Eblée 11:7 - MAWUXÓWÉMA

⁷ Nǔɖiɖi e Nɔwée ɖó ɔ́ wɛ zɔ́n bɔ nǔ e ɖo nǎ jɛ wɛ, bɔ Mawu ɖɔ n'i, bɔ mɛɖé ma ka ɖo mimɔ wɛ ǎ lɛ́ɛ ɔ́, é sɔ́ dó ylɔ́ nǔjɔnǔ. É se tónú nú Mawu, bó bló tɔjíhún ɖokpó, bɔ é kpódó xwédo tɔn kpó byɔ́ mɛ bó gán. Énɛ́ ɔ́, é ɖó hwɛ nú gbɛ ɔ́, bɔ Mawu sɔ́ ɛ dó mɔ hwɛjijɔnɔ gbɔn nǔɖiɖi e é ɖó ɔ́ gbla mɛ.

Eblée 11:7 Iomraidhean Croise

Bǐbɛ́mɛ 19:14

Énɛ́ ɔ́, Lɔ̌ti yi ɖɔ nú vǐ tɔn sín asúxɔ́ntɔn lɛ́ɛ ɖɔ: “Mi yá wǔ gosín fí, ɖó Mawu Mavɔmavɔ ná gba to ɔ́.” Lo ɔ́, yě vɛdó ɖɔ ayihún da wɛ é ɖe sín.

Bǐbɛ́mɛ 6:13

Ée nǔ nyí mɔ̌ ɔ́, Mawu ɖɔ nú Nɔwée ɖɔ: “Un ná gbɔ bó hu gbɛtɔ́ lɛ́ɛ bǐ, ɖó yě ɖo dǎka xo gbɔn ayǐkúngban ɔ́ bǐ jí wɛ. Un ná sú gbɛtɔ́ kpó nǔ e ɖo ayǐkúngban ɔ́ jí lɛ́ɛ bǐ kpó sín kún dó.

Bǐbɛ́mɛ 6:22

Nǔ e Nɔwée wa ɔ́ nɛ́. É bló lě e Mawu ɖɔ n'i gbɔn ɔ́ pɛ́pɛ́pɛ́.

Bǐbɛ́mɛ 6:9

Nɔwée ɔ́, mɛɖé wɛ é nyí bó nɔ́ wa nǔ jlɔ́jlɔ́, ɖo mɛ e kpó é kpó ɖo gbɛ hwenɛ́nu lɛ́ɛ tɛ́ntin. È nɔ mɔ nǔ jɛ do ɖě ɖɔ dó éyɛ́ wú ǎ; é nɔ́ yi xá Mawu. Vǐ tɔn lɛ́ɛ ɖíe:

Bǐbɛ́mɛ 7:23

Énɛ́ ɔ́, Mawu Mavɔmavɔ sú nǔ e ɖo gbɛ ɖo ayǐkúngban ɔ́ jí lɛ́ɛ bǐ sín kún dó. É sú yě bǐ sín kún dó sín ayǐkúngban jí. Nɔwée kɛ́ɖɛ́ jɛ́n gán, éé kpó mɛ tɔn lɛ́ɛ kpó, kpó kanlin e byɔ́ tɔjíhún ɔ́ mɛ xá ɛ lɛ́ɛ kpó.

Bǐbɛ́mɛ 7:5

Nɔwée bló nǔ e Mawu Mavɔmavɔ ɖɔ n'i lɛ́ɛ bǐ nǔgbó.

Bǐbɛ́mɛ 8:16

“Tɔ́n sín tɔjíhún ɔ́ mɛ hwi kpó asi towe kpó, vǐ towe lɛ́ɛ kpó, kpódó vǐ towe lɛ́ɛ sín asi lɛ́ɛ kpó.

2 Axɔ́sú 4:5

Nyɔ̌nu ɔ́ yi hwé zɛ̌n lɛ́ɛ bó wá xwé gbe, bɔ é kpó vǐ tɔn lɛ́ɛ kpó sú hɔn dó ta. Vǐ tɔn lɛ́ɛ jɛ zɛ̌n lɛ́ɛ fɔ n'i jí, bɔ é jɛ ami ɔ́ kɔn d'é mɛ jí.

Jɔ̌bu 35:8

Alǎnnú e a nɔ wa lɛ́ɛ ɔ́, gbɛtɔ́ towe ɖɔhun lɛ́ɛ wú jɛ́n alǎnnú towe sixú wa nǔ dó. Nǔ jlɔ́jlɔ́ e a nɔ wa lɛ́ɛ ɔ́, gbɛtɔ́ jɛ́n sixú ɖu gbɛ tɔn.

Nǔnywɛ́xó 22:3

Gbɛtɔ́ e ayi tɔn ɖo te ɔ́ mɔ nǔ nyanya ja ɔ́, é nɔ́ hɔn bɛ; xlonɔ ka nɔ zɔn mɔ̌ bó nɔ́ yi zɔn mɛ.

Nǔnywɛ́xó 27:12

Gbɛtɔ́ e ayi tɔn ɖo te ɔ́ mɔ nǔ nyanya ja ɔ́, é nɔ́ hɔn bɛ; xlonɔ ka nɔ zɔn mɔ̌ bó nɔ́ yi zɔn mɛ.

Ezekiyɛ́li 14:14

Nɔwée kpó Daniyɛ́li kpó Jɔ̌bu kpó ná bó ɖo to ɔ́ mɛ ɔ́, gbejí e yě ɖe nú mì ɔ́ jɛ́n ná zɔ́n bɔ yě ná hwlɛ́n gbɛ yěɖée tɔn gán. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 14:20

Ényí Nɔwée kpó Daniyɛ́li kpó Jɔ̌bu kpó ɖo toxo ɔ́ mɛ ɔ́, gbejí e yě ɖe nú mì ɔ́ jɛ́n ná zɔ́n, bɔ yě ná hwlɛ́n gbɛ yěɖée tɔn gán. Nyɛ Aklúnɔ Mavɔmavɔ ɔ́, un xwlé nyiɖée nú mi, yě ná kpé wú bó hwlɛ́n vǐ yětɔn súnnu abǐ nyɔ̌nu gán ǎ.”

Ezekiyɛ́li 33:5

É se lanzo gbe ɔ́ ganjí bó ká ké ya ná ǎ; hǔn é ɖésú wɛ jló bó kú; é kó ké ya ná wɛ ɔ́, é ná gán.

Matíe 2:12

Mawu ka wá xo dlɔ̌ yě ɖɔ yě ní ma sɔ́ lɛ́ kɔ gbɔn Elódu gɔ́n ó; bɔ yě wlí ali ɖěvo bo yi to yětɔn mɛ.

Matíe 24:15

“Énɛ́ ɔ́ wútu ɔ́, mi ná mɔ suɖunú baɖabaɖa e xó gbeyíɖɔ Mawu tɔn Daniyɛ́li ko ɖɔ ɖ'ayǐ ɔ́ ɖo tɛn mímɛ́ ɔ́ mɛ. Mɛ ɖé xa nǔ énɛ́ lɛ́ɛ hǔn, ní bó mɔ nǔ jɛ wú.

Matíe 24:25

Énɛ́ un ko ɖɔ ɖ'ayǐ nú mi nɛ́.

Matíe 24:38

Cóbónú sin ná vɔ gbɛ ɔ́, gbɛtɔ́ lɛ́ɛ ɖo nǔ ɖu wɛ, bó ɖo ahan nu wɛ. Yě ɖo asi da wɛ, bó ɖo vǐ ná asú wɛ, káká yi jɛ gbe e gbe Nɔwée byɔ́ tɔjíhún ɖaxó mɛ dó é,

Matíe 3:7

Ée é mɔ Falizyɛn lɛ́ɛ kpódó Saduseɛn lɛ́ɛ gěgé kpó wá yɛhwesin lɛ gbé ɔ́, é ɖɔ nú yě ɖɔ: “Jakpata kúnkan e mi! Mɛ̌ ka kplɔ́n mi ɖɔ mi ní hɔn nú xomɛsin Mawu tɔn e jǎwe ɔ́?”

Luki 17:26

Nǔ e jɛ ɖo Nɔwée hwenu ɔ́ ɖokpó ɔ́ jɛ́n na lɛ́ jɛ ɖo nyɛ Gbɛtɔ́ví ɔ́ sín azǎn lɛ́ɛ gbe.

Hlɔ̌manu 1:17

Nǔgbó ɔ́, Wɛn Ɖagbe ɔ́ ɖe lě e Mawu nɔ zé gbɛtɔ́ lɛ́ɛ dó húzú hwɛjijɔnɔ ná ɖo nukɔn tɔn gbɔn ɔ́ xlɛ́; sín bǐbɛ́mɛ káká yi vivɔnu ɔ́, nǔɖiɖi kɛ́ɖɛ́ jí wɛ é nɔ zé yě dó húzú hwɛjijɔnɔ ná gbɔn lě e Mawuxówéma ɔ́ ɖɔ gbɔn é; é wɛ nyí ɖɔ: “Mɛ e Mawu mɔ dó mɔ hwɛjijɔnɔ ɖó nǔɖiɖi tɔn wú ɔ́ ná nɔ gbɛ.”

Hlɔ̌manu 10:6

Lo ɔ́, xó e è ɖɔ dó lě e Mawu nɔ sɔ́ gbɛtɔ́ dó húzú hwɛjijɔnɔ ná gbɔn ɖo é ɖésúnɔ nukɔn, gbɔn nǔɖiɖi gbla mɛ gbɔn ɔ́ ɖíe: “Ma ɖɔ dó ayi mɛ ɖɔ: ‘Mɛ̌ ka ná yi jǐxwé?’ (Bó ná ɖe Klísu jɛ te ó.)

Hlɔ̌manu 3:22

Mawu nɔ́ sɔ́ gbɛtɔ́ lɛ́ɛ dó húzú hwɛjijɔnɔ ná ɖo nukún tɔn mɛ, gbɔn nǔ e yě ɖi nú Jezu Klísu é jí. É nɔ wa mɔ̌ nú mɛ e nɔ ɖi nǔ nú Klísu lɛ́ɛ bǐ, ɖó ɖo Mawu gɔ́n ɔ́, vogbingbɔn ɖěbǔ ɖo yě mɛ ǎ.

Hlɔ̌manu 4:11

Énɛ́ ɔ́ gúdo wɛ Ablaxámu wá gbó ada, bɔ é nyí wuntun ɖé n'i. Wuntun énɛ́ wɛ ɖe xlɛ́ ɖɔ Mawu mɔ ɛ dó mɔ hwɛjijɔnɔ, ɖó nǔ e é ɖi n'i cóbó wá gbo ada é wú. Mɔ̌ wɛ Ablaxámu nyí tɔ́ nú mɛ e ma gbo ada ǎ, bó ka ɖi nǔ nú Mawu, bɔ Mawu mɔ yě dó mɔ hwɛjijɔnɔ lɛ́ɛ bǐ gbɔn é nɛ́.

Hlɔ̌manu 4:13

Mawu dó akpá nú Ablaxámu kpódó vǐ tɔn lɛ́ɛ kpó ɖɔ gbɛ ɔ́ ná nyí yětɔn. Sɛ́n e é nɔ nyi ɔ́ wútu wɛ Mawu dó akpá énɛ́ ɔ́ ǎ; lo ɔ́ hwɛjijɔnɔ e é nyí ɖo Mawu nukún mɛ ɖó nǔ e é ɖi n'i ɔ́ wú wɛ Mawu dó akpá énɛ́ n'i.

Hlɔ̌manu 9:30

Étɛ́ mǐ ná ɖɔ lo? Mǐ ná ɖɔ mɛ e ma nyí Jwifu ǎ, bó ma ka ba na nyí hwɛjijɔnɔ ɖo Mawu nukɔn ǎ lɛ́ɛ ɔ́, Mawu sɔ́ yě dó húzú hwɛjijɔnɔ gbɔn nǔɖiɖi gbla mɛ.

Galatinu 5:5

Mǐdɛɛ lɛ́ɛ ɔ́, mǐ ɖo nukún ɖó wɛ ɖɔ Mawu ná sɔ́ mǐ dó húzú hwɛjijɔnɔ. Nǔ énɛ́ ɖó nukún wɛ mǐ ɖe gbɔn Yɛsinsɛn e ɖo azɔ̌ wa wɛ gbɔn nǔɖiɖi mɛ ɔ́ sín hlɔ̌nhlɔ́n jí;

Filípunu 3:9

bó ná nɔ bǔ xá ɛ titewungbe; un sɔ́ nɔ́ lin ɖɔ tónú e un nɔ se nú sɛ́n ɔ́ wútu wɛ un nyí hwɛjijɔnɔ ɖo Mawu nukɔn ǎ; nǔɖiɖi e un ɖó nú Klísu ɔ́ wútu wɛ un nyí hwɛjijɔnɔ ɖo Mawu nukɔn. Un nyí hwɛjijɔnɔ ɖó Mawu ná mì hlɔ̌nhlɔ́n e é nɔ ná mɛ e ɖi nǔ nú Klísu lɛ́ɛ, bɔ yě ná sixú nyí hwɛjijɔnɔ é.

Eblée 11:1

Nǔɖiɖi ɖíɖó wɛ nyí è nǐ ɖeji dó nǔ e ɖó nukún wɛ è ɖe ɔ́ wú; è nǐ gán jɛ nǔ e è ma mɔ ǎ é wú ɖɔ é tíin.

Eblée 12:25

Mi cɔ́ miɖée bó ma gbɛ́ tó ɖó mɛ e ɖo xó ɖɔ nú mi wɛ é ó. Yě mɛ e gbɛ́ tó ɖó mɛ e ɖo Mawuxó ɖɔ nú yě wɛ ɖo ayǐkúngban jí fí ɔ́, yě gló tódɔnnúmɛ Mawu tɔn ǎ. Étɛ́ ka sɔ́ nyí mǐtɔn lo? Ényí mǐ ɖe kɔ dó mɛ e ɖo xó ɖɔ nú mǐ wɛ sín jǐxwé aga ɔ́, mǐ sixú gló tódɔnnúmɛ Mawu tɔn ǎ.

Eblée 5:7

Hwenu e Jezu ɖo gbɛ ɖo ayǐkúngban jí fí ɔ́, é xo ɖɛ bó sa vo kpódó xósúsú kpó, kpódó ɖasin kpó, nú Mawu e kpé wú bó ná hwlɛ́n ɛ ɖo kú sí é. Mawu ka yí ɖɛ tɔn, ɖó é hwíhwɛ́ éɖée dó Mawu glɔ́ wútu.

Eblée 8:5

Azɔ̌ e wa wɛ vɔ̌sánú-xwlémawutɔ́ énɛ́ lɛ́ɛ ɖe ɔ́ nyí xlɛ̌, bó nyí yɛ nǔ e ɖo sɛ́xwé ɔ́ tɔn. É sɔgbe xá nǔ e jɔ dó Mɔyízi ji ɔ́. Hwenu e é ɖo goxɔ ɔ́ na gbá wɛ ɔ́, Mawu ɖɔ n'i ɖɔ: “Ayi towe ní nɔ ée un xlɛ́ we ɖo só jí ɔ́ jí, bó bló bǐ nú é sɔgbe xá.”

1 Piyɛ́ɛ 3:20

Mɛ e ko vɛ́ tóli nú Mawu ɖ'ayǐ xóxó ɖo hwenu e é ɖó suúlu bó nɔ te káká bɔ Nɔwée bló tɔjíhún ɔ́ fó lɛ́ɛ sín yɛ lɛ́ɛ xó ɖɔ wɛ è ɖe. Mɛ kwín we ɖé wɛ byɔ́ tɔjíhún ɔ́ mɛ: yě mɛ tántɔn wɛ nyí mɛ e byɔ́ mɛ bó gán ɖo sin xó ɔ́ mɛ é.

2 Piyɛ́ɛ 1:1

Nyɛ Sinmɔ́ɔ Piyɛ́ɛ e nyí mɛsɛntɔ́ Jezu Klísu tɔn, bó nyí mɛsɛ́dó tɔn ɔ́ wɛ wlán wěma élɔ́; mɛ e è nǎ nǔɖiɖi xɔ akwɛ́ mǐtɔn ɖɔhun gbɔn azɔ̌ jlɔ́jlɔ́ e Mawu mǐtɔn Mɛhwlɛ́ngántɔ́ Jezu Klísu wa é gbla mɛ lɛ́ɛ wɛ un wlán sɛ́ dó, bó dó gbe yě.

2 Piyɛ́ɛ 2:5

Mawu gɔn hwɛ ɖó nú gbɛ xóxó ɔ́ ǎ; lo ɔ́, é bló bɔ tɔ ɖi sin kpé fí bǐ, bɔ gbɛtɔ́ dídá e ɖo gbɛ énɛ́ ɔ́ mɛ lɛ́ɛ kú tɔ. Nɔwée e ɖo lě e Mawu ba ɖɔ yě ní zán gbɛ gbɔn ɔ́ sín xó ɖɔ nú yě wɛ ɔ́ kɛ́ɖɛ́ wɛ é hwlɛ́n gán kpó mɛ tɛ́nwe ɖěvo kpó.

2 Piyɛ́ɛ 3:6

Mɔ̌ ɖokpó ɔ́, sin wɛ Mawu dó vɔ gbɛ xóxó ɔ́ ná; tɔ ɖi sin kpé fí bǐ; sin énɛ́ wɛ é dó vɔ gbɛ ɔ́ ná.