Eblée 11:5 - MAWUXÓWÉMA

⁵ Nǔɖiɖi e Henɔci ɖó ɔ́ wɛ zɔ́n bɔ é ma kú ǎ. È sɔ́ ɛ yi jǐxwé, bɔ mɛɖé sɔ́ mɔ ɛ ǎ; ɖó Mawu wɛ sɔ́ ɛ yi. Mawuxówéma ɔ́ ɖɔ: cóbónú Mawu ná sɔ́ ɛ yi jǐxwé ɔ́, nǔ tɔn ko nyɔ́ nukún tɔn mɛ.

Eblée 11:5 Iomraidhean Croise

2 Axɔ́sú 2:1

Gilugalu wɛ Elíi kpó Elizée kpó gosín, bɔ Mawu Mavɔmavɔ sɔ́ Elíi yi jǐxwé ɖo axásáxásá jɔhɔn ɖé mɛ.

2 Axɔ́sú 2:11

Ée yě ɖo yiyi wɛ bo ɖo xó ɖɔ wɛ ɔ́, yě mɔ sɔ́ ɖé lɛ́ɛ dɔn ahwankɛkɛ́ví myɔnɔ ɖé bó gbo yě, bɔ Elíi byɔ́ axásáxásá jɔhɔn ɖé mɛ ɖidó jǐxwé.

Ɖɛhan 89:48

Flín ɖɔ azǎn ywɛywɛ ɖé ná bló wɛ jɛ́n un ɖe ɖo ayǐkúngban jí fí; flín ɖɔ gbɛtɔ́ e a blǒ lɛ́ɛ bǐ wɛ ná kú.

Jelemíi 36:26

É nyɔ́ wa ɔ́, gbe wɛ é ná vǐ tɔn kpó Yelaximɛyɛ́li ɔ́, kpó Selayahu, Azliyɛ́li ví ɔ́ kpó, kpó Cɛlɛmiyahu, Avudéɛli ví ɔ́ kpó ɖɔ yě ní wlí wěgbójínɔtɔ́ Baalúki kpódó gbeyíɖɔ Jelemíi kpó. Lo ɔ́, Mawu Mavɔmavɔ zé yě hwlá.

Luki 2:26

Yɛsinsɛn ka ko ɖe xlɛ́ ɛ ɖɔ é kún ná kú ma mɔ Klísu Aklúnɔ tɔn ɖó nukún wú ó.

Luki 3:37

Lamɛki ka nyí Matusala ví, bɔ Matusala nyí Henɔci ví, bɔ Henɔci nyí Yɛlɛ́di ví, Yɛlɛ́di ka nyí Maxalalɛ́li ví; Maxalalɛ́li ka nyí Kenáni ví,

1 Tɛsalonikinu 2:4

É nyɔ́ wa ɔ́, lě e Mawu jló gbɔn ɔ́ wɛ mǐ nɔ ɖɔ xó gbɔn hwebǐnu, ɖó é mɔ ɖɔ mǐ hɛn ɔ́, mǐ ná jlá Wɛn Ɖagbe ɔ́, bó sɔ́ dó así nú mǐ; gbɛtɔ́ lɛ́ɛ sí ba ná nyɔ́ ɖe wɛ mǐ ɖe, bó ɖo Wɛn Ɖagbe ɔ́ jlá wɛ ǎ; lo ɔ́, Mawu e nɔ gbéjé linlin e ɖo ayi mǐtɔn mɛ ɔ́ kpɔ́n ɔ́ sí ba ná nyɔ́ ɖe wɛ mǐ ɖe.

Eblée 11:6

Nǔgbó ɔ́, nú mɛɖé ma ɖó nǔɖiɖi ǎ ɔ́, nǔ tɔn sixú nyɔ́ Mawu nukún mɛ ǎ; ɖó mɛ e sɛkpɔ́ Mawu ɔ́ ɖó ná ɖi nǔ ɖɔ Mawu tíin, bó nɔ ná ajɔ mɛ e ɖo biba ɛ wɛ lɛ́ɛ.

Eblée 2:9

Nǔ e mɔ wɛ mǐ ɖe ɔ́ ɖíe: Mawu sɔ́ Jezu hwe ɖo wɛnsagun lɛ́ɛ glɔ́ nú hwenu kpɛɖé, bónú é ní kú dó gbɛtɔ́ lɛ́ɛ bǐ tamɛ gbɔn fɛ́nú Mawu tɔn gbla mɛ, bɔ mǐ ka ɖo mimɔ ɛ wɛ din bɔ è sɔ́ susu kpódó yɛ̌yi kpán sín axɔ́súgbákún xwe n'i ɖó ya e é ji, bó kú ɔ́ wú.

1 Jǎan 3:22

Nǔ ɖěbǔ e mǐ byɔ́ ɔ́, mǐ nɔ mɔ yí ɖo así tɔn, ɖó mǐ nɔ nyi sɛ́n tɔn lɛ́ɛ, bó nɔ wa nǔ e nɔ nyɔ́ nukún tɔn mɛ lɛ́ɛ.

Judi 1:14

Henɔci e nyí jijimɛ tɛ́nwegɔ́ ɔ́ bɛ́ sín Adámu jí ɔ́, é ko lín xóxó din bɔ é dó wɛn élɔ́ e Mawu sɔ́ dó ayi mɛ n'i ɖɔ é ní dó e; é ɖɔ: “Mi kpɔ́n! Aklúnɔ kpó wɛnsagun mímɛ́ tɔn wɔ̌buwɔ́bú lɛ́ɛ kpó ja, bó ná ɖɔ hwɛ xá mɛ bǐ, bó ná ɖó hwɛ nú mɛdídá lɛ́ɛ bǐ; yě ná bló mɔ̌, ɖó nǔ nyanya e mɛdídá lɛ́ɛ wa hwenu e yě fɔ́n gǔ dó Mawu jí lɛ́ɛ bǐ, kpódó xó baɖabaɖa e hwɛhutɔ́ énɛ́ lɛ́ɛ e ma nɔ ɖó sísí nú Mawu ǎ lɛ́ɛ ɖɔ dó Mawu wú ɔ́ bǐ kpó wútu”. Mɛ énɛ́ lɛ́ɛ wú wɛ wɛn énɛ́ e é dó ɔ́ ɖɔ xó dó.