Eblée 11:4 - MAWUXÓWÉMA

⁴ Nǔɖiɖi e Abɛ́li ɖó ɔ́ wɛ zɔ́n bɔ é sá vɔ̌ e nyɔ́ hú Kanyɛ́ɛ tɔn é nú Mawu. Nǔɖiɖi ɔ́ wɛ zɔ́n bɔ Mawu sɔ́ ɛ dó mɔ hwɛjijɔnɔ ná, ɖó Mawu ɖe kúnnu ɖagbe ɖɔ nǔ e é xwlé émí lɛ́ɛ nyɔ́. Abɛ́li ko kú cóbɔ nǔ e é wa ɔ́ ka kpo ɖo xó ɖɔ wɛ gbɔn nǔɖiɖi e é ɖó ɔ́ gbla mɛ.

Eblée 11:4 Iomraidhean Croise

Bǐbɛ́mɛ 4:10

Ée é ɖɔ mɔ̌ ɔ́, Mawu Mavɔmavɔ ɖɔ n'i ɖɔ: “Étɛ́ a wa mɔ̌ nɛ́? Nɔví towe sín hun ɖo xó sú sín ayǐkúngban jí wá gɔ̌n ce wɛ, bó ɖo byɔ̌byɔ́ wɛ ɖɔ má ba hlɔn.

Bǐbɛ́mɛ 4:15

Mawu Mavɔmavɔ ká ɖɔ n'i ɖɔ: “Nú mɛ ɖé hu we ɔ́, azɔn tɛ́nwe wɛ è nǎ ba hlɔn towe.” Ée Mawu Mavɔmavɔ ɖɔ mɔ̌ ɔ́, é ɖó wuntun i, bónú mɛ ɖěbǔ mɔ ɛ ɔ́, mɛ ɔ́ má hu i ó.

Bǐbɛ́mɛ 4:25

Adámu lɛ́ ɖó xó xá asi tɔn, bɔ é mɔ xo bó ji vǐ súnnu ɖokpó, bó sun nyǐ i ɖɔ Sɛ́ti. É ɖo ɖiɖɔ wɛ ɖɔ Mawu ná émí vǐ ɖěvo dó Abɛ́li e Kanyɛ́ɛ hu ɔ́ sín tɛnmɛ.

Bǐbɛ́mɛ 4:8

Mawu Mavɔmavɔ ɖɔ mɔ̌ nú Kanyɛ́ɛ có, Kanyɛ́ɛ ɖɔ nú nɔví tɔn Abɛ́li ɖɔ ní wá mǐ yi gle mɛ. Ée yě yi jɛ dɔ̌n ɔ́, Kanyɛ́ɛ zɔn nɔví tɔn Abɛ́li jí bó hu.

1 Axɔ́sú 18:38

Ée Elíi ɖɔ mɔ̌ ɔ́, Mawu Mavɔmavɔ sɛ́ myɔ dó, bɔ é fyɔ́ vɔ̌ ɔ́, bó fyɔ́ nakí ɔ́, bó fyɔ́ awǐnnya lɛ́ɛ, bó fyɔ́ kɔ́ e ɖo fínɛ́ é, bó xwí sin e ɖo do ɔ́ mɛ ɔ́ bǐ.

Jɔ̌bu 8:10

A nǎ yí nǔnywɛ́ ɖo nǔnywɛ́ e mɛ e ko jɛ nukɔn nú mǐ lɛ́ɛ ɖó ɔ́ mɛ; kplɔ́n e yě yǐ ɖo gbɛzán yětɔn mɛ ɔ́ ná kplɔ́n nǔ we:

Nǔnywɛ́xó 15:8

Mawu Mavɔmavɔ nɔ gbɛ́ wǎn nú vɔ̌sísá mɛdídá tɔn; lo ɔ́, é nɔ́ se hwɛjijɔnɔ sín ɖɛ kpó xomɛ ɖagbe kpó.

Nǔnywɛ́xó 21:27

Vɔ̌sísá mɛdídá lɛ́ɛ tɔn ɔ́, nǔ baɖabaɖa wɛ; ée lɛ́ nylá bǐ é nɛ́ nyí yě lɛ́ sá vɔ̌ ɔ́ kpó linlin nyanya kpó nɛ́.

Levíi ví 9:24

Myɔ ɖé tɔ́n ɖo Mawu Mavɔmavɔ nukɔn, bó fyɔ́ vɔ̌ e è nɔ dó zo ɔ́ kpó jǒ lɛ́ɛ kpó ɖo vɔ̌sákpe ɔ́ jí. Togun ɔ́ bǐ wɛ mɔ, bɔ yě kpa awǒbóbó, bó xwe agbɔ̌nnusú do.

Matíe 23:35

Mi ná wa mɛ énɛ́ lɛ́ɛ nú gbɔn mɔ̌, bónú xomɛvɔ́nɔ e è hu ɖo ayǐkúngban jí lɛ́ɛ bǐ sín hwɛ ná jɛ kɔ nú mi, bɛ́ sín Abɛ́li hwɛjijɔnɔ ɔ́ jí, káká yi jɛ Zakalíi, Bɛlɛ́kya ví e mi hu ɖo sinsɛnxɔ mɛ, ɖo tɛn mímɛ́ ɔ́ kpódó vɔ̌sákpe ɔ́ kpán tɛ́ntin é jí.

Luki 11:51

ɛɛn, má ɖɔ nú mi; Mawu ná kan hun yětɔn byɔ́ gbɛtɔ́ din tɔn lɛ́ɛ, bɛ́ sín Abɛ́li sín hun jí, káká yi jɛ Zekaliya tɔn jí; Zekaliya e è hu ɖo sinsɛnxɔ mɛ, ɖo vɔ̌sákpe ɔ́ kpódó tɛn mímɛ́ ɔ́ kpó tɛ́ntin é.

Titu 1:16

Yě tunwun Mawu bó ɖɔ; lo ɔ́, nǔwiwa yětɔn ɖe xlɛ́ ɖɔ yě kún tunwun Mawu ó. Mɛ e è nǎ gbɛ́ wǎn ná wɛ nú yě; yě nyí gǔfɔ́ntɔ́, bó nyí mɛ e ma sixú kpé nǔ ɖagbe ɖěbǔ wú bó wa ǎ lɛ́ɛ é.

Eblée 11:2

Nǔ e gbɛtɔ́ xóxó hwenu tɔn lɛ́ɛ ɖi ɔ́ wɛ zɔ́n bɔ Mawu ɖe kúnnu ɖagbe nú yě.

Eblée 12:1

Mǐ lɔmɔ̌ ɔ́, mɛ tobutóbú énɛ́ lɛ́ɛ e ɖe nǔɖiɖi yětɔn xlɛ́ lɛ́ɛ lɛ́ lɛ̌ dó mǐ; hǔn, mǐ ní jó nǔ e nɔ dó tagba nú mǐ ɖo Aklúnɔ lixo ɔ́ bǐ dǒ, bó jó hwɛhuhu e é ma vɛ́ wǔ ná ɖɔ é ní tɛ́ dó mǐ wú ǎ é dó. Mǐ ní dɛ ɖo wezun e è sɔ́ ɖó te nú mǐ bɔ mǐ ɖo kínkán wɛ ɔ́ nu.

Eblée 12:24

Mi sɛkpɔ́ Jezu e nyí ɖɛ̌mɛnu nú akɔjijɛ yɔ̌yɔ́ ɔ́ é; bó sɛkpɔ́ hun tɔn e kɔn nyi ayǐ é, hun tɔn énɛ́ e ɖó acɛ hú hun Abɛ́li tɔn é.

Eblée 5:1

Vɔ̌sánú-xwlémawutɔ́ ɖaxó ɖěbǔ ɔ́, gbɛtɔ́ lɛ́ɛ mɛ wɛ è nɔ sɔ́ ɖe; è ɖe e nú é ná wa azɔ̌ nú Mawu nú ɖagbe yětɔn. É nɔ sɔ́ nǔníná lɛ́ɛ kpó vɔ̌sánú lɛ́ɛ kpó xwlé Mawu ɖó hwɛ e gbɛtɔ́ lɛ́ɛ hu lɛ́ɛ tamɛ.

Eblée 9:22

Nǔgbó ɔ́, ɖo sɛ́n ɔ́ mɛ ɔ́, nǔ lɛ́ɛ bǐ wɛ è nɔ ɖibla slá wǔ ná kpódó hun kpó, bɔ cóbónú Mawu ná sɔ́ hwɛ kɛ mɛɖé ɔ́, hun jɛ́n nɔ́ kɔn nyi ayǐ.

2 Piyɛ́ɛ 2:8

Đó nya nǔjlɔ́jlɔ́watɔ́ énɛ́ e ɖo tɛ́ntin yětɔn ɔ́, ɖo nǔ e wa wɛ yě ɖe ɔ́ mɔ wɛ, bó ɖo sise wɛ, bɔ nǔ énɛ́ zɔ́n bɔ é nɔ mɔ wǔvɛ́ ayǐhɔ́ngbe ayǐhɔ́ngbe ɖo ayi tɔn mímɛ́ ɔ́ mɛ.

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.