Eblée 12:13 - MAWUXÓWÉMA

¹³ Mi ɖe ali jlɔ́jlɔ́ bó gbɔn jí, bónú afɔ e ɖó blɔ̌ ɔ́ ní ma lílɛ́ ó; lo ɔ́, afɔ énɛ́ ní jɛ afɔ tɛnmɛ.

Eblée 12:13 Iomraidhean Croise

Ezayíi 35:3

Mi ná hlɔ̌nhlɔ́n awa e nǔ cikɔ ná é; mi dó wǔsyɛ́n kanmɛ nú koli e gbɔ́jɔ́ é.

Ezayíi 35:6

Sékúnɔ lɛ́ɛ ná lɔ́n yi jǐ tɛ́ ɖɔhun; ɖɛ̌kúnánɔ lɛ́ɛ ná ɖɔ xó dó ɖe awǎjijɛ yětɔn xlɛ́. Sin ná tɔ́n ɖo gbětótló mɛ; tɔ ná sa ɖo ayǐkúngban xúxú jí.

Ezayíi 42:16

Un ná kplá nukúntíntɔ́nnɔ lɛ́ɛ gbɔn ali ɖé jí, ali e yě ma gbɔn gbeɖé ǎ é jí. Yědɛɛ lɛ́ɛ ɔ́, un ná sɔ́ zǐnflú dó húzú wěziza nú yě, bó ná gbígbá nǔ e wú yě ná klɛ́n afɔ dó é. Nǔ e un lɛ́n bó ná wa lɛ́ɛ nɛ́. Un ná jó dó gbeɖé ǎ; un ná bló géé.

Ezayíi 58:12

Énɛ́ ɔ́, dǒ e kó mu ɖ'ayǐ lɛ́ɛ ɔ́, a nǎ vɔ́ bǐ mɛ. Xɔ e ko mu sín xóxó hwenu lɛ́ɛ ɔ́, a nǎ vɔ́ yě mɛ ɖó dodó yětɔn jí. È nǎ nɔ́ ylɔ́ we ɖɔ ‘Fí e dǒ mu ɖé lɛ́ɛ blóɖótɔ́.’ Bó ná nɔ́ ylɔ́ we ɖɔ ‘Ali e gblé lɛ́ɛ blóɖótɔ́.’ ”

Jelemíi 18:15

Mi mɛ e nyí togun ce ɔ́, mi ka wɔn mì. Mi wɔn mì, bó nɔ́ xwlé zǎlínkpɔ́n vodún lɛ́ɛ. Vodún énɛ́ lɛ́ɛ nyí afɔklɛ́nnú nú mi ɖo ali e mi mlɛ́ lɛ́ɛ jí. Yě ɖe mi sín ali mitɔn xóxó lɛ́ɛ jí, bɔ mi wlí ali e è ma ɖe ǎ lɛ́ɛ.

Luki 3:5

È ɖǒ ná sú do lɛ́ɛ bǐ, bó ná gbígbá só ɖaxó ɖaxó lɛ́ɛ kpódó kpɛví kpɛví lɛ́ɛ bǐ kpó. È ɖǒ ná jlɔ́ ali gɔ́ndɔ́ngɔ́ndɔ́n lɛ́ɛ, bó bló fí e nyí kpóɖědoɖě lɛ́ɛ ɖó.

Galatinu 2:14

Ée un mɔ ɖɔ nǔ e wa wɛ yě ɖe ɔ́ kún sɔgbe xá nǔgbó e ɖo Wɛn Ɖagbe ɔ́ mɛ é ó ɔ́, un ɖɔ nú Sefási ɖo yě bǐ nukún mɛ ɖɔ: “Ényí hwi mɛ e nyí Jwifu ɔ́ ka nɔ zán gbɛ mɛ e ma nyí Jwifu ǎ ɖɔhun, bó má nɔ́ wa nǔ Jwifu ɖɔhun ǎ ɔ́, nɛ̌ a ka sixú ɖɔ nú mɛ e ma nyí Jwifu ǎ lɛ́ɛ ɖɔ yě ní wa nǔ Jwifu ɖɔhun dandan gbɔn?”

Galatinu 6:1

Nɔví lɛ́ɛ mi! Mi mɛ e ko ɖó nukɔn yiyi ɖo nǔɖiɖi mɛ lɛ́ɛ ɔ́, ényí mɛɖé ɖo nǔ ɖěbǔ wa nyi do wɛ, bónú è gbo e dó hǔn, mi ɖe e ɖó ali jí; mi ka bló kpódó xomɛfífá kpó. Un ka lɛ́ ɖo ɖiɖɔ nú mi wɛ ɖɔ mi cɔ́ miɖée, bónú mi ɖésúnɔ má wá jɛ tɛ́nkpɔ́n mɛ ó.

Jaki 5:16

Hǔn, mi bo ɖɔ hwɛ e mi hu lɛ́ɛ nú miɖée, bó xo ɖɛ nú miɖée, bónú azɔn mitɔn ná gbɔ. Đɛ e hwɛjijɔnɔ nɔ xo ɔ́ nɔ ɖó hlɔ̌nhlɔ́n ɖésú.

1 Piyɛ́ɛ 2:24

É bɛ́ hwɛ mǐtɔn lɛ́ɛ dó éɖée jí ɖo aklúzu jí, bónú mi ma sɔ́ hu hwɛ ó, bónú mi ná zán gbɛ jlɔ́jlɔ́. Akpado tɔn lɛ́ɛ wɛ zɔ́n bɔ è gbɔ azɔn nú mi.