Eblée 11:3 - MAWUXÓWÉMA

³ Nǔɖiɖi wɛ zɔ́n bɔ mǐ mɔ nukúnnú jɛ wú ɖɔ Mawu ɔ́, xó tɔn wɛ é dó bló wɛ̌kɛ́ ɔ́ ná; nǔ e è ma sixú mɔ ǎ ɔ́ wɛ é dó bló nǔ e mɔ wɛ è ɖe ɔ́ ná.

Eblée 11:3 Iomraidhean Croise

Bǐbɛ́mɛ 1:1

Đo bǐbɛ́mɛ ɔ́, hwenu e Mawu ɖó wɛ̌kɛ́ ɔ́,

Ɖɛhan 33:6

Xó wɛ Mawu Mavɔmavɔ dó bló jǐnukúnsin ná; gbe wɛ é ɖe bɔ nǔ tobutóbú e nɔ́ ná wěziza ɖo jǐnukúnsin lɛ́ɛ tíin.

Ɖɛhan 33:9

ɖó é ɖɔ xó bɔ gbɛ ɔ́ tíin; é ɖe gbe bɔ nǔ lɛ́ɛ bǐ tɔ́n.

Ezayíi 40:26

Mi kpɔ́n jǐxwé aga dɔ̌n sɛ́ dó: Mɛ̌ ká bló sunví lɛ́ɛ? Mɛ̌ ká nɔ́ ná gbe yě bɔ yě nɔ́ ɖo yiyi wɛ, sɔ́ja e ɖo ahwangbénu lɛ́ɛ ɖɔhun? Mɛ e tunwun nyǐkɔ yě ɖokpó ɖokpó tɔn bó nɔ́ ylɔ́ yě ɔ́ wɛ. Hlɔ̌nhlɔ́n tɔn kpó acɛkpikpa tɔn kpó sɔ mɔ̌, bɔ é ylɔ́ yě ɔ́, yě ɖě nɔ́ gɔn gbe yí ǎ.

Jelemíi 10:11

Xó e mi ná ɖɔ nú akɔta lɛ́ɛ ɔ́ ɖíe, mi ná ɖɔ: Nǔmɛsɛn e é má nyí yě wɛ ɖó jǐnukúnsin ɔ́ ǎ, é má ká nyí yě wɛ ɖó ayǐkúngban ɔ́ ǎ lɛ́ɛ ɔ́, yě bǐ wɛ ná bú sín ayǐkúngban ɔ́ jí; yě bí wɛ ná bú sín hwe glɔ́ fí.

Jelemíi 10:16

Amɔ̌, Mawu Jakɔ́bu ví lɛ́ɛ tɔn ɔ́, è sixú jlɛ́ ɛ dó nǔmɛsɛn yětɔn énɛ́ lɛ́ɛ wú ǎ, ɖó é wɛ ɖó nǔ bǐ; togun Izlayɛ́li tɔn wɛ ka nyí togun e é sɔ́ bɔ é nyí étɔn é. Nyǐkɔ tɔn nyí Mawu Mavɔmavɔ Nǔbǐwúkpétɔ́.

Jǎan 1:3

É jí wɛ è gbɔn bó bló nǔ e ɖo gbɛ ɔ́ mɛ lɛ́ɛ bǐ; è blǒ nǔ ɖěbǔ é mɛ vo ǎ.

Mɛsɛ́dó 14:15

“Mɛ ce lɛ́ɛ mi, étɛ́wú mi ka ɖo mɔ̌ wa wɛ? Gbɛtɔ́ mi ɖɔhun jɛ́n mǐ lɔmɔ̌ nyí, bó hɛn Wɛn Ɖagbe ɔ́ wá nú mi, bó dó ɖo ɖiɖɔ nú mi wɛ ɖɔ mi ní lɛ́ kɔ sín nǔ ma ɖi nǔ lɛ́ɛ gúdo, bó jɛ Mawu gbɛɖe ɔ́ gúdo; é wɛ bló jǐnukúnsin kpódó ayǐkúngban kpán, bó bló xu, kpódó nǔ e ɖo yě mɛ lɛ́ɛ bǐ kpán.

Mɛsɛ́dó 17:24

Mawu e bló gbɛ ɔ́ kpódó nǔ e ɖ'é mɛ lɛ́ɛ bǐ kpán ɔ́, é wɛ nyí Aklúnɔ jǐxwé kpódó ayǐkúngban kpán tɔn. Mawu énɛ́ ka nɔ́ nɔ sinsɛnxɔ e gbɛtɔ́ bló ɔ́ mɛ ǎ.

Hlɔ̌manu 4:17

Mawuxówéma ɔ́ ɖɔ: “Un sɔ́ we dó ɖó tɔ́ nú akɔta wɔ̌buwɔ́bú.” É wɛ nyí tɔ́ mǐtɔn ɖo Mawu e é ɖi nǔ na ɔ́ nukún mɛ; Mawu e nɔ ná gbɛ mɛkúkú lɛ́ɛ, bó nɔ ɖɔ xó kpowun bɔ nǔ e ma ko tíin ǎ lɛ́ɛ nɔ tíin é.

1 Kɔlɛ́ntinu 2:7

Éeǒ! Nǔnywɛ́ énɛ́ jlá wɛ un ɖe ǎ. Nǔnywɛ́ Mawu tɔn e nyí nǔbúdo bɔ Mawu zé hwlá dó gbɛtɔ́ lɛ́ɛ é jlá wɛ un ɖe; nǔnywɛ́ énɛ́ wɛ Mawu ko sɔ́ ɖ'ayǐ xóxó nú susu mǐtɔn, cóbɔ gbɛ ɔ́ wá tíin.

1 Timɔtée 4:5

Đó Mawuxó ɔ́ kpódó ɖɛxixo kpán nɔ bló bɔ nǔ bǐ nɔ húzú nǔ mímɛ́.

Eblée 1:2

Amɔ̌, ɖo azǎn élɔ́ lɛ́ɛ, éé ɖo azǎn gǔdo gúdo tɔn nyí wɛ lɛ́ɛ mɛ ɔ́, é ɖɔ xó nú mǐ gbɔn vǐ tɔn jí; é jí wɛ Mawu ɖó gbɛ ɔ́ gbɔn; é wɛ Mawu sɔ́, bó zé nǔ lɛ́ɛ bǐ dó así ná.

2 Piyɛ́ɛ 3:5

Yě nɔ jló bó nɔ wɔn ɖɔ é ko lín din bɔ Mawu ɖɔ xó bɔ jǐnukúnsin kpó ayǐkúngban kpó tíin. Ayǐkúngban ɔ́, sin mɛ wɛ è dɔn ɛ sín; sin wɛ é dó bló ná.

Nǔɖexlɛ́mɛ 4:11

“Aklúnɔ mǐtɔn, Mawu mǐtɔn, susu, yɛ̌yi kpó hlɔ̌nhlɔ́n kpó jɛ xá we, ɖó a blǒ nǔ bǐ; hwi wɛ jló bɔ yě tíin; hwi wɛ jló bɔ yě ɖo gbɛ.”