Eblée 12:16 - MAWUXÓWÉMA

¹⁶ Mɛ ɖé ní ma nyí agalɛtɔ́ abǐ suɖunúmawutɔ́ Esawu ɖɔhun ó; Esawu e kpɔ́n dó nǔɖuɖu ká ɖokpó wú, bó sa vǐɖaxó sín acɛ e é ɖó é.

Eblée 12:16 Iomraidhean Croise

Bǐbɛ́mɛ 27:36

Énɛ́ ɔ́, Esawu ɖɔ: “Jakɔ́bu jɛ́n é nyí nǔgbó, ɖó azɔn we nɛ́ é kó táfú mì nɛ́. É kó yí nukɔngbéví sín acɛ e un ɖó ɔ́, bó kó lɛ́ wá yí ɖɛ ce din!” É ká wá kanbyɔ́ tɔ́ tɔn ɖɔ: “Đɛ ɔ́ ɖě sɔ́ kpo ɖo así towe bɔ a nǎ xo nú mì ǎ cé?”

Maki 7:21

ɖó gbɛtɔ́ sín ayi mɛ wɛ linlin nyanya lɛ́ɛ nɔ́ tɔ́n sín; nǔblíblíwiwa, ajojija, mɛhuhu,

Mɛsɛ́dó 15:20

Amɔ̌, nǔ e mǐ ná wlán sɛ́ dó yě kpowun ɔ́ wɛ nyí ɖɔ: yě ní má ɖu kanlin e è xwlé vodún lɛ́ɛ ɖě sín lan ó; yě ní ma ɖó xó xá nɔ yětɔn ó, yě ní má ɖó xó xá tɔ́ yětɔn sín asi ó; yě ní má ɖó xó xá vǐ yětɔn abǐ nɔví yětɔn ó; yě má ɖu kanlin e è glɔ̌n agbɔ̌n ná bó hu lɛ́ɛ ɖě sín lan ó, yě ma ka ɖu hun ó.

Mɛsɛ́dó 15:29

mi ma ɖu nǔ e è xwlé vodún é ɖě ó; mi ma ɖu hun ó; mi ma ɖu kanlin e è glɔ̌n agbɔ̌n ná bó hu lɛ́ɛ ɖě sín lan ó; mi ma ka lɛ aga ó; ényí mi bló gbɔn mɔ̌ ɔ́, é ná nyɔ́. É su gbeɖé.”

1 Kɔlɛ́ntinu 10:8

Mǐ ɖó ná jó miɖée nú agalilɛ lě e mɛɖé lɛ́ɛ bló gbɔn ɖo yě mɛ, bɔ gbɛtɔ́ adɔ̌kpo ɖokpó afɔwó afatɔ́n (23.000) kú ɖo kéze gbe ɖokpó mɛ é ǎ.

2 Kɔlɛ́ntinu 12:21

Un ɖo xɛsi ɖi wɛ ɖɔ gɔ̌n mitɔn e un ná wá din ɔ́, Mawu ce ná sɔ́ mì hwe ɖo nukɔn mitɔn; bɔ un ná ya avǐ dó mɛ tobutóbú e hu hwɛ ɖ'ayǐ, bó ma lɛ́ kɔ sín nǔ kwíji wiwa, agalilɛ, kpódó nǔ nyanya e yě wa lɛ́ɛ kpán gúdo ǎ lɛ́ɛ tamɛ.

Efɛ́zinu 5:3

È ma se agalilɛ xó, nǔblíblíwiwa, abǐ nukúnkɛndídó sín xó vɔ́vɔ́ ɖo tɛ́ntin mitɔn ó; ɖó mɛɖeɖóvo Mawu tɔn wɛ mi nyí.

Efɛ́zinu 5:5

Mi tunwun ganjí ɖɔ agalɛtɔ́, nǔblíblíwatɔ́ abǐ gwěnɔ ɖé kún xwe axɔ́súɖuɖu Klísu tɔn kpódó Mawu tɔn kpó mɛ gbeɖé ó; ɖó gwě ɔ́, vodúnsinsɛn ɖɔhun wɛ é ɖe.

Kolósinu 3:5

Hǔn, mi bo sú nǔ e nyí ayǐkúngban jí tɔn ɖo ayi mitɔn mɛ lɛ́ɛ sín kún dó; nǔ énɛ́ lɛ́ɛ wɛ nyí: agalilɛ, nǔblíblíwiwa, jlǒ agbaza tɔn lɛ́ɛ, linlin nyanya lɛ́ɛ kpó nukúnkɛndídó kpó, ɖó nukúnkɛndídó ɔ́ cí bǒcyɔ sinsɛn ɖɔhun.

1 Timɔtée 1:9

Đo tají ɔ́, è ka ná flín ɖɔ é kún nyí nǔjlɔ́jlɔ́watɔ́ lɛ́ɛ wú wɛ è dǒ sɛ́n ɔ́ ó; lo ɔ́, mɛ e wú è dǒ sɛ́n ɔ́ lɛ́ɛ wɛ nyí nǔnyanyawatɔ́ lɛ́ɛ, tónúmasetɔ́ lɛ́ɛ, mɛ e ma nɔ sí Mawu ǎ lɛ́ɛ, hwɛhutɔ́ lɛ́ɛ, mɛ e ma nyí mɛ mímɛ́ ǎ lɛ́ɛ, mɛ e ma ɖi nǔ nú Mawu ǎ lɛ́ɛ, mɛ e nɔ hu tɔ́ yětɔn abǐ nɔ yětɔn lɛ́ɛ é, mɛhutɔ́ lɛ́ɛ.

Eblée 13:4

Asi dida abǐ asú dida ní nyí nǔsísí; asú kpó asi kpó ní nɔ gbejí nú yěɖée. Mawu ná ɖó hwɛ nú mɛ e nɔ ɖo nǔblíblí wa wɛ lɛ́ɛ kpódó mɛ e nɔ ɖo aga lɛ wɛ lɛ́ɛ kpó.

Nǔɖexlɛ́mɛ 21:8

Amɔ̌ nǔvɔ́nɔ lɛ́ɛ ɔ́, nǔmaɖitɔ́ lɛ́ɛ ɔ́, suɖutɔ́ lɛ́ɛ ɔ́, mɛhutɔ́ lɛ́ɛ ɔ́, agalɛtɔ́ lɛ́ɛ ɔ́, majíkiblótɔ́ lɛ́ɛ ɔ́, vodúnsɛntɔ́ lɛ́ɛ kpódó adingbannɔ lɛ́ɛ bǐ kpán ɔ́, tɛn yětɔn ná nɔ myɔ togotogo e mɛ hwemí ɖo jiji ɖe wɛ é mɛ; é wɛ nyí kú wegɔ́ ɔ́.”

Nǔɖexlɛ́mɛ 22:15

Amɔ̌, avǔn lɛ́ɛ, majíkiblótɔ́ lɛ́ɛ, agalɛtɔ́ lɛ́ɛ, mɛhutɔ́ lɛ́ɛ, vodúnsɛntɔ́ lɛ́ɛ, kpó mɛ e yí wǎn nú adingban, bó nɔ wa adingbanzɔ́ lɛ́ɛ bǐ kpó ná nɔ toxo ɔ́ gúdo!