Eblée 11:8 - MAWUXÓWÉMA

⁸ Nǔɖiɖi e Ablaxámu ɖó ɔ́ wɛ zɔ́n bɔ hwenu e Mawu ylɔ̌ ɛ ɔ́, é se tónú n'i, bó ɖidó to e ná ná ɛ wɛ Mawu ɖe, bɔ é ná nyí étɔn ɔ́ mɛ. É gosín to é ɖésúnɔ tɔn mɛ, bó ɖidó, ma tunwun fí e é xwe é.

Eblée 11:8 Iomraidhean Croise

Bǐbɛ́mɛ 11:31

Tɛláxi kplá vǐ tɔn Ablámu kpó vǐvú tɔn Lɔ̌ti Halani ví ɔ́ kpó, kpódó vǐ tɔn Ablámu ɔ́ sín asi Salayíi kpó, bɔ yě gosín Wúu, ɖo Kaludéenu lɛ́ɛ yíkúngban jí, bó ɖidó Kanáa. Yě yi jɛ Haláani bó cí fínɛ́.

Bǐbɛ́mɛ 12:5

Ablámu kplá asi tɔn Salayíi kpódó Lɔ̌ti nɔví tɔn súnnu ví ɔ́ kpó. É bɛ́ dɔkun tɔn lɛ́ɛ bǐ bó kplá mɛsɛntɔ́ e é xɔ ɖo Haláani lɛ́ɛ. Yě wlí ali ɖidó Kanáa. Ée Ablámu kpó mɛ tɔn lɛ́ɛ kpó jɛ Kanáa ɔ́,

Bǐbɛ́mɛ 12:7

Mawu Mavɔmavɔ tɔ́n dó Ablámu jí ɖo fínɛ́, bó ɖɔ n'i ɖɔ: “Un ná ná to élɔ́ kúnkan towe.” Bɔ Ablámu mɛ vɔ̌sákpe ɖokpó nú Mawu Mavɔmavɔ nyi fí e é tɔ́n dó jǐ tɔn ɖe ɔ́.

Bǐbɛ́mɛ 15:5

Ée Mawu Mavɔmavɔ ɖɔ mɔ̌ nú Ablámu ɔ́, é kplá ɛ sín goxɔ tɔn mɛ, bó ɖɔ n'i ɖɔ: “Kpɔ́n jǐnukúnsin; nú a sixú xa sunví lɛ́ɛ hǔn, xa.” É lɛ́ ɖɔ n'i ɖɔ: “Lě e vǐ towe lɛ́ɛ ná sukpɔ́ gbɔn ɔ́ nɛ́.”

Bǐbɛ́mɛ 17:8

Un ná ná to élɔ́ e mɛ a nyǐ jǒnɔ ɖe din ɔ́ hwi kpódó vǐ towe e ná jɛ do towe mɛ lɛ́ɛ kpó. To ɔ́ wɛ nyí Kanáa; un ná bǐ yě. É ná nyí yětɔn káká sɔ́yi, bɔ un ná nyí Mawu yětɔn.”

Bǐbɛ́mɛ 20:13

Hwenu e Mawu ɖɔ nú mì ɖɔ má gosín tɔ́ ce xwé ɔ́, un ɖɔ nú asi ce Sala ɖɔ: ‘Đagbe e a nǎ wa nú mì ɔ́ wɛ nyí ɖɔ mǐ jɛ fí ɖěbǔ hǔn, nɔ ɖɔ nú mɛ lɛ́ɛ ɖɔ nɔví towe wɛ un nyí.’ ”

Bǐbɛ́mɛ 22:18

Đó a se tónú nú mì wútu ɔ́, un ná wa ɖagbe nú akɔta e ɖo ayǐkúngban jí lɛ́ɛ gbɔn vǐ towe lɛ́ɛ jí.’ ”

Bǐbɛ́mɛ 26:3

Nɔ to élɔ́ mɛ fí; un ná nɔ kpɔ́ xá we, bó ná xo ɖɛ dó jǐ towe, ɖó hwi kpó kúnkan towe lɛ́ɛ kpó wɛ un ná ayǐkúngban élɔ́ bǐ, bɔ akpá e un dó nú tɔ́ towe Ablaxámu, bó xwlé nyɛ ɖésú d'é jí ɔ́, un ná ɖe.

Ezayíi 41:2

Nya ɖé ɖo zǎnzǎnhwe jí bó jɛ ali; é gbɔn fí ɖěbǔ ɔ́, é nɔ́ ɖu ɖ'é jí. Mɛ̌ ká sɛ́ ɛ dó? Mɛ̌ wɛ nɔ jó togun lɛ́ɛ n'i? Mɛ̌ wɛ nɔ zé axɔ́sú lɛ́ɛ ɖó acɛ tɔn mɛ? Hwǐ tɔn nɔ́ vúnvún yě, bɔ gǎ tɔn nɔ́ gba yě dó, jɔhɔn dó alɔ nǔywɛ́ mɛ ɖɔhun.

Ezayíi 51:2

Mi kpɔ́n tɔ́ mitɔn Ablaxámu ɔ́, bó kpɔ́n Sala e ji mi é. Ablaxámu ɔ́, é ɖó vǐ ɖě cóbónú un ylɔ́ ɛ ǎ. Lo ɔ́, un kɔn nyɔ̌ná dó jǐ tɔn, bó sɔ́ ɛ dó ɖó tɔ́ nú togun wɔ̌buwɔ́bú ɖé.”

Ezekiyɛ́li 36:24

“Un ná ɖe mi sín akɔta ɖě lɛ́ɛ mɛ, un ná ɖe mi sín to ɖěvo ɖěvo e mɛ mi gba kpé gbɔn lɛ́ɛ mɛ, bó ná kplá mi wá to mitɔn mɛ.

Kɛ́nsísɔ́ 10:30

Hobabu yí gbe n'i ɖɔ: “Un ná yi ǎ, lo ɔ́, un ná yi to ce mɛ fí e un jɔ ɖe é.”

Matíe 2:21

Nǔgbó ɔ́, Jozɛ́fu sí te, bó zé vǐ ɔ́, bó kplá vǐ ɔ́ sín nɔ, bó lɛ́ kɔ yi Izlayɛ́li.

Hlɔ̌manu 1:5

Mawu jɔwǔ mì gbɔn Klísu jí, bó sɔ́ mì mɛsɛ́dó, bónú ma sɔ́ Klísu nyǐkɔ su, bó ná sixú dɔn gbɛtɔ́ ɖo to lɛ́ɛ bǐ mɛ, bónú yě ná ɖi nǔ n'i, bó se tónú n'i.

Hlɔ̌manu 10:16

Amɔ̌, mɛ bǐ yí gbe nú Wɛn Ɖagbe ɔ́ ǎ. Nǔgbó ɔ́, Ezayíi ɖɔ: “Aklúnɔ, mɛ̌ ka ɖi nǔ nú Mawuxó e mǐ ɖɔ é?”

Hlɔ̌manu 6:17

Lo ɔ́, è ní kpa susu nú Mawu! Mi mɛ e ko nyí kannumɔ nú hwɛhuhu ɖ'ayǐ ɔ́, din ɔ́, mi se tónú kpódó ayixa mitɔn bǐ sésé kpo nú kpɔ́ndéwú e ɖo kplɔ́n e mi yí ɔ́ mɛ é.

2 Kɔlɛ́ntinu 10:5

Nǔ e è sɔ́ goyíyí dó glɔ́n ali ná, bónú è ma tunwun Mawu ó lɛ́ɛ bǐ ɔ́, mǐ nɔ́ flí bǐ xwe; mǐ nɔ́ wlí linlin lɛ́ɛ bǐ dó gan, bó ná dɔn yě nú yě ná se tónú nú Klísu.

Sɛ́nflínmɛ 9:5

bɔ mi yí to yětɔn. É nyí nǔnyɔ́wa mitɔn ɖé wɛ zɔ́n bɔ nǔ cí mɔ̌ ǎ. Mawu Mavɔmavɔ nya togun énɛ́ lɛ́ɛ ɖó walɔ baɖabaɖa yětɔn wú, bó ná ɖe akpá e é zin alɔ dó akɔ́n bó dó nú tɔ́gbó mitɔn Ablaxámu kpó Izáki kpó Jakɔ́bu kpó é.

Eblée 11:33

Nǔɖiɖi e yě ɖó ɔ́ zɔ́n bɔ yě fun ahwan, bó ɖu ɖo to gěgé jí; yě wa nǔ e sɔgbe ɔ́, bó mɔ nǔ e sín akpá Mawu dó ɔ́ yí. Nǔɖiɖi e yě ɖó ɔ́ zɔ́n bɔ yě sú kinnikínní lɛ́ɛ sín nu dó.

Eblée 5:9

Ée Mawu sɔ́ ɛ dó ɖó mɛ mímɛ́ bɔ nǔ bǐ vɔ ɖ'é wú ɔ́, é húzú hwlɛngán mavɔ mavɔ sín jɔtɛn nú mɛ e nɔ se tónú n'i lɛ́ɛ é bǐ,

Jozuwée 24:3

Un ɖe tɔ́gbó mitɔn Ablaxámu sín tɔ ɔ́ gúdo dɔ̌n, bó kplá ɛ gbɔn Kanáa to ɔ́ bǐ mɛ. Un ná ɛ vǐ gěgé. Un ná ɛ Izáki bɔ é ji.

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

1 Piyɛ́ɛ 3:1

Nyɔ̌nu lɛ́ɛ mi, mɔ̌ ɖokpó ɔ́, mi hwíhwɛ́ miɖée dó asú mitɔn lɛ́ɛ glɔ́, bónú mɛɖé ɖo yě mɛ, bó má ɖi nǔ nú Mawuxó ɔ́ ǎ ɔ́, mi ná dɔn ɛ gbɔn walɔ mitɔn lɛ́ɛ gbla mɛ, bɔ é ná ɖi nǔ. É byɔ́ ɖɔ mi ní ɖɔ xó ɖé ǎ;

1 Piyɛ́ɛ 4:17

Hwenu e hwɛɖiɖɔ ná bɛ́ dó ɔ́ ko su; xwédo Mawu tɔn ɔ́ wɛ è ka ná ɖɔ hwɛ xá jɛ nukɔn. Ée é ka nyí ɖɔ mǐdɛɛ lɛ́ɛ jí wɛ è nǎ bɛ́ hwɛɖiɖɔ sín ɔ́, hwenu e é ná wá jɛ mɛ e gbɛ́ wǎn nú Wɛn Ɖagbe Mawu tɔn lɛ́ɛ jí ɔ́, nɛ̌ wɛ yětɔn ná fó gbɔn?