Eblée 12:1 - MAWUXÓWÉMA

¹ Mǐ lɔmɔ̌ ɔ́, mɛ tobutóbú énɛ́ lɛ́ɛ e ɖe nǔɖiɖi yětɔn xlɛ́ lɛ́ɛ lɛ́ lɛ̌ dó mǐ; hǔn, mǐ ní jó nǔ e nɔ dó tagba nú mǐ ɖo Aklúnɔ lixo ɔ́ bǐ dǒ, bó jó hwɛhuhu e é ma vɛ́ wǔ ná ɖɔ é ní tɛ́ dó mǐ wú ǎ é dó. Mǐ ní dɛ ɖo wezun e è sɔ́ ɖó te nú mǐ bɔ mǐ ɖo kínkán wɛ ɔ́ nu.

Eblée 12:1 Iomraidhean Croise

Jɔ̌bu 8:10

A nǎ yí nǔnywɛ́ ɖo nǔnywɛ́ e mɛ e ko jɛ nukɔn nú mǐ lɛ́ɛ ɖó ɔ́ mɛ; kplɔ́n e yě yǐ ɖo gbɛzán yětɔn mɛ ɔ́ ná kplɔ́n nǔ we:

Ɖɛhan 18:23

Sɛ́n tɔn lɛ́ɛ bǐ wɛ ɖo ayi ce mɛ. Nǔ e é zɔ́n lɛ́ɛ ɔ́, un hɔn ɖě nyi gbě ǎ.

Ezayíi 60:8

Mɛ̌ e mɛ̌ e ká ja nɛ́? É cí akpɔ́kpɔ́ wɛ ja ɖɔhun, é cí ahwannɛ́ lɛ́ kɔ xwe awǎjí ɖɔhun.

Ezekiyɛ́li 38:16

A nǎ tɔ́n ahwan togun ce Izlayɛ́li ɔ́, bó ná cyɔ́n to ɔ́ ahǔn ɖɔhun. É ká ná lín káká có nǔ énɛ́ lɛ́ɛ ná jɛ. Un ná sɛ́ we dó bɔ a nǎ wǎ tɔ́n ahwan to ce, énɛ́ ɔ́, to ɖě lɛ́ɛ ná tunwun ɖɔ nyɛ wɛ nyí Mawu mímɛ́ ɔ́. Hwi Gɔgu ɔ́ wɛ un ka ná zán dó bló nǔ énɛ́ ɔ́.

Ezekiyɛ́li 38:9

Hwɛ ka ná sí te jɔhɔn ɖɔhun, bó ná byɔ́ yě mɛ; a nǎ cyɔ́n yě akpɔ́kpɔ́ ɖɔhun, hwi kpó ahwangɔnu towe bǐ kpó, kpódó togun wɔ̌buwɔ́bú e xwedó we lɛ́ɛ kpó.

Matíe 10:22

Mɛ bǐ ná gbɛ́ wǎn nú mi ɖó nyɛ wú. Lo ɔ́, mɛ e ná dɛ ɖo ya énɛ́ lɛ́ɛ nu káká yi fó ɔ́, è nǎ hwlɛ́n ɛ gán.

Matíe 24:13

Lo ɔ́, mɛ e ná dɛ ɖo ya énɛ́ lɛ́ɛ nu káká yi fó ɔ́, è nǎ hwlɛ́n ɛ gán.

Maki 10:50

Bɔ nukúntíntɔ́nnɔ ɔ́ ɖe awu tɔn ɖaxó ɔ́ nyi gbě, lobo kán wezun yi Jezu gɔ́n.

Luki 12:15

É ka ɖɔ nú yě ɖɔ: “Mi cɔ́ miɖée dó nukúnkɛndídó wú; ɖó nú gbɛtɔ́ na bo ɖó nǔ gbɔn ɖěbǔ ɔ́, gbɛ jɔ gbɛ ɔ́ ɖo dɔkun tɔn lɛ́ɛ mɛ ǎ.”

Luki 16:28

Đó un ɖó nɔví súnnu atɔ́ɔ́n ɖo fínɛ́; ní yi kplɔ́n nǔ yě, bónú yě ma wa nǔ nyɛ ɖɔhun, bó wá tɔ́n ɖo yagbénu fí ó.”

Luki 21:34

“Mi bo cɔ́ miɖée, bónú nǔ ɖu díngan, ahan nu díngan, kpódó gbɛmɛ tagba lɛ́ɛ kpán má wá cyɔ́n ayi mitɔn jí, lobo nú azǎn énɛ́ ɔ́ wá fyán mi ó;

Jǎan 3:32

Éyɛ́ ɔ́, nǔ e é mɔ ɔ́, kpódó nǔ e é se ɔ́ kpó sín kúnnu wɛ é nɔ ɖe; bɔ mɛ ɖěbǔ ka ɖi nǔ nú kúnnuɖiɖe tɔn ǎ.

Jǎan 4:39

Samalíinu e ɖo toxo énɛ́ mɛ lɛ́ɛ gěgé ɖi nǔ nú Jezu; ɖó kúnnu e nyɔ̌nu ɔ́ ɖe nú Jezu ɔ́ wútu. É wɛ nyí ɖɔ: “É ɖɔ nǔ e un wa lɛ́ɛ bǐ nú mì.”

Jǎan 4:44

É ɖésú ka ko ɖɔ ɖ'ayǐ ɖɔ mɛɖé kún nɔ sí gbeyíɖɔ Mawu tɔn ɖé ɖo to é ɖésúnɔ tɔn mɛ ó.

Hlɔ̌manu 12:12

Nǔ e ɖó nukún wɛ mi ɖe ɔ́ ní dó xomɛhunhun nú mi. Mi nɔ ɖó sɔxwixwe ɖo wǔvɛ́ e mɔ wɛ mi ɖe lɛ́ɛ mɛ. Mi nɔ ɖó kan dó ɖɛxixo wú.

Hlɔ̌manu 2:7

É ná ná gbɛ mavɔ mavɔ mɛ e nɔ ɖó kan dó nǔ ɖagbe wiwa wú, bó nɔ́ ɖo susu kpó yɛ̌yi kpó, kpódó jɔmakú kpó ba ɖo gɔ̌n tɔn gbɔn mɔ̌ wɛ lɛ́ɛ.

2 Kɔlɛ́ntinu 7:1

Mɛvívɛ́ná ce lɛ́ɛ mi, akpá énɛ́ lɛ́ɛ e Mawu dó ɔ́, mǐ wɛ é dó yě ná. Énɛ́ ɔ́ wú ɔ́, mǐ ní slá wǔ nú agbaza kpó lǐndɔ̌n kpó, bó dó gǎn, bó ɖi xɛsi nú Mawu ɖo gbɛzán mǐtɔn mɛ, lobo ná nyí mɛ mímɛ́ yi fó.

Galatinu 2:2

Un yi dɔ̌n ɖó Mawu ɖe xlɛ́ mì ɖɔ un ɖó ná yi. Ée un yi ɔ́, nyɛ kpódó agunnukɔntɔ́ lɛ́ɛ kpó kɛ́ɖɛ́ kplé, bɔ Wɛn Ɖagbe e un jlá mɛ e ma nyí Jwifu ǎ lɛ́ɛ ɔ́, un tínmɛ nú yě, ɖó un jló nú azɔ̌ e un wa ɖ'ayǐ ɔ́, kpódó ée wa wɛ un ɖe din ɔ́ kpó ní nyí nǔ yǎyá ǎ.

Galatinu 5:7

Mi ka ɖo nukɔn yi wɛ ganjí ɖ'ayǐ nɛ́! Mɛ̌ ka ɖó mi te bó gbɛ́ ɖɔ mi ní má sɔ́ se tónú nú nǔgbó ɔ́ ó?

Efɛ́zinu 4:25

Énɛ́ wútu ɔ́, mi jó adingban dó, nú mɛ ɖokpó ɖokpó ní ɖɔ nǔgbó nú nɔzo tɔn, ɖó mǐ bǐ wɛ nyí wǔjɔnú agbaza ɖokpó ɔ́ tɔn.

Filípunu 1:30

Din ɔ́, nyɛ kpó mi kpó bǐ wɛ ɖo ahwan fun ɖó kpɔ́ wɛ, bɔ ahwan e fun wɛ mi ɖe ɔ́, mi mɔ bɔ un fun ɖ'ayǐ, bó ka lɛ́ kpo ɖo funfun wɛ din, lě e mi se gbɔn é.

Filípunu 2:16

bó ná nɔ ɖɔ xó e nɔ ná gbɛ mɛ ɔ́ nú yě. Ényí mi wa nǔ gbɔn mɔ̌ ɔ́, xomɛ ná hun mì dó mi wú hwenu e Klísu ná lɛ́ kɔ wá dó é; nǔgbó ɔ́, é ná ɖe xlɛ́ ɖɔ azɔ̌ e un wa lɛ́ɛ, kpódó tagba e un jɛ lɛ́ɛ kpán ɖě kún nyí nǔ yǎyá ó.

2 Timɔtée 2:4

Ényí ahwanfuntɔ́ e ɖo ahwangbénu ɔ́ ɖě jló na nyɔ́ ɖo gǎn tɔn sí ɔ́, é nɔ bɛ́ gbɛmɛ kpaa sín nǔ lɛ́ɛ dó hǔn mɛ ǎ.

2 Timɔtée 4:7

Un fun ahwan ɖagbe ɔ́; un dó wezun ɔ́ káká yi vivɔnu; un kpo ɖo nǔ ɖi nú Klísu Jezu wɛ.

Eblée 6:15

Ablaxámu ɖó sɔxwixwe, bó nɔ te kpɔ́n Mawu, bɔ énɛ́ ɔ́, nǔ e sín akpá Mawu dó ɔ́, é mɔ yí.

Jaki 1:3

ɖó mi tunwun ɖɔ ényí nǔɖiɖi mitɔn lí dǒ ɖo mɛ dó kpɔ́n lɛ́ɛ mɛ ɔ́, é nɔ zɔ́n bɔ è nɔ ɖó suúlu.

1 Piyɛ́ɛ 2:1

Hǔn, mi bo jó adǎnúwiwa alɔkpa alɔkpa bǐ dó; mi jó nǔvúɖíɖó bǐ dó; mi jó yɛmɛnúwiwa dó; mi jó wǔhwinhwan kpó xó nyanya ɖɔ dó mɛ wú bǐ kpó dó.

1 Piyɛ́ɛ 4:2

Hǔn, bɛ́ sín din ɔ́, gbɛ e kpo bɔ mi ná zán ɖo ayǐkúngban jí fí ɔ́, lě e Mawu jló gbɔn ɔ́ wɛ mi ɖó ná zán gbɔn; é nyí jlǒ gbɛtɔ́ tɔn wɛ mi ná xwedó ǎ.

1 Piyɛ́ɛ 5:1

Din ɔ́, mɛ e nyí agunmɛxó ɖo mi mɛ lɛ́ɛ ɖɔ xó ná wɛ un ɖe. Nyɛ lɔ ɔ́, agunmɛxó wɛ un nyí; un nyí kúnnuɖetɔ́ wǔvɛ́ e Klísu mɔ lɛ́ɛ tɔn, bó ɖó mǐmá ɖo susu e è nǎ wá ɖe xlɛ́ ɔ́ mɛ. Nǔ e ɖɔ nú yě wɛ un ɖe ɔ́ ɖíe:

1 Piyɛ́ɛ 5:12

Silási e un nɔ mɔ dó mɔ nɔví gbejínɔtɔ́ ɔ́ wɛ dó alɔ mì bɔ un wlán wěma kpɛví élɔ́ sɛ́ dó mi, bó dó ná akɔ́nkpinkpan mi, bó ná dó ná gǎnjɛwú mi ɖɔ fɛ́nú Mawu tɔn titewungbe ɔ́ nɛ́. Mi bo syɛ́nlǐn ɖ'é mɛ.

2 Piyɛ́ɛ 1:6

Bó ɖó mɛɖéejíɖuɖe gɔ́ nú nǔtunwuntunwun, bó ɖó suúlu gɔ́ nú mɛɖéejíɖuɖe, lobo zé sísí ɖó nú Mawu gɔ́ nú suúlu.

Nǔɖexlɛ́mɛ 1:9

Un nɔ nyí Jǎan; nɔví mitɔn wɛ un nyí; ɖo bǔ e mǐ ɖe xá Jezu é mɛ ɔ́, un ɖo ya ji xá mi wɛ, bó ɖo axɔ́súɖuɖu ɔ́ mɛ xá mi; un ɖo te kpódó suúlu kpó xá mi. Un ɖo tɔtɛ́ntin-yíkúngban e è nɔ ylɔ́ ɖɔ Patimɔ́si ɔ́ jí, ɖó un jlá Mawuxó ɔ́ bó ɖe kúnnu nú Jezu wútu.

Nǔɖexlɛ́mɛ 13:10

Mɛ e ɖo te nú gankpá mɛ ɔ́ ɖó ná yi gankpá mɛ; mɛ e ɖo te nú hwǐ kú ɔ́ ɖó ná kú hwǐ kú; nǔ énɛ́ ɔ́ byɔ́ ɖɔ mɛɖeɖóvo Mawu tɔn lɛ́ɛ ní dɛ, bó ɖó nǔɖiɖi.”

Nǔɖexlɛ́mɛ 22:16

“Nyɛ Jezu ɔ́, un sɛ́ wɛnsagun ce dó mi, nú é ná ɖɔ nǔ énɛ́ lɛ́ɛ bǐ nú mi ɖo agun lɛ́ɛ mɛ. Davídi sín hɛ̌nnu mɛ wɛ un jɔ ɖe; un nyí sunví zǎnzǎn tɔn e nɔ kɔ́n é.”

Nǔɖexlɛ́mɛ 3:10

Đó xó e un ɖɔ nú we ɖɔ hwi ní ɖó kan dó nǔ wú ɔ́, a hɛn dó ayi mɛ; énɛ́ wútu ɔ́, hwenu e awě e ná wá xo gbɛ ɔ́ bǐ, bó ná tɛ́n mɛ e ɖo ayǐkúngban jí lɛ́ɛ kpɔ́n ɔ́ ná wá ɔ́, nyɛ lɔ ná cyɔ́n alɔ jǐ we.