Eblée 11:9 - MAWUXÓWÉMA

⁹ Nǔɖiɖi e Ablaxámu ɖó ɔ́ wɛ zɔ́n bɔ é yi nɔ to e sín akpá Mawu dó n'i ɔ́ mɛ jǒnɔ ɖɔhun; goxɔ mɛ wɛ é nɔ; mɔ̌ ɖokpó ɔ́, Izáki kpó Jakɔ́bu kpó e Mawu dó akpá ɖokpó ɔ́ ná lɛ́ɛ nɔ goxɔ mɛ é ɖɔhun.

Eblée 11:9 Iomraidhean Croise

Bǐbɛ́mɛ 12:8

Énɛ́ ɔ́ gúdo ɔ́, Ablámu gosín Sikɛ́mu, bó yi sókan mɛ, ɖo Betɛ́li sín zǎnzǎnhwe jí, bó ɖó gɔnu nyi fínɛ́. Betɛ́li ɔ́ ɖo gbadahwe jí n'i, bɔ Ayíi ɖo zǎnzǎnhwe jí n'i. É lɛ́ mɛ vɔ̌sákpe ɖěvo ɖó fínɛ́ nú Mawu Mavɔmavɔ, lobo nɔ xomlá nyǐkɔ tɔn.

Bǐbɛ́mɛ 13:18

Ablámu tún goxɔ tɔn lɛ́ɛ bó yi ján yě ɖó zun Mamulée tɔn lɛ́ɛ mɛ, ɖo Eblɔ́n kpá. É mɛ vɔ̌sákpe ɖokpó nyi fínɛ́ nú Mawu Mavɔmavɔ.

Bǐbɛ́mɛ 13:3

É ɖo fí lɛ́ɛ fí lɛ́ɛ gbɔn wɛ ɖo Nɛgɛ́vu káká wá jɛ Betɛ́li, fí e é kó ɖó gɔnu ɖó ɖ'ayǐ é, ɖo Betɛ́li kpó Ayíi kpó tɛ́ntin,

Bǐbɛ́mɛ 17:8

Un ná ná to élɔ́ e mɛ a nyǐ jǒnɔ ɖe din ɔ́ hwi kpódó vǐ towe e ná jɛ do towe mɛ lɛ́ɛ kpó. To ɔ́ wɛ nyí Kanáa; un ná bǐ yě. É ná nyí yětɔn káká sɔ́yi, bɔ un ná nyí Mawu yětɔn.”

Bǐbɛ́mɛ 18:6

Énɛ́ ɔ́, Ablaxámu fyá yi goxɔ tɔn mɛ, bó ɖɔ nú Sala ɖɔ: “Yǎ wǔ jlɛ́ linfín gannú atɔn, bó nya, bó dó ɖa acɔnmɔ.”

Bǐbɛ́mɛ 18:9

Mɛ lɛ́ɛ ɖokpó kanbyɔ́ Ablaxámu ɖɔ: “Fítɛ́ asi towe Sala ɔ́ ɖe?” Bɔ é yí gbe n'i ɖɔ: “É ɖo goxɔ mɛ.”

Bǐbɛ́mɛ 21:34

Ablaxámu nɔ Filisitɛ́ɛn lɛ́ɛ sín tomɛ dɔ̌n ɖésú.

Bǐbɛ́mɛ 23:4

É ɖɔ nú yě ɖɔ: “Jǒnɔ wɛ un nyí ɖo tɛ́ntin mitɔn. Mi bo ná mì yɔdo ɖé ɖo mi gɔ́n, bónú má sɔ́ asi ce sín cyɔ yi ɖi d'é mɛ.”

Bǐbɛ́mɛ 25:27

Vǐ lɛ́ɛ ɖo susu wɛ. Esawu húzú gběnyatɔ́, bɔ alɔ tɔn se kpɛ́n ɖésú. É yí wǎn nú nǔkan mɛ gbingbɔn. Jakɔ́bu ɔ́ ká nyí mɛɖé bó nɔ nɔ xwíí xwíí; goxɔ mɛ jɛ́n é nɔ́ ɖe.

Bǐbɛ́mɛ 28:4

Đɛ e Mawu xo dó Ablaxámu jí ɔ́ ní nɔ hwi kpódó vǐ towe lɛ́ɛ kpó jí, bónú to e é ná Ablaxámu ɔ́, to énɛ́ e mɛ a ɖo jǒnɔ nyí ɖe wɛ din ɔ́ ní nyí towe.”

Bǐbɛ́mɛ 31:25

Ée Labáan xwedó Jakɔ́bu wú ɔ́, Jakɔ́bu kó dó goxɔ tɔn nyi Galadi só ɔ́ jí, bɔ Labáan kpó mɛ tɔn lɛ́ɛ kpó dó yětɔn nyi fínɛ́.

Bǐbɛ́mɛ 35:27

Jakɔ́bu wá tɔ́ tɔn Izáki gɔ́n, ɖo Mamulée, ɖo Kiliyati-Aaba. To énɛ́ ɔ́ wɛ ɖo Eblɔ́n nyí wɛ din. Fínɛ́ wɛ Ablaxámu kpó Izáki kpó nɔ ɖ'ayǐ.

Bǐbɛ́mɛ 36:7

Đó dɔkun e yě jɛ lɛ́ɛ sukpɔ́ káká, bɔ yě sixú nɔ kpɔ́ ǎ. Ayǐkúngban e jí yě ɖe ɔ́ sɔ́ kpé bónú kanlin yětɔn lɛ́ɛ ná mɔ nǔ ɖu ǎ.

Bǐbɛ́mɛ 47:9

Bɔ Jakɔ́bu yí gbe n'i ɖɔ: “Un gbɔn gbě jí gbě jí káká nú xwe kantɔn wǒ (130). Un ɖó xwe nabí ɖé ǎ; nǔ e ká gbo mì ɔ́ syɛ́n. Xwe ce sɔ tɔ́gbó ce lɛ́ɛ tɔn ǎ. Gbě jí gbě jí jɛ́n yě lɔ ka gbɔn.”

Ɖɛhan 105:12

Hwenɛ́nu ɔ́, yě ká sukpɔ́ ǎ. Yě sukpɔ́ ɖěbǔ ǎ, yě nyí jǒnɔ ɖo to ɔ́ mɛ,

Jelemíi 35:7

Mi ná gbá xɔ ǎ, mi ná dó jinukún ǎ, mi ná tun vǐwun ǎ, mi ka ná ɖó vǐwungbo ǎ. Lo ɔ́, goxɔ mɛ wɛ mi ná nɔ nú gbɛzán mitɔn bǐ. Énɛ́ ɔ́, mi ná dɔ́ ji ɖo to élɔ́ e mɛ mi nyí jǒnɔ ɖe ɔ́ mɛ.’

Eblée 6:17

Mɛ e ɖó ná mɔ nǔ ɖagbe e sín akpá Mawu dó lɛ́ɛ yí ɔ́, Mawu jló ná lɛ́ ɖe xlɛ́ yě céɖécéɖé d'é jí ɖɔ émí kún ná húzú gbeta émítɔn gbeɖé ó. Énɛ́ ɔ́ wútu wɛ hwenu e é dó akpá ɔ́, é xwlé nǔ d'é jí.