Eblée 12:18 - MAWUXÓWÉMA

¹⁸ Mi sɛkpɔ́ só e wú è hɛn ɔ́, è nǎ ɖ'alɔ ɔ́ Izlayɛ́li ví lɛ́ɛ ɖɔhun ǎ: só Sinayíi tɔn kpó myɔ hɛhɛ e ɖo jiji ɖ'é jí wɛ ɔ́ kpó; mi sɛkpɔ́ zǐnflú e dó ɖ'é jí ɔ́ ǎ; mi sɛkpɔ́ ablu e dó ɖ'é jí ɔ́ ǎ; mi sɛkpɔ́ jɔhɔn ɖaxó e ɖo nyinyi ɖ'é jí wɛ é ǎ.

Eblée 12:18 Iomraidhean Croise

Sɛ́nflínmɛ 4:11

Hwenɛ́nu ɔ́, mi sɛkpɔ́ só ɔ́, bó wá cí só ɔ́ kpá. Myɔ hɛhɛ ɖé vun blá só ɔ́, bó hun káká yi jǐxwé, ɖo zǐnflú kpó, akpɔ́kpɔ́ kpó, kpódó ahǔn kpó mɛ.

Tíntɔ́n 24:17

Izlayɛ́li ví lɛ́ɛ mɔ susu Mawu Mavɔmavɔ tɔn; é cí myɔ e ɖo jiji wɛ ɔ́ ɖɔhun, ɖo só ɔ́ jí.

Tíntɔ́n 20:18

Togun Izlayɛ́li tɔn ɔ́ bǐ ɖo jǐ e ɖo gbe dó wɛ ɔ́ se wɛ bó ɖo lanzo sín gbe se wɛ. Yě mɛ bǐ mɔ jǐ e ɖo wun kɛ wɛ ɔ́ bó mɔ azɔ e tún wɛ só ɔ́ ɖe é. Ée togun ɔ́ mɔ nǔ énɛ́ lɛ́ɛ sɛ́ dó ɔ́, xɛsi jɛ jǐ tɔn, bɔ é jɛ sísɔ́sísɔ́ jí.

2 Timɔtée 1:7

Ényí xɛsiɖiɖi sín yɛ wɛ Mawu ná mǐ ǎ; lo ɔ́, hlɔ̌nhlɔ́n kpódó wǎn yíyí kpó, kpódó mɛ ɖésúnɔ jí ɖu ɖe kpó sín yɛ wɛ é ná mǐ.

2 Kɔlɛ́ntinu 3:9

Azɔ̌ e nɔ dɔn gbɛtɔ́ lɛ́ɛ yi kú ɔ́ ko ɖó susu; nɛ̌ wɛ azɔ̌ e nɔ zé gbɛtɔ́ lɛ́ɛ dó húzú hwɛjijɔnɔ ɖo Mawu nukɔn ɔ́ ma ká ná ɖó susu hú mɔ̌ ǎ gbɔn?

Hlɔ̌manu 6:14

Đó hwɛhuhu ná ɖó acɛ ɖo mi jí ǎ; ɖó mi sɔ́ ɖo sɛ́n ɔ́ sín acɛ mɛ ǎ; lo ɔ́, fɛ́nú Mawu tɔn mɛ wɛ mi ɖe.

Hlɔ̌manu 8:15

Đó Yɛ e Mawu na mi ɔ́ nyí, yɛ e na sɔ́ mi dó ɖó kannumɔ, bó ná bló bɔ mi na húzú xɛsinɔ é ǎ. Lo ɔ́, Yɛsinsɛn e sɔ́ mi dó húzú Mawu ví, bó lɛ́ ná acɛ mǐ, bɔ mi nɔ sú xó ylɔ́ Mawu ɖɔ: “Daá ce! Tɔ́ ce vívɛ́ná” ɔ́ wɛ.

Sɛ́nflínmɛ 5:5

Hwenɛ́nu ɔ́, nyɛ ɖo Mawu Mavɔmavɔ kpó mi kpó tɛ́ntin, bó nɔ́ ɖɔ xó e Mawu Mavɔmavɔ ɖɔ é nú mi, ɖó mi ɖo xɛsi ɖi nú myɔ ɔ́ wɛ, bó glá xá só ɔ́ jí ǎ.” Mawu Mavɔmavɔ ɖɔ nú togun ɔ́ ɖɔ:

2 Kɔlɛ́ntinu 3:7

Sɛ́n ɔ́, awǐnnya sín atɛ lɛ́ɛ jí wɛ è wlǎn ɖó, wěkwín ɖě jɛ ɖě gúdo, bɔ susu Mawu tɔn tɔ́n hwe énɛ́ nu. Mɔyízi sín nukún mɛ nɔ kɔ́n, bó nɔ ná wěziza ɖaxó ɖé, bɔ Izlayɛ́li ví lɛ́ɛ nɔ sixú kpɔ́n ɛ ǎ, có wěziza énɛ́ ɔ́ ka ɖó ná bú. Nú sɛ́n e azɔ̌ tɔn ɔ́ ko nyí ɖɔ mɛ wɛ é nɔ dɔn yi kú ɔ́, ka wá kpó susu ɖaxó mɔ̌hunkɔtɔn kpó ɔ́,