́ mì sín ayǐkúngban jí dó jǐ ɔ́, un ná dɔn gbɛtɔ́ lɛ́ɛ bǐ dó wǔ.”

Jǎan 13:3

Ée Jezu ka tunwun ɖɔ Mawu ko sɔ́ nǔ bǐ dó alɔ mɛ nú émí, bɔ gɔ̌n tɔn wɛ e mi gosín, bó ka lɛ́ lɛ́ kɔ xwe gɔ̌n tɔn ɔ́,

Jǎan 6:40

Nǔ e Tɔ́ ce jló ɔ́ wɛ nyí ɖɔ mɛ e mɔ Vǐ ɔ́, bó ɖi nǔ n'i lɛ́ɛ ní mɔ gbɛ mavɔ mavɔ, bónú má fɔ́n yě sín kú azǎn gǔdo gúdo tɔn ɔ́ gbe.”

Jǎan 8:56

Awǎjijɛ ɖaxó wɛ nyí nú tɔ́gbó mitɔn Ablaxámu, ɖó é ɖo nukún ɖó wiwa ce wɛ; é ka mɔ nǔgbó, bɔ xomɛ hun i.”

Mɛsɛ́dó 2:36

“Izlayɛ́li ví lɛ́ɛ bǐ ní bó tunwun ganjí ɖɔ Jezu énɛ́ e mi ká nyi aklúzu jí ɔ́ wɛ Mawu sɔ́ Aklúnɔ, bó lɛ́ sɔ́ Klísu.”

Mɛsɛ́dó 3:15

Mi zɔ́n bɔ è hu mɛ e nyí gbɛnámɛtɔ́ ɔ́. Mawu ka fɔ́n ɛ sín kú, bɔ mǐ ɖo kúnnu ɖe ná wɛ.

Mɛsɛ́dó 5:31

Mawu sɔ́ ɛ ɖó ɖisí tɔn xwé, bó sɔ́ ɛ su, lobo sɔ́ ɛ axɔ́sú Mɛhwlɛ́ngántɔ́, nú é ná xlɛ́ ali Izlayɛ́li togun ɔ́, bónú Izlayɛ́li togun ɔ́ ná lɛ́ kɔ sín hwɛ tɔn lɛ́ɛ gúdo, bɔ Mawu ná sɔ́ hwɛ e é hu lɛ́ɛ kɛ ɛ.

Mɛsɛ́dó 5:41

Mɛsɛ́dó lɛ́ɛ ka gosín toxóɖɔgbɛ́ ɔ́ nukɔn, bɔ xomɛ hun yě tlala, ɖó yě mɔ ɖɔ Mawu mɔ émí dó mɔ mɛ e jɛ xá ya ji dó Jezu nyǐkɔ mɛ é.

1 Kɔlɛ́ntinu 1:18

Nǔgbó ɔ́, kú e Klísu kú ɖo aklúzu jí é sín xó ɔ́, xlonɔxó wɛ yě mɛ e ɖo bǔbú wɛ lɛ́ɛ nɔ dó mɔ ná; lo ɔ́, hlɔ̌nhlɔ́n Mawu tɔn wɛ é nyí nú mǐ mɛ e ɖo hwlɛngán sín ali jí lɛ́ɛ.

1 Kɔlɛ́ntinu 1:23

Mǐdɛɛ lɛ́ɛ ɔ́, Klísu e è ká nyi aklúzu jí ɔ́ jlá wɛ mǐ ɖe: afɔklɛ́nnúxó wɛ xó énɛ́ nyí nú Jwifu lɛ́ɛ, bɔ mɛ e ma nyí Jwifu ǎ lɛ́ɛ nɔ́ mɔ dó mɔ xlonɔxó.

Efɛ́zinu 2:16

Klísu sú kɛn kún dó, gbɔn kú e é kú ɖo aklúzu jí é gbla mɛ; é dɔn akɔta we lɛ́ɛ bǐ kplé, bɔ yě húzú agbaza ɖokpó, bó gbɔ kɛn e yě ɖe xá Mawu é, gbɔn kú e é kú ɖo aklúzu jí é gbla mɛ.

Efɛ́zinu 5:2

Mi wa azɔ̌ kpódó wǎn yíyí kpó Klísu ɖɔhun. Klísu e yí wǎn nú mǐ bó sɔ́ éɖée jó dó ta mitɔn mɛ vɔ̌sánú ɖɔhun, vɔ̌sísá wǎn ɖagbenɔ e nɔ nyɔ́ Mawu nukún mɛ é ɖɔhun.

Filípunu 1:6

Un gán jɛ nǔ élɔ́ wú: Mawu e bɛ́ azɔ̌ ɖagbe énɛ́ ɖo tɛ́ntin mitɔn ɔ́ ná ɖ'é wú, káká bɔ é ná fó ɖo gbe e gbe Jezu Klísu ná lɛ́ kɔ wá dó é.

Filípunu 3:20

Mǐdɛɛ lɛ́ɛ ɔ́, sɛ́xwé tɔn wɛ mǐ nyí, bó ɖo te kpɔ́n Mɛhwlɛ́ngántɔ́ mǐtɔn e nyí Aklúnɔ Jezu Klísu ɔ́ vɛ́návɛ́ná.

2 Timɔtée 4:8

Bɔ din ɔ́, ajɔ e è nǎ ná mɛ e ɖu ɖ'é jí lɛ́ɛ ɖo te nú mì; é wɛ nyí hwɛjijɔ sín ɖuɖéjígbákún e Aklúnɔ e nɔ́ ɖɔ hwɛjijɔ ɔ́ ná ná mì azǎn énɛ́ gbe é. É ka nyí nyɛ ɖokpónɔ wɛ é ná ná ǎ, lo ɔ́, mɛ e yí wǎn n'i, bó ɖo te kpɔ́n wǐwá tɔn lɛ́ɛ bǐ wɛ é ná ná.

Eblée 1:13

Mawu ɖɔ nú wɛnsagun tɔn lɛ́ɛ ɖě gbeɖé ɖɔ: “Jǐnjɔ́n ɖisí ce xwé fí káká nú ma sɔ́ kɛntɔ́ towe lɛ́ɛ dó húzú afɔɖótɛn nú we” ǎ.

Eblée 1:3

É wɛ nyí susu Mawu tɔn sín wěziza sín xlɛ́, bó nyí Mawu sín xlɛ́ titewungbe tɔn. É sɔ́ xó tɔn hlɔ̌nhlɔ́nnɔ ɔ́ dó hɛn gbɛ ɔ́ ɖó te. Ée é lɛ gbɛtɔ́ lɛ́ɛ wé sín hwɛ yětɔn lɛ́ɛ mɛ gúdo ɔ́, é jínjɔ́n Mawu e nyí hlɔ̌nhlɔ́n bǐ nɔ ɔ́ sín ɖisíxwé ɖo sɛ́xwé.

Eblée 10:14

Đó, gbɔn vɔ̌ ɖokpó géé e Klísu sá ɔ́ gblá mɛ ɔ́, é bló bɔ mɛ e è slá wǔ ná lɛ́ɛ húzú mɛɖeɖóvo, bɔ nǔ bǐ vɔ ɖ'é wú káká sɔ́yi.

Eblée 10:33

Hwe ɖé lɛ́ɛ nu ɔ́, è nɔ ɖo mi zun wɛ, bó nɔ ɖo tagba dó nú mi wɛ ɖo agbawungba. Hwe ɖé lɛ́ɛ nu ɔ́, mi nɔ ɖo gbesisɔ mɛ, bó nɔ ji ya xá mɛ e dó ya ná wɛ è ɖe mi ɖɔhun lɛ́ɛ é.

Eblée 11:36

Mɛ ɖé lɛ́ɛ tíin, bɔ è ɖɔ slǎmɛ yě wú, bó xo yě ɖó lanbá wú; è dǒ wlɔ mɛɖé lɛ́ɛ, bó sú yě dó gankpá mɛ.

Eblée 12:3

Mi flín lě e é dɛ ɖo gǔ mɔ̌hunkɔtɔn e hwɛhutɔ́ lɛ́ɛ fɔ́n dó jǐ tɔn ɔ́ nu gbɔn é, bónú awakanmɛ ma kú mi, nú nǔ ci kɔ nú mi ó;

Eblée 13:13

Hǔn, mi nú mǐ ná yi toxo ɔ́ gúdo, bó ná ɖu winnyá ɖokpó ɔ́ xá ɛ.

Eblée 5:9

Ée Mawu sɔ́ ɛ dó ɖó mɛ mímɛ́ bɔ nǔ bǐ vɔ ɖ'é wú ɔ́, é húzú hwlɛngán mavɔ mavɔ sín jɔtɛn nú mɛ e nɔ se tónú n'i lɛ́ɛ é bǐ,

Eblée 7:19

Nǔgbó ɔ́, Mɔyízisɛ́n ɔ́ bló bɔ nǔɖé nyɔ́ káká yi fó ǎ; nukúnɖíɖó ɖagbe ɖé ka wá bó nyɔ́ hú mɔ̌; nukúnɖíɖó énɛ́ wɛ bló bɔ mǐ nɔ sɛkpɔ́ Mawu.

Eblée 8:1

Nǔ e ɖo tají hú ɖě lɛ́ɛ bǐ ɖo nǔ e ɖɔ wɛ mǐ ɖe ɔ́ mɛ ɔ́ ɖíe: Vɔ̌sánú-xwlémawutɔ́ ɖaxó mɔ̌hun wɛ mǐ ɖó, bɔ é jínjɔ́n ɖisíxwé nú axɔ́súzinkpo Mawu susu bǐ nɔ ɔ́ tɔn ɖo sɛ́xwé.

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.

Jaki 2:1

Nɔví ce lɛ́ɛ mi, mi mɛ e nɔ zán gbɛ mitɔn ɖo nǔɖiɖi e mi ɖó nú Aklúnɔ mǐtɔn Jezu Klísu susunɔ ɔ́ mɛ lɛ́ɛ ɔ́, mi ɖó ná ɖe mɛɖé ɖó vo ɖo mɛɖé mɛ ǎ.

1 Piyɛ́ɛ 1:11

Nǔ e Yɛ Klísu tɔn ɖɔ nú yě lɛ́ɛ ɔ́, yě nɔ dó gǎn ná tunwun hwenu e nǔ lɛ́ɛ ná jɛ dó ɔ́ kpódó nǔ e hwenu yě ná jɛ dó ɔ́ kpán; ɖó Yɛ énɛ́ e ɖo yě mɛ ɔ́ ko ɖɔ ya e Klísu ná ji lɛ́ɛ, kpó susu e é ná mɔ ɖo yajiji énɛ́ lɛ́ɛ gúdo ɔ́ kpán sín xó nú yě ɖ'ayǐ.

1 Piyɛ́ɛ 3:18

Nǔgbó ɔ́, Klísu ɔ́ ɖésú kú; é kú azɔn ɖokpó géé bɔ xó fó dó hwɛ e gbɛtɔ́ lɛ́ɛ hu lɛ́ɛ tamɛ; éyɛ́ mɛ e nɔ wa nǔ jlɔ́jlɔ́ ɔ́ kú dó mɛ e ma nɔ wa nǔ jlɔ́jlɔ́ ǎ lɛ́ɛ tamɛ, bó ná dó kplá mi wá Mawu gɔ̌n; ɖo agbaza sín alixo ɔ́, è hu i; lo ɔ́, ɖo Yɛ ɔ́ sín alixo ɔ́, è fɔ́n ɛ wá gbɛ.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.

Judi 1:21

ée mi ɖo te nú Aklúnɔ mǐtɔn Jezu Klísu ná ná gbɛ mavɔ mavɔ mi ɖo xomɛnyínyɔ́ tɔn mɛ ɔ́, mi hɛn miɖée ɖo wǎn yíyí Mawu tɔn mɛ.

Nǔɖexlɛ́mɛ 1:11

bó nɔ́ ɖɔ: “Wlǎn nǔ e mɔ wɛ a ɖe lɛ́ɛ dó wěma mɛ, bó sɛ́ wěma ɔ́ dó agun Klísu tɔn tɛ́nwe élɔ́ lɛ́ɛ: agun Efɛ́zi tɔn, Simíini tɔn, Pɛɛgamu tɔn, Tiatíi tɔn, Saadu tɔn, Filadɛlufíi tɔn kpó Lawodisée tɔn kpó.”

Nǔɖexlɛ́mɛ 1:17

Ée un mɔ ɛ ɔ́, un jɛ ayǐ ɖo asá tɔn mɛ, bó cí mɛkúkú ɖɔhun. É ɖó alɔ tɔn ɖisí ɔ́ jǐ ce, bó ɖɔ: “Ma ɖi xɛsi ó! Nyɛ wɛ nyí mɛ e jɛ nukɔn ɔ́, bó nyí mɛ e gbɔn gǔdo é.

Nǔɖexlɛ́mɛ 1:8

Aklúnɔ Mawu Nǔbǐwúkpétɔ́ e tíin din, bó ka kó tíin ɖ'ayǐ, bó ná wá ɔ́ ɖɔ: “Un nyí Alufa, bó nyí Omɛga; un nyí bǐbɛ́, bó nyí vivɔ.”

Nǔɖexlɛ́mɛ 2:8

Wlǎn wěma sɛ́ dó agun Klísu tɔn e ɖo Simíini ɔ́ sín wɛnsagun, bó ɖɔ n'i ɖɔ: “Mɛ e nyí mɛ e jɛ nukɔn, bó nyí mɛ e gbɔn gǔdo ɔ́, mɛ e ko kú, bó lɛ́ fɔ́n ɔ́, xó e é ɖɔ ɔ́ ɖíe: